Fréttablaðið - 24.02.2005, Blaðsíða 56

SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
DREIFING: dreifing@posthusid.is Auglýsingadeild: auglysingar@frettabladid.is Veffang: visir.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
ÓKEYPIS
LÖGFRÆÐIAÐSTOÐ
á hverju fimmtudagskvöldi
kl. 19.30 til 22.00 í síma 5511012.
ORATOR,
félag laganema við
Háskóla Íslands.
Áhyggjur
Mér leiðist hræðsluáróður. Frétt-irnar eru uppfullar af ótta.
Ábúðarfullir fréttamenn horfa al-
varlegum augum inní stofu til okkar
og fylla líf okkar af tortryggni og
skelfingu. Enginn er öruggur. Allt
getur gerst. Fjöldi fólks er orðið háð
fréttum eins og fíkniefnaneytendur.
Fréttafíklar. Og fréttamennirnir eru
dílerarnir.
ÉG BJÓ í Svíþjóð þegar fyrra
Persaflóastríðið geisaði. Þá kepptust
fjölmiðlar við að spá um hvernig allt
gæti farið á sem verstan veg. Þykkt
mengunarsý átti eftir að leggjast
yfir alla Norður-Evrópu ásamt öldu
hryðjuverka, flóttamannastraums og
sjúkdóma. Eftir stríðið þurfti fjöldi
barna áfallahjálp vegna þess að þau
trúðu á fjölmiðlana, enda lesa þau
bara fyrirsagnirnar.
ÓTTI ER eðlilegur. Það er í fínu
lagi að vera hræddur þegar eitthvað
hættulegt er að gerast. En óttageð-
veikin í dag er ekki byggð á neinu
sem er að gerast, heldur öllu því
sem er ekki að gerast en gæti gerst.
Til dæmis er óttinn við náttúruham-
farir farinn að líkjast ofsóknarbrjál-
æði. Það er ekki eðlilegt að vera
hræddur við eitthvað sem er ekki að
gerast. Það er sjúklegt. Eins og flug-
hræðsla. Og áhyggjur eru ekki um-
hyggja fyrir öðrum heldur eru þær
sjálfselskar. Hinn flughræddi er að-
eins hræddur þegar hann sjálfur er í
flugvél. Hann getur horft áhyggju-
laus á flugvélar fljúga.
ÓTTINN ER hindrun í sjálfu sér.
Ef við fóðrum hann þá tekur hann
völdin af okkur. Við verðum eins og
kvíðasjúklingar sem þorum ekki
einu sinni útí búð af ótta við flóð-
bylgjur og glæpamenn og loftsteina
og jarðskjálfta og pestir og geislanir
úr símum og óbeinar reykingar og
mengun og fjölónæmar bakteríur og
aukaefni. Við megum ekki rugla
saman ábyrgð og ótta. Maður getur
alveg verið ábyrgur þótt maður sé
ekki með steinrunninn áhyggjusvip
á andlitinu.
Í RAUNINNI er ekkert að óttast.
Við þurfum ekki að hafa neinar
áhyggjur. Þetta verður allt í lagi.
Ekki hafa endurnar á tjörninni
áhyggjur. Og Guð sér vel um þær.
Og fyrst hann sér um þær mun hann
sjá ennþá betur um okkur. Dagurinn
í dag verður góður dagur. Höfum
því ekki áhyggjur af morgundegin-
um. Morgundagurinn mun hafa
sínar áhyggjur. Hverjum degi nægir
sín þjáning. Þetta reddast allt
saman.
JÓNS GNARR
BAKÞANKAR
»
FA
S
T
U
R

» PUNKTUR