Fréttablaðið - 27.08.2004, Síða 4

4 27. ágúst 2004 FÖSTUDAGUR
Sjálfstæðismenn mættu ekki til stjórnarfundar hjá Orkuveitunni:
Fengu ekki umbeðin gögn
LÍNA.NET Fulltrúar Sjálfstæðis-
flokksins mættu ekki til fundar í
stjórn Orkuveitu Reykjavíkur í
gær, þar sem afgreidd var viljayf-
irlýsing um samningaviðræður
Orkuveitunnar og OgVodafone
um kaup á Línu.net sem er í eigu
Orkuveitunnar.
Í tilkynningu frá þeim Guð-
laugi Þór Þórðarsyni og Þorbjörgu
Helgu Vigfúsdóttur, fulltrúum
Sjálfstæðisflokksins, segir að
Alfreð Þorsteinsson, stjórnarfor-
maður Orkuveitunnar, hafi lofað
því að afhenda þeim umbeðin
gögn um fjárhagsmálefni Línu.net
fyrir fundinn en gengið á bak orða
sinna. Útilokað væri fyrir þau að
mæta til fundar, þar sem taka ætti
ákvarðanir í milljarðaviðskiptum,
án þess að hafa til þess nægilegar
upplýsingar.
Í bókun meirihlutans á stjórn-
arfundi í Orkuveitunnar lýsir
hann yfir undrun á fjarveru
sjálfstæðismanna. Þar segir að
skriflegum fyrirspurnum þeirra
hafi verið svarað fyrir fundinn.
Einu upplýsingarnar sem sjálf-
stæðismenn hefðu beðið um en
ekki fengið væru skýrslur end-
urskoðenda til stjórnar Línu.net,
en að mati endurskoðanda
Línu.net væri óeðlilegt að af-
henda öðrum þær en stjórnar-
mönnum Línu.nets. ■
Hörð átök um ráðn-
ingu sparisjóðsstjóra
Hörð átök eru uppi milli stjórnarmanna Sparisjóðs Hólahrepps vegna ráðningar nýs sparisjóðs-
stjóra. Stjórnin skiptist í tvær fylkingar, fulltrúa svokallaðs kaupfélagsarms annars vegar og
stofnfjáreigenda hins vegar. Hinir síðarnefndu draga lögmæti ráðningarinnar í efa.
SVEITARSTJÓRNIR Tveir stjórnar-
menn Sparisjóðs Hólahrepps
gagnrýna meirihluta stjórnarinn-
ar harðlega vegna ráðningar nýs
sparisjóðsstjóra. Þeir segjast
draga í efa að löglega hafi verið
staðið að ráðningu hans og áskilja
sér „rétt til að láta reyna á hvort
svo sé“.
Stjórnin greiddi atkvæði um
ráðninguna í fyrradag. Var hún
samþykkt með atkvæðum tveggja
fulltrúa Kaupfélags Skagfirðinga
og einum fulltrúa Sambands ís-
lenskra sparisjóða. Tveir fulltrú-
ar stofnfjáreigenda sátu hjá.
Þrettán manns sóttu um starfið.
„Þetta er angi af stærra bar-
áttumáli sem snýst um hvernig
stórfyrirtæki valtar yfir einstak-
linga í sínu héraði,“ sagði Valgeir
Bjarnason, annar þeirra sem
greiddu atkvæði gegn ráðning-
unni. „Hér getur nánast ekkert
þrifist nema kaupfélagið sé ein-
hvers staðar með klærnar í því.“
Valgeir sagði að andstaða tví-
menninganna stafaði af því að
þeir teldu nýráðinn kaupfélags-
stjóra „hallan undir kaupfélagið“.
Þeir vildu frjálsan sparisjóð sem
ekki væri háður neinu fyrirtæki.
En með ráðningunni væri Spari-
sjóður Hólahrepps að verða háður
kaupfélaginu, sem réði flestu í
Skagafirði fyrir.
„Það sem veldur því að við höf-
um þennan illa grun, er að í vor
var fyrrverandi sparisjóðsstjóra
bolað burt af kaupfélaginu. Þá
kom strax upp nafn þessa nýráðna
manns, að það væri ósk frá stjórn
kaupfélagsins, að hann yrði ráð-
inn,“ sagði Valgeir. „Við teljum að
það hafi verið búið að semja um
þessa ráðningu á bak við okkur.
Við vildum fá starfsmann spari-
sjóðsins í þetta starf en kaupfélag-
ið vildi mann frá Byggðastofnun
og fékk hann. Við erum jafnframt
ósáttir við framgöngu Sparisjóða-
sambandsins í þessu máli.“
Valgeir sagði að þeir tveir sem
greitt hefðu atkvæði gegn ráðning-
unni væru fulltrúar gömlu stofn-
fjáreigendanna. Á bak við þá stæðu
um 50 stofnfjáreigendur, en um 25
fylgdu kaupfélaginu að málum.
Sigurjón Rúnar Rafnsson, einn
stjórnarmanna Sparisjóðs Hóla-
hrepps og jafnframt skrifstofu-
stjóri Kaupfélags Skagfirðinga,
vildi ekki tjá sig um ráðninguna
en vísaði formann stjórnar, Magn-
ús D. Brandsson.
jss@frettabladid.is
Ætlarðu að endurfjármagna
íbúðalán þín með nýju láni frá
bönkunum?
Spurning dagsins í dag:
Er rétt hjá Ólafi Stefánssyni að taka
sér frí frá keppni með handboltalands-
liðinu?
