Fréttablaðið - 01.06.2005, Blaðsíða 4

KAUP
Gengisvísitala krónunnar
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
USD
GBP
EUR
DKK
NOK
SEK
JPY
XDR
64,56 64,86
117,32 117,90
79,47 79,91
10,68 10,74
10,00 10,06
8,68 8,73
0,60 0,60
95,14 95,70
GENGI GJALDMIÐLA 31.05.2005
GENGIÐ
HEIMILD: Seðlabanki Íslands
SALA
111,29 -0,73%
4 1. júní 2005 MIÐVIKUDAGUR
Um 30 flóttamenn væntanlegir:
Setjast a› í Reykjavík
FLÓTTAFÓLK Allt að þrjátíu flótta-
menn frá Kólumbíu eru væntan-
legir hingað til lands síðla sum-
ars eða í haust. Þeir munu líklega
setjast að í Reykjavík, að sögn
Bjarkar Vilhelmsdóttur, for-
manns velferðarráðs Reykjavík-
urborgar.
Ríkisstjórnin samþykkti á
fundi sínum í gær að taka á móti
hópi af þessari stærð sem í verða
einkum einstæðar konur og ekkj-
ur með börn.
„Félagsmálaráðuneytið hefur
verið í viðræðum við borgina,“
sagði Björk. „Það á eftir að út-
færa þetta en við bjóðum að
sjálfsögðu flóttamenn velkomna
til Reykjavíkur.“
Flóttamannaráð Íslands hefur
unnið í málinu um skeið. Flótta-
fólkið sem um ræðir hefur orðið
fyrir ásóknum í Kólumbíu og
verið úrkurðað flóttamenn af
Flóttamannahjálp Sameinuðu
þjóðanna. Stofnunin hefur verið
með sérstakt verkefni í gangi
sem heitir „Women at risk“. Með
aðstoð við þessa flóttamenn er
verið að taka þátt í því.
Flestir flóttamenn sem hingað
hafa komið eru frá Asíu og fyrr-
verandi lýðveldum Júgóslavíu.
-jss
Borgarstjóraefni gæti
fengi› áttunda sæti›
REYKJAVÍKURLISTINN „Það er regla
hjá Samfylkingunni að það fari
fram prófkjör um frambjóðendur
flokksins og þannig verður það í
Reykjavík fyrir komandi borgar-
stjórnarkosningar,“ segir Páll
Halldórsson, fulltrúi Samfylking-
arinnar í viðræðunefnd R-lista-
flokkanna. Hann segir að þátttaka
Samfylkingarinnar í R-listanum
ráði ekki úrslitum hvað slíkt
varðar og haldið verði prófkjör
hvort sem Samfylkingin bjóði
fram í eigin nafni eða undir nafni
R-listans.
Stefán Jón Hafstein borgar-
fulltrúi hlaut efsta sætið í síðasta
prófkjöri Samfylkingarinnar í
Reykjavík til borgarstjórnar-
kosninga, Steinunn Valdís Ósk-
arsdóttir borgarstjóri hlaut annað
sætið og Helgi Hjörvar hið þriðja.
Ingibjörgu Sólrúnu var svo út-
hlutað áttunda sæti listans.
Hvorki Stefán Jón né Steinunn
Valdís vildu segja til um hvort
þau myndu taka þátt í prófkjöri
til komandi borgarstjórnarkosn-
inga og ekki náðist í Helga Hjörv-
ar en talið er að hann muni ekki
gefa kost á sér frekar en Ingi-
björg Sólrún.
Fleiri kunna að blanda sér í
prófkjörsbaráttu en skiptar skoð-
anir eru innan Samfylkingarinnar
um hvort flokkurinn eigi að taka
þátt í R-lista samstarfinu. Slík
sjónarmið munu reyndar vera
innan allra þriggja flokkanna.
Raddir innan Samfylkingarinnar
benda á að algjörlega óviðunandi
sé fyrir Samfylkinguna að fallast
á jafna skiptingu borgarfulltrúa
vegna stærðar flokksins en al-
gjört skilyrði verði af hálfu
flokksins að hann fái borgar-
stjórastólinn eða fyrsta sæti list-
ans.
Meðal þess sem nefnt hefur
verið er að Steinunn Valdís feti í
fótspor forvera síns Ingibjargar
Sólrúnar Gísladóttur og skipi átt-
unda sæti listans og verði þar
með borgarstjóraefni listans ef
um slíkt næst sátt innan Reykja-
víkurlistans. Búist er við því að
prófkjör Samfylkingarinnar
verði haldið í haust.
hjalmar@frettabladid.is
Frakklandsforseti:
Rétti fram
sáttahönd
PARÍS, AP Jacques Chirac Frakk-
landsforseti rétti þjóð sinni sátta-
hönd í sjónvarpsávarpi í gær-
kvöld. Ávarpsins hafði verið beðið
með nokkurri eftirvæntingu því
fyrr um daginn hafði Chirac
stokkað upp í ríkisstjórn sinni.
