Fréttablaðið - 17.04.2005, Blaðsíða 70

34 17. apríl 2005 SUNNUDAGUR
Portúgalska söngkonan Mariza
heldur tvenna tónleika hér á
landi á Broadway dagana 27. og
28. maí. Tónleikarnir eru haldn-
ir í tilefni af útgáfu hennar
þriðju plötu, Transparente, sem
kemur í búðir 25. apríl.
Mariza hefur notið sívaxandi
vinsælda undanfarið og þykir
eiga auðvelt með að hrífa áheyr-
endur með sér, enda rödd henn-
ar undurfögur. Í breska dag-
blaðinu The Time fékk Mariza
til að mynda hörkudóma á dög-
unum. Þar var hún sögð á góðri
leið með að verða ein besta
söngdíva heimsins. ■
Fjórir fuglar; tveir hrafnar og
tvær krákur, eru nýflognir af
landi brott ásamt þjálfurum sín-
um tveimur eftir að sinnt skyld-
um sínum í tengslum við banda-
rísku hrollvekjuna The Last
Winter.
Síðasti tökudagur myndinnar,
sem var alfarið tekin upp hér á
landi, fór fram í gær en upptök-
ur hófust á Mývatni þann 5.
mars.
Hrafnarnir tveir leika í
myndinni en krákurnar voru
varaskeifur fyrir þá. Hrafnarn-
ir eru þegar orðnir stjórstjörnur
í kvikmyndabransanum því þeir
léku meðal annars í síðustu
Harry Potter-mynd sem naut
gífurlegra vinsælda um allan
heim. Einnig fóru þeir með hlut-
verk í hasarmyndinni The Crow,
sem kom út fyrir rúmum tíu
árum, og í 101 Dalmatíuhundi.
Hrafnarnir voru notaðir í
stúdíóvinnu í Hafnarfirði og
þóttu standa sig með prýði. Ef
eitthvað hefði farið úrskeiðs
voru krákurnar tilbúnar að
hlaupa í skarðið fyrir þá, enda
álíka vel þjálfaðar.
„Fuglarnir voru fluttir hing-
að til lands á föstudag í síðustu
viku og þjálfararnir hafa eytt
töluverðum tíma í að þjálfa þá
fyrir myndina,“ segir Hlín Jó-
hannesdóttir, sem hefur umsjón
með skipulagi og framleiðslu
myndarinnar hér á landi.
„Þetta eru „professional“
hrafnar sem hafa verið þjálfaðir
frá fæðingu.“ Að sögn Hlínar
koma þjálfararnir frá fyrirtæk-
inu Birds and Animals sem sér-
hæfir sig í að þjálfa dýr fyrir
kvikmyndir og alls kyns uppá-
komur.
Anthony Bloom, annar af
þjálfurunum, segir upptökurnar
hafa gengið mjög vel. „Hrafnar
eru mjög gáfaðir. Eina vanda-
málið er að þegar þeir eru svona
fljótir að læra það sem þeir eiga
að gera eru þeir alveg jafn fljót-
ir að læra slæmu hlutina,“ segir
hann og hlær. Hann og sam-
starfsmaður hans Dave Sousa
hafa skemmt sér vel á Íslandi.
„Það er búið að vera frábært.
Við höfum kynnst skemmtilegu
fólki og vorum heppnir því við
fengum tvo daga í sólskini og
snjó.“
Last Winter, sem skartar Ron
Perlman í aðalhlutverki, gerist í
Alaska og fjallar um hóp af vís-
indamönnum og olíuleitarmönn-
um sem leita að olíu á friðuðum
svæðum. Umhverfisverndar-
sinnar láta þá í sér heyra og
óeining verður innan leitarhóps-
ins. Náttúran tekur síðan til
sinna ráða á eftirminnilegan
hátt.
freyr@frettabladid.is
BLOOM OG HRAFNINN Fuglaþjálfarinn Anthony Bloom með annan af hröfnunum tveimur sem leika í kvikmyndinni The Last Winter.
HROLLVEKJAN THE LAST WINTER: FIÐRAÐIR LEIKARAR FLOGNIR Á BROTT
Gáfaðir Harry Potter-
hrafnar á Íslandi
HIN HLIÐIN
HIN HLIÐIN Á HELGA JÓHANNESSYNI LÖGMANNI Á LEX NESTOR
Hvernig ertu núna?
Í stuði eins og venjulega.
Augnlitur: Grænbrúnn.
Starf: Lögmaður.
Stjörnumerki: Vog.
Hjúskaparstaða: Kvæntur Önnu Maríu Sigurðardóttur.
Hvaðan ertu? Af mölinni.
Helstu afrek: Börnin mín.
Helstu veikleikar: Uppstökkur sælgætisgrís.
Helstu kostir: Sleppi að svara vegna plássleysis.
Uppáhaldssjónvarpsþáttur: Nip Tuck sem sýndir voru á
Stöð 2.
Uppáhaldsútvarpsþáttur: Veðurfréttir.
Uppáhaldsmatur: Rjúpur.
