Fréttablaðið - 29.10.2004, Síða 44

32 29. október 2004 FÖSTUDAGUR
Ómissandi á DVD
The Predator. Arnold Schwarzenegger mætti drápglöðu geimverunni árið 1987
í þessari spennumynd úr smiðju leikstjórans John McTiernan sem sló svo eftir-
minnilega í gegn ári síðar rmeð Die Hard. Predator er testósterón-mynd af
gamla skólanum og ómissandi í safnið hjá öllum aðdáendum ríkisstjórans
tröllvaxna sem og þeirra sem hafa gaman af hressilegum vísindaskáldskap.
[ SMS ]
UM MYNDIRNAR Í BÍÓ
„There’s something out there waiting for us, and it ain’t
no man. We’re all gonna die.“
- Indíáninn Billy var fljótur að átta sig á því að þraut-
þjálfaðir hermenn ættu ekki séns í rándýrið í The Predator
frá árinu 1987.
SHALL WE DANCE? Gagnrýnanda Frétta-
blaðsins leiddist ekkert á myndinni en
fannst samt vanta neistann.
Shall We Dance?
„Rómantíkin og ástarþráin svífur því yfir vötnum í
Shall We Dance? en dramað og tilfinningarnar rista
þó aldrei nógu djúpt til þess að myndin hreyfi al-
mennilega við áhorfandanum en til þess að róm-
antískar gamanmyndir af þessu tagi virki fullkom-
lega þarf fólk að geta fundið einhvern samhljóm
með persónunum og fá tækifæri til að taka þátt í
gleði þeirra og sorgum af heilum hug.“ ÞÞ
Shark Tale
„Mafíuhákarlarnir eru einu persónurnar sem eitt-
hvað er spunnið í og þar eru þeir áberandi bestir
Robert De Niro sem gerir góðlátlegt grín að sjálf-
um sér í hlutverki Don Linos og Michael Imperioli.
Þessir gaurar kunna mafíósataktana utanbókar og
blása smá lífi í staðna söguna.“ ÞÞ
Wimbledon
„Af þessu öllu verður ágæt mynd, rómantísk, nokk-
uð fyndin, talsvert barnaleg á köflum – eins og
breskra rómantískra gamanmynda er jafnan háttur
– en yfir meðallagi í leik og söguþræði. Pör voru
þó nokkur í bíó. Myndin er ekki við hæfi þeirra
sem þola ekki tennis.“ GS
Dodgeball
„Hefst þá hin skemmtilegasta atburðarás sem
heldur manni brosandi allan tímann, það vantar
ekki. Og spenntum. En maður liggur aldrei afvelta
af hlátri, eins og maður bjóst við að maður myndi
gera.“ GS
Leikstjórinn Ridley Scott braut
blað í bíósögunni árið 1979 þegar
hann kynnti morðóða geimveru til
sögunnar í hryllingsmyndinni
Alien. Skepnan er snýkjudýr af
verstu sort og verpir eggjum sín-
um í kviðarhol fólks sem springur
svo með látum þegar fullþroskað
og tannhvasst geimverubarn rífur
sig laust. Skepnan vex á metraða
og nær fullum vexti á augabragði
og þegar hún er komin á legg fær
nánast ekkert stöðvað hana. Blóðið
sem rennur um æðar hennar er
kraumandi sýra og hún eirir engu
enda er frumtilgangur tilveru
hennar sá að fjölga sér á kostnað
annarra, sérstaklega mannfólks.
Geimveran hefur gert leikkon-
unni Sigourney Weaver og félögum
lífið leitt í fjórum myndum, sem
allar eru býsna ólíkar fyrir utan
það eitt að allar hverfast þær um
glímu Ellen Ripley við geimveruna.
Rándýrið sem kom til jarðar, vel
vopnum búið, árið 1987 og mætti
sjálfum Arnold Schwarzenegger í
æsilegum frumskógarbardaga er
öllu siðmenntaðra en Alien-kvik-
indið. Rándýrin eru þó engu að síð-
ur þrælskæð og erfið viðureignar
en hafa ýmsar siðareglur í heiðri
og takast aðeins á við verðuga and-
stæðinga, þannig að óvopnað fólk
og þungaðar konur eru ekki í hættu
þegar Predatorinn skýtur upp koll-
inum.
