Fréttablaðið - 21.02.2006, Blaðsíða 21

ÞRIÐJUDAGUR 21. febrúar 2006 3
Nú á tíma árshátíða og matar-
hátíða eins og Food & Fun er
mikilvægt að njóta matarins
til hins ýtrasta og fanga augna-
blikið. Við eigum það þó til að
borða of mikið á þessum ann-
ars frábæru kvöldstundum og
jafnvel að fá samviskubit yfir
því. Það þýðir hins vegar ekki
neitt og gerir manni ekkert
nema illt, svo við hættum öllu
samviskubiti hér og nú. Í stað-
inn er ágætt að beita smá for-
sjárhyggju og hugleiða nokkrar
góðar leiðir til að kvöldið verði
sem ánægjulegast.
■ Þegar við höfum tileinkað
okkur heilsuvænlega hugsun,
um mataræði okkar sem og
annað, fer sú hugsun ekkert
í frí þegar við förum í góðar
matarveislur. Það þýðir hins
vegar ekki að við séum á brems-
unni eða borðum ekkert nema
grænmeti. Langt í frá. Við njót-
um til hins ýtrasta en hugum þó
að nokkrum smáatriðum sem
gætu gert gæfumuninn.
■ Borðaðu aðeins áður en þú
leggur af stað. Það kemur í
veg fyrir að þú verðir hungur-
morða þegar að veisluborðinu
er komið og borðir yfir þig,
nennir ekki á dansgólfið og
langi mest heim í sófann eftir
matinn.
■ Drekktu tvö vatnsglös þegar
þú sest til borðs. Það bæði seður
hungrið um stund og dregur úr
líkum á að borða of mikið.
■ Farðu hægt í eða slepptu
brauðinu sem sett er á borðið
fyrir matinn. Sérstaklega ef
það er hvítt, því það er nær-
ingarsnautt, belgir okkur
bara út og gefur lítið nema
vindverki!
■ Ef þú mögulega getur, biddu
þjóninn um sósuna til hliðar á
disknum. Þá geturðu stjórn-
að sósuneyslunni betur, en
hún inniheldur oft töluvert af
hveiti, sykri og aukaefnum.
■ Ef þú velur af matseðli, veldu
allt sem er soðið, ofnbakað,
ristað og grillað og slepptu því
sem er djúpsteikt.
■ Taktu vel á grænmetinu.
Með því að borða vel grænmeti
og salat nær líkaminn betur
að melta steikina og þú nýtur
kvöldsins betur og getur auð-
veldlega dansað fram undir
morgun.
■ Þá er mikilvægt að minna sig
á skammtastærðina. Margir
eru vanir að klára af disknum
sínum, en okkur var kennt í
æsku að sóa ekki matnum. En
notaðu heldur ekki sjálfan þig
sem ruslafötu! Njóttu hvers
munnbita og borðaðu hægt,
frekar en að borða svo marga
að þú stendur á blístri. Ég,
nautnaseggurinn, veit að það
er oft erfitt að hætta að borða
góðan mat, en taktu þér góðan
tíma og þá eru minni líkur á
ofáti.
■ Deildu síðan eftirréttinum
með sessunauti þínum. Helm-
ingurinn af sætum eftirrétti
eftir velheppnaða máltíð er
alveg nóg.
■ Ef þú hefur fengið þér í glas
um kvöldið er gott að taka inn
B-vítamín og fá sér smá að
borða áður en maður fer að
sofa. Líka er gott að fá sér smá
mjólk. Það dregur verulega úr
þynnku, sérstaklega ef vín-
glösin hafa verið nokkur.
■ Síðast en alls ekki síst er að
njóta og ramma inn augnablik-
ið.
Góða skemmtun!
Borghildur
Verði þér að góðu!
Sóttvarnalæknir svarar
nokkrum spurningum varðandi
fuglaflensuna á heimasíðu
landlæknisembættisins.
Sú umræða sem skapast hefur í
kringum fuglaflensufaraldurinn
hefur vafalaust ekki farið framhjá
neinum. Á heimasíðu landlæknis-
embættisins fyrir helgi svaraði
sóttvarnalæknir nokkrum spurn-
ingum varðandi fuglaflensuna. Í
svörum hans kemur meðal annars
fram að líkur á því að hinn almenni
borgari smitist séu afar litlar. Fólk
þarf heldur ekki að forðast ferða-
lög til þeirra landa sem fuglaf-
lensan hefur komið upp í. Á síð-
unni stendur sem dæmi orðrétt:
,,Einungis þeir sem eru í náinni
snertingu við sýkta fugla eða saur
og aðra líkamsvessa (t.d. blóð eða
slím) sýktra fugla geta átt á hættu
að smitast af fuglaflensu. Ekkert
bendir til að fuglaflensa smitist
manna á milli.“ Enn fremur segir
sóttvarnalæknir að villtir fuglar
beri síður fuglaflensuna en ali-
fuglar.
Samkvæmt sóttvarnalækni er
einnig óhætt að borða rétt mat-
reitt fuglakjöt og egg. Þar sem
sýktir fuglar hafi ekki enn komið
til landsins sé í himnalagi að gefa
fuglum brauð en varast skuli þó
að koma nálægt dauðum fuglum
eða fugladriti. Dúntekja og skot-
veiði á einnig að vera hættulaus,
að minnsta kosti gagnvart fugla-
flensunni, samkvæmt sóttvarna-
lækni. Frekari spurningar og svör
má finna á heimasíðunni www.
landlaeknir.is.
Óhætt að gefa
fuglunum brauð
Hættan á því að fuglaflensan berist úr villtum fuglum og yfir í mannfólkið er afar lítil.
FRÉTTABLAÐIÐ/GVA
Heilbrigð sál
BORGHILDUR SVERRISDÓTTIR
EINKAÞJÁLFARI OG BA Í SÁLFRÆÐI
550 5000
AUGLÝSINGASÍMI