Fréttablaðið - 05.10.2005, Síða 38

MIÐVIKUDAGUR 5. OKTÓBER 2005 MARKAÐURINN14
F Y R I R T Æ K I
F Ó L K Á F E R L I
Svafa Grönfeldt er fram-
kvæmdastjóri stjórnunarsviðs
Actavis Group og lektor í við-
skipta- og hagfræðideild Há-
skóla Íslands. Þegar hún er
spurð að því hvert er besta ráðið
sem henni hefur verið gefið
minnist hún sérstaklega þess
sem góður vinur og vinnufélagi
hennar sagði eitt sinn þegar hún
efaðist um að passa inn í nýtt
hlutverk sem hún var um það bil
að taka að sér: „Gleymdu aldrei
hvaðan þú kemur og hvað það
var sem kom þér þangað.“
Boðskapurinn er sá að sama
hvaða hlutverk eða ábyrgðar-
störf við tökum að okkur þá
byggjum við á fyrri reynslu og
búum ávallt að þeim grunni
hversu ógnvekjandi sem verk-
efnin sýnast. Einnig að nýju föt-
in keisarans eru haldlítil ef mað-
ur gleymir þeim grunngildum og
eiginleikum sem reynst hafa
manni best sama hvort leiðin
liggur upp á við eða niður á við.
Orðatiltækið „We have met
the enemy, and he is us“ sem haft
er eftir Walt Kelly er einnig í
sérstöku uppáhaldi hjá Svöfu.
Hún túlkar það svo að við sjálf
höfum mest um það að segja
hvort við höfum hugrekki og
dómgreind til að takast á við þau
tækifæri og ógnanir sem mæta
okkur í leik og starfi. - hhs
B E S T A R Á Ð I Ð
Fyrirtækið Herra Örlygur var
stofnað formlega í upphafi árs
1999 í þeim tilgangi að halda svo-
kallaða „showcase“-tónleika fyrir
hljómsveitina Gus Gus sem var að
gefa út sína aðra plötu. Þá kom
upp sú hugmynd að bjóða erlendu
bransafólki og blaðamönnum
hingað til lands í stað þess að
flytja hljómsveitina og allt sem
henni fylgdi út. Tónleikarnir voru
haldnir í flugskýli á Reykjavíkur-
flugvelli í kolbrjáluðu veðri í
febrúarmánuði og úr varð mjög
eftirminnilegur viðburður. Upp
úr þessu fæddist hugmyndin um
að búa til árlegan viðburð til að
kynna íslenska tónlist og í október
sama ár var fyrsta opinbera
Airwaves-hátíðin haldin. Það ár
komu fjórar hljómsveitir fram á
hátíðinni og síðan hefur hún vaxið
og dafnað hratt. Nú, á þeirri sjö-
undu í röðinni, er búist við að
hingað komi um 1.500 manns er-
lendis frá og ef það verður upp-
selt eins og allt stefnir í sækja
tæplega 5.000 manns hátíðina
heim, að meðtöldum þeim lista-
mönnunum sem koma fram.
TRAUST SAMSTARF
Nafn hátíðarinnar er bein tilvísun
í Icelandair sem hjálpaði til við að
flytja inn blaðamenn á Gus Gus-
tónleikana og hefur síðan verið
þeirra stoð og stytta. Þorsteinn
lætur mjög vel að samstarfinu við
Icelandair og segir ómetanlegt
hversu mikið fyrirtækið hefur
gert fyrir íslenska tónlist.
Icelandair styður við Airwaves á
ýmsa vegu, t.a.m. með frímiðum
fyrir listamenn og aðra. Einnig
styðja þeir þá fjárhagslega og
ekki síst með því að veita Airwa-
ves aðgang að víðtæku tengsla-
neti Icelandair erlendis. Þeirra
aðkoma að þessari landkynningu
er því margþætt.
Árið 2001 bættist Reykjavíkur-
borg í hóp velunnara Airwaves-
hátíðarinnar og hefur síðan staðið
henni þétt að baki fjárhagslega.
Höfuðborgarstofa, undir stjórn
Svanhildar Konráðsdóttur, hefur
hjálpað þeim á ýmsan máta. Út-
flutningsráð hefur einnig lagt sitt
af mörkum en það stendur að
hluta til undir kostnaði við starfs-
mann fyrirtækisins í London.
