Fréttablaðið - 04.12.2005, Side 80

SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
DREIFING: dreifing@posthusid.is Auglýsingadeild: auglysingar@frettabladid.is Veffang: visir.is
VIÐ SEGJUM FRÉTTIR SMÁAUGLÝSINGASÍMINN ER 550 5000
Bækur sem þú gleypir í þig
Viktor Arnar Ingólfsson
edda.is
Ævar Örn Jósepsson
FRÁ HÖFUNDI FLATEYJARGÁTU!
„Okkur veitir ekki af slíkum sögum, skemmtisögum
sem greina samtíðina og málfarið, lífsstílinn og tómið.“
Páll Baldvin Baldvinsson, DV
Í miðborg Reykjavíkur hafa konur stofnað
Hefnibandalag. Aðgerðir þess eru frumlegar, fyndnar og
stundum hrottalegar. Þær eiga að kenna karlpeningnum
að ekkert er hættulegra en kona í hefndarhug.
Þær eru ungar
Þær hafa verið sviknar
Þær ætla að hefna sín
4. sæti
Skáldverk
Penninn Eymundsson
og Bókabú›ir MM
23. – 29. nóv.
Raðmorðingi gengur laus ...
„Æsispennandi glæpasaga sem gefur lesandanum færi á að taka þátt í að leysa
flókna morðgátu“
Jón Yngvi Jóhannsson, Kastljós
„Góð glæpasaga ... þessi lesandi hérna var eldfljótur að gleypa í sig Aftureldingu og
naut lestursins í hvívetna.“
Ingvi Þór Kormáksson, bokmenntir.is
„Viktor grípur lesandann traustataki, tekur á rás og gerir
sig ekki líklegan til að sleppa.“
Bergsteinn Sigurðsson, Fbl.
Rafmögnuð spenna
„Blóðberg er hörkuglæpasaga þar sem blandað er saman
morðrannsókn, samfélagskönnun og húmor í hárréttum
hlutföllum.“
Jón Yngvi Jóhannsson, Kastljósið
„Ákaflega snjöll hugmynd sem er unnið vel úr ... fimlega unnin
fléttan gerir það að verkum að síðurnar rjúka hjá.“
Gunnþórunn Guðmundsdóttir, bokmenntir.is
„Ekki hægt annað en að mæla eindregið með bókinni.“
Jakob Bjarnar Grétarsson, DV
„Ævar orðinn einn af aðalsakamálasöguhöfundum landsins,
ef ekki sá besti.“
Þórarinn Þórarinsson, Fbl.
AUGL†SINGASÍMI
550 5000
FYLGIR FRÉTTABLA‹INU ALLA MI‹VIKUDAGA
VERNHARÐS ÞORLEIFSSONAR
BAKÞANKAR
Saga Thelmu Ásdísardóttur í Kastljósi á dögunum rotaði mig
nánast. Það voru ótrúlegar tilfinningar
sem fylgdu því að heyra hana segja
svona opinskátt frá þessum atburðum.
Ég fékk yfir mig óstjórnlega löngun
til að faðma þessa bláókunnugu konu.
Hvernig gat þetta gerst?
ÉG hef lengi velt því fyrir mér
hvernig ég ætti að standa að
forvörnum fyrir son minn. Hvernig
ég ætti að útskýra þessi mál
fyrir honum án þess að vekja upp
mannfælni. Ég vil að börnin mín
fái að njóta þess að vera börn með
öllu sakleysinu sem því á að fylgja,
undir venjulegum kringumstæðum.
ÉG byrjaði á því að tala við hann
um ókunnuga og reyndi að útskýra
fyrir honum hvað væri óeðlilegt
í samskiptum við þá. Mér fannst
óþægilegt að tala um þetta og ég sá
að honum fannst það líka en þó var
hann forvitinn. En mér fannst ekki
nóg að tala bara um ókunnuga því
dæmin hafa sýnt að oft eru „vondu
karlarnir“ fjölskylduvinir. Ég
mundi leggja handlegg minn að veði
að enginn af okkar fjölskylduvinum
væri úr þeim hópi, en ég mundi
aldrei leggja son minn að veði. Mér
fannst erfiðara að reyna að útskýra
þennan hluta fyrir honum. Hvað
væri óeðlilegt í samskiptum við
þá sem við þekkjum. Eins erfitt og
það var þá vissi ég líka að þetta var
nauðsynlegt. Ég tryggi bílinn minn
með peningum, ég reyni að tryggja
börnin mín með vel völdum orðum.
EFTIR þessar samræður hefur „vondi
karlinn“ oft verið ræddur og það
hefur verið fróðlegt að fylgjast með
syni mínum velta þessu hugsanlega
vandamáli fyrir sér. Á tímabili sagðist
hann vera nokkuð viss um að „vondi
karlinn“ mundi láta sig í friði ef hann
bara tuffaði á hann. Önnur lausn var
að ef „vondi karlinn“ næði honum og
spyrði hvert uppáhalds nammið hans
væri þá ætlaði hann að ljúga því að
það væri lakkrís, sem mundi þá verða
þess valdandi að „vondi karlinn“
mundi gefa honum allt annað nammi
en lakkrís á meðan hann væri í haldi
hans, sem væri þá bara hið besta mál.
ÞAÐ sem kom mér skemmtilega
á óvart var hvernig hann hélt í
sakleysið sitt með því að finna
lausnir sem kæmu honum vel án
þess að láta tilhugsunina um „vonda
karlinn“ buga sig. Hugmyndir hans
um að allt færi vel að lokum voru
hræðslunni yfirsterkari.
„VONDU karlarnir“ eru þarna úti,
margir hverjir nær en við viljum
ímynda okkur. Ef við þorum ekki
að takast á við þessa erfiðu fræðslu
þá skiljum við börnin okkar eftir
varnarlaus. Það er okkar að finna
mjúka leið að börnunum með þennan
harða sannleik.
Vondi karlinn