Fréttablaðið - 15.11.2004, Blaðsíða 12

12
SVONA ERUM VIÐ
„Af mér er allt prýðilegt að frétta nema
hvað samstarf fyrirtækisins okkar og
kvikmyndagerðarinnar ZikZak er í miklu
uppnámi,“ segir Ólafur Jóhannesson
kvikmyndagerðarmaður. Hann á og rek-
ur Poppoli sem gerði meðal annars
heimildarmyndina Blindsker um líf og
störf Bubba Morthens.
Deilurnar eru af alvarlegra taginu, þær
snúast um knattspyrnu, sem er jú ekkert
grín. „ZikZak-mennirnir eiga að mæta
vikulega á fótboltaæfingar hjá Poppoli
en hafa ekki mætt að undanförnu. Þetta
er alvarlegt mál því við keyptum þá dýru
verði. Mér finnst afar leiðinlegt að þurfa
að fara með þetta í blöðin en svona er
þetta,“ segir Ólafur hinn alvarlegasti.
„Svo er það títt að Blindsker gengur vel í
kvikmyndahúsunum og er við það að
verða mest sótta heimildarmyndin.“
Myndin um Lalla Johns á metið en nú
er sumsé hætt við að Bubbi tylli sér á
þennan topp eins og svo marga aðra.
Á meðan Blindsker rúllar yfir hvíta tjald-
ið mundar Ólafur kvikmyndavélina.
Hann er með tvær myndir í smíðum,
aðra um knattspyrnu og hina um
búddamúnk. Knattspyrnumyndin er um
fótboltaliðið Africa United sem er skipað
Afríkumönnum á Íslandi, en liðið leikur í
þriðju deildinni. „Við erum á leið til
Marokkó til að taka upp efni í þá mynd
og svo ætlum við til Taílands á nýju ári
til að taka upp hluta af Búddamyndinni.“
Ólafur tekur lífinu mátulega alvarlega og
lítur sér nær þegar hann veltir fyrir sér
hinu fréttnæma. „Ætli mér finnist ekki
aðalfréttirnar bara snúast um hvort
maður fái sér te eða kaffi.“
Krytur, kvikmynd og kaffi
HVAÐ ER AÐ FRÉTTA? ÓLAFUR JÓHANNESSON KVIKMYNDAGERÐARMAÐUR
15. nóvember 2004 MÁNUDAGUR
Anna ber sig vel þrátt fyrir erfið-
leikana sem að henni steðja. Hún
er hress í bragði og talar frjáls-
lega um aðstæður sínar enda
hefur hún marga fjöruna sopið.
„Ég er með lungnaþembu og
get ekki sungið,“ segir söngfugl-
inn sem gladdi eyru landsmanna í
fjörutíu ár. Lungnaþemban upp-
götvaðist fyrir jólin í fyrra og
varð Önnu vitaskuld áfall. „Ég hef
lítið þol og hef varla þorað að
syngja síðan þetta kom upp. Ég
prófaði reyndar einu sinni og það
gekk ekki vel,“ segir hún. „Ég er
skíthrædd vegna þessa og reikna
með að fjörutíu árin sem ég fagn-
aði fyrir þremur árum verði að
duga.“ Árið 2001 hélt Anna upp á
fjörutíu ára söngafmæli sitt með
sýningu í Ásgarði í Glæsibæ þar
sem fjöldi fólks hlýddi á hana
klædda kápu úr gyltum pallíettum
syngja sín þekktustu lög. „Það er
mjög erfitt að kyngja þessu, þetta
er í raun hræðilegt. Ég ætlaði að
syngja í brúðkaupi vinkonu minn-
ar og ætla að reyna að fara í
stúdíó og syngja eitthvað inn fyr-
ir hana.“ Óvíst er hvernig það fer
en þrátt fyrir allt elur Anna með
sér þann draum að búa til sóló-
plötu. „Ég á alltaf eftir að uppfylla
drauminn um að gefa út minn eig-
in disk. Ég hef aldrei gert það,
lögin mín hafa bara heyrst á plöt-
um annarra og safnplötum. Ég hef
ekki komist lengra og nú er spurn-
ing hvort ég geti það.“
Anna rekur lungnaþembuna
vitaskuld til áralangra reykinga,
bæði eigin og óbeinna. „Við sem
erum í skemmtanabransanum og
reykjum, tvíreykjum í raun. Ég
reykti sjálf og svo andaði ég að
mér reyknum á skemmtistöðun-
um,“ segir Anna og rifjar það upp
þegar hún hætti fyrir þremur
árum: „Það var margbúið að segja
við mig að ég yrði að hætta að
reykja annars myndi þetta enda
með skelfingu. Það varð hins veg-
ar ekkert af því fyrr en fyrir
þremur árum og þá var þetta bara
mjög auðvelt. Ég hefði aldrei trú-
að hvað það gekk vel. Ég sagðist
ætla að hætta og hætti og mig hef-
ur ekki langað í sígarettu síðan.
