Eintak - 19.05.1994, Page 35

Kiddi kanína
kaupmaður i Hljómalind
„Já, og í þær lika svo þeir hætti
að ræna kellingar og kalla. “
Siggi sýra
„Já, þeir komast i þær hvort eð
er. Það er alla vega mín reynsla.
Það er þægilegra fyrir alla að
þetta sé ekkert feimnismál. Mað-
ur hefur séð allan andskotann í
þessum málum."
Hannes Hólmsteinn
tGissurarson
\dósent
L Ég tel persónu-
\lega að menn
\eigi að neyta
láfengis, tóbaks
'og annarra fíkni-
efna á eigin
kostnað en ekki
annarra. “
Anna Ringsted, kaupkona i
Fríðu frænku:
„Já, vegna sjúkdómshættunnar."
Gunnar Jóhann Birgisson,
frambjóðandi D-listans:
„Ég er þeirrar skoðunar að það
eigi að gefa þær til að minnka
áhættu á útbreiðslu hættulegra
sjúkdóma eins og lifrarbólgu og
eyðni. “
Jón Júlíus Filipusson, fyrrver-
andi söngvari i Sogblettum en
syngur nú með Niður:
„Já, til að koma i veg fyrir glæpi. “
Guðrún Ögmundsdóttir, fram-
bjóðandi R-listans:
„Já, enda myndi það alls ekki ýta
úndir vandamálið. Þetta er bæði
spurning um að koma í veg fyrir
llfrarbólgu og eyðni. Sprautur eru
qefnar sprautusjúklingum á hin-
þm Norðurlöndunum þvíþar við-
l rkennir fólk vandamálið. Sykur-
áýkissjúklingar fá fríar sprautur og
c ’ópistar hafa notað sér það. “
© Framtaksmenn hafa kápuna á báðum öxlum í kosningunum © Leiða reykingar til minni bílbeltanotkunar?
© Listi ungs fólks flautaður afafótta við að hrifsa fylgið frá R-listanum
Iargir
gamlir
og trygg-
ir sjálfstæðis-
menn taka engan
séns í borgar-
stjórnarkosning-
unum og styrkja báða listana jöfn-
um höndum. Það skiptir þá höfuð-
máli að hafa meirihlutann á sínu
bandi sérstaklega ef þeir eru með
einhvers konar verktakastarfsemi
eða önnur viðskipti við Reykjavík-
urborg. Þannig hefur heyrst að
Bjarni Finnsson í Blómavali, sem
sá um garðyrkjuna fyrir Árbæjar-
sundlaug, ekki sist vegna tengsla
sinna innan Sjálfstæðisflokksins,
veiti R-listanum ekki minni stuðn-
ing en flokksbræðrum sínum hjá
D-listanum í kosningunum í vor...
Frammistaða Ólafs Ólafs-
sonar, landlæknis, á blaða-
mannafundi SÁÁ um
sprautufíkla vakti almenna kátínu
viðstaddra. Þar dró hann fram
könnun upp úr pússi sínu um
áhættuhegðan ung-
menna á aldrinum 16-
24 ára. Ekki kom fram
hvað úrtakið var stórt
en þátttakendur voru
sundurliðaðir eftir því
hvort þeir notuðu áfengi,
reyktu daglega, eða notuðu
önnur vímuefni. Spurt var í könn-
uninni hvort þátttakendur notuðu
smokk við skyndikynni, hve oft
þeir notuðu bílbelti og hve oft þeir
borðuðu morgunmat, en einungis
landlæknir veit hvað þetta kemur
hættu á útbreiðslu alnæmis
meðal sprautufíkla við. Það
vakti athygli að þeir sem
neyttu áfengis stóðu sig best
í öllum málaflokkum en ekk-
ert var minnst á þá sem nota
enga vímugjafa. Ekki var laust
við að forsvarsmenn SÁÁ yrðu
einkennilegir á svipinn við þessa
framsetningu...
