Fréttablaðið - 04.12.2005, Page 57

28. janúar 2005 FÖSTUDAGUR 57SUNNUDAGUR 4. desember 2005 29
Útivistar- og íþróttavörur verða í
mörgum pökkum enda fylgir oft
hátíðinni loforð um að bæta heilsuna,
eða samviskubit yfir of miklu áti.
Verslanirnar Útilíf og Markið selja
útivistarvörur og að sögn starfsmanna
er útivistarfatnaður vinsæl jólagjöf.
Báðar verslanir selja mikið af
skíðum og snjóbrettum og selst
jafnt af þessum vörum. Í Útilífi er
líka mikið selt af íþróttafatnaði fyrir
konur. Í golfbúðinni Nevada Bob
eru æfingavörur fyrir golfarara
vinsælar. Pútterar, púttmottur,
púttholur og golfhanskar
að ógleymdum
golfkúlunum
renna út. Í
versluninni Jóa útherja, sem er með
mikið úrval af fótboltatreyjum, er
vínrauða Arsenaltreyjan mjög vinsæl.
Þá bíða margir með óþreyju eftir nýju
Meistaradeildartreyjunni frá Liverpool,
og þrátt fyrir að hún sé ekki komin í
hillurnar er búið að selja 40 stykki af
henni. Valdimar Magnússon, eigandi
Jóa útherja, segir að sú treyja muni
án vafa seljast
upp.
ÍÞRÓTTAVÖRUR
■ Snjóbretti, skíði og nýja Liverpool-treyjan verða í mörgum pökkum
Ýmis konar raftæki eru alltaf vel þegin
meðal fólksá jólunum. Hver man
ekki eftir fótanuddtækinu? Nú eru
landsmenn hins vegar ekki óðir í að
heitt titrandi vatn flæði um fæturnar
á þeim heldur er það birtan frá
plasmatækjunum og LCD-skjáunum
sem nú mun flæða inn á heimilin.
Raftækjaverslunin Heimilistæki
selur bæði plasmatæki og LCD-skjái
og starfsmenn þar segja að salan á
þessum vörum sé miklu meiri fyrir
jólin nú en í fyrra. „Við búumst við
sprengingu í sölu á þessum vörum
í desember“, sagði einn þeirra. Í
Raftækjaverslun Íslands er mikil sala
á plasmatækjum og bandarískum
ísskápum og þar búast menn við
að salan á þeim verði mjög góð.
„Amerísku skáparnir eru að taka yfir,“
sagði starfsmaður verslunarinnar
spurður um sölu á vinsælum
raftækjum. Í Hljóðfærahúsinu
eru pakkatilboð vinsæl jólagjöf.
Pakki með rafmagnsgítar, ól,
magnara og kennsluefni er til
dæmis nokkuð vinsæl gjöf. Þá
vilja margir að börnin sín byrji
ung að læra á hljóðfæri og vinsæl
gjöf til upprennandi gítarhetja er
ódýr rafmagnsgítar.
RAFTÆKI
■ Búist við sprengingu í sölu flatskjáa
Uppáhaldsdagur margra barna er
aðfangadagur. Hvort það er vegna
fæðingar Jesú eða allra jólagjafanna
sem þau fá skal ósagt látið. Í leikfan-
gaverslunum er hægt að kaupa gjafir
handa yngstu kynslóðinni.
Starfsmaður í versluninni Einu sinni var,
segir að nostalgía sé nokkuð ráðandi í
leikfangavali í ár. Til dæmis selst mikið
af skopparakringlum, trédúkkuhúsum
og riddaraleikföngum. Handa yngstu
börnunum eru leikfangatrommur-
og píanó vinsæl. Hver vill ekki heyra
barn taka einleik á hljóðfærið á rólegu
hátíðarkvöldi? Í Hókus Pókus á Laugav-
eginum er fortíðin líka í aðalhlutverki,
en ný tegund af hraunlömpunum góð-
kunnu hefur vakið lukku
meðal viðskiptavina. Ein-
nig eru svokallaðir glim-
merlampar vinsælir. Í
Leikbæ eru það Fisher
Price-vörurnar helst sem
seljast og líka ný tegund
af dúkku, Newborn
dúkka, sem tekur við
vinsældum Babyborn
dúkkunnar.
LEIKFÖNG
■ Skopparakringlur og glimmerlampar vinsæl
GJAFMILDI ÞJÓÐARINNAR
Karlar eru rausnarlegri í því hversu miklu
þeir eru tilbúnir til að eyða í hverja gjöf
og sögðust tilbúnir til að reiða fram allt
að 58.612 krónur, á meðan konur sögðust
ætla að kaupa gjafir fyrir 51.904 krónur.
550 5000
AUGLÝSINGASÍMI