Fréttablaðið - 21.02.2006, Blaðsíða 8

8 21. febrúar 2006 ÞRIÐJUDAGUR
VEISTU SVARIÐ
1 Hver bar sigur úr býtum í prófkjöri sjálfstæðismanna í Árborg?
2 Hvað heitir konungur Nepals?
3 Lisa Marie Presley gekk í sitt fjórða hjónaband á dögunum. Hver er sá
lukkulegi?
SVÖR Á BLS. 34
BLÖNDUÓS Ný innheimtumiðstöð
vegna sekta og sakarkostnað-
ar á landsvísu tekur til starfa á
Blönduósi í apríl en öll innheimta
í dag er í höndum 26 sýslumanna
og lögreglustjóra víðs vegar um
landið.
Markmið breytinganna er að
samræma, einfalda og efla inn-
heimtu sekta og sakarkostnað-
ar. Undirbúningsnefnd á vegum
dómsmálaráðherra hefur unnið
að verkinu um tíma. Verkefni
verða flutt til miðstöðvarinnar í
áföngum. Mun miðstöðin taka til
starfa í byrjun apríl en eigi síðar
en í nóvember á hún að vera búin
að taka alla starfsemina yfir. - aöe
Sektir og sakarkostnaður:
Innheimtan
til Blönduóss
DÓMSMÁL Þess er krafist af hálfu
ákæruvaldsins að Magnús Ein-
arsson, sem dæmdur var í níu
ára fangelsi fyrir að hafa banað
konu sinni Sæunni Pálsdóttur,
á heimili þeirra í Hamraborg í
Kópavogi hinn 31. október 2004,
verði dæmdur til þyngri refsing-
ar í Hæstarétti.
Magnús játaði við yfirheyrsl-
ur hjá lögreglu að hafa kyrkt
konu sína. Samkvæmt dómi hér-
aðsdóms á Magnús að hafa banað
Sæunni í stundarbrjálæði, þar
sem afbrýðisemi, ofsareiði og
andlegt ójafnvægi hafi knúið
hann til verknaðarins.
Lögmaður Magnúsar krefst
þess að Hæstiréttur minnki refs-
inguna sem ákveðin var í hér-
aðsdómi, eða til vara staðfesti
dóminn.
Magnús sagði við aðalmeð-
ferð málsins í Héraðsdómi
Reykjaness að hann hefði verið
að hjálpa konu sinni að deyja þar
sem hún hefði verið illa haldin
af þunglyndi og samviskubiti
yfir því að hafa haldið framhjá
manni sínum. Sæunn átti í ástar-
sambandi við tvo menn nokkrum
vikum áður en Magnús banaði
henni og var Magnúsi fullkunn-
ugt um það. Hann fylgdist grannt
með samskiptum Sæunnar við
ástmenn sína og fór meðal ann-
ars að heimili þeirra með mynd-
bandsupptökuvél og tók það upp
þegar Sæunn kom út af heimili
annars mannsins.
Hjónaband Magnúsar og
Sæunnar hafði um nokkurt skeið
verið stormasamt og áttu þau
pantaðan tíma hjá sýslumanni
vegna fyrirhugaðs skilnað-
ar hinn 4. nóvember, nokkrum
dögum eftir að Magnús banaði
Sæunni.
Nágranni Magnúsar og
Sæunnar í fjölbýlishúsi í Hamra-
borg sagðist hafa heyrt hrópað
með kvalafullu öskri, „láttu mig
vera, láttu mig vera,“ aðfaranótt
1. nóvember úr íbúð þeirra, en
það hætti snögglega eftir mik-
inn dynk. Magnús hélt því fram í
héraðsdómi að Sæunn hefði ekki
gefið frá sér þetta öskur og neit-
aði því við yfirheyrslu hjá lög-
reglu að hún hefði streist á móti.
Réttarmeinafræðingur sagð-
ist hins vegar geta staðhæft, eftir
að hafa rannsakað lík Sæunn-
ar ítarlega, að greinilega hefði
komið til harkalegra átaka sem
á endanum hefðu leitt til dauða
Sæunnar.
Börn Magnúsar og Sæunnar
sváfu í herbergi sínu þegar til
átaka kom en við aðalmeðferð í
héraðsdómi ýjaði ákæruvaldið
að því að þau hefðu sofið vært
vegna lyfja sem Magnús hefði
gefið þeim. Það var þó aldrei
sannað.
magnush@frettabladid.is
Krefst þyngri
refsingar
Ákæruvaldið krefst þess að Magnús Einarsson, sem
játað hefur að hafa banað konu sinni Sæunni Páls-
dóttur, verði dæmdur til þyngri refsingar. Magnús
var dæmdur í níu ára fangelsi í héraði.
Vilt þú ná hámarks
árangri?
HH Ráðgjöf býður nú uppá námskeið í sölutækni sem
hentar afar vel fyrir alla sölumenn, nýliða og þá sem
reyndari eru.
Um er að ræða heildstætt námskeið sem nýtist öllum sem
selja vöru eða þjónustu til verslana, fyrirtækja eða stofnana.
Á námskeiðinu er farið yfir meginlögmál árangursríkrar
sölumennsku s.s.
• Markvissa útrás
• Hvernig halda á áhrifaríkar kynningar
• Viðbrögð við mótbárum
• Hvernig halda skal núverandi viðskiptavinum
• Öflun nýrra viðskiptavina
• Samningatækni
• Leiðir til að hámarka framlegð
Aðgengilegt, hagnýtt námskeið sem tekur mið af
íslenskum aðstæðum.
