Fréttablaðið - 10.10.2004, Blaðsíða 38
HANDBOLTI Haukar spila fyrsta leik
sinn í riðlakeppni Meistaradeildar
Evrópu í handbolta á morgun en
þá kom tífaldir þýskir meistarar,
THW Kiel í heimsókn á Ásvelli.
THW Kiel er eitt allra sterkasta
handboltalið heims og árunum
1998 til 2000 unnu þeir tvöfalt í
þýska handboltanum þrjú tímabil
í röð með Svíana Stefan Olson og
Magnus Wislander í fararbroddi.
Þeir Olson og Wislander er
komnir heim til Svíþjóðar en þrátt
fyrir það eru sex Svíar engu að
síður í liðinu sem mætir Haukum
á morgun. Fremstur þeirra er
fyrirliði sænska landsliðsins Stef-
an Lövgren en eins er landi hans
Johan Pettersson í hægra horninu
meðal fremstu handboltamanna
Svía. Pettersson skoraði meðal
annars 14 mörk í síðsta leik liðsins
í þýsku deildinni þegar liðið
tapaði 30-31 fyrir FA Göppingen.
Þetta var aðeins annað tap liðsins
á tímabilinu en Kiel er sem
stendur í 3. sæti deildarinnar með
10 stig og hefur unnið fimm af sjö
leikjum sínum heima fyrir.
Stefan Lövgren er orðinn 34
ára gamall en hann hefur skorað
1003 mörk í 235 a-landsleikjum
fyrir Svía. Lövgren var valinn
besti leikmaðurinn á HM 2001 en
hann varð heimsmeistari með
Svíum 1999 og svo Evrópumeist-
ari 1994, 1998, 2000 og 2002 en þá
tók hann einmitt við sigurlaunun-
um. Lövgren á að baki sigursælan
feril en hann varð fimm sinnum
sænskur meistari með Red-
bergslid áður en hann gekk til liðs
við Kiel þar sem hann varð þýsk-
ur meistari 2000 og 2002.
Lövgren hefur skorað 5,4 mörk
að meðaltali í fyrtsi sjö leikjum
Kiel en Þjóðverjinn Christian
Zeitz er markahæstur með 6,6
mörk í leik og Pettersson er síðan
með 5,1 mark að meðaltali. Það er
því ljóst að eitt besta handboltalið
sem hingað hefur komið mætir á
Ásvellina í kvöld.
26 10. október 2004 SUNNUDAGUR
HANDBOLTI „Ég segi ekki að það sé
borin von að við náum stigi eða
stigum af Þjóðverjunum en ég
geri mér engar sérstakar vonir
um að það takist,“ segir Páll
Ólafsson, þjálfari Hauka í hand-
bolta. Framundan er langerfiðasti
leikur Haukanna á þessu tímabili
gegn Þýskalandsmeisturum Kiel
og Páll hefur ekki verið alls kost-
ar sáttur við gengi liðsins það sem
af er.
„Liðið hefur verið með hugann
talsvert við þennan leik og þessa
Meistarakeppni og ef við stöndum
okkur vel þá hefur það verið til
góðs en ef ekki þá er engin afsök-
un fyrir genginu að undanförnu.
Ég fer ekkert í grafgötur með að
það hefur verið daprara en ég
gerði mér vonir um sjálfur.“
Engar stórar breytingar
Páll segir að Haukarnir ætli að
spila sinn venjubundna leik og
engar stórar breytingar verði
gerðar þó mótherjinn sé einn sá
besti í heimi. „Við höfum farið vel
yfir lið Kiel og mínir menn þekkja
hætturnar og veikleika liðsins.
Það er lítið annað í stöðunni en
spila okkar besta leik og vona það
besta.“
Leikurinn í kvöld er fyrsti
leikur Hauka í Meistaradeildinni
á þessu hausti. Auk þeirra og Kiel
eru í riðlinum Savehof og US
Créteil. Gera má ráð fyrir fullu
húsi enda rata leikir sem þessi
ekki oft inn á borð íslenskra hand-
boltaáhugamanna.
Haukar eru sem stendur í efsta
sæti Norðurriðils en þrátt fyrir
það þykja þeir á stundum hafa
spilað undir getu og beinlínis
verið heppnir. Páll tekur undir
það. „Strákarnir þurfa að vera á
tánum allan tímann og vera mun
grimmari en þeir hafa sýnt í þeim
leikjum í deildinni hér heima. Ég
vil ekki ganga svo langt að segja
að við eigum að vinna Þjóðverjana
enda væri það óraunsætt en ég
gæli við að mínir menn sýni frá-
bæran leik og geti þá jafnvel sett
strik í reikning Kiel.“
albert@frettabladid.is
PÁLL ÓLAFSSON Viðurkennir að lið sitt
sé engan veginn í sama gæðaflokki og Kiel
en eins og áður hefur sannast í íþróttum
þá geti allt gerst og hann er ekki reiðu-
búinn að kasta hvíta handklæðinu fyrr en
leikurinn er úti.