Það var samt of seint og ég dauð-
sé eftir að hafa ekki hætt mikið
fyrr.“
Anna stússast í ýmsu á daginn
og hugar meðal annars að barna-
börnunum sínum sex. „Ég reyni
að vera mikið með þeim og svo er
reyndar fullt starf að vera sjúk-
lingur og berjast við kerfið.“ Auk
lungnaþembunar þjáist Anna af
gigt, brjósklosi og er veil í brisi.
„Ég er með fullt af sjúkdómum,“
segir hún og hlær og siglir áfram
í lífiinu á glaðværðinni.
Anna söng nokkur lög sem tóku
sér bólfestu í hlustum landsmanna.
Fyrsta vinsæla lagið hennar var
Heimilisfriður sem hún söng með
Berta Möller, þá náði Ég bíð við
bláan sæ, sem hún söng með Vil-
hjálmi Vilhjálmssyni, miklum vin-
sældum líkt og Ef þú giftist. Frá-
skilin að vestan er hins vegar það
lag sem sjálfsagt flestir tengja við
Önnu Vilhjálms, enda kunni það
hvert mannsbarn í eina tíð.
Anna á ekki langt að sækja tón-
listarhæfileikana, afi hennar í föð-
urætt var þýskur hljómsveita-
stjóri og að auki var amma hennar
mjög músíkölsk. Hún býr í
Reykjavík eins og hún hefur
lengst af gert, „enda er ég Reyk-
víkingur þó að Keflvíkingarnir
hafi eignað sér mig því ég bjó einu
sinni á Suðurnesjunum,“ segir
Anna Vilhjálms.
bjorn@frettabladid.is
Fjölmargir eldri borgarar sækja ekki um ellilífeyri:
Láta eigið fé duga til framfærslu
ALDRAÐIR Fimmtán hundruð manns
sem náð hafa 67 ára aldri hafa
aldrei sótt um ellilífeyri til Trygg-
ingastofnunar ríkisins. Í þeim
hópi eru tveir sem verða aldar-
gamlir á árinu. Ástæður þessa eru
helst þær að viðkomandi eigi nóg
til hnífs og skeiðar en ellilífeyrir
er tekjutengdur og skerðist þegar
fólk hefur 143 þúsund krónur í at-
vinnutekjur á mánuði og/eða fjár-
magnstekjur upp á 286 þúsund.
Til fjármagnstekna teljast vextir
af bankainnistæðum og arður af
hluta- og verðbréfum sem og
hagnaður af sölu þeirra.
Greiðslur úr lífeyrissjóðum
skerða ekki ellilífeyrinn, sama
hversu háar þær kunna að vera. Á
sjötta hundrað manns 67 ára og
eldri fá ekki greiddan ellilífeyri
vegna of hárra tekna. Fullur elli-
lífeyrir nemur 101 þúsund krón-
um á mánuði. Það eru ein milljón,
tvöhundruð og tólf þúsund krónur
á ári. Liðlega 30 þúsund manns fá
greiddan ellilífeyri frá Trygg-
ingastofnun. - bþs
GRUNDARBÚAR Á GÓÐUM DEGI
Á sjötta hundrað manns 67 ára og eldri fá
ekki greiddan ellilífeyri vegna of hárra
tekna.
ANNA VILHJÁLMS Á SVIÐINU Hún hélt upp á fjörutíu ára söngafmæli árið 2001.
Margt bendir til að það hafi einnig verið endalokin á farsælum ferli hennar.
FRÁSKILIN AÐ VESTAN Anna er ekki að
vestan heldur úr Reykjavík. Hún bjó þó um
skeið á Suðurnesjunum og segir Keflvík-
ingana hafa eignað sér sig.
Dagur íslenskrar tungu:
Tæknimál yfir kjúklingi
ÍSLENSKA Félagar í Skýrslutækni-
félaginu koma saman til hádegis-
verðarfundar á Grand hóteli í
dag og spjalla um tungutak í
tæknigeiranum. Er það í tilefni
af degi íslenskrar tungu sem er á
morgun. Erindi verða flutt og
meðal annars kynntur staðallinn
ÍST 130:2004 Upplýsingatækni -
Íslenskar kröfur. Félagsmenn
greiða 4.600 krónur fyrir þátt-
töku en aðrir 1.300 krónum
meira. Snæddar verða gljáðar
kjúklingabringur með sítrus og
engifersósu og súkkulaðikaka
með kókoshnetukremi verður í
eftirrétt.
- bþs
UMFERÐARSLYS Á ÍSLANDI
7.952 umferðaróhöpp urðu á landinu á
síðasta ári. Í 7.145 varð eingöngu eigna-
tjón. 20 létust í umferðinni á síðasta ári.
Dreymir um sólóplötu
Margt bendir til að söngferill Önnu Vilhjálms sé á enda. Hún hélt upp á 40
ára söngafmæli fyrir þremur árum og telur það um leið endalokin á annars
glæstum ferli. Þrátt fyrir heilsubrest dreymir hana um að gefa út sólóplötu.