GÖTUMARKAÐSSETNING
Almannatengsl eru að sögn
Þorsteins langsterkasta vopnið í
allri markaðssetningu fyrirtækis-
ins. Þar á bæ er einn maður í
fullu starfi við að „plögga“ í fjöl-
miðla. Í ár eru um 30 erlendir
listamenn á hátíðinni og veitir
hver þeirra íslenskum fjölmiðl-
um allt að fimm viðtöl. Airwaves-
hátíðin leggur mikið upp úr að
halda úti góðri heimasíðu með
upplýsingum um hljómsveitirnar
og tóndæmum og fær hún um
tuttugu þúsund heimsóknir á
viku.
„Götugengið“ á einnig stóran
þátt í markaðssetningu á Airwa-
ves en það samanstendur af
fimm harðsvíruðum
tónlistaráhuga-
mönnum sem
dreifa plaggöt-
um, dreifimið-
um og öðru í
skólana, á barina
og aðra mannfagnaði
þar sem líklegt er að þeir
haldi sig sem tilheyra markhópi
hátíðarinnar. Eini hluti markaðs-
setningarinnar sem talist getur
hefðbundinn er útvarpið, enda er
það helsti vettvangur tónlistar-
innar og liggur beint við að aug-
lýsa tónleika með því að leyfa
fólki að heyra tóndæmi.
Í alþjóðlegum samanburði er
Airwaves-hátíðin lítil og viðráð-
anleg og Þorsteinn telur það vera
af hinu góða. Með of mikilli út-
þenslu myndi hátíðin missa mik-
ið af þeim anda sem hún hefur og
því leggur hann frekar áherslu á
að auka gæði hátíðarinnar en um-
fang hennar.
EKKI BARA AIRWAVES
Airwaves-hátíðin er einungis
einn hluti af starfsemi Herra
Örlygs þótt hún taki vissulega
mikið til sín af orku og tíma
fyrirtækisins en tekjur af henni
eru ekki nema um 20-25 prósent
af heildarveltu fyrirtæksins.
Tekjur fyrirtækisins koma fyrst
og fremst af miðasölu en síðustu
fjögur ár hefur það velt í kring-
um 100 milljónum á ári, allt eftir
því hve margir góðir tónleikar
nást á ári.
Stærsti hluti af starfsemi
Örlygs felst í því
flytja inn til lands-
ins erlenda lista-
menn og standa
fyrir ýmiss kon-
ar listtengdum
viðburðum. Þeir
hafa líka tekið að sér
skipulagningu á stórum við-
burðum fyrir fyrirtæki. Sem
dæmi má nefna Stuðmannatón-
leika í London á síðasta ári sem
Baugur, Icelandair og Coca Cola
stóðu fyrir.
Eftir því sem fyrirtækið
stækkar og safnar í reynslu-
bankann opnast fyrirtækinu
fleiri möguleikar. Nú er Herra
Örlygur að hefja samstarf við
stórt breskt tónlistarfyrirtæki
sem heitir Channel Fly og er um-
boðsskrifstofa fyrir margar
frægar hljómsveitir, t.d. Franz
Ferdinand sem hélt einmitt tón-
leika hér nýlega á vegum Herra
Örlygs. Channel Fly er að koma
á fót árvissri tónlistarhátíð í
Brighton á Englandi sem kallast
Exposure og er Airwaves fyrir-
myndin að henni. Hlutverk
Herra Örlygs í samstarfinu felst
meðal annars í því að skipu-
leggja hluta hátíðarinnar og
vinna að kynningarmálum.
BREYTTIR TÍMAR OG BJART
FRAM UNDAN
Þorsteinn segir ekki á vísan að
róa á þessum markaði eins og er
því nú eru mun fleiri í þessum
bransa og markaðsumhverfið
gjörbreytt. „Þegar framboðið
var minna gat maður verið von-
góður um betri miðasölu en í dag
en nú skiptir öllu máli að hitta á
réttu stærðina á húsi og vera
með samninga við hljómsveitir
sem setja menn ekki í of mikla
spennitreyju.“
Framtíð Herra Örlygs er
björt. Fimm ára samningur við
Icelandair er í höfn svo að Air-
waves ætti að lifa góðu lífi
næstu fimm árin og Þorsteinn og
félagar ætla að halda sínu striki
við að flytja inn skemmtilega
tónlist. Hann er ákveðinn í því
að nýta þau tækifæri sem þeim
hafa boðist í samstarfi við ýmsa
aðila erlendis. „Við ætlum að
sækja okkur fleiri verkefni og
meiri tekjur með því að fara í
samstarf við þá aðila sem hafa
lýst áhuga á því. Og það verður
bara að koma ljós hvað kemur út
úr því. En við erum í mega-
stuði.“ - hhs
Herra Örlygur
Austurstræti 12
Stofnað 1999
Eigandi: Þorsteinn Stephensen
Starfsmenn: 4 og hálfur
Herra Örlygur í megastuði
Reykjavíkurborg verður í október lögð undir tónlistarhátíðina Airwaves í
sjöunda sinn. Forsvarsmaður Herra Örlygs, Þorsteinn Stephensen, gaf sér tíma
fyrir Hólmfríði Helgu Sigurðardóttur í miðjum undirbúningnum.
