Fréttablaðið - 05.10.2005, Blaðsíða 25

Tölvutækni í bjórdrykkju
Skilningsrík
glasamotta
Stýrivextir
Trúverðugleiki
Seðlabankans
að veði
Skuldabréfaútgáfa
Vaxtamunur við
útlönd eykst
Sögurnar... tölurnar... fólkið...
Miðvikudagur 5. október 2005 – 27. tölublað – 1. árgangur Veffang: visir.is – Sími: 550 5000
Undir væntingum | Hagnaður
SÍF á öðrum ársfjórðungi var 33
þúsund evrur. Er það talsvert und-
ir spám bankanna sem höfðu gert
ráð fyrir tæplega 6,2 milljóna
evra hagnaði. EBITDA-framlegð
var einnig langt undir væntingum
markaðsaðila.
2 milljarðar | Afgangur af rekstri
ríkissjóðs í fyrra var tveir millj-
arðar króna samkvæmt ríkis-
reikningi. Árið áður var ríkissjóð-
ur rekinn með 6,1 milljarðs króna
tapi. Tekjur ríkissjóðs af fjár-
magnstekjuskatti jukust um tæp
fimmtíu prósent milli ára.
Söluaukning hjá Mosaic |
Breska tískukeðjan Mósaík hagn-
aðist um ríflega 300 milljónir
króna á fyrri árshelmingi rekstar-
árs félagsins. Á tímabilinu féll til
töluverður kostnaður vegna
kaupa á Karen Millen og Wistles
auk kostnaðar vegna endurfjár-
mögnunar og hlutafjárútboðs.
Abramovich hagnast | Rúss-
neski kaupsýslumaðurinn Roman
Abramovich gekk frá sölu á tæp-
lega 73 prósenta hlut í olíufélag-
inu Sibneft. Áætlaður hagnaður
hans af sölunni er 820 milljarðar
íslenskra króna.
Burðarás afskráður | Á föstu-
dag var Burðarás, eitt stærsta
félag Kauphallar Íslands, afskráð-
ur úr hlutafélagaskrá vegna sam-
runa við Landsbankann og Straum
fjárfestingabanka.
Vöruskiptajöfnuður | Vöru-
skiptajöfnuður við útlönd var
óhagstæður um tæplega 1,8 millj-
arða kóna í ágústmánuði. Í sama
mánuði í fyrra var vöruskipta-
jöfnuður óhagstæður um rúmlega
5,8 milljarða króna. Halli á vöru-
skiptum við útlönd nemur nú um
59,2 milljörðum króna.
VIÐ UNDIRRITUN Í GÆR Búið er að selja
Lánasjóð landbúnaðarins til Landsbankans.
Landbúnaðarlán
til Landsbankans
Kaupsamningur milli Lands-
banka Íslands og Lánasjóðs land-
búnaðarins var undirritaður í
gær. Kaupverðið er 2,653 millj-
arðar króna en auk Landsbank-
ans buðu KB banki og Íslands-
banki í Lánasjóðinn.
Guðni Ágústsson landbúnað-
arráðherra og Árni M. Mathiesen
fjármálaráðherra undirrituðu
samninginn fyrir hönd ríkisins.
Umsjónaraðili sölunnar fyrir
hönd ríkisins var framkvæmda-
nefnd um einkavæðingu en fyrir-
tækið Ráðgjöf og efnhagsspár
var nefndinni til ráðgjafar við
söluna.
Bankastjórar Landsbankans
undirrituðu samninginn fyrir
hönd kaupenda. - hb
Hjálmar Blöndal
skrifar
Atlantsolía stefnir að því að fjölga afgreiðslustöð-
um félagsins á næstu misserum og ætlar að opna
sjálfsafgreiðslustöðvar á nokkrum af helstu þétt-
býliskjörnum á landsbyggðinni. Félagið opnaði
fimmtu afgreiðslustöð sína á dögunum í Skeifunni
en Atlantsolía hefur þegar hafið framkvæmdir við
sjöttu bensínstöð félagsins við Húsgagnahöllina í
Reykjavík.
Að sögn Huga Hreiðarssonar, kynningarstjóra
Atlantsolíu, er stefnt að því að opna stöðina við
Húsgagnahöllina fyrir árslok en fram undan er
einnig uppbygging á landsbyggðinni. Óljóst sé þó
hvenær hafist verður handa við þá uppbyggingu.
„Við höfum lagt áherslu á að reyna að ná upp stærð-
arhagkvæmni í rekstri hér á höfuðborgarsvæðinu
og fjölga útsölustöðum svo við fáum sambærileg
kjör á eldsneyti á mörkuðum á við hin olíufélögin.
Til þess þurfum við að koma upp fleiri stöðvum en
við viljum vera með um fimmtán stöðvar hér á höf-
uðborgarsvæðinu. En við teljum að við verðum að
þjóna landsbyggðinni líka og höfum þess vegna
tryggt okkur lóðir á nokkrum stöðum og erum að
leita fyrir okkur á öðrum,“ segir Hugi.
