Atuagagdliutit - 11.12.1985, Qupperneq 13

NR. 50 1985
ATUAGAGDLIUTIT/GRØNLANDSPOSTEN
13
Nannunniat
Qorfiinnut (Baffin Bugte) qimussinik Savigsivimmiut
nannunniaqatiginerat. Nunatsinni ulluinnaat tassa
taamatut ittarput. Assiliigaqqissumit Ivar Silis-imit
oqaluttuaq pissanganaqisoq eqqarsaammernaqisorlu.
Assiliisoq allattorlu: Ivar Silis
Akerariitoqqat imminnut nakkuterujoortut: — Qaa atagu, qanilligaluariassasutit!
Arvefjenderne tager mål af hinanden: — Kom bare an!
Savigsivimmi utoqqartaasut misigi-
saqarsimanngillat taamak ajortigi-
sumik. Maliinnartumik sapaatip
akunneri arlallit persertuarsima-
voq, inuit angalasinnaajunnaarsil-
lugit. — Ukioq taanna neqinut pa-
nersiiviit kiliorneqarput orsuiarlu-
git.
Kiisami aatsaat martsip 17-ule-
raat unnuakkut sila allanngorpoq.
Nipaannersuup itertippaanga. Iga-
laat ilunerisa naasuusartaasigut, si-
lamut qiviarama takuara seqineq
nuilersoq, nunaqarfillu soorlu
uummarteqqittutut iinnaraa, sila
allaaqqik qeraarpalullu.
— Nanann! Aatsaat aallarfissaq!
Angutivdluarsuk 63-inik ukiulik
oqarpallappoq. Aallarnissarpullu
tassa taamaasilluni aaliangerneqa-
reerpoq. — Kiisami tassa ullumik-
kut aallassaagut.
Akunnerit marluk ulapaarfio-
reernerisa kingorna piareersarneq
naammassereerpoq. Qamutit use-
qaqisut marluk piareersimapput.
Angutivdluarsup ernera Qaer-
ngaaq 43-nik ukioqartoq taassuma-
lu ningaava Jere taamatuttaaq
utoqqaassusilik ilaaniarput.
Qaerngaap qimmiisa 16-it ange-
qisut, qangaammalli paasereersi-
mavaat ungasissumut annertuumik
piniartoqarniartoq. Pilereqalutik
aallarnissaminnut ujakkaajusåar-
lutik aput tunummut teqqartip-
paat, qatimalukkaangamillu tulori-
arsui savittut ukusartutut angitigi-
sut ersertarput.
Qaerngaap ulapiinnaq nulii i-
nuulluaqqullugu eqititaarpaa, qa-
mutinullu ikipallalluni — uangalu
tunuanut — aallariasaarpugullu
sukkaqisumik piniartullu meeraasa
qamutit napparutai tigullugit ar-
pallutik malinnaapput. Sivitsun-
ngitsorli meeqqat naparissat iperar-
tariaqarpaat. Iperarneranni apum-
mut orlusarput illartuinnaallutik
angutertillu aalateriffigalugu, kial-
luunniimmi oqaatigisinnaanngilaa
qaqugu takoqqissanerlutik. Anga-
laneq ullunik pingasunik sivisussu-
seqarsinnaavoq aammali sapaatip
akunneranik pingasunik sivisussu-
seqarsinnaalluni. Sivisussusissaa-
nummi apeqqutaapput, soorlu
makku: sila, siku, pisaqarluarneq
kiisalu piniarusussuseq. Qamutinili
siunni issiasoq ima nalunngitsigaa-
ra. Qaerngaaq susaarsimatilluni a-
ngerlamut saannissani nuannarin-
ngilluinnarpaa.
Qorfiinni sikorsuit ingerlaarfianni
Nunaqarfik tarrereerlugulu qimmit
qimunnertik assigiinnerusumik i-
ngerlatilerpaat, kigaatsumik tunut-
sinni qaqqarsuit tarratut tungujo-
rasaartuinnanngulerput. Kujam-
muinnaq ingerlaarpugut. Qorfiit si-
korsuit ingerlaartuarfiata tungaan-
naannut. Inuit taagorpaat Qorfiit.
Sikupalaaq kisiannili anginerpaa-
nik nanoqarpoq.
Ulloq taanna aallarfipput ikaar-
parput quppaq, sikup uninngaan-
nartup ingerlaartuartullu killeqar-
fiat.
