Fréttablaðið - 25.10.2005, Blaðsíða 16

25. october 2005 TUESDAY
FRÁ DEGI TIL DAGS
ÚTGÁFUFÉLAG: 365 – prentmiðlar RITSTJÓRI: Kári Jónasson FRÉTTARITSTJÓRI: Sigurjón M. Egilsson AÐSTOÐARRITSTJÓRI: Jón Kaldal FRÉTTASTJÓRI: Arndís Þorgeirsdóttir VARAFRÉTTASTJÓRI:
Trausti Hafliðason FULLTRÚI RITSTJÓRA: Guðmundur Magnússon RITSTJÓRNARFULLTRÚI: Steinunn Stefánsdóttir RITSTJÓRN OG AUGLÝSINGAR: Skaftahlíð 24, 105 Reykjavík AÐALSÍMI:
550 5000 SÍMBRÉF Á FRÉTTADEILD: 550 5006 NETFÖNG: ritstjorn@frettabladid.is og auglysingar@frettabladid.is VEFFANG: visir.is UMBROT: 365 – prentmiðlar PRENTVINNSLA:
Ísafoldarprentsmiðja ehf. DREIFING: Pósthúsið ehf. dreifing@posthusid.is Fréttablaðinu er dreift ókeypis á heimili á höfuðborgarsvæðinu, Suðurnesjum og Akureyri. Einnig er hægt að fá
blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. issn 1670-3871
Mér finnst pólitík merkileg og
mikilsverð. Kannski hef ég skrifað
það áður í þessum pistlum, ef svo
er ætla ég ekki að biðja lesendur
velvirðingar á endurtekningunni,
ég er nefnilega vís með að segja
það einhvern tímann aftur og ég
er þeirrar skoðunar að kona eigi
ekki að afsaka athafnir sínar nema
að hún ætli að gera sitt besta til að
endurtaka þær ekki.
Polis er gríska orðið fyrir borg-
ríkið og pólitík snerist um hvernig
haga skyldi málum í borgríkinu –
nú til dags í landinu, þjóðfélaginu,
í okkar tilfelli lýðveldinu. Pólitík
er síður en svo eitthvert einka-
mál stjórnmálamanna, eða eitt-
hvað sem kemur venjulegu fólki
bara við á kosningadaginn. Flest
sem snertir daglegt líf okkar er
pólitík. Vinnutíminn, skattarnir,
skólarnir, matarverðið, skólamál-
tíðirnar, strætó, allt er þetta pólit-
ík. Einu sinni var meira að segja
pólitík hvort bæjarstarfsmenn
eða verktakar hirtu sorpið. Fólk
á ekki að leyfa sér að halda því
fram eða láta sem því komi pólit-
ík ekki við.
Ég veit ekki hver það var sem
sagði að rónarnir kæmu óorði á
brennivínið, en það var sniðuglega
sagt og einhver bætti við að stjórn-
málamenn kæmu óorði á pólitík-
ina. Því miður finnst þessari konu
stundum svolítið til í því. Nú sér
hún t.d. í flenniauglýsingum í blöð-
unum að borgarstjórinn hafi feng-
ið eyru. Borgarbúar eru hvattir
til að flykkjast á hverfafundi þar
sem borgarstjórinn ætlar að hlu-
sta. Stjórnmálamenn fá eyru og
hlusta á fjögurra ára fresti – það
er kannski ekkert athugavert við
það. Hitt er frekar athugavert að
stjórnmálamenn virðast almennt
mjög gleymnir, nema það sé svo
að þeir hlusti bara en heyri ekki
neitt.
Þegar kosningar eru ekki á
næstu grösum eru stjórnmála-
menn ekki mikið fyrir að hlusta,
þá eru þeir meira fyrir að útskýra.
Þá segja þeir okkur og skýra út
fyrir okkur hvernig hlutirnir eru,
ef einhver mótmælir eða stingur
upp á annarri leið þá er fólki gerð
góð grein fyrir því að það skilji
ekki hlutina hvort heldur það er
nú borgarskipulag eða eitthvað
allt annað. Þegar langt er í kosn-
ingar hafa stjórmálamennirnir
einir hinn rétta skilning.
Ég játa fúslega að það er ýmis-
legt sem ég ekki skil. Eitt af því
er rápið sem virðist vera á borg-
arstjórnarfundum, ef marka má
fundirgerðir af þeim fundum.
Gaman væri að fá skýringu ein-
hverra borgarfulltrúa á þessu rápi
öllu saman. Þetta er úr seinni hluta
fundargerðar frá 6. september:
- Kl. 16.55 var umræðum utan
dagskrár lokið og reglulegum
fundi fram haldið, umræðum
um framtíð Vatnsmýrar.
- Kl. 17.30 tók Kjartan Magnús-
son sæti á fundinum og Bene-
dikt Geirsson vék af fundi.
- Kl. 17.35 tók Hanna Birna
Kristjánsdóttir sæti á fundinum
og Jórunn Frímannsdóttir vék
af fundi.
