Fréttablaðið - 27.08.2004, Síða 33

Þið hafið kippt
okkur út úr lágværu
kjökri örfárra einstaklinga
yfir í háværan kröfuharðan
hóp sem gefur ekkert eftir.
Takk fyrir Framsóknarkonur
Það er langt síðan ég hef hlustað á póli-
tíska ræðu sem hefur valdið mér
gæsahúð. Það er langt síðan pólitísk
ræða hefur orðið til þess að mig lang-
aði að hlaupa út á götu og hrópa húrra!
Það gerðist á miðvikudaginn. Úrdrátt-
ur úr ræðu Sigrúnar Magnúsdóttur
sem sendur var í loftið í Speglinum í
fyrrakvöld var frábær – stórkostlegur
og varð til þess að mig langaði að fá að
vera með. Mig langaði að hlaupa út á
götu og hrópa húrra fyrir ykkur fram-
sóknarkonur – takk þúsund sinnum!
Vitið þið hversu frábært framlag þið
hafið fært til jafnréttisbaráttunnar
síðustu daga og vikur? Ef ekki, er rétt
að þið vitið það – þið hafið fært okkur
fram um mörg skref, gott ef ekki
marga áratugi fram á við. Þið hafið
kippt okkur út úr lágværu kjökri ör-
fárra einstaklinga yfir í háværan
kröfuharðan hóp sem gefur ekkert
eftir. Hóp sem ekki leynir sér að er til
alls vís! Allar konur sem láta sig jafn-
réttismál varða af alvöru hljóta að
fagna óumræðilega þessa dagana.
Gleðilegast af öllu er sú staðreynd að
þessi þétta gagnrýni og samheldni
kvenna innan Framsóknarflokksins
hefur náð út fyrir raðir hans, meira að
segja einhverjar sjálfstæðiskonur
virðast fagna. Þannig mátti lesa í grein
í Morgunblaðinu að Helga Guðrún
Jónasdóttir gagnrýndi orð Dagnýjar
Jónsdóttur um „hæfni“ einstaklinga
og er vonandi að sú fáránlega lokun á
jafnréttisumræðunni sé nú kveðin í
kútinn í eitt skipti fyrir öll. Konur
þurfa ekki að finna verkfærin fyrir
karlmennina til að þagga niður í jafn-
réttisumræðunni, þeir eru alveg nægi-
lega duglegir við það án okkar hjálpar.
Það er ótrúleg móðgun og lítilsvirðing
sem felst í því að konur skuli nú um
langa hríð hafa hafið þennan söng um
að sá „hæfasti“ skuli ráðinn í hvert
skipti sem umræðan snýst um ráðn-
ingu kvenna en að þær þegi þunnu
hljóði í öll þau þúsund skipti þar sem
karlmenn fá ráðningu út á það eitt að
vera af réttu kyni. Hvers vegna haldið
þið að Davíð Oddsson hafi tilnefnt Þor-
gerði Katrínu Gunnarsdóttur í emb-
ætti menntamálaráðherra og Sigríði
Önnu Þórðardóttur í embætti um-
hverfisráðherra í kjölfar síðustu kosn-
inga? Hvers vegna haldið þið að Össur
Skarphéðinsson hafi náð því að verða
fyrsti þingmaður Reykjavíkurkjör-
dæmis norður í síðustu kosningum?
Hvers vegna skyldu fleiri konur en
karlar hafa kosið Framsóknarflokkinn
í síðustu kosningum? Eru ekki skila-
boðin skýr? Við getum breytt ásýnd
samfélagsins eins og við viljum! Við
getum haft stórkostleg áhrif með því
að beita því valdi sem við höfum.
Hugsið ykkur bara ef okkur tækist að
upplifa þann stórkostlega dag að geta
haft fullkomlega sjálfstæða skoðun –
óháð kynferði? Hugsið ykkur ef við
gætum einn dag leyft okkur að deila
og vera ósammála á fullkomlega mál-
efnalegan hátt án þess að kynjabreyt-
an komi þar nokkuð við sögu?