Ungt fólk, einkum nemar í
MH, höfðu í hyggju að
bjóða fram U-lista ungs
fólks fyrir borgarstjórnarkosning-
arnar en af því varð ekki. í nýju
blaði Reykjavíkurlistans, Vorið i
Reykjavík, gefur GottskAlk Dag-
ur Sigurðarson, sem helst er
þekktur fyrir að hafa leikið aðal-
hlutverkið í Hvíta víkingnum, þá
skýringu að ekki hafi tekist að fá
nógu marga á framboðslistann og
eins hafi forkólfarnir verið hræddir
um að taka of mikið fylgi frá
Reykjavíkurlistanum sem flestir
þeirra styðji...
Deilur í uppsiglingu vegna íramkvæmda við bensínstöð Olís í miðbæ Haínarflarðar
Gamli miðbærinn að
glata ásýnd sinni
Bensínstöðin umdeilda
mun rísa á svæðinu fremst á myndinni. Eins og sjá má verður stöð-
in, sem er hin nýtískulegasta, nánast i hlaði Sjóminjasafnsins (fyrir
miðri mynd).
Hafist var handa við að grafa fyr-
ir grunni nýrrar bensínstöðvar Olís
við Vesturgötuna í Hafnarfirði síð-
astliðinn föstudag. Upphaflega var
gert ráð fyrir að lítil stöð leysti þá
eldri af hólmi sem hefur lengi stað-
ið þarna niður við sjóinn. Að sögn
Bjarna Snæbjörnssonar, full-
trúa Sjálfstæðisflokksins í skipu-
lagsnefnd bæjarins, samþykkti
nefndin minni stöð en nú er verið
að reisa. Bæjarstjórn Hafnarfjarðar
samþykkti hins vegar að leyfa
stækkun hennar.
Samkvæmt fyrirliggjandi teikn-
ingum á að vera mikið þak eða
skyggni yfir stöðinni sem er þyrnir í
augum margra Hafnfirðinga, sem
annt er um að yfirbragð gamla bæj-
arins haldi sér. En bæjarstjórn hef-
ur beint þeim tilmælum sínum til
Olís að skyggnið verði minnkað.
Miklar deilur stóðu á síðasta ári
vegna byggingar stórrar verslunar-
samstæðu í miðbænum og töldu
andstæðingar framkvæmdanna að
hún eyðilegði svipmót miðbæjar-
ins. Nokkrir Hafnfirðingar sem
EINTAK ræddi við vegna fram-
kvæmdanna við bensínstöðina,
sögðu að svo virtist sem stjórnend-
ur bæjarins kærðu sig kollótta um
gömlu byggðina sem væri einkenni
hans.
Skipulag frá 1982 gerði ráð fyrir
að uppbygging miðbæjarins mið-
aðist við að draga fram ásýnd
gömlu byggðarinnar. Gert var ráð
fyrir fallegu torgi með styttu þar
sem nú er umferðartorg. Áhersl-
urnar hafa því gjörbreyst. Stórt og
mikið verslunarhús, nútímaleg
bensínstöð og umferðartorg eiga
eftir að setja mestan svip á miðbæ
Hafnarfjarðar í framtíðinni.
Bent hefur verið á þá þversögn
að miklum tíma og fjármunum
hefur verið varið til þess að kynna
Hafnarfjörð sem ferðamannabæ en
á sama tíma séu reist mannvirki
sem skyggi á gömlu byggðina sem
sé eitt helsta aðdráttarafl bæjarins.
Þá gleymdist í þessu skipulagi að
gera ráð fýrir stæðum fyrir rútur
þannig að ferðamenn eigi greiðan
aðgang að veitingahúsinu A. Han-
sen, Sjóminjasafninu og fleiri
ferðamannastöðum í nágrenninu.
Ingvar Viktorsson, bæjarstjóri,
segir að Olís eigi ekki annarra kosta
völ en að fara að tilmælum bæjar-
stjórnarinnar og minnka skyggnið.
