Fréttablaðið - 15.12.2005, Page 65

FIMMTUDAGUR 15. desember 2005 41
Verslanakeðjan Marks & Spenc-
er vann mál gegn breska ríkinu
fyrir Evrópudómstólnum. Búist
er við kröfu upp á þrjátíu milljón-
ir punda (3,3 milljarða íslenskra
króna) í kjölfar dómsins.
Dómstóllinn komst að þeirri
niðurstöðu að fyrirtækinu hefði
verið heimilt að jafna tapi sem
var tilkomið vegna útibúa í ESB
sem höfðu hætt starfsemi, á móti
hagnaði af starfsemi fyrirtækis-
ins í Bretlandi.
Þó að um fordæmismál sé að
ræða telja sérfræðingar í skatta-
lögum ólíklegt að breska ríkið
þurfi að punga út háum fjárhæð-
um vegna svipaðra mála. ■
M&S vinn-
ur mál
gegn ríkinu
Ástralska flugfélagið Qantas
hefur náð samningum við Boeing-
flugvélaverkmiðjurnar um kaup
á eitt hundrað og fimmtán 787
Dreamliner-flugvélum. Samning-
urinn hljóðar upp á rúma 1.100
milljarða íslenskra króna.
Qantas hafði uppi áætlanir
um beint flug án millilendinga til
áfangastaða í Bretlandi og Banda-
ríkjunum.
Hvorki Boeing né Airbus, sem
einnig gerði gerði tilboð í nýjan
flugvélaflota Qantas, gat boðið
upp á hagkvæma lausn á vélum
með svo miklu flugþoli. ■
Qantas semur
við Boeing
QANTAS ENDURNÝJAR FLOTANN
ALAN GREENSPAN Seðlabankinn hækkar
eins og við var búist.
Seðlabanki Bandaríkjanna
hækkaði stýrivexti úr 4 pró-
sentum í 4,25 prósent. Þetta er í
þrettánda skipti í röð sem bankinn
hækkar vexti.
Í tilkynningu frá Seðlabank-
anum kemur fram að þrátt fyrir
hækkanir á orkuverði og afleið-
ingar fellibylja sé verðlag stöðugt.
Aðgerða geti þó verið þörf til að
viðhalda hagvexti og verðlagi í
jafnvægi. Í framhaldi af tilkynn-
ingunni hækkaði verð hlutabréfa
og skuldabréfa á markaði. ■
Vaxtahækkun í
Bandaríkjunum
Breska verslunarkeðjan Julian
Graves lagði í gær fram yfirtökutil-
boð í Whittard of Chelsea, sem rekur
te-, kaffi- og gjafavöruverslanir því
tengdar.
Yfirtökutilboðið hljóðar upp á
21,5 milljónir punda eða sem nemur
2,4 milljörðum króna.
Julian Graves rekur 265 versl-
anir á Bretlandseyjum í miðbæjum
borga og verslunarmiðstöðvum.
Baugur á sextíu prósenta hlut í
Julian Graves, en aðrir eigend-
ur eru Nicholas Shutts, stofnandi
Julian Graves, og félög í eigu Jóns
Scheving Thorsteinssonar og Pálma
Haraldssonar, sem er stjórnarfor-
maður Julian Graves.
Gunnar Sigurðsson, fram-
kvæmdastjóri Baugs í Bretlandi
segir kaupin bjóða upp á ýmis tæki-
færi. „Whittard er vel þekkt og rót-
gróið vörumerki og hér er einstakt
tækifæri til að byggja það upp
með þeim krafti sem býr í Julian
Graves,“ segir Gunnar.
Hann segir að með kaupunum
sé verið að fara svipaða leið og gert
var með því að sameina Oasis og
Karen Millen sem tilheyra nú Mosa-
ic Fashion. „Við erum að byggja upp
fyrirtæki sem hafa bolmagn til að
vaxa.“ Hann segist vonast til þess að
hluthafar muni taka tilboðinu vel.
Nick Shutts, stofnandi Julian Gra-
ves, segir tækifærið spennandi og
koma þegar fyrirtækið sé að hefja
nýtt vaxtarskeið. Stefnt sé að opnun
eitthundrað verslana á næstu tveim-
ur til þremur árum. Hann segir til-
boðið sýna svart á hvítu kosti þess
að hafa Baug Group sem bakhjarl og
að hann og hans fólk hefði skort sér-
þekkingu og bolmagn til að fylgja
slíkum kaupum eftir án þess að það
ylli truflun á rekstri Julian Graves.
Julian Graves selur ýmiss konar
lúxusskyndibita, hnetur og þurrk-
aða ávexti.
Gengi bréfa Whittard hefur
lækkað mikið undanfarið ár. Stjórn
félagsins hefur mælt með því að
yfirtökutilboðinu verði tekið og
kaupendur hafa tryggt sér stuðn-
ing 64 prósenta hluthafa Whittard.
Teather and Greenwood, sem er í
eigu Landsbankans, stóð að tilboð-
inu fyrir hönd kaupenda. -hh
Yfirtökutilboð í Whittard lagt fram
Julian Graves, sem er í meirihlutaeigu Baugs, hyggst kaupa Whittard á 2,4 milljarða
STJÓRNARFORMAÐUR JULIAN GRAVES Pálmi Haraldsson er stjórnarformaður Julian Graves,
sem hefur gert yfirtökutilboð Whittard of Chelsea. Julian Graves hefur opnað 90 búðir frá
því að íslenskir fjárfestar komu að félaginu.