Fréttablaðið - 06.12.2004, Side 15

15MÁNUDAGUR 6. desember 2004
Góða
skemmtun!2.3
1.999
Frá leikstjóra Training day kemur núna
stórmyndin King Arthur sem fjallar um
þjóðsagnapersónuna, Artúr Konung sem lét
að sér kveða þegar Rómaveldið var að
gliðna í sundur.
Við lofum æsilegri hasarmynd þar sem
barist verður til síðasta manns. Hér er á
ferðinni blóðug riddaramynd og hefur fólk
líkt þessari við myndir á borð við Brave-
heart og Gladiator.
BESTA
VERÐIÐ
Konunglegt
tilboð!
PATTY HEARST
Eftir að henni hafði verið rænt tók hún
upp nafnið Tania og hóf að ræna banka
með föngurum sínum.
Stokkhólmsheilkennið:
Gengið
í lið með
óvininum
MANNRÁN Gíslatökur og mannrán
eru daglegt brauð í löndum þar
sem ástand er ótryggt. Erfitt er
að gera sér í hugarlund álagið
sem fórnarlömb mannræningja
eru undir en í sumum tilvikum
snúast þau á sveif með föngurum
sínum. Sinnaskipti af þessu tagi
ganga undir nafninu Stokk-
hólmsheilkennið.
Árið 1973 var bankarán
framið í Stokkhólmi þar sem
nokkrir viðskiptavinir voru
teknir í gíslingu. Þegar lögreglan
reyndi að bjarga gíslunum
streittust þeir á móti og þegar
þeir höfðu verið frelsaðir neit-
uðu þeir að bera vitni gegn ræn-
ingjunum.
Frægasta dæmið um mann-
eskju hrjáða af þessu heil-
kenni er Patty Hearst, dóttir
bandaríska fjölmiðlakóngsins
Randolphs Hearst. Árið 1974 var
henni rænt af pólitískum öfga-
mönnum og fyrr en varði tók hún
að fremja með þeim vopnuð
bankarán. Á þessu ári var
ítalskri konu sem starfaði fyrir
hjálparsamtök rænt í Írak og
þegar hún var látin laus sagði
hún ræningjana hafa verið í full-
um rétti til að nema sig á brott.
Geðlæknar hafa rannsakað
Stokkhólmsheilkennið og komist
að þeirri niðurstöðu að um varn-
arviðbrögð sé að ræða. Til að
sleppa við ofbeldi reyna fórnar-
lömb mannræningja gjarnan að
samsama sig með þeim eða höfða
til þeirra.
Allt vinarþel sem fangarinn
sýnir er oftúlkað og björgunartil-
raunir eru álitnar ógnun þar sem
gíslinn óttast að slasast eða deyja
fari þær úrskeiðis. Þessi ein-
kenni kvikna vitanlega þegar
fólk er undir miklu tilfinninga-
legu álagi og segja sérfræðingar
þeim svipa til þeirra sem fórnar-
lömb heimilisofbeldis sýna þeg-
ar þau afsaka iðju kvalara sinna.
- shg
HVAÐ ER AÐ FRÉTTA? KSENIA ÓLAFSSON, TALSMAÐUR RÉTTTRÚAÐRA Á ÍSLANDI.
Lauklaga kúplar í Leynimýri
„Það er allt mjög gott að frétta,“ segir
Ksenia Ólafsson, talsmaður Trúfélags rúss-
nesku rétttrúnaðarkirkjunnar á Íslandi, en
félagið hefur fengið vilyrði fyrir lóð undir
kirkju sína í svonefndri Leynimýri í Öskju-
hlíð. „Þetta er mjög spennandi, mér finnst
þetta einn besti staðurinn í Reykjavík og
hentar okkur mjög vel,“ bætir hún við glöð
í bragði enda er útsýnið úr Leynimýrinni
fagurt og öll aðkoma prýðileg.
Þegar málið hefur verið afgreitt í stjórn-
kerfinu eru næstu skref í málinu hönnun
kirkjunnar. „Við viljum fá bæði rússneska
og íslenska arkitekta til samstarfs við okk-
ur. Svo getum við byrjað að byggja,“ segir
Ksenia en sjálf er hún innanhússarkitekt
og mun því tæpast ákveða ytra útlit bygg-
ingarinnar þótt hún hafi á því skoðanir.
„Við viljum hafa húsið í hefðbundnum
rússneskum stíl, með þessum frægu
lauklaga kúplum. Hugmyndin er sú að not-
ast við þann byggingastíl sem tíðkast í
Norður-Rússlandi en þar eru kirkjur byggð-
ar úr timbri. Það er bæði hlýlegt og
skemmtilegt að vera í slíkri kirkju og þær
eru einfaldar í byggingu.“
Um það bil hundrað manns eru skráðir í
trúfélagið og mun byggingin taka mið af
því. „Við höfum hingað til verið í Friðriks-
kapellu, hjá Valsheimilinu. Nýja kirkjan
verður ekki mikið stærri en hún,“ segir
Ksenia. Rússar eru vitaskuld áberandi í
söfnuðinum en þar er einnig að finna
Úkraínumenn, Búlgara svo og borna og
barnfædda Íslendinga.
Gert er ráð fyrir að tvö önnur trúfélög verði
með bækistöðvar í Leynimýri en Ksenia
kveðst ekki vita hvaða hópar þar séu á
ferðinni þótt hana gruni að múslimar séu
annar þeirra. „Pabbi minn er múslimi en
mamma mín er í rétttrúnaðarkirkjunni
þannig að mér þætti mjög gaman ef við
yrðum þarna hlið við hlið.“
Trúfélagið er enn prestlaust en Ksenia býst
við að fyrst skriður sé kominn á kirkjubygg-
ingarmálin þá flytjist hingað fljótlega rúss-
neskur prestur. „Við erum búin að leita í
tvö ár en við erum með svo háar kröfur
þannig að þetta hefur tekið tíma.“ Það
verður hins vegar ekki prestlaust hjá rétt-
trúuðum um jólin en þeir halda jólahátíð
sína í janúarbyrjun. Ksenia segir helgihaldið
verða með hefðbundnu sniði og er þegar
farin að hlakka mikið til. ■
LEYNIMÝRI Í ÖSKJUHLÍÐ
Þar fær Trúfélag rússnesku
rétttrúnaðarkirkjunnar á Íslandi
að líkindum lóð.
KSENIA ÓLAFSSON
FR
ÉT
TA
B
LA
Ð
IÐ
/T
EI
TU
R