Fréttablaðið - 29.11.2004, Blaðsíða 4

4 29. nóvember 2004 MÁNUDAGUR
Niðurskurður um-
deildur í Framsókn
Þingflokkur framsóknarmanna ræðir fjárframlög til Mannréttindaskrif-
stofu Íslands í dag. Tillaga fjárlaganefndar um að hætta stuðningi við
skrifstofuna virðist ganga þvert á skoðun forsætisráðherra.
STJÓRNMÁL Þingflokkur Fram-
sóknarflokksins mun ræða á fundi
í dag þá ákvörðun meirihluta fjár-
laganefndar að veita ekki fé til
Mannréttindaskrifstofu Íslands.
Málið er umdeilt innan flokksins.
Jónína Bjartmarz, þingmaður
flokksins, segist ekki styðja
ákvörðun fjárlaganefndar. Hún
segir skrifstofuna vera einstaka
aðhaldsstofnun og hún þurfi að fá
fé til rekstursins frá Alþingi til að
hún haldi sjálfstæði sínu.
Samkvæmt tillögum fjárlagan-
efndar þarf skrifstofan nú að
sækja um fé í átta milljóna króna
sjóð sem dómsmálaráðherra og ut-
anríkisráðherra veita úr. Fram til
þessa hefur skrifstofan fengið átta
milljónir króna ár hvert með fjár-
lögum. Jónína segir að skrifstofan
eigi ekki að þurfa að sækja fé til
framkvæmdavaldsins sem hún
hefur eftirlit með.
Kristinn H. Gunnarsson, þing-
maður Framsóknarflokksins, seg-
ist vilja ræða tillöguna innan
þingflokksins. Hann vilji fá svör
við ýmsum spurningum áður en
hann geti stutt tillögu meirihluta
fjárlaganefndar. Hann segir það
sína skoðun að skrifstofan eigi að
vera óháð framkvæmdavaldinu.
Hún eigi að geta staðið á eigin fót-
um án þess að vera komin undir
velvild framkvæmdavaldsins. „Ég
mun því óska eftir útskýringum á
því hvers vegna breytingin er talin
nauðsynleg,“ segir Kristinn. „Ég
sé svarið ekki í fljótu bragði.“
Halldór Ásgrímsson forsætis-
ráðherra skrifaði minnisblað sem
hann lagði fyrir ríkisstjórnina árið
1998 sem utanríkisráðherra þar
sem sagði að mikilvægt væri að
undirstrika sjálfstæði Mannrétt-
indaskrifstofu Íslands og auka
fjárframlög til hennar. Þá vildi
hann einnig að fjárstuðningur við
skrifstofuna yrði greiddur beint
frá Alþingi í stað handhafa fram-
kvæmdavaldsins. Það virðist
ganga þvert á tillögu meirihluta
fjárlaganefndar.
Stjórnarandstaðan hefur lagt
fram breytingatillögu þar sem
gert er ráð fyrir að skrifstofan fái
9 milljóna króna framlag til rekst-
urs. Tillagan verður afgreidd við
þriðju umræðu fjárlaga á föstu-
dag. ghg@frettabladid.is
UNDIRRITUN SAMNINGS
Þórólfur Árnason borgarstjóri og Grímur
Sæmundsen skrifuðu undir samning um
uppbyggingu íþróttamannvirkja á svæði
Vals.
Hlíðarendi:
Fram úr
áætlun
SKIPULAGSMÁL Framkvæmdakostn-
aður við uppbyggingu íþrótta-
mannvirkja og aðstöðu Vals við
Hlíðarenda verður hærri en áætl-
anir gerðu ráð fyrir. Samkvæmt
samningi Reykjavíkurborgar og
Vals frá 11. maí árið 2002 var gert
ráð fyrir að uppbyggingin myndi
kosta 715 milljónir króna. Nú er
hins vegar áætlað að hún muni
kosta rúman milljarð króna.
Í samningnum er kveðið á um
að byggt verði nýtt íþróttahús,
búningsklefar, áhorfendaaðstaða,
geymsla og nýr aðalvöllur.
- ghg
Á að flytja bandaríska sendiráðið
úr miðborginni?
Spurning dagsins í dag:
Er jólafrí þingmanna frá 10. desember
til 20. janúar of langt?
Niðurstöður gærdagsins
á visir.is
19%
81%
Nei
Já
KJÖRKASSINN
Farðu inn á fréttahluta visir.is
og segðu þína skoðun
SIGURÐUR GEIRDAL
Kópavogur:
Sigurður
Geirdal látinn
ANDLÁT Sigurður Geirdal, bæjar-
stjóri í Kópavogi og leiðtogi fram-
sóknarmanna í bænum, lést í gær,
65 ára að aldri. Hann skilur eftir
sig eiginkonu og fimm börn.
Sigurður fékk hjartaáfall að-
faranótt mánudags og var haldið
sofandi í öndunarvél á sjúkrahúsi
eftir aðgerð á þriðjudag.
