Fréttablaðið - 24.02.2005, Blaðsíða 47

FIMMTUDAGUR 24. febrúar 2005 31
Höfundur og leikstjóri: Hávar Sigurjónsson
Frumsýning í
kvöld!
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
PR
E
27
45
5
0
3/
20
05
Hvað skiptir þig máli í auglýsingum?
Veldu bestu auglýsinguna á visir.is
Verðlaun fyrir athyglisverðustu auglýsingar ársins verða afhent á
Lúðrinum, föstudaginn 25. febrúar.
Við gefum þér kost á að segja þitt álit og velja „bestu
auglýsinguna“ á visir.is
Atkvæðamesta auglýsingin hlýtur titilinn „Val fólksins“ og fær sérstök
verðlaun á hátíðinni, sem Fréttablaðið og visir.is veita.
Taktu þátt og greiddu atkvæði á visir.is
Nöfn vinningshafa verða birt á visir.is og í Fréttablaðinu 25. febrúar.
The White Stripes byrja á nýrri plötu
Jack White hefur loksins fundið
sér tíma til að hefja upptökur á
fimmtu breiðskífu The White
Stripes. Síðasta árið hefur hann
einbeitt sér að kvikmyndaleik og
því að stjórna upptökum fyrir
aðra listamenn. Hann nældi sér í
leikkonuna Renée Zellweger eftir
að hafa leikið á móti henni í Cold
Mountain og endurvakti feril
kántrísöngkonunnar Lorettu
Lynn. Hún fékk einmitt Grammy
verðlaun á dögunum fyrir plötuna
sem þau gerðu saman, Van Lear
Rose. Einnig vann White að plötu
með Brendan Benson í millitíðinni
en nú virðist hann ætla að einbeita
sér aftur að skilnaðardúettnum.
Hann segir að næsta plata The
White Stripes verði unnin mjög
hratt og ætti að verða tilbúin von
bráðar. Það eru því allar líkur á
því að ný breiðskífa skili sér í
búðir fyrir árslok. ■
Blink 182 hættir... í bili
Rokktríóið Blink 182 hefur ákveð-
ið að fara í frí um óákveðinn tíma.
Piltarnir gáfu út fréttatilkynn-
ingu á heimasíðu sinni þar sem
sagði að liðsmenn ætluðu sér
að einbeita sér að fjölskyldum
sínum.
„Í rúman áratug hefur Blink
182 verið á tónleikaferðalagi, að
hljóðrita eða í kynningarferðum,“
stendur m.a. í tilkynningunni. „Á
meðan hefur verið erfitt að ná
jafnvægi í einkalífi þeirra. Sveitin
hættir því störfum í bili til að
njóta þeirra ávaxta sem vinna
þeirra hefur gefið þeim. Liðs-
menn eru ekki með nein plön um
að vinna saman aftur, en enginn
veit hvað framtíðin ber í skauti
sér.“
Blink 182 hefur gefið út sex
breiðskífur frá því 1994 og hefur
átt fjölda slagara. Síðasta breið-
skífa þeirra, sem hét nafni sveit-
arinnar, þótti þroskaðasta verk
sveitarinnar. ■
Vinyl: LP
LP er nokkuð góð rokkplata sem tekst þó ekki að
kveikja í manni neista. Til þess vantar fyrst og
fremst meiri frum- og léttleika.
FB
Kasabian: Kasabian
„Frumraun Kasabian er hin fullkomna plata til þess
að setja á fóninn áður en farið er í bæinn á föstu-
dagskvöldi. Það er ómögulegt að smitast ekki af
þessu grúfi, að minnsta kosti í einhvern tíma.“
BÖS
Matt Sweeny & Bonnie Prince
Billy: Superwolf
„Will Oldham gerir hér plötu með einum besta vini
sínum, Matt Sweeny úr Chavez. Mögnuð plata
sem þarfnast nokkrar umferðir en sekkur svo djúpt
inn.“
BÖS
The Kills: No Wow
„Flottasta kærustuparið í rokkinu þarf að eyða
minni tíma fyrir framan spegilinn og meiri tíma í
að semja betri og grípandi lög. Hljómar merkilega
líkt PJ Harvey, og ég set plötur hennar frekar á fón-
inn en þessa þynnku.“
BÖS
Lou Barlow: Emoh
„Forsprakki Sebadoh og The Folk Implosion gefur
loksins út plötu undir eigin nafni. Hér er hann að-
allega vopnaður kassagítar og skilar af sér frekar
ljúfum grip, sem ætti að höfða til flestra aðdáenda
hans sem og aðdáenda Will Oldham.“
BÖS
Joanna Newsom:
The Milk-Eyed Mender
„Ótrúleg frumraun frá undarlegum söngfugli.