Við getum unnið að því að þessi
dagur komi – galdurinn er sá að standa
saman í baráttunni og styðja hvor aðra
í þessari baráttu sem sameinar okkur
allar. ■
25FÖSTUDAGUR 27. ágúst 2004
Þjóðfélagið ekki hópar
Það sem greinarhöfundur vildi benda á ...
er að þjóðfélagið samanstendur ekki af
hópum manna. Þjóðfélaginu á heldur
ekki að vera stýrt af þeim hópum sem
hæst hafa. Því síður eiga ytri einkenni
manna að hafa nokkuð með skipanir í
nefndir, ráð eða ríkisstjórn að gera. Haldi
Framsóknarkonur máli sínu til streitu vill
greinarhöfundur hvetja aðra þrýstihópa til
að grípa til sömu aðgerða innan Fram-
sóknarflokksins. Svartir, sköllóttir, fatlaðir
og einhleypir ættu þá einnig að gera kröfu
til þess að fá sæti í ríkisstjórn. Þá fyrst væri
jafnrétti fyrir alla – ekki aðeins konur –
innan Framsóknarflokksins og öll ytri ein-
kenni fengju að njóta sín. Heppinn?
Heiðrún Lind Marteinsdóttir á tikin.is
Í bleikum skóm
Ég sá Siv Friðleifsdóttur um daginn. Hún
var í bleikum skóm eins og menntaskóla-
skvísa og sveiflaði hárinu til með þokka-
fullum hreyfingum; átti pleisið! Það verður
nefnilega ekki af henni Siv tekið, hvað
sem öðru líður, að hún er hörkugella og
töffari, litrík persóna, áberandi og dugleg.
Í starfi umhverfisráðherra hefur ef til vill
hennar stærsta mál verið Kárahnjúkamál-
ið, en vegna þess var Siv tíður gestur á öld-
um ljósvakans. Sem þingmaður og ráð-
herra er Siv vísast umdeild, utan flokks
sem og innan, en fólk veit allavega hver
hún er – sem er meira en hægt er að
segja um ýmsa kollega hennar innan rík-
isstjórnarinnar sem varla sjást hvort held-
ur sem er á þingi eða í fjölmiðlum.
Hrönn Guðmundsdóttir á politik.is
Þingflokksins er valdið
Hvernig er hægt að leyfa sér í skjóli jafn-
réttis að viðhafa aðra eins framkomu og
sýnd hefur verið undanfarna daga af „ein-
stökum konumî“ innan LFK og fámenns
hóp kjósenda framsóknarflokksins. Kjós-
endur flokksins greiddu atkvæðið sitt á
síðasta ári til flokksins, þeirri stefnu sem
hann boðaði og til ábyrgðarstarfa. Þing-
flokknum er þar með veitt vald til að taka
afstöðu og ákvarðanir í einstökum málum
og stefnu. Það er krafa okkar flokksmanna
og kjósenda flokksins, að þingmenn virði
þær niðurstöður sem meirihluti þing-
flokksins tekur ákvörðun um. Þingflokks-
fundir er sá vettvangur sem þingmenn
hafa til að tjá skoðun sína á þeim málefn-
um og ákvörðunum sem fyrir liggja en
ekki fjölmiðlar.
Herdís Þórðardóttir á hrifla.is
Ekki svara vert
Las pistil Guðjóns Ólafs á hriflu.is er birtist
23. ágúst, 2004. Veit að Guðjón Ólafur er
skýr, bráðvel gefinn og reyndur í félagsmál-
um. Yfirleitt er hann rökfastur og skrifar
góðan texta. Þessi pistill ber ekkert þessara
höfundarmerkja með sér. Einu viðbrögðin
voru, jæja, best að láta sem þetta hafi ekki
birst. Heyrði að Guðjón Ólafur telur að fyrst
engin andsvör eða viðbrögð hafa borist þá
sé hann að fara með rétt mál. Hið sanna er
að ómálefnalegir, illa rökstuddir pistlar eru
ekki svara verðir.
Eirný Vals á hrifla.is
Afslöppuð og einlæg
Afslöppuð og einlæg: Þannig eru sam-
skipti okkar Íslendinga við frægasta fólk í
heimi. Og þarf engan að undra þar sem
við erum fyrirmynd annarra þjóða í nánast
öllum málaflokkum og hingað getur fólk
komið til að læra og skilja. Hér fást meira
að segja bestu pylsur í heimi og Bæjarins
bestu bragðast enn betur þegar maður
veit að þeirri staðreynd hefur verið komið
á hreint við útlendinga. Það er svo gott að
vera Íslendingur enda erum við langlang-
langlangbest í heimi.
KJ á murinn.is
SIGNÝ SIGURÐARDÓTTIR
ÁHUGAMAÐUR UM ÞJÓÐFÉLAGMÁL
UMRÆÐAN
KONUR OG
STJÓRNMÁL
,,
AF NETINU
24-33 (24-25) Leiðari 26.8.2004 16:02 Page 3