Fréttablaðið - 21.02.2006, Blaðsíða 4

4 21. febrúar 2006 ÞRIÐJUDAGUR
Fékk hjólið „lánað“ Lögregla í
Kópavogi hafði afskipti af þekktum
brotamanni á nýju reiðhjóli um helgina.
Sagðist hann hafa fengið það lánað í
Hafnarfirði en gat ekki gefið frekari skýr-
ingar og var það tekið af honum. Hjólið
er geymt á lögreglustöðinni í Kópavogi.
LÖGREGLUFRÉTTIR
SVEITARSTJÓRNARMÁL Guðmundur
Bjarnason, bæjarstjóri í Fjarða-
byggð, verður frá störfum í
óákveðinn tíma
vegna veikinda.
Guðmundur fer
í skurðaðgerð á
Landspítalanum
í byrjun næsta
mánaðar vegna
æxlis í ristli.
„Geislameðferð
hefst í lok þessa
mánaðar og síðan
er gert ráð fyrir skurðaðgerð hinn
6. mars. Ég geri ráð fyrir að sinna
störfum fram að uppskurðinum
en síðan tekur við veikindaleyfi
um óákveðinn tíma,“ segir Guð-
mundur.
Gunnar Jónsson, forstöðumað-
ur fjármála- og stjórnsýslusviðs
Fjarðabyggðar, mun gegna störf-
um bæjarstjóra í fjarveru Guð-
mundar. - kk
Bæjarstjórinn í Fjarðabyggð:
Fer í leyfi
vegna veikinda
GUÐMUNDUR
BJARNASON
Mest lesna
viðskiptablaðið
AUGLÝSINGASÍMI
550 5000
FYLGIR FRÉTTABLAÐINU ALLA MIÐVIKUDAGA
Sa
m
kv
æ
m
t
fj
ö
lm
ið
la
kö
n
n
u
n
G
al
lu
p
o
kt
ó
b
er
2
00
5.

GENGIÐ
GENGI GJALDMIÐLA 20.2.2006
Gengisvísitala krónunnar
Bandaríkjadalur 63,15 63,45
Sterlingspund 110,1 110,64
Evra 75,39 75,81
Dönsk króna 10,1 10,16
Norsk króna 9,353 9,409
Sænsk króna 8,041 8,089
Japanskt jen 0,534 0,5372
SDR 90,75 91,29 91,02
HEIMILD: Seðlabanki Íslands
KAUP SALA
105,8585
FUGLAFLENSA Tilgangur tilkynn-
ingar sem starfshópur Landbún-
aðarstofnunar um viðbrögð við
fuglaflensu sendi út í gær er að
búa fólk undir að fuglaflensan
sé að öllum líkindum að skella á,
segir Jarle Reiersen, dýralæknir
alifuglasjúkdóma.
Hann ítrekar að um leið og
fuglaflensa greinist í Bretlandi
gangi í gildi viðbrögð við fugla-
flensu á áhættustigi II. Landbún-
aðarstofnun sá í gær ekki ástæðu
til að breyta áhættumatinu. Hún
beinir hins vegar þeim tilmæl-
um til þeirra sem eiga alifugla
og sem reka alifuglabú að þeir
athugi nú þegar þau viðbrögð
sem nauðsynleg séu ef ákvörðun
verði tekin um að færa aðgerðir
á áhættustig II. Þetta á ekki síst
við um kröfur um að hýsa alla
alifugla og að huga að smitleiðum
til að fyrirbyggja að fuglaflensa
geti borist í alifugla.
Margar af þessum ráðstöfun-
um eru eðlilegur og mikilvægur
þáttur í daglegum rekstri ali-
fuglabúa og hefur því víða verið
komið á. Þessum aðgerðum þarf
hins vegar að viðhalda og ganga
úr skugga um að varnir gegn
smitleiðum séu tryggðar, að því
er segir í tilkynningu frá stofn-
uninni, sem hefur skilgreint þrjú
áhættustig vegna fuglaflensu. - jss
ÁLFTIR Álftir hafa drepist í vaxandi mæli í
Vestur-Evrópu af völdum fuglaflensu.
Landbúnaðarstofnun fylgist með þróun mála í nágrannalöndum:
Fólk búið undir fuglaflensu
SJÁVARÚTVEGUR Búið er að landa
um 3.500 tonnum af loðnu til
Síldarbræðslunnar á Akranesi.
