Fréttablaðið - 13.02.2006, Síða 12

13. febrúar 2006 MÁNUDAGUR12
nær og fjær
„ORÐRÉTT“
R
V
62
04
„Mér finnst þetta gott mál ef hún
verður áfram á þeim nótum sem hún
var á,“ segir söngkonan Anna Vilhjálms
um vistaskipti sjónvarpskonunnar
Sirrýjar sem er hætt á Skjá einum eftir
fimm ára störf á þeim bæ. Sirrý réðist
til starfa í morgunsjónvarp NFS og til
stóð í upphafi að hún hæfi störf sem
fyrst en vegna óeiningar var afráðið að
bíða með það fram á sumar.
„Sirrý er afskaplega góð sjónvarpskona
og hefur fjallað einstaklega vel um
ýmis viðkvæm mál í samfélaginu. Ég
vona bara að hún haldi sínu striki,“
segir Anna Vilhjálms og bætir við að
aðrir sjónvarpsmenn mættu taka sér
Sirrý til fyrirmyndar og gera samfélags-
málum skil með dýpri hætti en þeir
annars gera.
SJÓNARHÓLL
SIRRÝ AF SKJÁ EINUM Á NFS
Gott mál
ANNA VILHJÁLMSDÓTTIR SÖNGKONA
Fjölmenni var á þorrablóti
í Norfolk í Bandaríkjunum
á dögunum. Hrútspungar,
svið, hákarl og blóðmör
var á boðstólnum ásamt
íslensku brennivíni.
230 gestir sóttu þorrablót Íslend-
ingafélagsins í Norfolk í Virg-
iníuríki í Bandaríkjunum fyrir
nokkrum dögum. Þorrablótið
var hið 21. í röðinni og hefur það
aldrei verið jafn vel sótt og nú.
Raunar var ásóknin slík að bið-
listi var eftir miðum.
Íslendingar, búsettir í Nor-
folk og nágrenni, sóttu blótið
auk áhugasamra heimamanna.
Þá voru sendiherrahjónin, Helgi
Ágústsson og kona hans Hervör
Jónasdóttir, heiðursgestir.
Allt sem á borðum var kom
frá Íslandi og var gerður góður
rómur að matnum. Einn af
hápunktum blótsins var að fylgj-
ast með þeim sem brögðuðu á
hákarli og brennivíni í fyrsta
sinn en þeir hinir sömu létu vel
af sérstöku bragðinu og báðu um
meira.
Sella Seifert (Sigurgeirsdóttir)
hefur haft veg og vanda af undir-
búningi þorrablótanna í Norfolk
en margir leggja hönd á plóg.
Eftir að gestir höfðu gætt
sér á kræsingunum voru íslensk
þjóðlögin sungin við raust og að
því loknu var stiginn dans.
MATBORÐIÐ GERT KLÁRT Fjölmargir tóku þátt í undirbúningnum og var handagangur í
öskjunni þegar hnossgætið var borið á borð.
KÆRU SAMLANDAR Helgi Ágústsson, sendiherra Íslands í Bandaríkjunum, ávarpar samkomuna. Honum við hlið stendur Sella Seifert sem
hefur haft veg og vanda af þorrablótum Íslendinga í Norfolk um árabil.
Hrútspungar og svið í Norfolk
Kristján Kristjánsson, betur þekktur sem KK, hugar nú að nýrri
plötu en hann sat í hægindastólnum heima hjá sér við upp-
tökur, þegar blaðamaður sló á þráðinn til hans í gær. „Ég er
að fikta í tónlistinni minni í tölvunni þessa stundina. Annars
hef ég tekið hana upp víðsvegar á landinu og er núna
fikta aðeins meira í henni.“
KK hefur í mörg ár verið afar afkastamikill tónlistarmaður
og spilað á mörgum tónleikum. Hann er ekkert að slá
slöku við og ætlar sér að spila víða á næstu misserum,
en KK er þekktur fyrir mikla spilagleði og skemmti-
legt tónleikahald. „Það er margt framundan hjá
mér. Ég hef alltaf áhuga á því að gera góða
blúsplötu. Það hefur alltaf verið á dagskránni
hjá mér. Þessa stundina er ég einn með gítar-
inn og spila mikið þannig. Það er alltaf eitthvað
að gerast hjá mér í tónleikahaldi. Nú er ég
að skoða tilboð um að spila á blúshátíð á
Höfn í Hornafirði. Svo er ég að fara að spila
á tónleikum á Rósenberg Café, sem er afar
skemmtilegur tónleikastaður. Þar er mikið líf og virkilega skemmtilegt
andrúmsloft.“
KK fór ásamt hljómsveit sinni í tónleikaferð til Kína á síðasta ári og
segir hann það hafa verið afar skemmtilega lífsreynslu. „Ferðin til
Kína var virkilega skemmtileg og velheppnuð. Það er alltaf gaman
að koma á nýjar slóðir og kynnast ólíkum menningarheiminum.
Kín- verjar þekkja ekki almennilega muninn á rokki, blús
og jazz. Fyrir þeim er þetta allt það sama, einfald-
lega tónlist. En það var skemmtilegt að fá viðbrögð
við tónlist okkar frá Kínverjum. Þeir virtust kunna
ágætlega við hana.“
KK segir íslenskt tónlistarlíf vera afar skemmtilegt og
líflegt um þessar mundir. „Það eru mörg athyglis-
verð bönd að spila þessa dagana. Mér finn Amina
skemmtileg hljómsveit og svo náttúrulega Sigur
Rós, sem ég hef haldið upp á lengi. Þá eru Hjálm-
ar líka virkilega skemmtileg hljómsveit. Það er
margt skemmtilegt að gerast í íslensku tónlistarlífi
og svo sannarlega bjart framundan.“
HVAÐ ER AÐ FRÉTTA? KRISTJÁN KRISTJÁNSSON, TÓNLISTARMAÐUR
Alltaf með blúsplötu í startholunum
NÚ ER FROST Á FRÓNI Íslensku lögin voru sungin hástöfum. Þorraþrællinn er vitaskuld
ómissandi á þorrablóti.
MATBÚIÐ Íslendingarnir Rabbi og Dilla
skera niður rófur í rófustöppu.
Horfir bara á!
„Ég er ágætlega sáttur við
að vera áhorfandi í pólitík-
inni, meðan ég finn að ég
hef ekkert í þetta að gera.“
Steinrímur J. Sigfússon, þingmaður
Vinstri grænna, í Fréttablaðinu.
Hrein og bein
„Ég ætla sannarlega ekki
að villa á mér heimildir og
gefa mig út fyrir að vera
sérfræðingur í þessu eða
hinu sem ég er alls ekki.“
Oddný Sturludóttir í viðtali við DV.