Félagið hefur tryggt sér lóð í nágrenni Selfoss,
eða við Ingólfsfjall við afleggjarann að Grímsnesi,
í Hveragerði og á Ísafirði. Þá hefur félagið komið á
samstarfi við Hreðavatnsskála í Norðurárdal um að
þar verði opnuð sjálfsafgreiðslustöð en formlega á
eftir að ganga frá skipulagi þjóðvegarins við
Hreðavatnsskála. Þá er félagið á höttunum eftir lóð
á Akureyri. Atlantsolía hefur sjálfafgreiðslustöð í
Reykjanesbæ nú þegar og er það eina stöð félagsins
utan höfuðborgarsvæðisins.
„Það eru bara um tuttugu og fimm mánuðir síð-
an við hófum að selja bensín. Þetta verður að hafa
sinn tíma en næstyngsti aðilinn á markaðnum er að
verða sextugur. Við eigum langt í land með að geta
afkasta jafn miklu og hinir aðilarnir en við höfum
náð að þrýsta niður verð á þessum markaði og ætl-
um okkur að gera það áfram,“ segir Hugi.
F R É T T I R V I K U N N A R
8 12-13 4
Björgvin Guðmundsson
skrifar
Ekkert samráð var haft við hlut-
hafa í Fjárfestingarfélaginu
Gretti þegar nýrri stjórn var
stillt upp á hluthafafundi
Straums - Burðaráss fjárfest-
ingarbanka 15. september síðast-
liðinn. Grettir er stærsti einstaki
hluthafinn í nýsameinuðu félagi
Straums og Burðaráss. Sam-
kvæmt heimildum Markaðarins
gætti nokkurs pirrings meðal
stærstu hluthafa Grettis með
þessi vinnubrögð.
Björgólfur Thor Björgólfsson
var kjörinn stjórnarformaður
Straums - Burðaráss á hluthafa-
fundinum. Þeir sem tengjast
Björgólfi í stjórninni eru Eggert
Magnússon og Þór Kristjánsson.
Aðrir stjórnarmenn eru Magnús
Kristinsson og Kristinn Björns-
son. Báðir voru í stjórn Straums
fyrir sameininguna en Björgólfur
og Eggert voru í stjórn Burðar-
áss. Þar hefur Þór einnig setið.
Hafði Björgólfur forystu í þessu
máli enda félög honum tengd stór-
ir hluthafar í SB Fjárfestingar-
banka.
Landsbankinn á hlut í Fjárfest-
ingarfélaginu Gretti ásamt Trygg-
ingamiðstöðinni, fjárfestingarfé-
laginu Sundi og Nordic Partners.
Landsbankinn á ekki meirihluta
hlutafjár í Gretti. Ekkert samráð
var haft við þrjá síðastnefndu
hluthafana fyrir hluthafafundinn.
Kom þetta flatt upp á menn en
samkvæmt heimildum Markaðar-
ins er ætlunin að horfa fram hjá
þessu og vinna saman. Ástæðu-
laust sé að taka þetta nærri sér.
Beðist hafi verið velvirðingar á
þessu framferði. Þetta hafi verið
fljótfærni í hita leiksins.
Útrásarvísitalan lækkar:
Keops hástökkvari
Danska fasteignafélagið Keops
sem Baugur Group á um þrjátíu
prósenta eignarhlut í, hækkaði
mest allra félaga í útrásarvísitöl-
unni í liðinni viku. Lokagengi
Keops í Kauphöllinni í Kaup-
mannahöfn var 19,6 á mánudag
og nemur hækkunin því 9,21 pró-
senti á milli vikna.
Útrásarvísitalan lækkar hins
vegar um 1,12 prósent á milli
vikna og mælist 114,46 stig. Mest
lækkaði breska félagið French
Connection en Baugur Group á
tæplega 14 prósenta hlut í félag-
inu. Lækkun á finnska fjármála-
fyrirtækinu Sampo vegur þyngst
í útrásarvísitölunni en hann
hefur hlutfallslega mest vægi en
bréf í honum lækkuðu um 0,38
prósent á milli vikna. - hb
Atlantsolía stefnir
á landsbyggðina
Ætlar sér einnig fimmtán stöðvar á höfuðborgarsvæðinu.
Sniðgengu hluthafa Grettis í stjórnarkjöri
Landsbankamenn höfðu ekkert samráð við félaga sína í Gretti fyrir
stjórnarkjör í Straumi - Burðarási fjárfestingarbanka á síðasta hluthafafundi.
410 4000 | www.landsbanki.is
Við færum þér fjármálaheiminn
Nú býðst þér að eiga milliliðalaus verðbréfaviðskipti með E*TRADE í gegnum
netið á stærsta verðbréfamarkaði heims, Wall Street í Bandaríkjunum, og á
mörkuðum í Svíþjóð, Finnlandi og Danmörku.
Kynntu þér málið á www.landsbanki.is
ATLANTSOLÍA Ætlar að hefja samkeppni við hin olíufélögin á
landsbyggðinni í ríkari mæli á næstu misserum.