Það telst rýrt miðað við árs-
tíma og skýrist af litlum loðnu-
kvóta. Skip fyrirtækisins HB
Granda, Sunnuberg NS 70, land-
aði um 1.100 tonnum af loðnu í
gær. Megnið af þeim aflanum fór
í frystingu. - shá
Síldarbræðslan á Akranesi:
Rýr loðnuveiði
hjá HB Granda
MOSKVA, BRUSSEL, AP Samninga-
menn Rússa og Írana luku í gær
fyrsta degi samningaviðræðna
í Moskvu um möguleikann á því
að Íranar stundi tilraunir sínar
með auðgun úrans í Rússlandi
með því að ákveða að halda við-
ræðunum áfram. Aftur á móti
skiluðu viðræður forsvarsmanna
Evrópusambandsins í Brussel
við íranska utanríkisráðherrann
Manouchehr Mottaki um kjarn-
orkuáætlun Írana engum áþreif-
anlegum árangri.
Javier Solana, utanríkismála-
stjóri ESB, sagði afstöðu Írans-
stjórnar „ekki hafa haggast“.
Sagði hann viðræðurnar verða
að vera „mun uppbyggilegri“ ef
árangur ætti að nást.
Sergei Lavrov, utanríkisráð-
herra Rússlands, vildi ekki gefa
neitt nánar upp um viðræðurnar
í Moskvu en sagði að þær gæfu
ástæðu til að halda í von um að
unnt væri að halda málinu innan
Alþjóða kjarnorkumálastofnun-
arinnar, IAEA. Skrifstofa þjóðar-
öryggisráðs rússneska forseta-
embættisins, sem var gestgjafi
viðræðnanna, gaf út stuttorða
yfirlýsingu þar sem segir að full-
trúar beggja aðila hafi komist að
samkomulagi um að halda við-
ræðum áfram. Tillaga Rússa um
að Íranar fái að stunda kjarnorku-
tilraunir sínar í Rússlandi nýtur
stuðnings Bandaríkjastjórnar
og ESB-þríveldanna Bretlands,
Frakklands og Þýskalands, en
með því móti er talið að auðveld-
ara verði að hafa eftirlit með því
að tilraunirnar gangi ekki út á að
framleiða efni í kjarnorkuvopn,
heldur einvörðungu til friðsam-
legrar raforkuframleiðslu.
Talsmaður Ívanovs, Kseniya
Roshchina, neitaði að segja hvenær
framhald yrði á viðræðununum en
staðfesti að íranska sendinefndin
héldi væntanlega heim á leið í dag,
þriðjudag. Síðar tilkynnti rúss-
neska utanríkisráðuneytið að við-
ræðunum yrði fram haldið strax í
dag á sérfræðingastigi.
Lavrov sagði að Íranar ættu
að hverfa frá kjarnorkutilraun-
um þeim sem þeir hófu á ný í síð-
asta mánuði, í trássi við ákvæði
alþjóðasamninga þar um, og
vinna að því að draga úr áhyggj-
um alþjóðasamfélagsins af því
hvað þeim gengi til með kjarn-
orkutilraununum. Hann sagðist
vonast til að viðræðurnar sem
hófust í gær gæfu tilefni til að
hægt væri að halda málinu innan
IAEA frekar en vísa því til örygg-
isráðs Sameinuðu þjóðanna, sem
gæti ákveðið þvingunaraðgerðir
gegn Íransstjórn.
Solana tjáði fréttamönnum í
Brussel að hann hefði tjáð Mottaki
að Evrópusambandið myndi bíða
og sjá hvað kæmi út úr viðræðun-
um í Moskvu áður en úrslitafund-
ur um málið fer fram í Alþjóða
kjarnorkumálastofnuninni í Vín-
arborg hinn 6. mars.
audunn@frettabladid.is
LÆTUR EKKI HAGGAST Manouchehr Mottaki, utanríkisráðherra Írans, á blaðamannafundi í Brussel eftir árangurslitlar viðræður um kjarnorkudeiluna í gær. FRÉTTABLAÐIÐ/AP
Veik von um samningalausn
Viðræður sem fulltrúar Íransstjórnar áttu í Moskvu í gær gefa að sögn rússneska utanríkisráðherrans
ástæðu til að halda í vonina um samningalausn í alþjóðadeilunni um kjarnorkuáætlun Írana.
VÍN, AP Fulltrúar Serbíustjórn-
ar og Kosovo-Albana settust að
samningaborði í Vínarborg í gær,
en þar með hófust loks formleg-
ar miðlunarviðræður Sameinuðu
þjóðanna um framtíð Kosovo-
héraðs.
Markmið viðræðnanna er að
komast nær niðurstöðu um það
hvort héraðið eigi að verða sjálf-
stætt ríki eða vera áfram meira
eða minna sjálfráða hérað í Ser-
bíu. Hua Jiang, talsmaður Martti
Ahtisaari, sáttasemjara SÞ, sagði
fyrsta viðræðufundinn hafa verið
mjög uppbyggilegan. Þessi fyrsta
lota viðræðnanna stendur aðeins í
tvo daga. ■
Viðræður um framtíð Kosovo:
Óvinir sestir að
samningaborði