Sigurður hefur gegnt ýmsum
störfum. Hann var kaupfélags-
stjóri Kaupfélags V-Húnvetninga
og síðar KRON. Hann var fram-
kvæmdastjóri Ungmennafélags
Íslands 1970 til 1986 og Fram-
sóknarflokksins 1986 til 1990.
Hann hefur verið bæjarstjóri í
Kópavogi frá árinu 1990. Sigurður
starfaði mikið innan Framsóknar-
flokksins og sat meðal annars í
miðstjórn flokksins.
Sigurður tók próf frá Samvinnu-
skólanum á Bifröst 1959, stúdents-
próf frá MH 1980 og útskrifaðist
sem viðskiptafræðingur frá Há-
skóla Íslands árið 1985. -ghg
„Maður ársins“
30%
afsláttur
Síðustu dagar
„Frábær bók, maður
ársins.“
- Sirrý, Skjár einn
„Lýsir óvenjulegum
kjarki eins manns ...
Vel skrifað og
vafningalaust.“
- Jón Baldvin Hannibalsson,
Mbl.
„Svakaleg.“
- Frbl.
■ LÖGREGLUFRÉTTIR
BÍLBRUNI Í NÖKKVAVOGI Lög-
reglu barst tilkynning um bíla-
bruna um fjögurleytið aðfaranótt
sunnudags. Lögregla og slökkvi-
lið komu á vettvang og var slökkt
í bílnum. Málið er í rannsókn.
■ LÖGREGLUFRÉTTIR
GRUNUR UM ÖLVUN Lögreglunni
í Borgarnesi barst tilkynning að-
faranótt sunnudags um ökumann
sem hugsanlega væri ölvaður.
Lögreglan fór út og svipaðist um
eftir bílnum og fann hann þar
sem honum var ekið norður
Borgarbraut. Ökumaður fór þar í
öndunarpróf og var í framhaldi
af því handtekinn grunaður um
ölvunarakstur.
ÖLVUNARAKSTUR Einn gisti
fangageymslu lögreglunnar í
Keflavík aðfaranótt sunnudags
vegna ölvunar og annar ökumað-
ur var tekinn grunaður um ölvun
við akstur.
FALUN GONG
Mannréttindaskrifstofa Íslands gerði athugasemdir við framgöngu íslenskra stjórnvalda
þegar félagar í Falun Gong komu hingað til lands á sama tíma og forseti Kína.
Reykjavíkurborg:
Fyrirtæki
til sölu
EINKAVÆÐING Undirbúningur að sölu
Malbikunarstöðvarinnar Höfða hf.
og Vélamiðstöðvarinnar ehf. í eigu
borgarinnar er hafin. Skúli Bjarna-
son hæstaréttarlögmaður verður
ráðgjafi verkefnisstjórnar sem
vinnur að samhliða sölu fyrirtækj-
anna.
Í minnisblaði til borgarráðs er
getið að sérstaklega verði að huga
að viðskiptalegum hagsmunum
borgarinnar við söluna, hvernig
bregðast eigi við fákeppni og hags-
munum starfsmanna fyrirtækj-
anna. Búist er við að ráðgjafi skili
skýrslu um stöðuna fyrir áramót.
- gag
JERÚSALEM, AP Ísraelsmenn munu
rýma landnemabyggðir á Gaza-
ströndinni í samráði við palest-
ínsk stjórnvöld að sögn Ariels
Sharon, forsætisráðherra Ísraels.
Tilkynningin eykur bjartsýni á
að hægt verði að koma á stöðug-
leika fyrir botni Miðjarðarhafs en
áður en Arafat lést hafði Sharon
sagt að rýming landnemabyggð-
anna yrði gerð einhliða af hálfu
Ísraelsmanna. Við fráfall Arafats
hafi hins vegar forsendur breyst
og forseta bráðabirgðastjórnar
Palestínu, Mahmoud Abbas, sé
treystandi til samráðs því hann sé
mótfallinn hryðjuverkum. Þá seg-
ir Sharon að Palestínumenn muni
fá yfirráð yfir herteknu svæðun-
um um leið og þau hafi verið
rýmd.
Það er von manna að þær að-
stæður sem hafa skapast á undan-
gengnum vikum verði til þess að
friðarvegvísirinn frá 2003 komist
aftur á dagskrá, en ýmislegt bend-
ir til þýðu í samskiptum deilenda,
til dæmis hefur Sharon sagt að
Ísraelsmenn muni reyna að greiða
fyrir kosningum í Palestínu í jan-
úar á næsta ári. ■
Brotthvarf frá Gaza-strönd:
Hafa samráð við Palestínumenn
LANDNEMABYGGÐ
Ísraelsk landnemabyggð á Gaza-
ströndinni. Palestínumenn verða
hafðir með í ráðum þegar land-
nemar hverfa á braut.