Spekingarnir í Hollywood hafa
lengi gælt við þá hugmynd að láta
þessar skepnur utan úr geimnum
takast á og hugmyndin um að
demba Alien og Predator saman í
eina bíómynd hefur verið í pípun-
um í um það bil áratug og forynj-
urnar hafa þegar borist á bvana-
spjótum í teiknimyndasögublöðum
og í tölvuleikjum.
Topparnir hjá Fox-kvikmynda-
framleiðandanum höfðu leitað að
heppilegu handriti fyrir átök
geimskrímslanna en treystu sér
ekki til að veðja á neitt fyrr en leik-
stjórinn Paul W.S. Anderson mætti
til leiks með hugmyndina um að
láta kvikindin berjast á jörðinni.
Mannkynið lendir því heldur betur
milli steins og sleggju í Alien vs.
Predator og það er víst óhætt að
fullyrða að alveg sama hver vinnur
í þessu stríði þá munum við tapa.
Þessi nýi kafli í sögu Alien og
Predator hefst á því að vísinda-
menn uppgötva dularfullan
pýramída á hafsbotni undir þykkri
íshellu. Þegar þeir fara að skoða
sig betur um inni í byggingunni
komast þeir að því að Predatorar
hafa innréttað æfingabúðir fyrir
manndómsvígslur nýrra stríðs-
manna þar sem þeir láta þá berjast
við geimverurnar morðóðu. Þeir
halda risavaxinni geimverudrottn-
ingu fanginni og á 100 ára fresti
verpir hún eggjum og allt fyllist í
kjölfarið af blóðþyrstum afkvæm-
um hennar. Það vill auðvitað svo
heppilega til að pýramídinn finnst
á varptíma og fyrr en varir verður
allt brjálað. ■
Geimskrímsli berjast á jörðinni
ALIEN OG PREDATOR Þessi stórhættulegu geimskrímsli berjast upp á líf og dauða í Alien vs. Predator en þessar skepnur hafa aldrei
áður mæst á hvíta tjaldinu. Alien-skepnan hefur hingað til gert fólki lífið leitt í fjórum bíómyndum en Predator í tveimur.
Næsland
„Það er margt vel gert í Næslandi enda enginn
skortur á fagmönnum sem koma að framleiðslunni.
Kvikmyndatakan er flott, sviðsetningin á köflum
snilld, leikararnir standa sig upp til hópa prýðilega og
tónlistin er fín en samt er eitthvað að klikka þannig
að eftir stendur áferðarfalleg mynd sem er ekkert
sérstaklega skemmtileg og ristir ekki djúpt.“ ÞÞ
Collateral
„Í raun er hér um klassíska baráttu góðs og ills að
ræða. Að þessu sinni fer hún fram í leigubíl, á milli
níhílista sem fer um stórborgina drepandi fólk eins
og engill dauðans og er skítsama, og leigubílstjóra
sem trúir enn á drauma og hið góða í lífinu. Og
spennan er klassísk: hvort aflið verður hinu yfir-
sterkara? „ GS
Man on Fire
„Þrátt fyrir tómahljóðið í söguþræðinum má vel
hafa gaman af Man on Fire, sérstaklega ef maður
er veikur fyrir hefndardrama og nýtur þess að sjá
óþokka þjást en í bestu atriðum myndarinnar níð-
ist Creasy heldur ruddalega á óvinum sínum.“ ÞÞ
Girl Next Door
„En myndin kemur bara nokkuð skemmtilega á
óvart á vitsmunalega sviðinu, og það er hennar
styrkur. Og hún er líka nokkuð fyndin og tónlistin
er góð. Svo eru líka ágætis pælingar í henni, til
dæmis um siðferði og pólitík.“ GS
44-45 (32-33) bíó 28.10.2004 18:29 Page 2