Fréttablaðið - 18.03.2005, Blaðsíða 47

CHALLAH-BRAUÐ
1. Helltu einu meðalháu glasi af
volgu vatni í skál. Blandaðu 4 tsk.
af geri saman við og blandaðu vel.
2. Blandaðu 1 eggi og 2 eggja-
rauðum saman við ásamt 1/4 af
glasi af olíu (ekki nota ólífuolíu).
Geymdu eggjahvítuna til að
smyrja á brauðið áður en það fer í
ofninn.
3. Hrærðu öllu saman í smástund.
4. Blandaðu hveiti saman við, þar
til deigið er orðið þurrt.
5. Hnoðaðu deigið og settu í
skál og settu klút yfir. Láttu það
standa þar til það hefur þrefaldast
að stærð.
6. Hnoðaðu deigið aftur og skiptu
í þrjá renninga sem þú fléttar sam-
an. Leggðu klút yfir brauðið og
láttu standa og lyfta sér aðeins.
7. Penslaðu brauðið með eggja-
hvítunum og stráðu sesamfræjum
yfir.
8. Bakaðu við 180 gráður. Brauðið
er tilbúið þegar botninn er orðinn
stífur og hægt að banka létt í
hann og heyra að brauðið er bak-
að (eftir um það bil 20 mínútur).
Allar hefðbundnar máltíðir gyð-
inga hefjast á því að brauð er brot-
ið. Challah er ein tegund af brauði
sem mikið er notuð á hátíðisdögum
og á föstunni hjá gyðingum, en
þetta er sætt brauð með eggja-
bragði. Brauðhleifurinn er yfirleitt
fléttaður og er mjög fallegur á að
líta. Mjög einfalt er að baka challah
(borið fram tjalla) og er það ein-
staklega bragðgott og próteinríkt,
hentar vel með öllum mat og er
sérstaklega fallegt á veisluborðið.
Heimabakað ljúffengt gyðingabrauð
Mikið getur sparast með því að baka eigið brauð fyrir veisluna.
Challah er gyðingabrauð sem er einfalt að baka, bragðast
vel og hentar með öllum mat.
■■■■■■■■■■■■■■■■■■■■■■■■■■■■■■■■■■■ { FERMINGAR } ■■■ 19