Fréttablaðið - 02.09.2004, Page 14

14 2. september 2004 FIMMTUDAGUR
HERNÁMI ÍRAKS MÓTMÆLT
Um 15.000 Indverjar fóru í mótmæla-
göngu í Kalkútta til að mótmæla hernámi
Bandaríkjanna í Írak.
Verktakafyrirtækið Impregilo:
Standa ekki skil á félagsgjöldum
FÉLAGSMÁL „Það er stórt mál í gangi
núna varðandi greiðslu félags-
gjalda sem þeir hafa ekki staðið
skil á,“ segir Aðalbjörn Sigurðs-
son, framkvæmdastjóri Starfs-
greinasambands Austurlands.
Margir félagsmenn þess félags
starfa fyrir ítalska verkatakafyrir-
tækið Impregilo við Kárahnjúka
sem þykir ekki hafa hreinan skjöld
hvað launagreiðslur varðar og eru
margir starfsmenn ósáttir.
Nú bætast við vangoldin félags-
gjöld og segir Aðalbjörn að málið
sé farið til innheimtu en ómögu-
legt sé að segja til um hvernig það
endi. „Þarna eru um stórar upp-
hæðir að ræða. Félagsgjöld eru
eitt prósent af heildarlaunum
hvers launþega en þar sem tala
þeirra sem ber að greiða slík gjöld
er ekki á hreinu er ekki hægt að
segja til um nákvæma upphæð.
Einhverjir hafa lögmæta ástæðu
til að greiða ekki félagsgjöld og
enn aðrir greiða í önnur félög.“
Aðalbjörn segir pattstöðu vera í
kröfumálum þeim er nokkrir
starfsmenn gerðu á hendur
Impregilo í vor vegna þess að þeir
töldu launaskrifstofu fyrirtækis-
ins draga vinnutíma frá við launa-
útreikninga. „Það er enn í vinnslu
og engin niðurstaða komin.
Ítalirnir eru erfiðir hvað þessi mál
varðar, svara ekki bréfum og sýna
almennt litleysi við fyrirspurnum
og gagnrýni.“ ■
Samkeppni um
miðbæ Akureyrar
Efnt verður til alþjóðlegrar hugmyndasamkeppni um skipulag mið-
bæjar Akureyrar. Verðlaunafé nemur 7,5 milljónum króna og Arki-
tektafélag Íslands sér um framkvæmdina.
SKIPULAGSMÁL Alþjóðleg hug-
myndasamkeppni fer fram um
skipulag miðbæjarins á Akureyri
þar sem fyrstu verðlaun nema um
7,5 milljónum króna eða 86 þús-
und evrum. Samningur um hug-
myndasamkeppnina var undirrit-
aður á Akureyri í gær af fulltrúum
sjálfseignarstofnunarinnar „Akur-
eyri í öndvegi“ annars vegar og
Arkitektafélags Íslands hins veg-
ar. Arkitektafélagið mun sjá um
framkvæmd samkeppninnar.
Stefnt er að því að samkeppnin
verði auglýst í lok október og að
skilafrestur hugmynda verði í
byrjun mars á næsta ári. Kynning
niðurstaðna og verðlaunaaf-
hending mun svo fara fram á
sumardaginn fyrsta.
Jakob E. Líndal, varaformaður
Arkitektafélagsins, segist eiga
von á góðri þátttöku í samkeppn-
inni, bæði erlendra og íslenskra
aðila. Hann segir að keppnin
verði kynnt bæði hér og erlendis,
trúlega mest í Evrópu. Jakob
bendir á að menn hafi sýnt mið-
bæjarskipulagssamkeppnum sem
þessum áhuga, en telur miklu
skipta að menn hafi trú á því að
hugmyndum verði hrint í fram-
kvæmd. „Menn taka þátt í svona
samkeppnum í þeirri trú að hug-
myndirnar verði að veruleika,“
segir hann. Jakob telur þó líklegt
að samkeppnin muni höfða sér-
staklega til íslenskra hugmynda-
smiða enda sjaldgæft tækifæri að
geta haft áhrif á hvernig miðbær
Akureyrar muni líta út.
Fimm eru í dómnefnd sam-
keppninnar og er Kristján Þór
Júlíusson, bæjarstjóri á Akureyri,
formaður hennar. Aðrir í dóm-
nefndinni eru þau Þorvaldur Þor-
steinsson myndlistarmaður, Hlín
Sverrisdóttir, landslagsarkitekt
og skipulagsfræðingur, Árni
Ólafsson arkitekt og Pétur H. Ár-
mannsson arkikekt.
Einn liðurinn í undirbúningi
samkeppninnar er samráð við
íbúa og hagsmunaaðila á Akur-
eyri og er kveðið á um það í for-
sendum keppninnar að tekið skuli
mið af þeim upplýsingum sem
munu safnast í samráðsferlinu
sem nær hámarki með opnu íbúa-
þingi í Íþróttahöllinni á Akureyri
þann 18. september næst-
komandi.
Sjálfseignarstofnunin „Akur-
eyri í öndvegi“ samanstendur af
fjórtán fyrirtækjum sem starfa á
landsvísu, en þau hafa tekið hönd-
um saman um að bæta skipulag,
atvinnuforsendur og mannlíf í
miðbæ Akureyrar. ■
FRÁ VINNUSVÆÐI VIÐ KÁRAHNJÚKASTÍFLU
Framkvæmdastjóri Starfsgreinasambands Austurlands segir erfitt við Impregilo að eiga og
alls ekki hlaupið að því að fá sjálfsagðar upplýsingar.
FR
ÉT
TA
B
LA
Ð
IÐ
/G
VA
KÆRA FERÐASKRIFSTOFU Foreldrar
fimm ára drengs sem særðist
hættulega í hryðjuverkaárás á
ferðamannastað í Túnis árið 2002
hafa kært ferðaskrifstofuna og
krefjast skaðabóta. Foreldrarnir
segja að ferðaskrifstofan hafi
brugðist með því að vekja ekki at-
hygli á hættunni sem stafaði af
hryðjuverkum.
■ EVRÓPA
Frá undirritun samnings um alþjóðlega hugmyndasamkeppni um skipulag miðbæjar Ak-
ureyrar í gær. F.v. Helgi Teitur Helgason, frá „Akureyri í öndvegi“, Jakob E. Líndal, varafor-
maður Arkitektafélags Íslands, og þeir Jóhannes Jónsson í Bónusi og Ragnar Sverrisson í
JMJ frá „Akureyri í öndvegi“.
FR
ÉT
TA
B
LA
Ð
IÐ
/G
U
N
N
AR
E
R
N
IR
B
IR
G
IS
SO
N