Fréttablaðið - 05.10.2005, Blaðsíða 41
MARKAÐURINN MIÐVIKUDAGUR 5. OKTÓBER 2005 17
S K O Ð U N
Aðhald ríkisfjármála mun áfram
verða lítið og hagstjórn að
mestu leyti á herðum Seðlabank-
ans að mati Greiningar Íslands-
banka: „Þetta má ráða af frum-
varpi til fjárlaga 2006 sem ný-
bakaður fjármálaráðherra
kynnti í gær. Þar er gert ráð fyr-
ir að tekjujöfnuður ríkissjóðs
verði jákvæður um rúma 14 ma.
króna á næsta ári. Hreinn láns-
fjárjöfnuður verður svo nokkru
lægri, eða 9,6 ma., en hann end-
urspeglar þá fjármuni sem ríkið
getur varið til niðurgreiðslu
skulda. Til samanburðar er útlit
fyrir að tekjujöfnuður þessa árs
verði tæpir 30 ma. króna ef sala
Símans er undanskilin, en 85 ma.
þegar hún er tekin með í reikn-
inginn.“
„Hér verður að hafa í huga að
tekjur ríkissjóðs hafa aukist
hratt undanfarið, ekki síst vegna
mikillar neyslu landans sem
skilar miklum virðisaukaskatti
og vörugjöldum í ríkiskassann. Í
slíku árferði kemur ekki á óvart
þótt afgangur verði af rekstri
ríkissjóðs. Því er vafasamt að
benda á stöðu ríkiskassans og
horfur í næstu framtíð sem vís-
bendingu um aukið aðhald. Ýms-
ir sjálfvirkir þættir eru að verki
sem tengja afkomu ríkissjóðs
við hagsveifluna. Auk tekna af
veltusköttum lækka bótagreiðsl-
ur í góðæri og tekjuskattar
hækka með launahækkunum al-
mennings. Þegar verr árar í hag-
kerfinu á hið gagnstæða sér
stað, og þá getur staða ríkissjóðs
versnað býsna hratt.“
Greiningardeildin bendir á að
skattalækkanir nú án samsvar-
andi niðurskurðar ríkisútgjalda
sé óheppileg: „Væri ríkisstjórn-
inni verulega í mun að beita rík-
isfjármálum til þess að mýkja
hagsveifluna myndi fara betur á
því að bæði yrði beitt tekju- og
útgjaldahlið ríkisfjármálanna í
því skyni, en ekki aðeins haldið í
við útgjaldahliðina. Aðhald það
sem birtist í útgjaldahlið frum-
varps til fjárlaga mun að líkum
ekki duga til þess að draga úr
ójafnvægi í hagkerfinu svo
neinu nemi, og fyrir bragðið er
útlit fyrir að Seðlabankinn finni
sig knúinn til að auka aðhald
peningamála enn frekar á næst-
unni.“
Aðhaldið er ekki nægjanlegt
550 5000
AUGLÝSINGASÍMI
Geri
mikið gagn
Ég er að leita að einhverjum til
þess að kaupa Nýherja með mér.
Nýherji er algjörlega rakið
takeover dæmi. Maður byrjar á
að selja fasteignina í sérstakt fé-
lag og léttir þannig á efnahags-
reikningnum. Svo þarf að taka
til í rekstrinum og keyra svolítið
aggressívari stefnu á batteríið.
Þetta er ósköp einfalt í sjálfu sér
fyrir þá sem kunna til verka.
Vandinn er bara sá að núverandi
eigendur eru ekki tilbúnir að
selja.
Spurning hvort þeir stefna
ekki að því að sameinast TM
Software. Það gæti verið skyn-
samlegt. Þeir verða hins vegar
fyrst að ná utan um núverandi
rekstur. Afkomuviðvörun nú er
áfall fyrir þá, þótt þeir séu
komnir í smá útrás. Ef svona
fyrirtæki er ekki að moka inn
peningum þegar veislan er í full-
um gangi, þá náttúrlega spyr
maður sig hvenær þeir geri það.
Annars hef ég í nógu að snú-
ast þótt enginn vildi selja mér
Nýherja. Krónan gerir ekkert
annað en að styrkjast og maður
myndi græða á erlendu lánunum
þótt maður setti peningana und-
ir koddann. Maður gerir nú bet-
ur en það ef maður kann eitt-
hvað fyrir sér. Fjárlögin lofa
góðu fyrir okkur sem erum vel
skuldsettir í erlendum gjald-
miðlum. Seðlabankinn mun bara
hækka vextina meira og krónan
styrkist. Erlendir fjárfestar
flykkjast inn til að nýta sér
vaxtamuninn og vanmeta geng-
isáhættuna. Þegar þetta er að ná
hámarki, þá tekur maður stöðu
gegn krónunni og hirðir gróðann
þegar hún dettur til baka. Ég
hvet alla kollega mína til að taka
þátt í þessu. Það yrði þvílík
snilld að íslenskir fjárfestar
tækju austurríska ríkið í bólinu
og græddu stórfé á hliðarverk-
unum þenslunnar þegar hún
gengur til baka. Það myndi hafa
góð áhrif á hagkerfið ef ég og
mínir líkar gætum komið af
krafti í fjárfestingar innanlands
eftir stóran gróða af kaupum á
erlendum gjaldeyri meðan út-
lendingar væru að kaupa krónur.
Það myndi tryggja betur mjúka
lendingu hagkerfisins en Sunda-
braut, hátæknisjúkrahús og
göng útum allt land. Við spá-
kaupmenn gerum nefnilega
miklu meira gagn en margir
halda.
Spákaupmaðurinn á horninu
S P Á K A U P M A Ð U R I N N
Þ J Ó Ð A R B Ú S K A P U R I N N
Hér verður að hafa í huga að tekjur ríkissjóðs hafa aukist hratt undanfarið, ekki
síst vegna mikillar neyslu landans sem skilar miklum virðisaukaskatti og vöru-
gjöldum í ríkiskassann. Í slíku árferði kemur ekki á óvart þótt afgangur verði
af rekstri ríkissjóðs.