Fréttablaðið - 08.11.2004, Blaðsíða 6

6 8. nóvember 2004 MÁNUDAGUR
Of hátt hlutfall smáfisks í aflanum í Breiðafirði:
Víðtæk lokun stefnir útgerðum í voða
LÍNUVEIÐAR Endurskoða þarf
ákvörðun sjávarútvegsráðuneyt-
isins um að loka helstu veiðislóð
smábáta á sunnanverðum Breiða-
firði, segir Kristinn Jónasson,
bæjarstjóri Snæfellsbæjar.
„Í mínum huga er það alveg
ljóst að svo víðtæk lokun getur
ekki gengið, því grundvelli út-
gerðar margra manna er með
henni stefnt í voða,“ segir Krist-
inn. Hann vill að svæðið verði
opnað að hluta eða öllu leyti aftur.
Jóhann Sigurjónsson, forstjóri
Hafrannsóknastofnunarinnar,
segir niðurstöður mælinga á
svæðinu sýna að 35 til 70 prósent
aflans séu undir leyfilegri stærð.
„Þetta er það hátt hlutfall að
það var talið nauðsynlegt og eðli-
legt miðað við vinnubrögð Haf-
rannsóknastofnunarinnar að
svæðinu yrði lokað um lengri
tíma,“ segir Jóhann. Ekki sé á
áætlun að loka svæðinu til eilífðar
og ráðstafanir hafi verið gerðar
til að skoða undirmálsfiskinn bet-
ur. Hvenær banni við veiðum
verði aflétt sé ekki ljóst á þessari
stundu né hvort hægt verði að
opna hluta svæðisins. - gag
Thomas skipaður
í stjórn Símans
Fjármálaráðherra skipaði Thomas Möller, fyrrverandi markaðsstjóra
Olís, í stjórn Símans í mars þar sem hann situr enn. Thomas sagði sig úr
stjórninni í fyrra vegna rannsóknar á samráði olíufélaganna.
VERÐSAMRÁÐ Thomas Möller, fyrr-
verandi markaðsstjóri Olís, sem
átti stóran þátt í verðsamráði olíu-
félaganna samkvæmt niðurstöðu
samkeppnisráðs, situr nú í stjórn
Símans og er stjórnarformaður
Iceland Naturally. Geir H. Haarde
fjármálaráðherra skipaði Thomas í
stjórn Símans í mars á þessu ári
þrátt fyrir að hann hafi vikið úr
stjórninni hálfu ári fyrr vegna
rannsóknar Samkeppnisstofnunar
á samráði olíufélaganna og um-
fjöllunar í fjölmiðlum um aðild
hans að málinu. Í starfi sínu tók
Thomas meðal annars þátt í verð-
samráði gegn Símanum.
Thomas var skipaður formaður
stjórnar Iceland Naturally í júní í
fyrra af Sturlu Böðvarssyni sam-
gönguráðherra. Iceland Naturally
er samstarfsvettvangur ríkisins og
fyrirtækja við að koma íslenskri
vöru og þjónustu á framfæri í
Bandaríkjunum. Flugleiðir eru
meðal þátttakenda í samstarfinu.
Fyrirtækið var eitt af þeim fyrir-
tækjum sem varð fyrir barðinu á
verðsamráði olíufélaganna.
Bergþór Ólason, aðstoðarmaður
samgönguráðherra, segir að samn-
ingur um Iceland Naturally klárist
um áramótin og það sé ekki búið að
taka afstöðu til þess hvernig ný
stjórn verði skipuð. Thomas hafi
vikið úr stjórn Símans þegar málið
kom upp í fyrra. Hann verði núna
að taka ákvörðun um það sjálfur
hvort hann sitji áfram í stjórnum á
vegum hins opinbera. Ekki verði
gripið til ráðstafana af hálfu ráð-
herrans. Bergþór segir að Thomas
hafi vikið sæti í fyrra til að fyrir-
byggja að það yrði órói í kringum
störf hans í stjórn Símans. Að-
spurður hvort sá órói sé ekki enn
til staðar eftir að niðurstaða sam-
keppnisráðs liggur fyrir vísaði
Bergþór á Thomas, hann yrði að
svara því sjálfur.
Hvorki náðist í Geir H. Haarde
fjármálaráðherra né Thomas Möll-
er í gær.
ghg@frettabladid.is
BRETLAND, BBC Sex létu lífið og fimm
eru alvarlega slasaðir eftir lestar-
slys nálægt þorpinu Ufton Nervet í
Bretlandi á laugardag. Yfirvöld í
Bretlandi segja lögreglumann hafa
séð þegar bíl var lagt á lestartein-
ana með þeim afleiðingum að lestin
ók á hann.
Allir átta vagnar lestarinnar
fóru út af teinunum við áreksturinn.
Lögreglumaðurinn segir bílinn hafa
ekið inn á teinana þegar hlið sem
loka veginum við teinana voru opin.
Bílstjóri bifreiðarinnar lést í slys-
inu.
Breska lögreglan vinnur nú
hörðum höndum við að rannsaka at-
burðarásina en vill ekki tjá sig um
það hvort um sjálfsvíg hafi verið að
ræða. Einn farþeganna var Jon
Stace, 21 árs nemi í grafískri hönn-
un. Stace hálfpartinn dróst út um
glugga lestarinnar þegar hún lagð-
ist á hliðina og rann þannig áfram.