- Kl. 18.30 var gert fundarhlé.
- Kl. 19.04 var fundi fram hald-
ið og viku þá Stefán Jón Haf-
stein og Dagur B. Eggertsson
af fundi og Helgi Hjörvar og
Stefán Jóhann Stefánsson tóku
þar sæti
4. Rætt um nýtt leiðakerfi
Strætó bs.
- Kl. 19.25 vék Björn Bjarnason
af fundi og Jórunn Frímanns-
dóttir tók þar sæti.
5. Rætt um starfsmannamál
leikskóla og frístundaheimila.
- Kl. 20.23 vék Anna Krist-
insdóttir af fundi og Marsibil
Sæmundsdóttir tók þar sæti.
- Kl. 20.35 tók Stefán Jón Haf-
stein sæti á fundinum og Helgi
Hjörvar vék af fundi.
- Kl. 21.17 tók Helgi Hjörvar
sæti á fundinum og Sigrún Elsa
Smáradóttir vék af fundi.
Þegar ég sá þessar tímafærslur
allar saman þá datt mér nú fyrst
í hug hvort ekki væri einfaldara
fyrir borgarstjórn að fá sér bara
stimpilklukku. En svo áttaði ég mig
á því að auðvitað hlýtur eitthvað
mjög mikilsvert að liggja þarna að
baki, þ.e.a.s. annars vegar rápinu
og hins vegar því að færa það svo
skilmerkilega til bókar.
Ef rápið er til að fjölga þeim
sem koma að málum þá er það
hið besta mál, hreinlegra og betra
væri samt að fjölga borgarfulltrú-
um. Kannski er rápið til að útvega
varaborgarfulltrúm kaup, því þeir
fá 4% af þingfararkaupi fyrir
hvern fund sem þeir sitja. Átta
varaborgarfulltrúar sátu fundinn
6 september – það eru samtals
32% af þingfararkaupi sem við
borgararnir virðumst hafa borgað
aukalega fyrir einn fund í borgar-
stjórn sem stóð frá 14.00 til 22.22.
En ég hef nú örugglega misskilið
þetta eitthvað.
Af rápi í borgarstjórn
Í DAG
PÓLITÍK
VALGERÐUR
BJARNADÓTTIR
„Ég veit ekki hver það var sem
sagði að rónarnir kæmu óorði
á brennivínið, en það var snið-
uglega sagt og einhver bætti
við að stjórnmálamenn kæmu
óorði á pólitíkina. Því miður
finnst þessari konu stundum
svolítið til í því.“
„Meiriháttar mannamót“
Björn Bjarnason dómsmálaráðherra
víkur að nýafstöðnum landsfundi
Vinstri grænna með þessum orðum
á vefsíðu sinni, bjorn.is: „Það var
sagt frá því í fréttum, að aðeins hefði
munað tveimur atkvæðum á lands-
fundi vinstri/grænna, að samþykkt
yrði að leggja niður þjóðkirkjuna.
Mátti heyra á Steingrími J. Sigfússyni,
formanni flokksins, að honum var
brugðið vegna þessa litla munar.
Það kom mér hins vegar á óvart, að
heyra tölurnar, því að þær sýndu, að
fundarmenn voru innan við 100 en
Steingrímur J. hefur talað um fundinn
eins og um meiriháttar mannamót
væri að ræða, en fjöldinn nær ekki
einu sinni þeim fjölda, sem tekur þátt
í störfum nefndar á landsfundi okkar
sjálfstæðismanna.“
Ameríkanisering?
Velferðarkerfinu á Íslandi verður ekki
haldið upp með amerískum skött-
um, sagði Steingrímur J. Sigfússon á
landsfundinum. Björn Ingi Hrafnsson,
aðstoðarmaður forsætisráðherra,
svarar fyrir framsóknarmenn á vefsíðu
sinni, bjorningi.is: „Í hverju birtist
ameríkanisering velferðarkerfisins?
Birtist hún í lengsta og fullkomnasta
fæðingarorlofskerfi á Vesturlönd-
um? Birtist hún í gjaldfrjálsum
skólum allt frá grunnskóla
og upp háskólastigið og
hugmyndum um gjaldfrelsi
í leikskólum að auki? Birtist
hún í mismunun á spítulum
eftir efnahag? Birtist hún í
kaupmáttaraukningu sem á
sér ekki líka á Vesturlöndum,
eða um 60% á tíu árum?“
Besta og versta
Björn Ingi heldur áfram: „Steingrímur
J. Sigfússon grætur norræna velferð-
armódelið. Af hverju gerir hann það?
Við Íslendingar höfum tileinkað okkur
margt það besta úr norræna módelinu,
en reynt að skilja eftir það versta.
Við trúum því að flestir eigi að hafa
vinnu og hér á landi er atvinnuleysi
miklu minna en á Norðurlöndum og
atvinnuþátttaka almennt meiri.
