Fréttablaðið - 21.02.2006, Blaðsíða 16

21. febrúar 2006 ÞRIÐJUDAGUR16
DAX handáburður
250ml
238 kr.
Hreinar hendur
örugg samskipti
Jóhanna Runólfsdóttir
Sjúkraliði, ráðgjafi hjá RV
Tilbo
ð
febr
úar 2
006
Dax
hand
sprit
t,
krem
og s
ápur
DAX skammtari
snertifrír
DAX handspritt
í snertifr.
DAX handsápa
mild 600ml m.dælu
197kr.
5.973 kr.
650 kr.
R
V
62
03
A
BAUGSMÁLIÐ Jón H. B. Snorrason,
saksóknari hjá embætti Ríkislög-
reglustjóra, sagði í vitnastúku
við aðalmeðferð Baugsmálsins í
dag að enginn samningur hefði
verið gerður um að Jón Gerald
Sullenberger yrði ekki ákærður í
Baugsmálinu fyrir hliðstæð brot
og Jóhannes Jónsson og börn hans
Jón Ásgeir og Kristín. Þau eru öll
ákærð fyrir tollsvik og skjalaföls-
un við bílainnflutning frá Banda-
ríkjunum.
Gestur Jónsson, verjandi Jóns
Ásgeirs, þaulspurði Jón Snorra-
son um brot sem Jón Gerald
hefði í raun viðurkennt að hafa
framið með því að gefa út ranga
og tilhæfulausa reikninga í nafni
Nordica Inc, fyrirtækis síns. Taldi
Gestur undarlegt að þeir sem
neitað hefðu sök í málinu væru
ákærðir en einstaklingur sem
játað hefði á sig refsiverð brot í
sama máli væri ekki ákærður.
Jón Snorrason endurtók að við
heildarmat á málinu hefði ekkert
tilefni fundist til að ákæra Jón
Gerald. Fram kom einnig í máli
Jóns að meint brot sakborninga á
tollalögum við bílainnflutninginn
snertu ekki Jón Gerald.
Jón Snorrason var einnig
spurður hvort einhver kynni að
hafa talað máli Jóns Geralds til að
tryggja að hann fengi ekki stöðu
sakbornings. Jón Snorrason sagði
að við upphaf málsins hefði Jón
Gerald einungis verið í samband
við Jón Steinar Gunnlaugsson,
lögmann sinn.
Jóhannes Jónsson í Bónus sagði
í vitnastúku að hann hefði aldrei
beðið Jón Gerald að falsa reikn-
inga og aldrei hefði hvarflað að sér
að leggja nafn sitt undir með þeim
hætti í íslensku viðskiptalífi.
Jóhannes og börn hans Kristín
og Jón Ásgeir kváðust almennt
lítið hafa haft af bílainnflutning-
unum að segja annað en að velja
bifreiðar, en einhverjar þeirra
voru fluttar inn á vegum Bónus.
Í upphafi aðalmeðferðar
Baugsmálsins lagði Sigurður
Tómas Magnússon, settur sak-
sóknari, fram ný gögn frá bíla-
salanum Ivan Motta hjá bíla-
sölunni Zona Franca í Florida,
en hann ber vitni í Héraðsdómi
Reykjavíkur í dag ásamt Jóni
Gerald Sullenberger.
Verjendur mótmæltu fram-
lagningu gagnanna og var þeim
gefið stutt hlé til meta gögnin.
Mótmælin standa en sæst var á að
halda áfram meðferð málsins.
Enginn samningur
við Sullenberger
Allir sakborningarnir í Baugsmálinu komu fyrir rétt í gær þegar aðalmeðferð
málsins hófst. Saksóknari hjá Ríkislögreglustjóra neitar því að samið hafi verið
um að Jón Gerald Sullenberger yrði ekki saksóttur. Hann kemur fyrir rétt í dag.
BAUGSMÁLIÐ Í HÉRAÐSDÓMI REYKJAVÍKUR Í GÆR Ný gögn voru lögð fram af hálfu setts saksóknara. Verjendur bókuðu mótmæli.