Hann hefur ekki áhyggjur af því að
bensínstöðin skyggi á gömlu húsin.
„Þessi stöð á ekki að skyggja neitt á
húsin, sjónarhornið er þannig. Ég
vildi að þessi bensínstöð væri í
miðbænum og það var þverpólitísk
samstaða um það. Ég held að það
hafi bara einn bæjarfulltrúi verið á
móti.“
Bæjarstjórinn er ósammála því
að hafnfirska kringlan og bensín-
stöðin verði lýti á miðbænum. „-
Þvert á móti. Kringlan á eftir að
laða fólk í miðbæinn og þetta er lið-
ur í því að gera bæinn sjálfum sér
nógan þannig að ekki þurfi að leita
út fyrir hann til að sækja þjónustu.“
Rögnvaldur Guðmundsson,
ferðamálafulltrúi Hafnarfjarðar,
segir hins vegar að honum þætti
bensínstöðin óþarflega stór fyrir
sinn smekk. „Það hefði mátt hugsa
þetta betur gagnvart ferðamönn-
um.“
Samkvæmt heimildum EIN-
TAKS hafa komið upp hugmyndir
um stofnun hliðstæðra samtaka í
Hafnarfirði við Torfusamtökin í
Reykjavík sem tókst að bjarga
Bernhöftstorfunni á sínum tíma.
Þykir ýmsum að nú sé nóg komið
af framkvæmdagleði kratanna í
miðbæ Hafnarfjarðar.©
ÉQ VEIT ÞAÐ EKKI
EFTIR HALLGRlM HELGASON
TÆKI
VIKUNNAR
Rauði
hakariinn
Tæki vikunnar er að hluta
til æðsti draumur hraða-
fíkla og að hluta til dauða-
ósk. Það nefnist Rauði há-
karlinn og er að öllum lík-
indum hraðskreiðasta vél-
hjól heimsins. Vélhjólið er
árangur samvinnu Fritz
Egli, sem áríð 1986 hannaði
það sem þá var hrað-
skreiðasta tæki á tveimur
hjólum, og svissneskra
hönnuða. Hjólið er knúið
áfram af breyttri fjögurra
strokka, 300 hestafla Ka-
wasaki vél sem koma á því
á yfir 400 km hraða á
klukkustund. Ökumaður
vélhjólsins verður að liggja
flatur á hjólinu innan í yfir-
byggingu þess sem helst
má líkja við líkkistu með
glugga. Nú mun leitað að
ökumanni til að reynsluaka
fyrirbærinu á fullum hraða
og tækið því ekki komið á
almennan markað enn. 0
Suðurnesjabœr, Snœfellsbœr, Vesturbyggð...
Ég veit það ekki. Hvað eru menn
að pæla? Hvað er eiginlega að gerast
heima á gömlu Fróni? Þær fregnir
berast nú annað slagið hingað til
gömlu klassísku landanna í Evrópu
að fslendingar séu óðir í önn að
skíra upp alla staði á landinu.
Keflavík er orðin Suðurnesjabær og
Patreksfjörður Vesturbyggð. Ólafs-
vík og Hellissandur Snæfellsbær!
What’s going on? spyr fávís maður
fjarverandi.
Maður var að vísu búinn að
sætta sig við að landsbyggðarliðið
væri fyrir löngu búið að glata öllum
sínum menningararfi og öllum sín-
um þjóðlega innblæstri, en sæti
bara túberað á nábleikum jogging-
gallanum og sogblöðkutöflunum
með Löwenbrau fyrir framan víd-
eóið. Það væru bara nokkrir skeggj-
aðir menn með gleraugu í höfuð-
borginni sem sæu um að viðhalda
gömlum þjóðlegum siðum, tung-
unni hreinni, og örnefnunum á
sínum stað. En nú hefur lýðræðið
tekið af þeim völdin.
Mér skilst þó að íbúarnir hafi í
fyrstu sýnt fánalit og valið skikkan-
leg nöfn á sína staði í atkvæða-
greiðslu, en sveitastjórnarmenn
hins vegar ekki tekið mark á því.