Niðurstöður gærdagsins
á visir.is
70%
30%
Nei
Já
KJÖRKASSINN
Farðu inn á visir.is og segðu þína skoðun
visir.is
RÁÐUNEYTISSTJÓRI
Ragnhildur Arnljótsdóttir lögfræðingur
hefur verið skipuð í embætti ráðuneytis-
stjóra félagsmálaráðuneytisins.
Nýr ráðuneytisstjóri
félagsmála:
Hlakka til að
takast á við
verkefnið
STÖÐUVEITING „Ég hlakka til að
takast á við verkefnið í samvinnu
það ágæta starfsfólk sem er þarna
fyrir,“ sagði Ragnhildur Arnljóts-
dóttir lögfræðingur, sem hefur
verið skipuð í embætti ráðuneyt-
isstjóra félagsmálaráðuneytisins
til fimm ára. Hún sagði að nýja
starfið legðist vel í sig, en við því
tekur hún 15. september.
Ragnhildur er fædd 20. júní
1961. Hún útskrifaðist með
kandídatspróf frá lagadeild Há-
skóla Íslands árið 1991. Síðastliðin
tvö ár hefur hún starfað sem full-
trúi félagsmálaráðuneytisins og
heilbrigðis- og tryggingamála-
ráðuneytisins í sendiráði Íslands í
Brussel.
Aðrir umsækjendur voru Anna
Guðrún Björnsdóttir, sviðsstjóri
hjá Sambandi íslenskra sveitarfé-
laga, Gylfi Kristinsson, skrif-
stofustjóri í félagsmálaráðuneyt-
inu, Helga Jónsdóttir borgarrit-
ari, Hermann Sæmundsson, sett-
ur ráðuneytisstjóri félagsmála-
ráðuneytisins,
Kristín Einarsdóttir, fram-
kvæmdastjóri miðborgar Reykja-
víkur, og Sigurður Snævarr borg-
arhagfræðingur. ■
Tónskóli Hörpunnar
INNRITUN
í dag föstudag
kl. 15:00-19:00
og á morgun laugardag
kl. 13:00-16:00
Tónskóli Hörpunnar Bæjarflöt 17, Grafarvogi
sími 567-0399 og 822-0398
www.harpan.is tonharp@harpan.is
KAUPFÉLAGSSTRÍÐ
Meirihluti stofnfjáreigenda Sparisjóðs Hólahrepps á í
stríði við Kaupfélag Skagfirðinga vegna yfirráða yfir spari-
sjóðnum, að sögn stjórnarmanns. Á innfelldu myndinni
er Þórólfur Gíslason kaupfélagsstjóri.
Flugleiðir:
Þorskalýsi
olli seinkun
SEINKUN Flugleiðavél, sem var á
leið frá London á miðvikudag,
seinkaði um marga klukkutíma
vegna óþekkts efnis sem lekið
hafði í vörurými vélarinnar.
Einn hlaðmanna vélarinnar
snerti efnið og sagðist hafa brennst
á höndunum. Mikið viðbúnaðar-
kerfi fór af stað, slökkvilið á Heat-
hrow var kallað til ásamt eiturefna-
sérfræðingum. Um kvöldmatar-
leytið kom hins vegar í ljós að efn-
ið reyndist vera þorskalýsi og mað-
urinn sem varð þess var brenndist
ekki sökum þess. Vélin kom til Ís-
lands um miðnætti sama dag. ■
SVEITARSTJÓRNARMÁL „Þetta er
argasta bull,“ sagði Magnús D.
Brandsson, formaður stjórnar
Sparisjóðs Hólahrepps og full-
trúi Sambands íslenskra spari-
sjóða í henni, um gagnrýni
tveggja stjórnarmanna varð-
andi ráðningu nýs sparisjóðs-
stjóra.
Magnús sagði, að í fyrradag
hefðu verið kallaðir til viðtals
þrír af þeim þrettán sem sótt
hefðu um stöðuna og þótt lík-
legir til að fá hana. Síðan hefði
Vilhjálmur Baldursson verið
ráðinn, enda hefði hann verið
„langhæfasti umsækjandinn“ í
hópnum.
Í yfirlýsingu sem hinir óá-
nægðu stjórnarmenn sendu frá
sér í gær, sögðust þeir harma
vinnubrögð meirihluta spari-
sjóðsstjórnarinnar og biðja
aðra umsækjendur „afsökunar
að vera plataðir til að sækja um
starfið“.
„Það er gríðarlegur ábyrgð-
arhluti stjórnarmanna að senda
svona frá sér,“ sagði Magnús og
bætti við: „Þetta er svo fyrir
neðan allar hellur að menn eru
ekki með réttu ráði.“
Í yfirlýsingunni sagði enn
fremur, að tvímenningarnir ótt-
uðust að með ráðningunni um-
deildu væri sparisjóðurinn „í
raun orðinn deild í Kaupfélagi
Skagfirðinga“.
„Þetta er alrangt. Sparisjóð-
urinn er sjálfstæður en þessir
menn eru ekki að hugsa um
hagsmuni hans þegar þeir láta
svona,“ sagði Magnús. „þeir eru
að skaða hann verulega með
svona vitleysisyfirlýsingum.“ ■
Stjórnarformaður Sparisjóðs Hólahrepps:
Þetta er argasta bull
HÚS ORKUVEITU REYKJAVÍKUR
Sjálfstæðismenn segja stjórnarformanninn
hafa gengið á bak orða sinna.
FR
ÉT
TA
B
LA
Ð
IÐ
/R
Ó
B
ER
T
04-05 26.8.2004 21:53 Page 2