FRÉTTABLAÐIÐ/GVA
FRÉTTASKÝRING
JOHANN HAUKSSON
johannh@frettabladid.is
BAUGSMÁL Endurskoðendurnir
Stefán Hilmar Hilmarsson og
Anna Þórðardóttir báru vitni í
Baugsmálinu í gær. Þau eru í hópi
sakborninga fyrir brot á lögum
um ársskýrslur og hlutafélög.
Bæði hafa þau áritað ársskýrslur
Baugs á undanförnum árum.
Fram kom í máli Stefáns að
hann hefði sent harðort bréf árið
2001 þar sem hann hefði meðal
annars beðið um nákvæmari með-
ferð á fylgiskjölum í bókhaldi.
Hvorki væri óeðlilegt né óalgengt
af hálfu endurskoðenda að senda
slík bréf.
Stefán sagði efnislega að eftir
fund Hreins Loftssonar, stjórnar-
formanns Baugs, og Davíðs Odds-
sonar, þáverandi forsætisráð-
herra, og harðar ásakanir Davíðs
á hendur félaginu í ársbyrjun
2002 hefði hann sent bréf og beðið
stjórnendur Baugs um að taka af
öll tvímæli um viðskiptakröfur
milli þeirra og Baugs eða Gaums
eða kröfur sem kynnu hugsanlega
að orka tvímælis. Upphefja yrði
allan vafa ef túlka ætti undanþág-
ur í hlutafélagalögum til lánveit-
inga þeim í hag.
Í vitnaleiðslum í gær kom fram
að stjórnendur Baugs hefðu í við-
skiptareikningum sínum ekki vilj-
að sérgreina neitt í ársskýrslum
sem lán. Engu að síður hefðu end-
urskoðendurnir áritað árskýrslur
Baugs án fyrirvara. - jh
Endurskoðandi lagði að stjórnendum að sýna gætni:
Ásakanir Davíðs
höfðu áhrif
STEFÁN HILMAR HILMARSSON ENDURSKOÐANDI Stefán hefur engar efasemdir um að fylgt
hafi verið góðum reikningsskilavenjum í ársskýrslum Baugs sem hann áritaði.
FRÉTTABLAÐIÐ/GVA
BAUGSMÁL Verjendur sakborninga
í Baugsmálinu sóttu að Arnari
Jenssyni aðstoðaryfirlögreglu-
þjóni við vitnaleiðslur í Héraðs-
dómi Reykjavíkur í gær.
Taldi Gestur Jónsson, verj-
andi Jóns Ásgeirs Jóhannes-
sonar, að Arnar hefði spurt tvo
fjármálastjóra Baugs villandi
spurninga við rannsókn málsins
með því að gefa til kynna að lán
til stjórnenda eða starfsmanna
hlutafélaga væru ólögleg og án
undantekninga. Gestur spurði
hvort embættið hefði mögulega
misskilið þýðingu umræddrar
greinar.
Arnar kvaðst hafa gert ein-
hverjum vitna grein fyrir inntaki
umræddrar lagagreinar og af
samhengi yfirheyrslunnar mætti
ráða annað en það sem Gestur
héldi fram.
Verjendur bentu einnig á mis-
ræmi í lögregluskýrslum þar sem
Anna Þórðardóttir, endurskoð-
andi hjá KPMG hefði verið borin
fyrir því af rannsóknara að Jón
Ásgeir Jóhannesson hefði ekki
viljað sérgreina lánveitingar milli
stjórnenda og Baugs í ársskýrslu.
Hvergi væri neitt að finna í máls-
gögnum um að Anna hefði nefnt
Jón Ásgeir.
Arnar fékk næði til að kynna
sér viðkomandi málsgögn en
viðurkenndi síðar ónákvæmni af
sinni hálfu. - jh
Verjendur takast á um nákvæmni og misræmi:
Veikleikar í
málsgögnum
MÖPPUR MEÐ MÁLSGÖGNUM Í BAUGSMÁLINU SKIPTA TUGUM Aðalmeðferð Baugsmálsins
verður fram haldið í dag og ef til vill á miðvikudag. FRÉTTABLAÐIÐ/GVA