Fréttablaðið - 30.10.2004, Blaðsíða 14

14 30. október 2004 LAUGARDAGUR
EINKASTÆÐI
Þótt enginn sé bíllinn og ekki einu sinni
bílprófið heldur hefur Jón Kr. Ólafsson
söngvari merkt sitt eigið stæði fyrir framan
tónlistarsafn sitt, Melódíur minninganna á
Bíldudal.
VISTASKIPTI Páll Magnússon var í
gær ráðinn sjónvarpsstjóri
Stöðvar 2 í tengslum við breyt-
ingar á eignarhaldi og skipulagi
Norðurljósa. Fyrir var Páll
framkvæmdastjóri dag-
skrársviðs stöðvarinnar og hel-
sti fréttalesari ásamt Eddu
Andrésdóttur. Átján ár eru síðan
Páll hóf störf hjá Stöð 2, þá sem
fréttastjóri. Nokkrum árum síð-
ar varð hann forstjóri félagsins,
tók við því starfi af Jóni Óttari
Ragnarssyni í kjölfar eigenda-
skipta. Eftir nokkur ár á þeim
stóli hvarf Páll á braut en kom
aftur til Íslenska útvarpsfélags-
ins skömmu síðar, þá sem sjón-
varpsstjóri Sýnar. Seinna varð
hann fréttastjóri á ný og gegndi
því starfi þar til hann gerðist
upplýsingafulltrúi Íslenskrar
erfðagreiningar. Eftir þriggja
ára starf í Vatnsmýrinni hélt
Páll enn á vit ævintýranna á
Lynghálsi fyrr á þessu ári og
varð framkvæmdastjóri dag-
skrárdeildar Stöðvar 2. Í gær
varð hann svo sjónvarpsstjóri
stöðvarinnar en mun áfram lesa
fréttirnar.
- bþs
PÁLL MAGNÚSSON
Hefur verið fréttastjóri, framkvæmdastjóri,
forstjóri og sjónvarpsstjóri á Stöð 2.
Páll Magnússon víðförull á Lynghálsi
Sjötta ráðningin
FR
ÉT
TA
B
LA
Ð
IÐ
/V
IL
H
EL
M
H eimamenn í Vesturbyggðog á Tálknafirði eru stór-huga eins og Vestfirðinga
er háttur. Þeir sætta sig ekki við
orðinn hlut og ætla að snúa vörn í
sókn. Mikil fækkun hefur orðið á
stöðunum síðustu ár og búa nú
tæplega 1.500 manns í sveitarfé-
lögunum báðum. Ekki eru mörg ár
síðan íbúatalan var um tvö þúsund.
Áður bjuggu þar enn fleiri. At-
vinnutækifærum hefur fækkað en
undirstaða atvinnulífsins er, og
hefur verið, sjávarútvegur. Bein-
um störfum í greininni hefur
fækkað og óbeinu störfunum ein-
nig. Nú er horft til ferðaþjónustu
enda getur hún jafnast á við stór-
iðju ef rétt er á málum haldið.
Fyrir um áratug sameinuðust
nokkur sveitarfélög og til varð
Vesturbyggð. Patreksfjörður og
Bíldudalur voru þeirra stærst en
Tálknafjörður, sem liggur þar á
milli, varð eftir. Heimamönnum
þar hugnaðist ekki sængin sú og
eru áfram einir og sér. Fyrir vikið
er Tálknafjörður oft nefndur
Smugan enda smýgur hann inn í
Vesturbyggðina miðja.
Þessar staðreyndir breyta því
ekki að fólk í báðum sveitarfélög-
unum vinnur saman að ýmsum
málum og mæðir þar mest á sókn-
inni sem nú er blásið til. Hagsmun-
ir beggja eru í húfi.
Barlómurinn að baki
„Við ætlum að koma okkur á kort-
ið og fjölga ferðamönnum inn á
svæðið, fá þá til að stoppa og eyða
peningum. Það er það sem skiptir
máli,“ segir Guðmundur Sævar
Guðjónsson, forseti bæjarstjórnar
Vesturbyggðar. „Þetta skiptir gríð-
arlegu máli fyrir byggðirnar.“
Guðmundur viðurkennir að bar-
lómurinn hafi oft verið við það að
leggja menn í rúmið en segir bjart-
ari tíma framundan. „Þetta er allt
að batna, við reynum að vera bjart-
sýn en vitum þó að hlutirnir breyt-
ast ekki á svipstundu. Við erum að
vinna okkur út úr vandamálunum.“
Guðmundur hefur varið ævinni á
Bíldudal og lifað þar bæði góða
tíma og erfiða. „Ég hef gengið í
gegnum allt og það hefur verið
skelfilegt á stundum að horfa upp
á hlutina grotna niður.“ En nú bros-
ir hann, það eru uppgangstímar
framundan.
Árni Johnsen var munstraður
um borð í skútuna í sumar og falið
að kanna ofan í kjölinn hvar matar-
holurnar væru að finna. Eftir
nokkra yfirlegu, gönguferðir um
svæðið, samtöl við heimamenn og
grúsk í gömlum gögnum lagði
hann fram tugi tillagna með
haustinu. Sumar eru sameiginleg-
ar fyrir Vesturbyggð og Tálkna-
fjörð en aðrar sérsniðnar fyrir
hvort sveitarfélag um sig. Meðal
þess sem nauðsynlegt er að gera á
báðum stöðum er að reisa hótel
með 20 til 40 herbergjum, öðru vísi
er ógjörningur að fá fleiri ferða-
menn á svæðið. Mörgum finnst
nefnilega ómögulegt að sofa á
gistiheimili eða í tjaldi og vilja
bara það besta. Ætla má að slíkt
hótel kosti um hundrað milljónir.
