Fréttablaðið - 05.10.2005, Blaðsíða 32
MIÐVIKUDAGUR 5. OKTÓBER 2005 MARKAÐURINN8
NÝJASTA TÆKNI OG VÍSINDI
Hólmfríður Helga Sigurðardóttir
skrifar
Sérfræðingar MIT-stofnunarinnar í Bandaríkjun-
um eru að leggja lokahönd á hönnun fartölvu sem
mun ekki kosta nema 100 dollara. Góðgerðarsam-
tök ætla sér að færa fátækum börnun á víð og dreif
um heiminn tölvurnar að gjöf.
Tölvan mun búa yfir öllum þeim eiginleikum
sem venjuleg fartölva gerir auk nokkurra aukaat-
riða til að lagast að þeim aðstæðum sem börnin búa
kunna að búa við. Hún mun hafa 500 Mhz örgjörva
sem þótti gott árið 1998 en þykir hægt í dag. Auk
þess verður ekki harður diskur í tölvunni heldur
minniskort og hún mun notast við Linux-stýrikerf-
ið í stað Windows til að spara kostnað.
Meðal aukaeiginleika fartölvunnar er að
hleðslusnúran verður umbreytanleg í handfang til
að bera tölvuna og hægt verður að nota handsveif
til að hlaða hana þegar rafmagn er ekki til staðar.
Hægt verður að brjóta hana saman á fleiri vegu en
venjulegar fartölvur svo þær verði varla stærri en
nestisbox og auðvelt fyrir börn að bera hana og
með henni mun fylgja þétt gúmmítaska henni til
varnar svo erfitt verði að eyðileggja hana.
Ef áætlanir fyrirtækisins ganga eftir verða í
fyrstu framleiddar fimm til fimmtán milljónir far-
tölva og dreifing þeirra mun hefjast innan árs til
barna í Brasilíu, Kína, Egyptalandi, Taílandi og
Suður-Afríku. Enn er ekki búið að sýna frumgerð
tölvunnar en stefnt er að því að það verði gert í
nóvember á þessu ári.
Hundrað dollara fartölvur
Fátæk börn fá upptrekkjanlegar fartölvur að gjöf.
Google teygir sífellt út anga sína.
Það nýjasta er að leitarvélin hef-
ur gert samning við geimferða-
stofnunina NASA um að byggja
rannsóknastöð í höfuðstöðvum
hennar. Þar hyggjast fyrirtækin
vinna í sameiningu að ýmsum
rannsóknum tengdum upplýs-
ingatækni, gagnastjórnun og ör-
eindatækni.
Að sögn fyrirtækjanna hafa
þau það sameiginlega markmið
að miðla upplýsingum til fólks
víðs vegar um heim. Þar sem
NASA býr yfir ógrynni af upplýs-
ingum og starfsmenn Google eru
sérfróðir í að flokka upplýsingar
hafa fyrirtækin ákveðið að hefja
samstarf. Hugmyndin er meðal
annars sú að gera fólki víðs vegar
um heim kleift að nálgast upplýs-
ingar sem nú þegar eru til hjá
NASA á mun auðveldari hátt en
áður.
Forsvarsmenn Google ímynda
sér að í framtíðinni muni þeir bjóða
upp á Google Moon og Google Mars
á sama hátt og nú með Google Earth
sem gerir fólki kleift að skoða
gervihnattamyndir og kort af ótrú-
legri nákvæmni. Hugmyndin er
ekki óraunhæf þar sem NASA hefur
nú ráðgert að næsta tunglferð verði
árið 2020. - hhs
FÁTÆKIR DRENGIR Í BRASILÍU Kannski verða þessir strákar meðal þeirra sem fá fartölvu að gjöf.
Leitarvélarisinn Yahoo! ætlar, í
samstarfi við nokkra háskóla og
tvö evrópsk gagnasöfn, að
gera aðgang að bókum, tón-
list og myndefni greiðari á
netinu. Stefnt er að því að
gera bækur 18.000 banda-
rískra rithöfunda aðgengileg-
ar á nokkurs konar netbóka-
safni. Google hefur nú þegar
opnað slíkt safn en stendur nú í
málaferlum vegna brota á höf-
undarréttarlögum. Yahoo! og
samstarfsaðilarnir, sem sameig-
inlega hafa tekið sér nafnið OCA,
ætla því að byrja á opna einungis
aðgang að efni í almannaeigu og
sem höfundar hafa þegar veitt
leyfi fyrir að verði birt. Þeir
hyggjast einnig skera sig frá
Goggle með því að bjóða upp á
dýpra efni í stað mikils fjölda
leitarniðurstaðna.
OCA mun opna sitt fyrsta
bókasafn á heimasíðunni
www.opencontentalliance.org
fyrir lok ársins 2005 og Yahoo!
stefnir á að bækurnar verði
einnig hægt að nálgast á leitar-
síðum þess innan skamms. - hhs
Í nýjasta Windows Office-
pakkanum frá Microsoft
verður vistun á pdf-formi
fastur valmöguleiki og ekki
nauðsynlegt að hala niður
Acrobat Reader til að vista
skjöl á þennan hátt. Þetta
setur Office-pakkann fyrir
Windows þannig jafnfætis
útgáfunni fyrir Makka sem
notar OS X’s í sama til-
gangi. Microsoft bregður til
þessa ráðs í kjölfar þess að
hafa fengið fjölmargar fyrir-
spurnir frá notendum stýrikerfisins þessa efnis. Office 12-pakkinn
er væntanlegur á markaðinn á seinni helmingi ársins 2006.
Tveir þýskir háskólanemar frá Saar-
land-háskóla í Saarbrücken í Þýska-
landi hafa fundið upp glasamottu
sem nemur hvenær er tímabært að
fylla á glösin hjá þyrstum bjórunn-
endum. Nýjungin mun koma sér
vel á yfirfullum börum þegar erfitt
er að fylgjast með að allir hafi nóg í
glösum. Í glasamottunni hefur
tölvuflögu verið komið fyrir sem
nemur þyngd og þegar glasið fer að
tæmast sendir hún aðvörun í tölvu-
kerfi við barinn. Barþjónarnir geta þá
hlaupið til og fyllt á áður en viðskiptavinurinn þarf
að ómaka sig við að biðja um nýjan bjór. - hhs
Yahoo! opnar netbókasafn
Verk 18.000 bandarískra rithöfunda sett á netið.
LEITARVÉLARISINN YAHOO! Gerir að-
gang að bókum, tónlist og myndefni greið-
ari á netinu.
Teygir út anga sína
Google byggir rannsóknastöð í höfuðstöðvum NASA.
FRÁ FUNDI GOOGLE OG NASA Leitarvélin og Geimferðastofnun Bandaríkjanna hafa
ákveðið að vinna náið saman að rannsóknum tengdum upplýsingatækni.
Office 12 styður pdf
Skilningsrík glasamotta