Fréttablaðið - 05.07.2005, Qupperneq 35

Grohl vill flytja út íslenska brennivíni›
Rokkararnir í Foo Fighters og
Queens of the Stone Age eru
komnir til landsins og héldu
blaðamannafund á 1919 Hótel í
gær. Hljómsveitirnar spila saman
í kvöld í Egilshöllinni á tónlistar-
hátíðinni Reykjavík Rocks.
Hljómsveitameðlimirnir eru
góðir vinir og því mátti búast við
að léttur andi svifi yfir vötnum
sem varð og raunin. Þeir göntuð-
ust sín á milli á meðan þeir svör-
uðu spurningum blaðamanna eftir
bestu getu.
Þeir létu reyndar bíða aðeins
eftir sér, eins og sönnum rokkur-
um sæmir. Tveir hljómsveitar-
meðlimir úr Queens of the Stone
Age komu reyndar aðeins fram í
sal en voru fljótir að láta sig
hverfa með spurningunni: „Hvar
er barinn?“
Þeir komu loks, allir sem einn,
og ljóst að vel lá á þeim. Homme
og Grohl voru þó augljóslega í
sviðsljósinu. Þegar þeir höfðu
komið sér vel fyrir sagði Grohl fé-
lögum sínum frá því að það væru
litlar flöskur með íslensku brenni-
víni á minibarnum uppi á her-
bergi.
Josh Homme var fyrstur fyrir
svörum þegar hann var inntur
eftir því hvernig hans fyrstu
kynni af landinu væru. „Við vor-
um mjög spenntir því við vissum
ekki við hverju var að búast,“
sagði Homme sem keðjureykti
allan fundinn og líkti landslaginu
við tunglið. Hann sagðist reikna
með því að þeir myndu spila sitt
lítið af hvoru og þegar upplýst
varð að Queens of the Stone Age
myndi fá um einn og hálfan tíma á
sviðinu sagðist Homme geta lofað
þéttri dagskrá.
Eins og áður segir eru meðlim-
ir Queens of the Stone Age og Foo
Fighters miklir vinir innbyrðis og
það er meðal annars ein af ástæð-
um þess að þeir ferðast svona
mikið saman. „Við verðum að hafa
eitthvað til þess að deila hvor með
öðrum,“ sagði Tyler Hawkins,
trommuleikari Foo Fighters.
„Geta átt eitthvað sameiginlegt
þegar við erum orðnir gamlir
menn,“ útskýrði hann. „Ég nenni
ekki alltaf að vera að hringja í fé-
laga mína og segja þeim frá öllum
þessum frábæru stöðum sem ég
hef verið á,“ bætti Grohl við sem í
kjölfarið rifjaði upp sína fyrstu
heimsókn hingað til lands. „Það
var besti dagurinn í öllu ferðalag-
inu,“ sagði hann og útskýrir að þá
hafi þeir einungis haft einn dag
hér á landi en nú fái þeir þrjá.
„Við gerðum helling af svona
ferðamannahlutum þá,“ sagði
hann.
Mikil spenna hefur myndast í
kringum lag Queens of the Stone
Age, No one Knows, sem varð
gríðarlega vinsælt á sínum tíma.
Ástæðan er sú að Dave Grohl spil-
aði á trommurnar í því lagi. Grohl
gaf ekkert út hvort hann myndi
spila í því lagi á tónleikunum í
kvöld. Það yrði bara að koma í
ljós.
Í kjölfarið gerði Grohl að um-
talsefni aðdáun sína á íslensku
brennivíni. „Ég get hvergi fengið
þetta erlendis svo að ég panta
þetta af netinu, tíu flöskur eða
svo. Held síðan partí og gef vinum
mínum þetta að drekka. Mig lang-
ar til þess að flytja þetta út til
Bandaríkjanna,“ sagði Grohl. „Er
kominn með hugmyndir að aug-
lýsingum,“ útskýrði hann og lék
eina við mikla kátínu viðstaddra.
freyrgigja@frettabladid.is
DAVE GROHL Langar til þess að flytja út
íslenska brennivínið. Var kominn með hug-
myndir að auglýsingum og markaðssetn-
ingu.
JOSH HOMME Sagðist geta lofað aðdá-
endum sínum þéttri dagskrá.
TROMMUSPIL Dave Grohl spilaði á litla trommusettið sem er í þættinum „Strákarnir“.