Ullut aappassaani nuna ersigun-
naavipparput. Tassalu maannamiit
seqineq apitillu qanoq innerat kisii-
sa malillugit sumiissusersiorsinnaa-
lerput. Qorfiit-llu qanilliartuinnar-
tillugit sikup kiggigulluni ippiliugai
akulikilliartuinnarput. Teriannial-
lu tumai takusagut amerligaluttuin-
narlutik.
— Neriulluarnat, Qaerngaaq
oqarpallappoq, timmiaminik na-
sartorluaqqavilluni, — Teriannis-
sat nannut pisamik sinneranik qi-
matsigaangata sinnikusiortarput.
Ullut pingajussaanni siku ajor-
tikkaluttuinnartoq ingerlavigiler-
parput. Sikup ippiliai illutut portu-
tigisarput akornatigulli aamma
quppaqartuarniarluni masarsoqar-
tarniarlunilu. Pujoqqap qernertu-
innaap seqineq tarrisippaa, arlale-
riarlungalu eqqarsartarpunga: Qa-
noq ililluta Savigsivimmut uteqqis-
sinnaassagatta?
Aatsaat unnukkut tupermiillu-
nga eqqissineruvunga. Angutivdlu-
arsuk oqaluttuarmat:
Eqqaamallugu Martsi nillerner-
paaffigisarparput. Erngiinnarlu
qaammat affaannanngortussaaga-
mi imaq sarfarpallaarunnaartus-
saavoq, anorlerpallaarunnaassaaq
quppallu qerrutissapput. Taman-
nalu aqagu aqaguaguluunniit pisi-
massaaq. Persileriataassappalli
aatsaat kingusinnerusukkut taman-
na piumaarpoq. Piniartullu pisa-
qanngitsooraangamik siornatigut
namminneq qimmitik uuttariaqar-
tarpaat qamutiminnik qisulerlutik.
Ullut sisamassaanni ullaatungaa
takulerpagut nannut marluk tumai
imminnut qaleriiginnartut. Ittor-
suaq asannilersimalluni arnavissa-
mik malinnittoq.
Ajoq!
Ulloq taanna unnuarorluinnaraa
ingerlavugut qaammatigeqisumi.
Sikup ippiliai takisoorsuarnik tar-
ranitsitersimapput. Sukkullu ta-
maana sikup quppai pinnersaassu-
artut qillalaartuinnaallutik.
Qimerissama qerinikut akornisi-
gut takusinnaavakka Qaerngaap
qimmiisa anertikkarnerisa pujui.
Tumersuillu soorlu apummi putor-
suartut qernertutut isikkullit naa-
marusaarlugit ingerlaarput. Qaer-
ngaarlu akileriilluta naparissat tiul-
lugit arpappugut. Kanermik kiinaa
kiinappattut qaqortuinnartut isik-
koqarpoq. Isai qillalaartuinnaap-
put. Sigguilu panersimaqisut ni-
pangissanatik pulateriaarsuttut ni-
piliortuarput: -tsi,tsi,tsii! — Tassa
qimmerminut paasisitsissutissaa
qimminik ima paasjneqartartoq:
Tumit nutaajupput, sukataarnia-
ritsi neqitugassassi utaqqivaasi! —
nipaqanngilluinnartumillu qimmit
amaqqutulli ilillutik sikukkut navi-
anaqisukkut ingerlaarsuataarput.
Kiisami anguniagarput tikile-
qaarput. Nalunanngilluinnarpoq.
Ullorsuaq pakatsisarnerpassuagut
ilungersuanigut, qerrunnigut anni-
laartarnaqisunilu sikukkut saat-
sunnguakkut ingerlasarnigut puu-
jorluinnarpagut. Qarlinnut sisama-
nut naammattoq taaka siutsinni
utaqqiinnarpoq.
Tassa pisarilernasoriniarlugu,
tassanngaannaq qimmit uneria-
taarput. Qamutilli meterinik arla-
linnik ingerlaqqiinnaramik qimmit
marluk quppamut nakkartippai
imaannarmut. Arpaannaq Qaer-
ngaaq-llu siuartipallappugut. —
Nannup tumai imaannarmut qilla-
laartuinnarmut qerneqisumullu
tammarsimapput. Qerattaannarlu-
ta nukillalaaqqaqalutalu imaq isi-
giinnalerparput. Imaannarsuarmi-
illu ullorissat qinngornerisa tarrai
isigiinnalerpagut.
AG pilluarit!
AG tillykke!
<D
Nuna Bank a/s
(Qupp. tull. nangissaaq)
Angutivdluarssuk 64-inik ukiulik, nannunniarnissamut nikananngitsoq.
Angutivdluarssuk, 64 år og still going strong som bjørnejæger.