„Ég hélt að ég myndi deyja og er
mjög þakklátur fyrir að hafa gengið
í burtu á lífi.“ Farþegar lesta í Bret-
landi hafa beðið stjórnvöld um að
fara í gegnum öryggisráðstafanir á
lestarteinunum. ■
Lest ók á bíl sem lagt var á lestarteinana:
Sex fórust í lestarslysi í Bretlandi
VEISTU SVARIÐ?
1Hvað heitir forsætisráðherra Palest-ínu?
2Meðlimum úr hvaða dönsku bifhjóla-samtökum var vísað úr landi?
3Hvaða lið er í efsta sæti ensku úrvals-deildarinnar í fótbolta?
Svörin eru á bls. 34
Ragnar Arnalds:
MARÍU
MESSA
,,Karlar höggvist
og konur drekkist”
Þannig var boðskapur Stóradóms.
Mál hennar vakti furðu.
Hún bætti gráu ofan á svart.
Og brátt var lífi hennar ógnað.
Var það kraftaverk eða guðlast?
Var hún saklaus eða dauðasek?
Skáldsaga um einstætt lífshlaup ungrar konu.
Lesið upphaf sögunnar: www.krabbinn.is
krabbinn
MÓTMÆLENDUR
Mótmæla kjarnorkuframleiðslu eftir slysið í
Frakklandi.
Mótmælti flutningi
kjarnorkuúrgangs:
Varð fyrir
lest og lést
FRAKKLAND Mótmælandi lét lífið í
Frakklandi þegar lest keyrði yfir
hann samkvæmt BBC. Maðurinn
var að mótmæla kjarnorkufram-
leiðslu og lagðist á lestarteinana
fyrir framan lest sem flutti kjarn-
orkuúrgang.
Áður hafði lögreglan losaði tvo
aðra mótmælendur sem höfðu
hlekkjað sig við teinana. Sjúkra-
liðar hlúðu að mótmælandanum
en hann dó áður en komið var á
sjúkrahúsið. Lestarstjórinn reyn-
di að hemla þegar hann sá hóp
fólks sitja á teinunum en honum
tókst það ekki. ■
BRETLAND
Sex fórust í lestarslysi þegar lest ók á bíl sem var lagt á lestarteinana.
ÓLAFSVÍK
Trillusjómenn á norðanverðu Snæfellsnesi
segja útgerðir þeirra og störf 200 manna
í hættu vegna lokunar allt að 80% af
veiðisvæði þeirra.
FR
ÉT
TA
B
LA
Ð
IÐ
/P
JE
TU
R
■ LÖGREGLUFRÉTTIR
UMFERÐARÓHAPP Á SAUÐÁR-
KRÓKI Umferðaróhapp var á
Sauðárkróksbrautinni um ellefu-
leytið í gær þegar fullorðin kona
missti stjórn á bifreið sinni þegar
hún mætti öðrum bíl. Hún fór út
af veginum og valt eina veltu.
Konan slapp nánast ómeidd en
bifreiðin er ónýt.
Hlýtt loft að sunnan:
19 stiga hiti
fyrir austan
VEÐUR Einstaklega hlýtt veður hef-
ur verið um allt land um helgina.
Á laugardaginn náði hitinn hæst
19 stigum á Seyðisfirði, en á
höfuðborgarsvæðinu var hiti um
10 stig.
Sérstaklega var hlýtt á stöðum
norðaustantil á landinu og náði
hitinn þar 18 stigum á þremur
stöðum. Hér er þó ekki um eins-
dæmi að ræða á þessum árstíma
þótt vissulega hafi það komið
fólki í opna skjöldu. Þær upplýs-
ingar fengust á Veðurstofu Ís-
lands að hlýtt loft sem barst hing-
að úr suðri hafi valdið þessum
hita og veður sem þetta fylgi oft
vetrarhlákunum fyrir austan og
þykir því ekki óvenjulegt. Enn
eimir af þessu hlýja lofti næstu
daga en á fimmtudag og föstudag
er spáð kólnandi veðri. Ekki er
hægt að segja til um hversu lengi
það mun vara. -keþ
Eldur í Borgarholtsskóla:
Loftljós
veldur bruna
ELDUR Eldur kom upp í Borgar-
holtsskóla í Grafarvoginum um
eittleytið á sunnudag. Svartur
reykur sást stíga út úr einum
glugga skólans og var slökkvilið
og lögregla kölluð til. Eldurinn
reyndist minniháttar en nokkra
reykjarlykt lagði þó frá skólan-
um. Lögregla á vettvangi taldi að
útgönguljós, sem logaði, hafi fall-
ið úr lofti á teppi og því eldurinn
komið upp. Enn var unnið að
reykræstingu í skólanum um
tvöleytið í gær. -keþ
THOMAS MÖLLER
Fyrrverandi markaðsstjóri Olís vék úr stjórn Símans í fyrra vegna rannsóknar á olíusam-
ráði. Fjármálaráðherra skipaði hann aftur í stjórnina.