Við vonum það besta
Þjálfari Hauka gerir sér ekki miklar vonir um góðan árangur liðsins gegn stórliði Kiel í kvöld. Liðið hefur ekki staðist vænt-
ingar hans það sem af er hausti og mikið má ganga á ef strákarnir ætla sér hagstæð úrslit. Sigur sé óraunsætt markmið.
60.000 manns á
3. deildarleik!
Napólí sem á dögum Maradona var í
fremstu röð í Evrópu hefur verið á fall-
anda fæti undanfarin ár. Í sumar var lið-
ið lýst gjaldþrota og dæmt niður um
deild og leikur nú í Serie C1 sem er
þriðja deild þeirra Ítala (eiginlega bæði
þriðja og fjórða deild því heinni er skipt
í tvær deildir, norður og suður). Var
búið að reyna til þrautar að halda lífi í
liðinu árum saman enda talið afar mik-
ilvægt að halda svo stórum klúbbi með-
al hinna bestu, því bæði á Napólí gífur-
lega marga og ákafa stuðningsmenn og
eins var það mikið áhyggjuefni knatt-
spyrnuyfirvöld-
um hve fá lið
frá Suður-Ítalíu
væru í efstu
deild. Sem
konungar Suð-
ursins hafa
Napólímenn
komist upp
með ýmislegt
undanfarin ár
sem öðrum hefði ekki verið liðið, feng-
ið menn lánaða héðan og þaðan án
þess að greiða fyrir það að fullu og
skilið eftir sig skuldahala hvar sem liðið
lék, ógreidda hótel- og veitingastaða-
reikninga og annað vandræðalegt.
Stórlið í skítnum
Napólí er ekki eina stórliðið á Ítalíu sem
hefur átt í vandræðum undanfarin ár.
Þannig hafa stórir klúbbar á borð við
Genóa, Tórínó, Veróna og Barí dvalið
langdvölum í Serie B á meðan smá-
klúbbar einsog Leece, Livornó og Síena
þvælast í efstu deild með fáeinar þús-
undir áhorfenda á leikjum sínum. Þótt
þessi þróun hafi ekki fallið stóru liðun-
um í geð er alltaf gaman að sjá lítil fé-
lög ná árangri. Og aðdáendur Suður-
Ítalíu þurfa ekki að örvænta þrátt fyrir
vesenið á Napólí, því Suðrið á fulltrúa í
Reggína og Leece auk Sikileysku lið-
anna Palermó og Messína. Jafnvel má
bæta Sardíníumönnunum í Cagliari við
því suðrið andar hjá eyjarskeggjum.
Áhorfendur staðfastir
Fiorentina lenti í svipuðum hremming-
um og Napólí fyrir þremur árum og
reyndist það mikil vítamínsprauta fyrir
félagið sem fór í salibunu upp um tvær
deildir í Serie A á nýjan leik. Rétt eins
og Fiorentina þurfti Napólí að skipta
um nafn og heitir nú Napoli Soccer upp
á ensku í stað S.S.C. Napoli þar sem c-
ið stóð fyrir calcio sem þýðir fótbolti á
ítölsku. Kvikmyndamógullinn Aurelio De
Laurentiis útvegaði fé til að stofna nýtt
lið og réði hinn gamalreynda þjálfara
Giampiero Ventura. Hann smalaði sam-
an mannskap mánuði áður en deildar-
keppnin hófst og voru það mest leik-
menn úr unglingaliðum stóru klúbb-
anna auk örfárra eldri manna á síðasta
snúningi.
Liðinu var svosum ekki spáð neinu flugi
fyrsta kastið en áhorfendur hafa fylkt
sér á bak við liðið fullir endurreisnareld-
móði og 15.000 manns hafa fest sér
ársmiða. Er það svipaður fjöldi og hjá
Juventus takk fyrir! Miðað við byrjunina
í haust hjá Napólí má allt eins vænta
svipaðra afreka og hjá Fiorentina því
liðið hefur byrjað býsna vel, hefur unnið
tvo leiki og gert eitt jafntefli. Mætingin
á leiki liðsins er hreint ævintýraleg.
Þannig mættu 60.000 manns á fyrsta
leik liðsins gegn Cittadella á leikvangi
heilags Páls í Napólí. Á næsta heimaleik
mættu 40.000 manns. Hinir blóðheitu
Napólí-menn láta ekki að sér hæða og
svona stuðningsmenn eiga sannarlega
skilið að liðið komist í fremstu röð á ný.
Einar Logi Vignisson skrifar um
fótboltann í Suður-Evrópu á
sunnudögum.
