Fréttablaðið - 01.06.2005, Blaðsíða 23

3MIÐVIKUDAGUR 1. júní 2005
Innritun fyrir sumarönn 23. maí - 6. júní á www.fa.is
Skólameistari
Það er margt að gerast í
Kramhúsinu í sumar og í júní
verður kennaranámskeiðið sí-
vinsæla haldið í 22. sinn.
Kennaranámskeið Kramhússins
verður haldið dagana 20. til 23. júní
í 22. sinn en námskeiðið er fyrst og
fremst haldið fyrir kennara og þá
sem vinna við skapandi starf með
börnum og unglingum. Námskeiðið
er að sjálfsögðu opið öllum en
fjöldi kennara hefur sótt nám-
skeiðið í gegnum tíðina og nýtt sér
við kennslu.
Gestakennarar koma víða að og
í ár kemur Soili Perkiö, einn vin-
sælasti kennari og fyrirlesari
Norðurlanda, í heimsókn en hún
sérhæfir sig í tónlist og hreyfingu
fyrir ung börn. Einnig kemur tón-
listar- og myndlistarmaðurinn, Ilya
Magnes, og kennir tónlistarspuna
og skapandi takt. Skáldið Sjón
kynnir örsögur fyrir þátttakendum
og leiðir þá inn í hugarheim sinn og
útskýrir aðferðarfræði við örsögu-
gerð. Einnig miðla kennarar Kram-
hússins, Elfa Lilja Gísladóttir,
Hafdís Árnadóttir og Ólöf Ingólfs-
dóttir, af reynslu sinni í skapandi
hreyfingu, dansi og spuna.
Verð er 35.500 krónur en þátt-
takendum er bent á að sækja um
styrki til endurmenntunarsjóðs
eða sveitarfélags.
Kramhúsið býður einnig upp á
fjöldann allan af dansnámskeiðum
í sumar fyrir alla aldurshópa eins
og contemporary urban, jazz funk,
afró, magadans, hip hop og break-
dance, salsa og tangó. Nánari upp-
lýsingar um námskeiðin og skrán-
ing er í síma 551 5103 og 551 7860
og á kramhusid.is.
Mímir býður börnum upp á
fjölbreytt sumarnámskeið í
tungumálum, leiklist, mynd-
list og legókubbum.
Sumarnámskeiðin fyrir börnin
hefjast hjá Mími-Símenntun næsta
mánudag og standa út mánuðinn.
Hvert námskeið stendur í eina
viku og er kennt hálfan daginn í
senn en meðal þess sem verður í
boði er myndlist, enska, spænska
og leiklist og eru námskeiðin fyrir
börn á aldrinum 6-8 ára.
Á einu af nýjustu sumar-
námskeiðunum kennir Jóhann
Breiðfjörð, fyrrverandi hönnuður
og hugmyndasmiður hjá Legó,
börnunum að byggja úr tækni-
legói. „Ég nota lagerinn sem ég
fékk sendan frá Legó á meðan ég
starfaði þar og eru þetta um 100
kíló af kubbum sem er raðað í sjö
stóra bala sem börnin geta leikið
sér með að vild,“ segir Jóhann.
Hann segist kenna krökkunum að
nota tannhjól, gírun og vogarafl og
hann aðstoðar þau við að skapa sín
eigin módel en hann er með fjöld-
ann allan af rafmagnsmótorum á
námskeiðinu. „Krakkarnir hafa
frjálsar hendur og mega byggja
það sem þá langar til og ég hjálpa
þeim við að útfæra hugmyndir
sínar,“ segir Jóhann.
Námsframboð í háskólum á
Íslandi hefur aldrei verið
meira en nú og margar spenn-
andi nýjungar í boði.
Samtals stunda um 16 þúsund
nemendur háskólanám á Íslandi.
Umsóknarfrestur fyrir næsta
vetur er nú að renna út í flestum
háskólum landsins en framhalds-
skólanemar og aðrir hafa úr mörg-
um greinum að moða. Háskólarnir
á Íslandi eru átta talsins og hver
þeirra býður upp á einhverjar
nýjungar næsta haust. Þetta eru:
Háskólinn á Akureyri, Háskólinn í
Reykjavík, Háskóli Íslands, Há-
skólinn á Hólum – Hólaskóli,
Kennaraháskóli Íslands, Landbún-
aðarháskóli Íslands, Listaháskóli
Íslands og Viðskiptaháskólinn
Bifröst.
Ellefu nýjar námsbrautir hafa
bæst við hjá Háskólanum í Reykja-
vík, meðal annars fjármálaverk-
fræði, heilbrigðisverkfræði og
rekstrarverkfræði, og einnig lítur
dagsins ljós ný kennslufræði- og
lýðheilsudeild. Bifröst býður nýja
námsbraut í heimspeki, hagfræði
og stjórnmálafræði og Háskóli Ís-
lands kynnir nýtt meistaranám í
verkefnastjórn og í alþjóðasam-
skiptum, svo nokkuð sé nefnt.
Það er ávallt líf og fjör á kennaranámskeiðinu.
FR
ÉT
TA
B
LA
Ð
IÐ
/H
AR
I
Tónlistarspuni, taktur
og örsögugerð
Þeir sem hyggja á háskólanám hafa úr mörgum greinum að moða.
Gróska í háskólanáminu
Hundrað kíló af kubbum
Jóhann Breiðfjörð hugmyndasmiður verður með 100 kíló af legókubbum á námskeiðinu.