Fréttablaðið - 27.07.2005, Síða 19

Smáauglýsingar
byrja í dag á bls. 4
Flokkar
Bílar & farartæki
Keypt & selt
Þjónusta
Heilsa
Skólar & námskeið
Heimilið
Tómstundir & ferðir
Húsnæði
Atvinna
Tilkynningar
Góðan dag!
Í dag er miðvikudagur 27. júlí,
208. dagur ársins 2005.
REYKJAVÍK 4.18 13.34 22.48
AKUREYRI 3.43 13.19 22.52
Heimild: Almanak Háskólans
Sólarupprás Hádegi Sólarlag
Anna Ágústsdóttir gekk á Herðubreið
í sól og blíðu sem breyttist í ofsarok
eftir því sem ofar dró. Hún lét það þó
ekki skemma fyrir sér yndislega víð-
áttuna á drottningu fjallanna.
„Ganga upp á Herðubreið er tímafrek því
leiðin er brött og mjög laust í fjallinu. Ég vil
ekki segja að þetta sé erfið ganga en það
þarf viljafestu til að fara þar upp,“ segir
Anna. Hún gekk í fjögurra manna hópi en
þau voru einungis annar hópurinn sem hef-
ur gengið á fjallið í sumar.
„Við fórum í sól og góðu veðri. Það var
mildur andvari þegar við gengum upp
fyrripart leiðarinnar en þegar við vorum
komin upp að bergstapanum sem er svona
tvo þriðju uppi í fjallinu fór að hvína í berg-
inu. Svo þegar við loksins komum upp stóð-
um við í hávaðaroki.“
Þegar komið var á hæsta punktinn stóð
Anna varla í lappirnar. „Þá er maður líka
kominn í sömu hæð og litlar rellur eru að
fljúga í. Þótt það væri fallegt veður var
kælingin örugglega ekki minni en tíu gráðu
frost og við fengum naglakul,“ segir Anna.
Hún virtist þó ekki hafa kippt sér mikið upp
við naglakulið enda kannski hálfkjánalegt
að fást um það þegar útsýni eins og ofan af
Herðubreið blasir við manni.
„Við sáum Dyrfjöll í austri, Kverkfjöll í
suðri og yfir á fjöllin í Húsavík. Það var
mjög tært og manni fannst maður sjá allan
heiminn,“ segir Anna. Þegar þau voru búin
að drekka kakó uppi á toppi Herðubreiðar
hröktust þau undan vindinum. Niðurleiðina
renndu þau sér mikið í snjó en lentu þó í dá-
litlum erfiðleikum með að finna réttu leið-
ina sem er að sögn Önnu ekki nógu vel
merkt.
Þegar allt kemur til alls segir Anna að
það hafi verið margfalt þess virði að leggja
á sig gönguna. „Bæði er sigurgleðin æðis-
leg þegar gangan er afstaðin og verðlaunin
þarna uppi eru að hafa alla þessa víðáttu.
Hún er yndisleg.“ annat@frettabladid.is
Sá allan heiminn
ferdir@frettabladid.is
Ferðafélag Íslands býður upp á
öðruvísi skemmtun um versl-
unarmannahelgina, gönguferð í
Hlöðuvík á Hornströndum.
Ferðin hefst á laugardagsmorg-
un 30. júlí með siglingu frá Ísa-
firði og þaðan er siglt til Hlöðu-
víkur þar sem er dvalið fram á
þriðjudag 2. ágúst. Ferðin kost-
ar 23 þúsund krónur og er sigl-
ing, gisting og fararstjórn inni-
falin í því verði.
Þjóðgarðurinn á Snæfellsjökli
býður upp á barna- og fjöl-
skyldustund á Arnarstapa milli
klukkan ellefu og tólf á laugar-
daginn. Land-
verðir rann-
saka náttúr-
una með
börnunum,
segja sögur og fara í leiki.
Stundin er sérstaklega ætluð
börnum á aldrinum sex til tólf
ára. Hist verður við veitingahús-
ið Arnarbæ.
Icelandair
hefur gefið út
nýjan haust-
og vetrarbæk-
ling sem ber
heitið Hugurinn
ber þig
hálfa leið. Í
honum er að finna
margar spennandi ferðir, hvort
sem verið að er að leita að
borgarferðum, golfferðum eða
sólarferðum í vetur. Hægt er að
nálgast bæklinginn á heima-
síðu Icelandair.
LIGGUR Í LOFTINU
í ferðum
FASTEIGNIR HEIMILI HEILSA HÚS NÁM FERÐIR MATUR BÍLAR ATVINNA BRÚÐKAUP FJÁRMÁL TILBOÐ o.fl.
KRÍLIN
Mamma mín hengir
þvottinn alltaf út á
snúru og þar dansar
hann bara þangað
til hann er alveg
orðinn þurr!
][
SMÁAUGLÝSINGASÍMINN ER 550 5000 OG Á visir.is
ÞÚ GETUR PANTAÐ
SMÁAUGLÝSINGAR
Á visir.is
Anna Ágústsdóttir ásamt feðgunum Stefáni Grími og Rafni Stefánssyni.
FR
ÉT
TA
B
LA
Ð
IÐ
/G
VA
Samkeppnin hörð í veiðinni
BLS. 3