GUÐMUNDUR NIKULÁSSON verður fram-
kvæmdastjóri innanlandssviðs Eimskips.
Guðmundur hóf störf
hjá Eimskipi í sept-
ember 1997 sem for-
stöðumaður rekstr-
ardeildar vöruhafna,
þá gámahafnar, og
hefur gegnt því starfi
síðan. Guðmundur lauk Civ.Ing.M.Sc.-
prófi í byggingaverkfræði frá DTH í
Kaupmannahöfn árið 1987.
RAGNAR ÞÓR JÓNSSON verður fram-
kvæmdastjóri millilandasviðs Eimskips.
Ragnar Þór hóf störf
hjá Eimskip við sum-
arafleysingar í flutn-
ingastýringu árið
1998. Hann var ráð-
inn aftur til starfa í
flutningastýringu í
janúar 1999. Í nóvember 2000 tók Ragn-
ar Þór við starfi forstöðumanns flutn-
ingastýringar og varð forstöðumaður
innflutningsdeildar Eimskips í ágúst
2004. Ragnar Þór lauk M.Sc.-prófi frá
Boston University árið 1998. Hann út-
skrifaðist sem vélaverkfræðingur frá
Háskóla Íslands í febrúar 1995.
BRAGI ÞÓR MARINÓSSON verður fram-
kvæmdastjóri alþjóðasviðs Eimskips.
Bragi Þór hóf störf hjá
Eimskip árið 1993 sem
fulltrúi í utanlands-
deild en hafði verið
við sumarafleysingar í
gæðastjórnunardeild
sumrin 1991 og 1992. Hann varð gæða-
stjóri á þróunarsviði árið 1995 og tók við
starfi deildarstjóra utanlandsdeildar
árið 1997. Í júní 1999 flutti Bragi Þór til
Hollands þar sem hann gegndi starfi
forstöðumanns Eimskips í Hollandi og
Belgíu, þar til hann tók við starfi fram-
kvæmdastjóra utanlandssviðs í febrúar
2004. Bragi Þór útskrifaðist úr vélaverk-
fræði frá Háskóla Íslands árið 1991 og
með M.Sc. í rekstrarverkfræði frá Dan-
marks Tekniske Universitet árið 1993.
HANNA KATRÍN FRIÐRIKSSON hefur verið
ráðin í starf framkvæmdastjóra stjórn-
unarsviðs Eimskips
en hún var ráðin
sem ráðgjafi for-
stjóra hjá Eimskip 9.
ágúst síðastliðinn.
Hanna Katrín starf-
aði hjá Háskólanum
í Reykjavík sem
framkvæmdastjóri Stjórnendaskóla HR
árin 2001-2003 og sem framkvæmda-
stjóri HR 2003-2004. Hanna Katrín vann
að þróunarmálum auk kennslu og ráð-
gjafar hjá Stjórnendaskólanum fyrri
hluta árs 2005. Árin 1989-2001 starfaði
Hanna Katrín sem blaðamaður á Morg-
unblaðinu. Hanna Katrín lauk MBA-
gráðu frá Graduate School of Mana-
gement, University of California árið
2001. Hún er með BA-gráðu í heimspeki
og hagfræði frá Háskóla Íslands
ÞORSTEINN STEPHENSEN ER HERRA ÖRLYGUR Stærsti hluti af starfsemi Örlygs felst í því flytja inn til landsins erlenda listamenn og
standa fyrir ýmiss konar listatengdum viðburðum.
KJARNAKONAN SVAFA GRÖNFELDT
„Það erum við sjálf sem stjórnum því hvort
við höfum hugrekki og dómgreind til að
takast á við þau tækifæri og ógnanir sem
mæta okkur í leik og starfi.“
Óvinurinn er við sjálf
Fr
ét
ta
bl
að
ið
/S
te
fá
n