Fréttablaðið - 19.07.2004, Side 56

28 19. júlí 2004 MÁNUDAGUR
SOPHIA MYLE
Leikur í sumarmyndinni Thunderbirds og tók sig vel út þegar hún mætti á frumsýningu
myndarinnar í London í gær.
Tuskulegur kjóll
á tuskulegar konur
„Konur segjast svo oft bara vera í
einhverjum gömlum tuskum
þegar þeim er hrósað fyrir klæða-
burðinn,“ segir myndlistarkonan
Tinna Kvaran en hún hefur
saumað kjól úr ýmiss konar tusk-
um sem hangir í Rússlandi Klink
og Bank gallerís á myndlistarsýn-
ingunni Afleit/Afleidd. „Ég safn-
aði allavega viskustykkjum, borð-
tuskum og gólftuskum til að
sauma þennan kjól því konur
virðast af einhverjum orsökum
oft setja sjálfa sig í samhengi við
tuskur. Þetta tengist kannski ald-
argömlu hlutverki konunnar í eld-
húsinu og í dag er það enn víða í
heiminum þannig að konur lifa
mjög náið með tuskunum sínum.
Ég er til dæmis að lesa Bóksalann
í Kabúl núna og þar fær maður
ágætis innsýn inn í hvernig
konurnar í Afganistan lifa sínu lífi
undir ógnarstjórn talíbana.“
En hér heima virðist sjálfs-
ímynd margra kvenna líka vera
nátengd tuskum. „Stundum
virðist ekki skipta neinu máli
hversu konur eru mikið puntaðar
eða í fínum fötum, maður heyrir
þær segja að þeim líði alveg eins
undinni tusku eða jafnvel gólftu-
sku. Karlmenn myndu aldrei
segja þetta og út frá þessum pæl-
ingum kom upp hugmynd hjá mér
um tuskudressið, kjól sem konan
klæðist og tuskurnar skína alveg í
gegn,“ segir Tinna. „Ég fann eld-
gömul snið frá þeim tíma þegar
konur klæddust víðum kjólum,
með hræðilegu munstri og engu
sniði og hannaði kjólinn út frá
þeim. Ég ólst sjálf upp í Lúxem-
borg og man sterklega eftir því að
langflestar mömmurnar þar
klæddust svuntum allan liðlangan
daginn þannig að maður sá aldrei
fötin sem þær voru í og eldhús-
svuntan varð að nokkurs konar
einkennisbúningi.“
Tinna sýnir jafnframt risaháls-
festi í Klink og Bank. „Ég var
mikið að spá í skessum því
stundum eru konur kallaðar
skessur eða brussur. Oftast er það
ef þær haga sér að einhverju leyti
öðruvísi en tískublöðin segja þeim
að þær eigi að líta út. Ég fékk yfir
mig löngun til að hanna skartgrip
á skessu og tók því nokkrar troll-
kúlur og þræddi þeim upp á
band.“
tora@frettabladid.is
TINNA KVARAN
Hannaði kjól úr tuskum fyrir tuskulegar konur og trollkúlu-perlufesti á brussulegar skessur.
MYNDLIST
TINNA KVARAN
■ Segir konur eiga það til að tengja
sjálfsmyndina við tuskur og að jafnvel
sérlega vel til hafðar konur eigi það til að
segja að þær klæðist gömlum tuskum
eða líði eins og undinni gólftusku.
56-57 (28-29) fólk 18.7.2004 18:56 Page 2