EINAR LOGI
VIGNISSON
GULLÖLDIN LIÐIN Napoli varð tvisvar
sinnum ítalskur meistari með Diego
Maradona í fararbroddi en liðið vann A-
deildina á Ítalíu 1987 og 1990.
Haukar mæta þýska liðinu Kiel í Meistaradeildinni í handbolta í kvöld:
Á brattann að sækja hjá Haukum
HANDBOLTI „Eins og staðan er í dag á
ekkert íslenskt félagslið mögu-
leika gegn toppliði á borð við Kiel,“
segir Viggó Sigurðsson, nýráðinn
landsliðsþjálfari Íslands og fyrr-
verandi þjálfari Hauka í handbolta
en liðið mætir í kvöld þýsku stór-
liðinu í Meistaradeildinni í hand-
bolta. Þetta er fyrsti leikur Hauka
í F riðli Meistaradeildarinnar og
mótherjinn er ekki af verri endan-
um. Engir sem Fréttablaðið ræddi
við telja Hauka eiga mikla mögu-
leika.
Viggó segir engan vafa leika á
að Kiel sé eitt alfremsta hand-
boltalið í heiminum og jafnvel þó
að Haukar nái toppleik verði afar
erfitt að taka stig gegn Þjóðverjun-
um. „Haukarnir hafa misst leik-
menn frá því í fyrra og hafa minni
breidd fyrir vikið meðan Kiel hef-
ur mannskap í tvö topplið. Ég tippa
ekki á sigur Hauka hér heima og
þaðan af síður úti í Þýskalandi.
Fyrirfram á aldrei að segja
aldrei en kalt mat er það að Hauk-
ar eiga lítið erindi gegn Kiel. Þar
eru toppklassaleikmenn í öllum
stöðum. Einn besti markvörður
heims stendur milli stanganna og
liðið hefur langa og mikla hefð
fyrir sigrum. Einu má gilda hvern-
ig Haukar spila þá verður þetta
alltaf mjög á brattann að sækja
fyrir þá.“
VIGGÓ SIGURÐSSON Nýi landsliðsþjálf-
arinn telur að á þessum tímapunkti eigi
ekkert íslenskt félagslið möguleika í þýska
liðið Kiel. Hann segir mikið á brattann að
sækja fyrir Hauka sem mæta liðinu í kvöld
á Ásvöllum. Fréttablaðið/Pjetur
LÖVGREN Á ÁSVÖLLUM Í KVÖLD Fyrirliði sænska landsliðsins, Stefan Lövgren mætir á
á Ásvelli í kvöld ásamt félögum sínum í þýska liðinu Kiel.
HVAÐ? HVENÆR? HVAR?
8 19 10 11 12 13 14
Sunnudagur
OKTÓBER
■ ■ LEIKIR
16.00 Valur og Snæfell mætast í
Valsheimilinu í Hópbílabikar karla
í körfubolta
19.15 Skallagrímur og Tindastóll
mætast í Borgarnesi í
Hópbílabikar karla í körfubolta
19.15 Fjölnir og Haukar mætast í
Íþróttamiðstöðinni Grafarvogi í
Hópbílabikar karla í körfubolta
19.15 KFÍ og KR mætast á Ísafirði í
Hópbílabikar karla í körfubolta
19.15 ÍR og Hamar mætast í Selja-
skóla í Hópbílabikar karla í körfu.
19.15 Breiðablik og Grindavík
mætast í Smáranum í
Hópbílabikar karla í körfubolta
19.15 Þór Þorl. og Njarðvík
mætast í Þorlákshöfn í
Hópbílabikar karla í körfubolta
20.00 Haukar og Kiel mætast á
Ásvöllum í Meistarakeppninni í
handbolta
■ ■ SJÓNVARP
11.30 Formúla 1 á RÚV. Upptaka
frá tímatökum í nótt
13.20 HM 2006 á Sýn. Sýnt frá leik
Englands og Wales í 6. riðli HM.
15.00 HM 2006 á Sýn. Sýnt frá leik
Möltu og Íslands í 8. riðli HM.
18.45 Meistaradeildin á Sýn.
Fréttir af Meistaradeildinni í
knattspyrnu.
19.15 Hálandaleikarnirá Sýn. Sýnt
frá keppninni á Akranesi í síðasta
mánuði
19.45 Meistaradeildin á Sýn. Beint
frá leik Hauka og Kiel í handbolta.
21.30 Ameríski fótboltinn á Sýn.
Beint frá leik Seattle og St. Louis
21.55 Helgarsportið á RÚV. Fréttir
liðinnar helgi
23.40 Hnefaleikar á Sýn. Sýnt frá
bardaga Lailu Ali og Gwendolyn
O Neal
Eitt besta handboltalið heims eru fyrstu mótherjar Hauka í meistaradeildinni:
Tífaldir þýskir meistarar mæta á Ásvelli