Fréttablaðið - 29.11.2004, Blaðsíða 2
2 29. nóvember 2004 MÁNUDAGUR
Eiturefni geymd
á lóð Hringrásar
PCB-mengaður jarðvegur hefur verið geymdur í sekkjum á lóð
Hringrásar í Reykjavík síðan árið 2001. Þá átti að finna hentugri urðunar-
staði. Þeir hafa fundist en jarðeigendur hafa tekið illa í að urða eiturefnið.
UMHVERFISMÁL Ekki hefur fundist
staður á landinu til að urða PCB-
efni sem nú eru geymd í sekkj-
um á lóð Hringrásar í Reykjavík.
Umhverfisráðuneytið hefur leit-
að að hentugum urðunarstað í
nokkur ár en án árangurs. Efnið
getur verið hættulegt mönnum
og dýrum berist það í fæðukeðj-
una.
Magnús Jóhannesson, ráðu-
neytisstjóri í umhverfisráðu-
neytinu, segir að efnið sé geymt
á viðunandi hátt við Hringrás og
engin fyrirsjáanleg hætta sé á
ferðum. Hins vegar sé ljóst að
þetta sé ekki varanleg lausn.
Hann segir að ráðuneytið hafi
fundið nokkur svæði en vegna
mótmæla landeigenda hafi verið
fallið frá því að urða efnin þar.
Því sé enn óljóst hvenær takist
að finna hentugri urðunarstað.
Árið 1989 greindist eiturefnið
PCB í jarðvegi á athafnasvæði
Hringrásar og árið 1993 var full-
yrt að mengunin væri eitt mesta
umhverfisvandamál sem komið
hefði upp hér á landi. Þá sagðist
Katrín Fjeldsted, þáverandi for-
maður heilbrigðisnefndar
Reykjavíkur, vera þeirrar skoð-
unar að fyrirtækinu yrði að út-
vega aðra og hentugri lóð til að
uppfylla ströngustu kröfur um
mengunarvarnir. Árið 2001 kom
fyrirtækið 250-300 rúmmetrum
af þessum mengaða jarðvegi
fyrir í sekkjum sem standa enn á
lóð fyrirtækisins. Þá þótti of dýrt
að senda jarðveginn úr landi eða
steypa þró og loka henni eins og
tíðkast víða erlendis.
Starfshópur á vegum um-
hverfisráðuneytisins var þá
skipaður til að finna stað þar sem
hægt væri að urða spilliefni á
borð við þessi. Hann átti að skila
niðurstöðu í lok árs 2001.
Magnús Jóhannesson segist
ekki vita um fleiri svæði þar sem
PCB-efni séu geymd á landinu en
þau hafi safnast upp hjá
Hringrás vegna þess að fyrir-
tækið stundi brotajárnsvinnslu.
ghg@frettabladid.is
Barnsránið í Kópavogi:
Lögreglan
leitar enn
MANNRÁN Lögreglan hafði í
gærkvöld enn ekki fundið manninn
sem nam níu ára stúlku á brott í
Kópavogi á miðvikudag.
Friðrik Smári Björgvinsson,
yfirlögregluþjónn í Kópavogi, segir
nokkra menn hafa verið yfirheyrða
í gær. Þeim hafi borist fjöldi ábend-
inga frá fólki en engin þeirra hefur
leitt til mannsins sem tók stúlkuna
upp í bíl sinn. Leit að manninum
verður haldið áfram í dag.
Maðurinn ók með stúlkuna upp
veginn að Skálafelli og skildi hana
þar eftir. Stúlkan veifaði til vegfar-
anda á Þingvallavegi sem kom
henni í réttar hendur. - gag
ARIEL SHARON
Vill beita Írana efnahagsþvingunum.
Ariel Sharon um Íran:
Munu þróa
kjarnavopn
JERÚSALEM, AP Ariel Sharon, for-
sætisráðherra Ísraels, segir í við-
tali við tímaritið Newsweek að
Íranar muni ekki virða samning
við Evrópusambandið um að
auðga ekki úran eða þróa kjarn-
orkuvopn.
Sharon segir að Íranar muni
beita öllum tiltækum ráðum til að
þróa kjarnorkuvopn og ráðstafan-
ir ESB og Alþjóðakjarnorkumála-
stofnunarinnar séu ekki líklegar
til árangurs. Sharon segir að efna-
hagslegar refsiaðgerðir af hálfu
Sameinuðu þjóðanna séu eina
meðalið sem dugi í þessu máli. ■
„Það væri sjálfsagt lítið mál en ég
er í svo fínum flokki fyrir.“
Guðmundur Árni Stefánsson situr á Alþingi fyrir
Samfylkinguna en faðir hans og tveir bræður hafa
einnig setið á þingi.
SPURNING DAGSINS
Guðmundur Árni, stofnar fjölskyldan
ekki bara eigin stjórnmálaflokk?
Andlát:
Lést í bílslysi
í Vonarskarði
ANDLÁT Maður-
inn sem lést í
bílslysi í sunn-
anverðu Vonar-
skarði í fyrra-
dag hét Stefán
Reynir Ásgeirs-
son og var
fæddur árið
1962. Stefán
Reynir var til
heimilis að
Barmahlíð 34 í Reykjavík. Hann
lætur eftir sig unnustu og þrjú
börn. ■
■ LÖGGUFRÉTTIR
NYTJASTULDUR Á BIFREIÐ Lög-
reglunni í Borgarnesi var til-
kynnt um mann sem hafði tekið
bíl ófrjálsri hendi og talið var að
hann væri ölvaður. Hálftíma síð-
ar fannst bíllinn og ökumaður var
handtekinn ásamt farþegum og
var fólkið fært á lögreglustöðina
í Borgarnesi til skýrslutöku og
yfirheyrslu. Ökumaðurinn hafði
tekið bílinn til að nota hann til að
koma sér á milli staða og flokkast
atvikið því undir nytjastuld. Bif-
reiðin var lítillega skemmd.