Afsakað sig með því að pappírinn á
kjörseðlunum hafi verið of þunnur.
Ætli nærtækari skýring á nafngift-
unum sé þó ekki sú að kjósendurn-
ir hafi verið of þunnir. Kannski of
margir bjórar með vídeóinu. Menn
detta varla niður á slík snilldarnöfn
eins og „Undir Jökli“ öðruvísi en
þeir séu með dúndrandi timbur-
menn, nema þá að þeir séu blind-
fullir. Sveitastjórnarmenn, sem eru
nú almennt ekki merkilegur pappír
(þó sæmilega þykkur sé), hundsa
svo þessi fínu nöfn til þess eins að
fletja sínar víkur og firði út í „bæi“
og „byggðir". Hvimleið þróun sem
hófst þegar snobbhausarnir í
Garðabæ vildu losna við hrepps-
ómaga-stimpilinn og sveitamenn-
irnir í Mosfellsveit vildu verða
bæjarlegir. Sjálfsagt ekki langt að
bíða þess að Bessastaðahreppur
verði „Bessastaðabær" eða bara
„Bessabær".
„Undir Jöldi“ var elcki galið, dá-
lítið póetískt, þó „Kristnihald undir
Jöldi“ hefði óneitanlega verið betra.
Þá hefði líka verið hægt að gæta
samræmis og nefna Suðurnesjabæ-
ina „Utan Vallar“ og Vestfjarða-
byggðina einfaldlega „Útá Landi“.
Þorpin á Suðurlandi gætu svo sam-
einuð orðið „Fyrir Austan Fjall“.
En fyrst menn ólmir vilja „bæj-
ar“-nöfn, væri nærtækara að láta
Keflavík heita „Bæbær“. Það eru
hvort sem allir að fara þaðan. Svo
bíður maður bara eftir því að ísa-
fjörður, Flateyri og Súðavík verði
„Vesturbær'1. Lífið verður þá að
minnsta kosti einfaldara fyrir Jón
Baldvin. Þá gefur augaleið að
Skagaströnd og Blönduós verði
„Kántríbær" þegar kemur að sam-
einingu þar. Grindavík og Sand-
gerði „Bláalónsbær".
Liðin er sú tíð er nýefni voru
frumleg og reisuleg. Surtsey hefði
sjálfsagt fengið nafnið „Gosey",
„Sæey" eða bara „Perlan" ef hún
hefði risið af sjávarbotni í dag. Þá
voru enn til menn með innblástur
sem tóku af skarið og skírðu hluti
upp á sitt einsdæmi án þess að
spyrja lýðinn. Það bjargaði Surtsey
að engir voru þar íbúarnir til að fá
að velja nafnið.
Lýðræði er til lítils í svona mál-
um og samþykktir bæjarstjórna
enn verri.
Maður á vonandi aldrei eftir að
venjast því að taka flugið heim til
„Suðurnesjabæjar" og lenda á
„Suðurnesjabæjarflugvelli". Frá
PAR til SUÐ. Nafhið suðar hrein-
lega í eyrum manns.
Ég skora á fólk að nota ekki þessa
flatneskju og vona að hvorki Póstur
og sími né Vegagerð ríkisins lúffi
ekki og láti merkja vegi og umslög
hinum nýju nöfnum þó sjálfsagt
væri það „bæjar“- stjórunum til
mátulegrar háðungar.

„Undir Jökli“ var ekki galið, dálítið póetískt,
þó „Kristnihald undir Jökli“ hefði óneitan-
lega verið betra. Þá hefði líka verið hœgt að
gœta samrœmis og nefna Suðurnesjabœina
„ Utan Vallar“ og Vestfjarðabyggðina einfald-
lega „ Útá Landi“. Þorpin á Suðurlandi gœtu
svo sameinuð orðið „Fyrir Austan Fjall“.
FIMMTUDAGUR 19. MAÍ1994
35
0 FAXMYND HH