„Mjög gott námskeið sem nýttist mér vel, var skemmtilegt og
opnaði augu mín fyrir mörgum hlutum.”
Guðni Vilberg Baldursson, sölumaður, Vatnsvirkinn hf
„Mjög gott upprifjunarnámskeið fyrir reyndari sölumenn, vel
skipulagt þar sem farið er vel yfir aðalatriðin”
Þorsteinn Halldórsson, viðskiptastjóri, Tæknival
„Gott almennt námskeið sem fær mann til að hugsa.”
Vilhjálmur S. Eiríksson, söluráðgjafi, OgVodafone
Námskeiðið tekur 4 klst.
Námskeið í sölutækni
Nánari upplýsingar
og skráning:
• Sími 561 6365
• tölvupóstur hhr@hhr.is
• www.hhr.is
Leiðbeinandi:
Hulda Helgadóttir
Framkvæmdastjóri
MEXÍKÓ, AP Björgunarmenn unnu
að því hörðum höndum að losa 65
kolanámuverkamenn sem höfðu
lokast inni þegar sprenging varð í
námu aðfaranótt sunnudags.
Mennirnir voru eingöngu með
um sex klukkustunda forða af
súrefni með sér og óvíst hvort
þeir hefðu aðgang að fersku lofti
og var því óttast mjög um afdrif
þeirra. Þeir voru taldir hafa verið
í um tveggja til fimm kílómetra
fjarlægð frá námuopinu. Nokkr-
ir aðrir verkamenn slösuðust í
sprengingunni en komust þó lífs
af. - smk
Námusprenging í Mexíkó:
65 taldir af
BJÖRGUNARAÐGERÐIR 65 kolanámuverka-
menn lokuðust inni í námu í Mexíkó.
FERÐALÖG „Við höfum ekki orðið
vör við ótta eða afbókanir hjá
okkar viðskiptavinum þrátt fyrir
fuglaflensuna eða óeirðir vegna
dönsku Múhameðsmyndanna,“
segir Helgi Eysteinsson, sölu- og
markaðsstjóri hjá Úrval-Útsýn.
Hjá ferðaskrifstofunni fengust þær
upplýsingar að ekkert hefði verið
um slíkt. Fyrirtækið býður meðal
annars upp á ferðir til Tyrklands
og Egyptalands en í báðum ríkjum
hefur fuglaflensu orðið vart og tals-
vert verið um mótmæli vegna birt-
inga Jótlandspóstsins á teikningum
af spámanninum Múhameð.
Helgi segir fyrirtækið fylgjast
með og munu grípa til aðgerða ger-
ist þess þörf en svo hafi ekki verið
hingað til. „Ef staðan versnar á
þeim áfangastöðum sem um ræðir
förum við að sjálfsögðu yfir það.”
- aöe
FRÁ TYRKLANDI Íslendingar ferðast áfram
óhræddir þrátt fyrir fregnir af fuglaflensu.
Fuglaflensa og óeirðir vegna teikninga af Múhameð:
Letja ekki Íslend-
inga til ferðalaga
FILIPPSEYJAR, AP Unnið er að því að
grafa upp barnaskóla í þorpinu
Guinsaugon á Filippseyjum, en
aurskriður féllu á þorpið á föstu-
dag og þurrkuðu það út. Í þorpinu
bjuggu um 1.800 manns.
Yfir 250 börn grófust undir 35
metra þykku aurflóði í skólanum
og töldu björgunarmenn ólíklegt
að nokkurt þeirra fyndist á lífi.
Þó vaknaði von í brjóstum þeirra
þegar hljóð heyrðust berast frá
skólanum í gær, en óljóst var hvort
hljóðin bárust frá eftirlifandi
börnum eða hvort mjúkur aurinn
væri einfaldlega að þéttast.
Jafnframt voru óstaðfestar
fréttir um að kennarar og börn
hefðu sent SMS-skeyti með símum
sínum skömmu eftir að skriðurn-
ar féllu.
Bandarískar, taívanskar og
filippeyskar björgunarsveitir
unnu því hörðum höndum að því
að moka ofan af skólanum í gær.
Í gær hafði allt að 57 manns
verið bjargað, en allir fundust
skömmu eftir að aurskriðurnar
féllu. Filippseysk yfirvöld stað-
festu í gær lát 82 manna og sögðu
að 928 væri saknað. Þar sem eng-
inn var eftir á svæðinu til að bera
kennsl á þau lík sem fundist hafa
voru mörg grafin saman í fjölda-
gröf.
- jóa / smk
BJÖRGUNARAÐGERÐIR Bandarískir
hermenn aðstoða taívanskar björgunar-
sveitir við leit að fólki sem gæti hafa lifað
aurskriðu af á Filippseyjum.
FRÉTTABLAÐIÐ/AP
Björgunaraðgerðir á hamfarasvæðinu á Filippseyjum:
Hljóð sögð berast frá barnaskóla
MAGNÚS LEIDDUR TIL HÉRAÐSDÓMS Ákæruvaldið krefst þess að dómurinn yfir Magnúsi
verði þyngdur en hann var dæmdur í níu ára fangelsi í héraðsdómi. FRÉTTABLAÐIÐ/HEIÐA