Fréttablaðið - 11.02.2005, Blaðsíða 49

FÖSTUDAGUR 11. febrúar 2005
Ótrúleg endurkoma
Það er ekki á hverjum degi sem leik-
húslistamenn fá tækifæri til að
betrumbæta verk sín og sjaldgæft að
leikstjórar setji upp sama verkið oftar
en einu sinni á ferlinum en hér hefur
undantekning verið gerð. Það hefur
verið sagt erfitt að gera betur þegar
gert er framhald af leikverki sem hef-
ur tekist vel með og enn fremur að
endurgerðir verka séu í mörgum til-
fellum lélegri en frumgerðirnar. Ég sá
frumútgáfu Ávaxtakörfunnar á frum-
sýningu fyrir sjö árum síðan og sú sýn-
ing gekk afskaplega vel og hefur lifað
góðu lífi á vídeóspólu hjá mínum
börnum síðan.
Nú hefur verkið gengið í endurnýj-
un lífdaga. Höfundurinn fær tækifæri
til að umskrifa verkið, ydda það og
bæta og allir aðstandendur sýningar-
innar nýta sér þá möguleika sem í því
felast. Hér hefur sérlega vel tekist til.
Boðskapur verksins hefur aldrei verið
skýrari og ég er ekki í nokkrum vafa
um að Ávaxtakarfan hefur skipað sér á
bekk með Dýrunum í Hálsaskógi, Kar-
dimommubænum og Línu Langsokk.
Kannski er sögnin í verkinu sterkari nú
um stundir þar sem valdagráðugir
pólitíkusar keppast um að krýna sjálfa
sig kónga og skeyta lítt um vilja eða
skoðanir almennings. Yfirbragð sýn-
ingarinnar er létt og litríkt, stíllinn
hreinn og áreynslulaus, tónlistin
skemmtileg og grípandi þar sem sam-
an fara sönghæfar melódíur og popp-
skotnar útsetningar. Búningar eru
með þeim flottari sem ég hef séð á
sviði lengi og einstaklega smekkvís
förðunin dregur fram persónuein-
kenni hvers og eins.
Leikhópurinn var mjög samstíga
og þrátt fyrir að þrjár skærustu popp-
stjörnur landsins tækju þátt í sýning-
unni yfirskyggði það aldrei þá einingu
sem hópurinn skapaði með kraftmik-
illi nærveru sinni á sviðinu allan tím-
ann. Allir fengu að njóta sín.
Allir voru stjörnur. Lára Sveinsdótt-
ir stóð sig einstaklega vel sem Maja
jarðarber. Skilaði hlutverkinu af fá-
dæma einlægni og er auk þess prýði-
leg söngkona. Selma Björnsdóttir sýn-
ir hér frábæra takta sem fyrsta flokks
gamanleikkona og um sönginn hjá
henni þarf ekki að fjölyrða. Hún hrein-
lega brilleraði. Sveinn Geirsson fór
hamförum í Guffa banana en missti
sig einstaka sinnum í það að yfirmóta
röddina. Jón Ingi Hákonarson vakti
óskipta kátínu áhorfenda sem Græni
bananinn enda þakklátt að leika þann
vitgranna. Ingrid Jónsdóttir var kraft-
mikil og gefandi í hlutverki Rauða epl-
isins og þau Tinna Hrafnsdóttir og
Valur Freyr Einarsson áttu góðan sam-
leik í Podda og Pöllu peru. Þá eru ótal-
in Birgitta og Jónsi sem af poppstjörn-
um íslenskum skærast hafa skinið að
undanförnu. Birgitta náði fínum tök-
um á Geddu gulrót þar sem eðlislæg
einlægni Birgittu og elskuleg fram-
koma nýtast vel til að vekja samúð og
samkennd með persónunni.
Jónsi lék Imma ananas og gerði
margt mjög vel en datt annað slagið
niður í amatörisma og virtist mér sem
hann hefði annað hvort ekki fengið
nægilega leikstjórn eða ætti erfitt með
að taka leikstjórn. Það var ekki gott að
segja. En það mun vonandi rjátla af
honum. Styrkur Jónsa felst fyrst og
fremst í kraftmikilli söngrödd og þeirri
líkamlegu orku sem hann virðist búa
yfir. Ég veit að yngstu áhorfendurnir
eiga eftir að elska Ávaxtakörfuna. Hún
verður klassík.
LEIKLIST
VALGEIR SKAGFJÖRÐ
Ísmedía
Austurbæ
Ávaxtakarfan eftir: Kristlaugu
Maríu Sigurðardóttur og Þorvald
Bjarna Þorvaldsson
Leikstjóri: Gunnar Ingi Gunnsteinsson /
Danshöfundur og aðstoðarleikstjóri:
Ástrós Gunnarsdóttir / Búningar: María
Ólafsdóttir / Leikmynd: Hrafnhildur Stef-
ánsdóttir / Leikgervi: Kristín Thors og
Fríða María Harðardóttir / Lýsing: Freyr
Vilhjálmsson og Gunnar I. Gunnarsson /
Leikarar: Lára Sveinsdóttir, Selma Björns-
dóttir, Birgitta Haukdal, Jón Jósep Snæ-
björnsson, Ingrid Jónsdóttir, Tinna Hrafns-
dóttir, Valur Freyr Einarsson, Sveinn Geirs-
son, Jón Ingi Hákonarson
KRINGLUKRÁIN UM HELGINA
• Fjölbreyttur sérréttamatseðill
öll kvöld vikunnar
• Tilboðsmatseðill
fyrir Leikhúsgesti
• Hópamatseðill
• Sérsalur fyrir hópa
Borðapantanir í síma 568-0878 www.kringlukrain.is
Lúdó og Stefán
um helgina
ÁVAXTAKARFAN Yngstu áhorfendurnir eiga eftir að elska Ávaxtakörfuna. Hún verður klassík.

Lúdó og Stefán rokka og tjútta eins
og þeim er einum lagið á Kringlu-
kránni.

Hermann Ingi jr skemmtir gestum
Búálfsins í Hólagarði.

Dansleikur með hljómsveit Geir-
mundar Valtýssonar í Klúbbnum við
Gullinbrú.

Addi M. spilar og syngur á Catalinu.

Spilafíklarnir leika í kjallaranum á
Celtic Cross en hljómsveitin Tveir
snafsar leika á efri hæðinni.

Atli skemmtanalögga og Áki pain á
Pravda.
■ ■ ÓPERA

20.00 Íslenska óperan frumsýnir
Toscu eftir Puccini með Elínu Ósk
Óskarsdóttur í titilhlutverkinu og Jó-
hann Friðgeir Valdimarsson, Ólaf
Kjartan Sigurðarson, Bergþór Páls-
son, Snorra Wium og Davíð Ólafs-
son í öðrum helstu hlutverkum.
Upplýsingar um viðburði og sýningar
sendist á hvar@frettabladid.is ekki
síðar en sólarhring fyrir birtingu.
» BETRI SJÓNVARPSDAGSKRÁ
Á FÖSTUDÖGUM