Joanna spilar á hörpu og syngur með sínu nefi,
sem mörgum myndi ekki þykja fagurt. Tjáningin er
stórkostleg og lagasmíðarnar yndislegar.“
BÖS
The Chemical Brothers:
Push the Button
„Chemical Brothers rísa úr líkkistum sínum og
skella sér aftur í dansskóna. Ótrúlegt en satt skila
þeir af sér einni af sinni bestu plötu frá upphafi.
Hver hefði trúað þessu?“
BÖS
...And You Will Know Us By the
Trail of Dead: Worlds Apart
„Frábær hljómsveit gerir tilraun til þess að skapa
epískt meistaraverk, en endar með uppblásna, óá-
hugaverða og lífvana plötu. Tilvistarkreppa í náinni
framtíð.“
BÖS
The Arcade Fire: Funeral
„Það er ótrúleg sál í þessari fyrstu breiðskífu The
Arcade Fire. Svipuð fegurð og í tónlist Godspeed
og Sigur Rósar, skilað með minni trega, hefð-
bundnari lagasmíðum og hljómsveitarskipan. Ekki
láta þessa framhjá ykkur fara.“
BÖS
Stranger: Paint Peace
„Paint Peace er rólegheitaplata þar sem unnið er
ágætlega úr frekar gamaldags tónlistarformi. Einhvern
neista vantar þó til að gera hana að prýðisgrip.“
FB
Saliva: Survival of the Sickest
„Þessi diskur er búinn að fá að malla fram og aftur
í spilaranum og er mér skapi næst að mölva hann
í frumeindir. Söngvarinn færi létt með að drepa
heilan her úr leiðindum. Ætti maður kannski að
búast við einhverju öðru frá hljómsveit sem kallar
sig Munnvatn?“
SJ
Clinic: Winchester Cathedral
„Á þriðju plötu Clinic er að finna nokkur góð lög
en útsetningar eru of kæruleysislegar. Ekki slæmt,
en ekkert sérstaklega gott heldur.“
BÖS
Devendra Banhart: Nino Rojo
„Sálarfull og róandi plata sem virkar vel sem und-
irspil fyrir frosna janúardaga. Birtan yfir þessari
plötu er svipuð og fyrstu sólargeislarnir sem teygja
sig til okkar yfir fjallstindana á morgnana.“
BÖS
The Futureheads:
The Futureheads
„Frumraun The Futureheads er góð. Hljómur sveitar-
innar er ekki mjög ferskur en sveitin bætir upp fyrir
það með beittum önglum og góðum flutningi.“
BÖS
[ SMS ]
UM NÝJUSTU PLÖTURNAR
The Mars Volta:
Francis the Mute
„The Mars Volta nær að gera það eina sem þeir
áttu ekki að geta gert, að toppa frumraun sína.
Francis the Mute er epískur sambræðingur níð-
þungs sýrurokks, mariachi, kúbudjass og spuna.
Gæsahúð frá upphafi til enda.“
BÖS
PLATA VIKUNNAR
Umsjón: BIRGIR ÖRN STEINARSSON. biggi@frettabladid.is
THE WHITE STRIPES Sveitin er byrjuð á nýrri plötu eftir að hafa hjálpa öðrum sveitum
síðustu mánuði.
BLINK 182 Handboltarokksveitin ætlar í
frí um óákveðinn tíma.