Hús Hrafna-Flóka
Eins og þekkt er í ferðaþjónustu
eru góðar samgöngur mikilvægar.
Árni Johnsen segir að breyta þurfi
þeirri hugsun að leiðin inn á alla
Vestfirðina sé um Steingrímsfjörð
því ferðamenn sem um þann veg
fari skili sér illa niður á Suðurfirð-
ina. Því beri nauðsyn til að gera
veginn um Gilsfjörð að „Hliði inn á
Suðurfirðina“ auk þess sem hrað-
skreiðari og stærri ferja yfir
Breiðafjörð sé krafa nútímans,
bæði fyrir ferðaþjónustuna og ann-
að atvinnulíf. Þá gera hugmyndir
hans meðal annars ráð fyrir jeppa-
vegi milli Látrabjargs og Rauða-
sands, vegslóða um Rauðasand og
átaki í merkingu gönguleiða. Þörf
er á gsm-sambandi á Barðaströnd
og gefa á út nýtt alhliða ferða-
mannakort fyrir svæðið. Meðal
annarra hugmynda af hefðbundn-
ara taginu eru bygging húss
Hrafna-Flóka við Flókalund, upp-
gröftur rústa Flóka við Brjánslæk,
frekari uppbygging á listaverkum
og húsum Samúels í Selárdal og
opnun safns Gísla á Uppsölum,
Þá stingur Árni upp á að nokkur
söfn verði opnuð í sveitarfélögun-
um báðum þar sem sagan verði
varðveitt og kynnt. Gert er ráð
fyrir að gömul hús verði varðveitt
og gerð upp og þeim fundið nýtt
framtíðarhlutverk, miðbæir snyrt-
ir og heimasíður bættar enda eru
þær oft gluggi að álitlegum áning-
arstöðum ferðamanna. Að auki
leggur hann ríka áherslu á gott að-
gengi að náttúruperlum.
Brjóstmynd af JohnJohn
Árni Johnsen er ekki kunnur fyrir
að fara troðnar slóðir og margar
hugmynda hans um uppbyggingu
ferðaþjónustu á Suðurfjörðum
Vestfjarða eru af nýstárlegum
toga. Hann leggur t.d. til að brjóst-
mynd af John Kennedy yngri verði
reist við Flókalund. John, sem var
sonur nafna síns Bandaríkjafor-
seta og jafnan kallaður JohnJohn,
heimsótti Ísland fyrir nokkrum
árum og réri meðal annars á kajak
frá Flókalundi. Vakti koma hans at-
hygli innanlands sem utan.
Skömmu síðar fórst hann í flug-
slysi í Bandaríkjunum en almennt
var talið að hann myndi feta í fót-
spor föður síns og ná frama í
stjórnmálum. Árni vill leita sam-
vinnu við Bandaríska sendiráðið
um verkefnið og hafa samráð við
Caroline systur Johns.
Af öðru athygliverðu má nefna
árlegt stangaveiðimót þar sem að-
eins yrði gert út á steinbít, kart-
öfluhátíð í Sauðlauksdal en þar
voru fyrstu kartöflurnar ræktaðar
á Íslandi og útflutning á vestfirsku
vatni. Í skýrslu Árna segir að það
sé vísindalega sönnuð staðreynd
að vatn sé síst mengað á Vestfjörð-
um af landinu öllu og sér hann fáa
meinbugi á að frekari rannsóknir
verði gerðar og möguleikar vatns-
sölu til útlanda kannaðir í þaula.
Fjölmargar aðrar hugmyndir
eru settar fram í skýrslunni og
skipta þær raunar tugum eins og
áður sagði. Það er í höndum sveit-
arstjórnarmanna vestra að
ákvarða hvað skuli gera en víst er
að hugur er í mönnum og því meiri
líkur en minni á að ýmislegt verði
að veruleika.
bjorn@frettabladid.is
PATREKSFJÖRÐUR
Lagt er til að kartöfluhátíð verði í Sauðlauksdal.
Íslandskortið stækkar
Tillögur um sókn Suðurfjarða Vestfjarða í ferðaþjónustu og atvinnulífi hafa verið kynntar.
Heimamenn binda miklar vonir við að þær bæti byggðaskilyrðin á svæðinu og komi því aftur á
kortið. Árni Johnsen stýrði verkinu.
GUÐMUNDUR SÆVAR
GUÐJÓNSSON
„Þetta skiptir gríðarlegu máli fyrir
byggðirnar.“
GAMLA SMIÐJAN Á BÍLDUDAL
Hér stendur til að gera allt upp og
starfrækja veitingastað.
BÍLDUDALUR
Gera þarf veginn um Gilsfjörð að
„Hliðinu inn á Suðurfirðina“.
ÚR SELÁRDAL
Árni Johnsen stendur við eitt verka
Samúels.
FR
ÉT
TA
B
LA
Ð
IÐ
/V
IL
H
EL
M
TÁLKNAFJÖRÐUR
Vatnsútflutningur frá Vestfjörðum
kemur til greina.