Uppáhaldsveitingastaður: Argentína.
Uppáhaldsborg: Hvolsvöllur.
Mestu vonbrigði lífsins: Að vera ekki heimsfrægur rokkari.
Áhugamál: Ferðalög, skíði og mótorhjólaakstur.
Viltu vinna milljón? Alveg eins, ekkert frekar.
Jeppi eða sportbíll? Bæði ásamt mótorhjóli og vélsleða.
Hvað ætlaðir þú að verða þegar þú yrðir stór? Bóndi.
Hver er fyndnastur/fyndnust? Það fer eftir stemmning-
unni.
Hver er kynþokkafyllst(ur)? Spegillinn heima hjá mér.
Trúir þú á drauga? Nei.
Hvaða dýr vildir þú helst vera? Sebrahestur.
Hvaða dýr myndir þú ekki vilja vera? Snigill.
Áttu gæludýr? Nei.
Besta kvikmynd í heimi? Um þessar mundir er það kvik-
myndir Der Untergang sem ég sá á kvikmyndahátíð í vik-
unni.
Besta bók í heimi? Biblían.
Næst á dagskrá? Fagna sumri og setja niður kartöflur.
04.10.63
Uppstökkur sælgætisgrís
...fær Ragnheiður Gestsdóttir
sem hlýtur Norrænu barnabóka-
verðlaunin 2005 fyrir höfundar-
feril sinn sem rithöfundur og
myndlistarmaður með sérstakri
áherslu á unglingabókina Sverð-
berann. Þetta er í þriðja sinn
sem íslenskur höfundur hlýtur
Norrænu barnabókaverðlaunin.
HRÓSIÐ
Rimini er vinsælasti sumardvalarstaður
á Ítalíu. Samfelld 15 km hrein og falleg
strönd sem iðar af lífi allan daginn
og fram á kvöld, auk þess sem fjöldi
veitinga- og skemmtistaða, verslana og
leiksvæða af ýmsu tagi krydda tilveruna.
Mannlífið á þessum slóðum er ótrúlegt,
jafnt að morgni sem kvöldi. Gamli
bærinn í Rimini með yfir 2000 ára gamlar
minjar og dæmigert ítalskt yfirbragð er
skemmtileg andstæða við strandbæinn.
Rimini
Skógarhlí› 18 • 105 Reykjavík
Sími 595 1000 • Fax 595 1001 www.heimsferdir.is
Bókaðu núna!
Frá 23.595 kr.
Flugsæti með sköttum, m.v.
hjón með 2 börn á völdum
dagsetningum. Netverð.
44.395 kr.
M.v. hjón með 2 börn, 26. maí,
Riviera í viku. Netverð.
49.890 kr.
M.v. 2 í studio, Riviera, vikuferð,
23. júní. Netverð.
Fréttablaðið, 14. apríl 2005
„funheitur frístaður“
E
N
N
E
M
M
/
S
IA
/
N
M
16
0
27
MARIZA Portú-
galska söngkonan
kemur hingað til
lands í lok maí og
heldur tvenna tón-
leika.
Portúgölsk söngdíva til Íslands
Flestir muna eftir Gísla Hvanndal
úr Idol Stjörnuleit þar sem hann
skar sig úr hópi keppenda vegna
hversu líflegur og skemmtilegur
karakter hann er og hinn fínasti
söngvari.
Hann datt út í 32 manna úrslit-
um þegar hann söng lagið Álfar
eftir Magnús Þór Sigmundsson.
Gísli deyr þó ekki ráðalaus og er
engan veginn hættur í tónlistar-
bransanum. „Ég hef eitthvað
verið að taka upp lög fyrir sunnan
og að öllum líkindum mun ég
henda lagi í útvarpið í sumar og
jafnvel gæti verið að það komi
myndband með,“ segir Gísli. Lag-
ið er eftir hann sjálfan og heitir
Fallen Angels.
„Ég gerði nokkur jólalög fyrir
tveimur árum og gaf Regnboga-
börnum þau og styrkti þau með
því að selja þau í bæjarfélaginu á
Ólafsfirði. Núna er ég að huga að
mínu eigin efni og það getur vel
verið að ég gefi út disk bráðlega.
Það fer allt eftir því hvort ég fái
hringingu frá einhverjum um-
boðsmanni. Maður bíður bara
spenntur.“
Gísli segir talbannið sem hvíldi
á keppendum Stjörnuleitarinnar
ekki hafa haft mikil áhrif á sig.
„Ég náttúrlega skrifaði undir
þetta og skil alveg að þeir sem eru
enn í keppninni vilji ekki að mað-
ur sé að tjá sig um hana. Það er
samt ágætt að vera laus og nú er
strax búið að bjóða mér nokkur
gigg úti í bæ og það er auðvitað
ekkert nema gott,“ segir Gísli
hinn hressasti. ■
GÍSLI HVANNDAL Hann mun láta í sér heyra í sumar og hyggst setja í útvarpsspilun
frumsamið lag sem heitir Fallen Angels.
Gísli lætur í sér heyra