Selfoss:
Banaslys á
Eyrarvegi
LÖGREGLA Ekið var á karlmann
sem lést samstundis snemma á
sunnudagsmorgun á Selfossi. At-
vikið átti sér stað sunnarlega á
Eyrarveginum þar sem skyggni
var lélegt.
Ökumaðurinn gaf sig fljót-
lega fram og telst málið upplýst.
Maðurinn sem lést var á fimm-
tugsaldri en ekki er hægt að
gefa upp nafn hins látna að svo
stöddu. ■
GEYMSLUSVÆÐI HRINGRÁSAR
250-300 rúmmetrar af PCB-menguðum jarðvegi eru geymdir í sekkjum sem hafa
staðið á lóð fyrirtækisins í um þrjú ár. Umhverfisráðuneytið hefur leitað að varanlegri
lausn en án árangurs.
PCB
Lífræn þrávirk efni eins og PCB eru
ein helsta ógnin við lífríkið. Það er
manngert og það sem gerir efnið svo
hættulegt er að það eru þrávirkt. Það
safnast því upp og sest fyrir í lífverum.
Fyrir menn er efnið hættulegt því það
sest í miðtaugakerfið.
SENDIRÁÐ Nágrannar bandaríska
sendiráðsins undirbúa stefnu á
hendur bandarískum stjórnvöld-
um um þessar mundir, en málið
hefur tafist í meðförum utanríkis-
ráðuneytisins.
Árið 1995 eignaðist sendiráðið
baklóð við Laufásveg 19 og meinar
íbúum þar aðgang að lóðinni. Það
hefur valdið íbúunum nokkrum
óþægindum, meðal annars geta
þeir ekki geymt ruslatunnurnar
sínar bak við húsið sitt.
Ragnar Hall, lögmaður íbúanna
við Laufásveg 19, segir að hann
hafi gefið út stefnu á hendur
bandarískum stjórnvöldum í maí-
byrjun og óskað eftir liðsinni utan-
ríkisráðuneytisins við að birta
þeim stefnuna. Málið hafi hins
vegar dagað uppi í ráðuneytinu án
nokkurra skýringa. Ragnar vonast
þó til að þingfestingin dragist ekki
langt fram yfir áramót.
Ragnar segir það góðs viti að
borgaryfirvöld séu að vakna til
vitundar um málið en hingað til
hafi framganga þeirra og utan-
ríkisráðuneytisins einkennst af
„snautlegum undirlægjuhætti“
gagnvart bandarískum stjórn-
völdum. - bs
BANDARÍSKA SENDIRÁÐIÐ
Ragnar bað utanríkisráðuneytið um að hafa milligöngu um málið en þar dagaði það uppi.
FR
ÉT
TA
B
LA
Ð
IÐ
/H
AR
I
Bandaríska sendiðráðið:
Nágrannar stefna sendiráðinu
STEFÁN REYNIR
ÁSGEIRSSON
■ LÖGREGLUFRÉTTIR
ELDUR Á LAUGAVEGI Eldur kom
upp á veitingastaðnum 22 að
Laugavegi 22 um kvöldmatar-
leytið í gær. Slökkvilið og lög-
regla fóru á vettvang en ekki
reyndist vera um mikinn eld að
ræða. Hiti hafði farið úr eldavél í
eldhúsi í vegg og var veggurinn
rifinn niður til að ganga úr
skugga um að þar væri engan eld
að finna. Slökkviliðsstarfið tók
fljótt af.
SAMGÖNGUR Það er ekkert sam-
hengi milli framtíðar Reykjavík-
urflugvallar og þess hvort Ís-
lendingar muni hugsanlega taka
að sér auknar byrðar í rekstri
Keflavíkurflugvallar að mati
Jóns Karls Ólafssonar, fram-
kvæmdastjóra Flugfélags Ís-
lands.
„Ef Íslendingar taka þátt í
rekstri Keflavíkurflugvallar að
öllu eða einhverju leyti þá leiðir
það ekki sjálfkrafa til þess að við
höfum ekki efni á því að reka
flugvöll í Reykjavík,“ segir Jón.
„Við munum áfram reka flugvelli
á Akureyri og Egilsstöðum.
Hvers vegna ekki í Reykjavík?“
Mörður Árnason, þingmaður
Samfylkingar, sagði á þingi fyrir
helgi að skapast hefðu nýjar að-
stæður til að flytja innanlands-
flug til Keflavíkur eftir að Davíð
Oddsson utanríkisráðherra
skýrði frá því að Íslendingar
hefðu boðist til að taka að sér
auknar byrðar í rekstri vallarins.
Jón Karl segir að það muni
draga úr innanlandsflugi ef flugi
til Reykjavíkur verður hætt. Þá
fari umferðin út á vegina með til-
heyrandi kostnaði og áhættu.
- ghg
JÓN KARL ÓLAFSSON
Framkvæmdastjóri Flugfélags Íslands segir
að draga muni úr innanlandsflugi ef flogið
verður til Keflavíkur í stað Reykjavíkur.
Reykjavíkurflugvöllur:
Íslendingar reki velli í
Reykjavík og Keflavík