Við trúum því að skattpíning
sé letjandi og höfum því ekki
tekið upp ofurskattastefnu.
Við viljum heldur að launin
hækki og almenningur ráði
því sjálfur í hvað aukin fjárráð
fara, þegar tekið hefur verið
tillit til reksturs hina sameigin-
lega velferðarkerfis, öryggisnets
okkar allra.“
gm@frettabladid.is
AUGL†SINGASÍMI
550 5000
FYLGIR FRÉTTABLA‹INU ALLA MI‹VIKUDAGA
Mest lesna
vi›skiptabla›i›
G
al
lu
p
kö
nn
un
fy
rir
3
65
p
re
nt
m
i›
la
m
aí
2
00
5.
Það hefur verið ánægjulegt á undanförnum dögum að fylgj-ast með aðdraganda kvennafrídagsins í gær, þegar þess var minnst að þrjátíu ár voru liðin frá deginum mikla árið 1975.
Aðdragandinn nú hefur verið með öðrum hætti en þá og ljóst fyrir
nokkru að mikil þátttaka yrði í göngunni og útifundinum í Reykja-
vík sem haldinn var með glæsibrag í gær. Eftir því sem nær dró
deginum mikla bættust svo fleiri og fleiri staðir við utan höfuðborg-
arinnar þar sem haldið var upp á daginn. Þar voru víða haldnar
fjölmennar samkomur.
Á þeim árum sem liðin eru frá kvennafrídeginum forðum hafa
orðið miklar breytingar á samfélaginu, ekki síst á allra síðustu
árum. En hafa orðið jafnmiklar breytingar á högum kvenna í jafn-
réttisátt og á öðrum sviðum þjóðfélagsins? Það er mikið vafamál.
Gærdagurinn var ekki bara hátíðisdagur til að
minnast dagsins fyrir þrjátíu árum, heldur ekki
síður baráttudagur fyrir jafnrétti karla og kvenna.
Fyrir þrjátíu árum bar töluvert á fiskvinnslukonum í hópi bar-
áttukvenna og þar urðu til margar hversdagshetjur, sem því miður
heyrist ekki lengur í. Það má segja að bankakonurnar hafi tekið við
af fiskvinnslukonunum að vissu leyti, því þeim hefur fjölgað mjög.
Það eru þær sem mest ber á í afgreiðslum bankanna, líkt og vinnslu-
sölum fiskvinnslunnar þegar landvinnslan stóð með sem mestum
blóma. En þrátt fyrir að konum í starfsliði bankanna hafi fjölgað
mjög ber enn lítið á konum í hópi æðstu stjórnenda þeirra. Þær eru
aðeins örfáar konurnar sem sitja þar á efstu hæðum, þótt fleiri og
fleiri konur gegni störfum útibús- og deildarstjóra í bankakerfinu.
Þarna er verk að vinna, því ekki eru konur síður vel menntaðar á
viðskiptasviðinu en karlar.
Aðeins örfáar konur hafa komist til æðstu metorða á sínu sviði hér
á landi, þrátt fyrir að við höfum átt fyrsta kvenforsetann í heimin-
um sem kosinn hefur verið beinni kosningu. Þar ruddi Vigdís Finn-
bogadóttir brautina svo eftir var tekið og enn er hún í fararbroddi
þegar um er að ræða baráttu fyrir jafnrétti kvenna og karla.
Allir eru sammála um að jafna þurfi hlut kynjanna á mörgum
sviðum, ekki síst hvað varðar launamál, en þrátt fyrir það miðar
hægt í rétta átt. Margir hafa haft uppi hástemmd orð um launajafn-
rétti en það er eins og þar sé einhver stífla sem erfitt er að losa.
Félagsmálaráðherra varpaði fram þeirri hugmynd hér í Fréttablað-
inu í gær að komið yrði á svokallaðri gæðavottun á laun. Þá yrðu
fyrirtæki að opna launabókhald sitt fyrir sérstökum matsmönnum,
sem gæfu þá út vottorð um hvort í viðkomandi fyrirtæki ríkti launa-
jafnrétti. Þetta er athyglisverð hugmynd og einnig það að ráðherr-
ann hefur tekið til í eigin garði varðandi launajafnrétti og mættu
fleiri fylgja í fótspor hans í þeim efnum.
Skilaboðin frá hátíðarhöldum gærdagsins rata vonandi rétta leið,
því þrátt fyrir að við undirbúning dagsins hafi konur verið hvatt-
ar til að hafa hátt er alvarlegur undirtónn í þessu öllu. Gærdagur-
inn var ekki bara hátíðisdagur til að minnast dagsins fyrir þrjá-
tíu árum, heldur ekki síður baráttudagur fyrir jafnrétti karla og
kvenna. Verum minnug þess.
SJÓNARMIÐ
KÁRI JÓNASSON
FJölmenni tók þátt í kvennafrídeginum
víða um land í gær.
Hátíðis- og
baráttudagur