Fréttablaðið - 11.02.2005, Blaðsíða 23
3FÖSTUDAGUR 11. febrúar 2005
Allir klárir í bátana
– stökkir að utan, mjúkir að innan!
ar
gu
s
04
-0
71
3
Til hnífs og skeiðar
GUÐRÚN JÓHANNSDÓTTIR ELDAR
FLJÓTLEGAN MAT Á FÖSTUDEGI
Kjúklingabringur sem bragð er að
Frábær áhrif þessa réttar koma frá sítrónu, fennel og kapers. Þessi
frískandi súrsæta bragðaflóra nær alla leið út í blóðið þar sem
kapersblómknapparnir blómstra og galdra vetrardrungann burt – út
í veður og vind.
Setjið ólífuolíu í botninn á eldföstu fati og komið kjötinu þar fyrir.
Blandið saman sýrðum rjóma og sveppaosti og smyrjið yfir
kjúklingabringurnar. Merjið fennelfræin ögn með kökukefli og strá-
ið þeim yfir bringurnar ásamt kapersberjum og tómötum. Flysjið
börkinn af sítrónunni með ostaskera, dreifið yfir réttinn og kreistið
svo safann úr sítrónunni yfir allt. Saltið og piprið. Bakið í 200 gráðu
heitum ofni í ca15 mínútur. Berið réttinn fram með góðu salati og
kartöflustöppu sem stöppuð er með smjörva, rifnum parmesan osti
og nýmöluðum svörtum pipar.
3-4 kjúklingabringur
3 msk sýrður rjómi
2 msk sveppaostur
15 kirsuberjatómatar
1 sítróna
1 tsk fennelfræ
1 tsk kapers
2 msk ólífuolía
Tagliatelle al
pomodoro e basilico
ANNA SIGRÍÐUR HELGADÓTTIR
SÖNGKONA ELDAR OFT PASTARÉTTI.
HÉR ERU TVÆR UPPSKRIFTIR AÐ
GÓMSÆTUM RÉTTUM.
500 g tagliatelle
4-5 hvítlauksrif
4-5 perutómatar
fersk basillauf
Ólífuolía (extra virgin) er sett á
pönnu og hituð. Hvítlaukurinn
skorinn í frekar stóra bita, settur út
í olíuna og brúnaður. Þegar hann
er orðinn gullinn á litinn er hann
veiddur upp úr olíunni.
Þá er niðurskornum tómötum
blandað út í olíuna og hitinn
hækkaður. Þegar tómatarnir eru
orðnir að mauki og skinnið allt
orðið krullað eru basillaufin rifin
yfir allt og blandað saman.
Mikilvægt er að sjóða ekki pastað
of mikið og hella vatninu af því.
Sósunni hellt yfir pastað og hrært
saman. Gott er að rífa parmesan-
eða granaost yfir.
Spínat- og tómatsalat
500 g spínat
250 g kirsuberjatómatar
ólífuolía
balsamedik
salt
Spínatið skolað og sett í skál.
Tómatar skolaðir, skornir í tvennt
og bætt út í spínatið. Ólífuolíunni
og balsamedikinu (frá Modena)
hellt vel yfir. Ekki spara balsam-
edikið. Að endingu er salti drussað
yfir allt salatið í skálinni með
tveimur fingrum og öllu velt upp úr
vökvanum. ■
Sjálfsagt munu margir færa elskunni sinni freyðivínsflösku um
helgina í tilefni Valentínusardagsins. J.P. Chenet Sparkling
Medium dry er ákaflega ljúft freyðivín sem er ljóst á lit með
smá gylltum tón. Blómkenndur ilmur með keim af hnetum og
möndlum. Bragðmikið og mjúkt með hunangi, perum og rist-
uðum möndlum. Langt, sætt og gott eftirbragð. Vín sem freyðir
vel og lengi. Kjörið sem fordrykkur og i margs konar veislur,
einnig tilvalið með mat. Kjörhiti 6-8˚ C.
Verð í Vínbúðum 1.070 kr.
J.P. CHENET:
Freyðandi ást um helgina!
Food & Fun hátíðin í Reykjavík er
haldin fjórða árið í röð og stendur
yfir dagana 16. til 20. febrúar.
Hátíðin er haldin í samstarfi við
Reykjavíkurborg og er á sama
tíma og vetrarhátíð sem borgin
stendur fyrir, en hún er liður í
markaðsstarfi Icelandair, í sam-
starfi við íslenskan landbúnað og
Iceland Naturally.
Sem fyrr koma hingað heims-
þekktir kokkar og elda mat ein-
göngu úr íslensku hráefni á veit-
ingahúsum borgarinnar en kokk-
arnir eru 12 talsins og er þeim
raðað niður á veitingastaði og
munu þeir elda einn fiskrétt, einn
kjötrétt og eftirrétt. Réttirnir
verða á matseðli veitingastað-
anna í heila viku en kokkarnir
verða á staðnum þá daga meðan
hátíðin stendur.
Hátíðinni lýkur með keppni
laugardaginn 19. febrúar í Lista-
safni Reykjavíkur í Hafnarhúsinu
þar sem kokkarnir etja saman
kappi og hafa þrjár klukkustund-
ir til að elda mat úr íslensku hrá-
efni, en aðeins hálftíma til að
kaupa inn hráefnið. Gestum og
gangandi er boðið að koma og
fylgjast með keppninni. ■
Matur og gleði
Food & Fun hátíðin hefst í næstu viku.
Food & Fun lýkur með keppni í Hafnar-
húsinu í Reykjavík.
ráð }
Gömul egg fljóta
Það er gamalt og gott húsráð að setja egg í vatnsglas ef
grunur leikur á því að farið sé að slá í þau vegna aldurs.
Niðurstaðan liggur strax fyrir því fersk egg sökkva til
botns í glasinu en gömul egg fljóta upp. Ný egg hafa líka
til að bera grófari skurn en gömul egg.