Chirac sagði að niðurstöðu
þjóðaratkvæðagreiðslunnar bæri
ekki að túlka á þann veg að
Frakkar hefðu hafnað hugsjón-
inni um sameinaða Evrópu held-
ur væri hún ákall um aðgerðir
sem skiluðu árangri. Því hefði
hann skipt um forsætisráðherra
og frekari breytingar væru í
vændum. ■
Saddam Hussein:
Réttarhöldin
hefjast senn
BAGDAD, AP Jalal Talabani, forseti
Íraks, lýsti því yfir í viðtali við
sjónvarpsstöðina CNN í gær að
réttarhöldin yfir Saddam Hussein
myndu hefjast innan tveggja mán-
aða.
„Þorri almennings krefst dauða-
dóms yfir Saddam verði hann fund-
inn sekur,“ sagði Talabani.
Fjórir Bandaríkjamenn fórust í
flugslysi skammt norður af Bagdad
síðdegis í gær. Um svipað leyti
týndu fjórir Ítalir lífi í þyrluslysi
sunnar í landinu. Þá beið héraðs-
stjóri hins róstusama Anbar-héraðs
bana í átökum bandarískra her-
manna og uppreisnarmanna, en
hann hafði verið í haldi þeirra síð-
arnefnu í þrjár vikur. ■
Byggðakjarni fyrir vestan:
140 milljónir í
uppbyggingu
BYGGÐAÞRÓUN Skrifað verður undir
vaxtarsamning Vestfjarða á Ísa-
firði í dag en honum er ætlað að
styðja við bakið á uppbyggingu
byggðakjarna á svæðinu. Verður
það gert með því að styrkja sjálf-
bæran hagvöxt með mark-
aðstengdum áherslum.
Að samningunum standa iðn-
aðarráðuneytið og Ísafjarðarbær
ásamt fjölda fyrirtækja og stofn-
ana. Samningurinn nær til ár-
anna 2005 til 2008 og er heildar-
fjármagnið sem til hans er varið
um 140 milljónir króna. - ssal
VEÐRIÐ Í DAG
BJÖRK VILHELMSDÓTTIR Flóttamenn vel-
komnir til Reykjavíkur.
LÉTUST AF SLYSFÖRUM Fjórir ítalskir her-
menn fórust í þyrluslysi í Írak í gær. Í öðru
flugslysi biðu fjórir Bandaríkjamenn bana.
FR
ÉT
TA
B
LA
Ð
IÐ
/A
P
LÖGREGLUMÁL
VITNI ÓSKAST Ekið var aftan á
Suzuki Swift bifreið á gatnamót-
um Flugvallarvegar og Skógar-
hlíðar um kl. 17 í fyrradag. Öku-
maður bílsins sem árekstrinum
olli hvarf af vettvangi án þess að
til hans næðist. Vitni að árekstr-
inum eru beðin að gefa sig fram
við lögregluna í Reykjavík.
Landfylling í Reykjavík:
Kostar 21
milljar›
STJÓRNMÁL Borgarstjórnarflokkur
Sjálfstæðisflokksins kynnti hug-
myndir sínar um framtíðarskipu-
lag í Reykjavík á fimmtudag.
Samkvæmt tillögunum er kveð-
ið á um 350 hektara landfyllingu
milli Örfiriseyjar og Akureyjar og
frá Sæbraut í áttina að Engey. Í
einum hektara eru 10.000 fermetr-
ar. Því er um að ræða landfyllingu
upp á 3,5 milljónir fermetra.
Samkvæmt Jóni Þorvaldssyni,
forstöðumanni tæknideildar hjá
Faxaflóahöfn, kostar fermetrinn í
slíkri landfyllingu um 6.000 krón-
ur. Kostnaður við landfyllinguna
yrði því 21 milljarður króna sam-
kvæmt þessum tölum. - ifv
FRAMTÍÐARSÝN Gert er ráð fyrir 350 hekt-
ara landfyllingu í nýju framtíðarskipulagi
borgarstjórnarflokks Sjálfstæðisflokksins.
Vangaveltur eru uppi um a› áttunda sæti Reykjavíkurlistans ver›i skipa›
borgarstjóraefni listans. Nafn núverandi borgarstjóra hefur veri› nefnt í flví
sambandi. Samfylkingin heldur prófkjör vi› val á fulltrúum sínum.
KOLBRÚN HALLDÓRSDÓTTIR OG INGIBJÖRG SÓLRÚN GÍSLADÓTTIR Spjallað í góða veðr-
inu við Tjarnargötu í gær. Ingibjörg Sólrún mun að líkindum ekki gefa kost á sér til setu í
borgarstjórn, en hún skipaði áttunda sæti R-listans við síðustu kosningar.
FR
ÉT
TA
B
LA
Ð
IÐ
/G
VA