Fréttablaðið - 29.07.2005, Blaðsíða 45

Hér til vinstri má sjá
úrvalsliðið fyrir 7. til 12.
umferðar Landsbankadeildar
karla valið af íþróttafrétta-
riturum Fréttablaðsins. FH á
flesta fulltrúa í liðinu eða
fjóra en þrír leikmenn koma
frá Val. FH-ingurinn Auðun
Helgason og Valsmennirnir
Guðmundur Benediktsson,
Grétar Sigfinnur
Sigurðsson og Baldur
Aðalsteinsson voru
einnig í úrvalsliði fyrsta
hluta mótsins sem var
valið eftir sjöttu
umferðina.
FÖSTUDAGUR 29. júlí 2005
Auglýsing
um álagningu opinberra gjalda á menn árið 2005
Í samræmi við 1. mgr. 98. gr. laga nr. 90/2003, um tekjuskatt og eignarskatt, er
hér með auglýst að álagningu opinberra gjalda, þ.m.t. tryggingagjalds og
ákvörðun vaxtabóta og barnabóta, á árinu 2005 er lokið á alla menn, sem skatt-
skyldir eru samkvæmt framangreindum lögum, sbr. I. kafla laga nr. 90/2003.
Álagning gjalda á lögaðila mun liggja fyrir síðar og verður auglýst sérstaklega.
Álagningarskrár með gjöldum manna verða lagðar fram í öllum skattumdæmum
föstudaginn 29. júlí 2005. Skrárnar liggja frammi til sýnis á skattstofu hvers
skattumdæmis og hjá umboðsmanni skattstjóra eða öðrum þeim stöðum í
hverju sveitarfélagi sem sérstaklega hafa verið auglýstir dagana 29. júlí til 12.
ágúst 2005 að báðum dögum meðtöldum.
Álagningarseðlar er sýna álögð opinber gjöld 2005, þ.m.t. tryggingagjald,
vaxtabætur og barnabætur hafa verið póstlagðir og/eða birtir á þjónustusíðu
viðkomandi á vef ríkisskattstjóra.
Kærur vegna allra álagðra opinberra gjalda á menn, sem tilkynnt hefur verið um
með álagningarseðli 2005, þurfa að hafa borist skattstjóra eigi síðar en
mánudaginn 29. ágúst 2005.
29. júlí 2005
Skattstjórinn í Reykjavík, Gestur Steinþórsson.
Skattstjórinn í Vesturlandsumdæmi, Stefán Skjaldarson.
Skattstjórinn í Vestfjarðaumdæmi, Guðrún Björg Bragadóttir.
Skattstjórinn í Norðurlandsumdæmi vestra, Bogi Sigurbjörnsson.
Skattstjórinn í Norðurlandsumdæmi eystra, Gunnar Karlsson.
Skattstjórinn í Austurlandsumdæmi, Karl Lauritzson.
Skattstjórinn í Suðurlandsumdæmi, Hreinn Sveinsson.
Skattstjórinn í Vestmannaeyjum, Ingi T. Björnsson.
Skattstjórinn í Reykjanesumdæmi, Sigmundur Stefánsson.
Allan Borgvardt hæstur í einkunnagjöf Fréttablaðsins:
Vil vinna tvöfalt
me› FH í sumar
FÓTBOLTI Allan Borgvardt var
ásamt Guðmundi Sævarssyni
hæstur í einkunnagjöf Frétta-
blaðsins í umferðum 7-12 en báðir
leika þeir með FH. Sóknarmaður-
inn danski var hins vegar oftar
valinn maður leiksins og því val-
inn bestur af blaðamönnum
Fréttablaðsins, rétt eins og í sam-
eiginlegu vali fjölmiðla sem KSÍ
kynnti í gær. Fréttblaðið tók Allan
Borgvardt tali af því tillefni.
„Jú, ég hef mjög gaman af því
að fá viðurkenningar sem þessar.
Það er alltaf gaman að fá viður-
kenningu á því sem þú ert að
gera,“ sagði Allan.
„Sumarið hefur líka verið gott.
Við höfum unnið alla okkar leiki í
deildinni og liðið er betra en áður.
Innkoma leikmanna eins og
Tryggva hefur til að mynda haft
jákvæð áhrif á sóknarleik liðsins
og vera hans þar þýðir að ég fæ
stærra svæði til að athafna mig á.
Þá eru Jónsi og Óli Palli einnig
duglegir að leggja upp mörk og
mér hefur fundist að Atli Viðar
hafi sýnt mjög góðan leik þegar
hann hefur fengið tækifæri með
liðinu.“
Líkar vistin vel á Íslandi
Þetta er þriðja ár Allans hjá
FH-ingum en að eigin sögn bjóst
hann aldrei við að vera hér lengur
en eitt tímabil. „En sú reynsla sem
ég hef öðlast hér er frábær og ég
sé alls ekki eftir mínum tíma hér.
Mér líkar vistin enn vel,“ sagði
Allan. Hugur hans stefnir þó enn í
atvinnumennsku í öðrum löndum.
„Það eru forréttindi að fá að vera
knattspyrnumaður og sérstaklega
ef maður fær tækifæri til að leika
í mismunandi löndum. Ég bíð enn
eftir að fá tækifæri annars staðar
og vonandi fæ ég það einhvern
tímann. Ég mun svo snúa aftur til
Danmerkur þegar það fer að síga
á síðari hluta ferilsins þar sem ég
mun spila í nokkur ár áður en ég
hætti.“
Í keppni við Tryggva
Allan segist eiga sín markmið í
íslenska boltanum og eitt af því er
að vinna bikarkeppnina, sem FH
hefur aldrei tekist. Liðið hefur
þrívegis komist í úrslit, árin 1972,
1991 og 2003, en aldrei fagnað
sigri. „Okkar möguleiki í ár er
mjög góður enda erum við með
frábært lið. Það er takmarkið að
vinna bikarkeppnina og deildina
reyndar líka.“
Þá hefur hann aldrei orðið
markahæsti maður mótsins en
undanfarin tvö ár hefur hann
skorað átta mörk hvort tímabilið –
rétt eins og hann hefur gert nú en
þó eru enn sjö leikir eftir af tíma-
bili FH. Hann á í harðri sam-
keppni við félaga sinn Tryggva
Guðmundsson, sem hefur skorað
níu mörk, og segir Allan að ákveð-
in samkeppni ríki milli þeirra - en
vitanlega sé allt á góðu nótunum.
En ef Allan væri í ákjósanlegu
færi en Tryggvi „dauðafrír“
skammt undan - myndi hann
skjóta sjálfur eða gefa boltann?
„Ég held að ef við værum
nokkrum mörkum yfir og sigur-
inn tryggður myndum við hvorug-
ir gefa á hinn í þeirri stöðu,“ segir
Allan og hlær. „En við berum báð-
ir hag liðsins fyrir brjósti og
myndum eflaust gefa boltann í
þeirri stöðu ef leikurinn væri jafn
og tvísýnn.“
eirikurst@frettabladid.is
4-4-2
Daði
Grétar
Hafþór Ægir
Guðmundur
Guðmundur Ben.
Auðun
Baldur Sig.
Borgvardt
Jónas
Björgólfur
Baldur A.
LÍKAR VISTIN VEL Allan Borgvardt er nú að leika sitt þriðja tímabil með FH þó svo að
hann hafi aldrei ætlað sér að stoppa lengur en í hálft ár. FRÉTTABLAÐIÐ/STEFÁN
Li› 7. til 12. umfer›ar hjá Fréttabla›inu