Fréttablaðið - 25.03.2006, Page 13

Íslensku bankarnir bjuggust ekki
við að peningamarkaðssjóðir í
Bandaríkjunum endurnýjuðu
skuldabréf þeirra. Upphæð bréf-
anna sem um ræðir nemur tugum
milljarða króna. Bréfin eru gefin út
til 13 mánaða í senn, innan fimm ára
rammasamnings. Þau eru ekki end-
urnýjuð nú vegna hækkandi ávöxt-
unarkröfu á eftirmarkaði og flökts
á markaði, en sjóðirnir taka mánað-
arlega ákvörðun um endurnýjun.
Heildarendurfjármögnunarþörf
næsta árs nemur 2,7 milljörðum
evra hjá Glitni og er þar gert ráð
fyrir skuldabréfum amerískra pen-
ingamarkaðssjóða. Þau séu ekki
nema lítill hluti af útgáfu bankans í
Bandaríkjunum, að sögn Ingvars H.
Ragnarssonar, forstöðumanns
Alþjóðlegrar fjármögnunar bank-
ans. „Ákvörðun sjóðanna breytir
því engu um endurfjármögnun
bankans,“ segir hann og bætir við
að sjóðirnir endurnýji ekki bréf
bankanna vegna þess að þeir ávaxti
fé sitt til skamms tíma í senn og
vilji því ekki sjá jafnmikið flökt á
ávöxtun og verið hefur að undan-
förnu á bréfum íslensku bankanna.
Þar hafa haft áhrif undanfarin skrif
greiningardeilda um íslensku bank-
ana.
Landsbankinn gerir að sama
skapi ráð fyrir að fjármagna skulda-
bréfin á 13 mánaða fresti og gerir á
næsta ári ráð fyrir endurfjármögn-
un 700 milljóna dollara bréfa pen-
ingamarkaðssjóða í Bankaríkjun-
um. Matthías P. Einarsson,
forstöðumaður í erlendri fjármögn-
un hjá Landsbankanum, segir þó að
af þeirri upphæð hafi einungis 200
milljónum dala verið sagt upp til
þessa.
Kaupþing banki gerði aftur ekki
ráð fyrir endurfjármögnun bréfa
peningamarkaðssjóðanna fyrr en að
fimm árum liðnum og hækkar því
endurfjármögnunarþörf bankans
um 600 milljónir dala á næsta ári,
fer úr 2,4 milljörðum evra í 2,9 millj-
arða.
„Bankinn verður ekki í vand-
ræðum með þá endurfjármögnun,“
segir Guðni Aðalsteinsson, fram-
kvæmdastjóri fjárstýringar Kaup-
þings banka. Upphæð bréfa Kaup-
þings sem sagt var upp nemur 600
milljónum dala, en alls hefur bank-
inn gefið út bréf í Bandaríkjunum
fyrir 1.250 milljónir dala. Guðni
segist ekki eiga von á frekari upp-
sögnum bréfa, enda gildi ekki við-
líka reglur hjá öðrum fjárfestum og
gera hjá peningamarkaðssjóðum.
- óká
Í KAUPHÖLLINNI Í NEW YORK Peningamarkaðssjóðir í Bandaríkjunum hafa sagt upp
íslenskum skuldabréfum. NORDICPHOTOS/GETTY IMAGES
Skuldabréfum sagt upp í Ameríku
LAUGARDAGUR 25. mars 2006 13
Í nýrri skýrslu greiningardeildar
ameríska fjárfestingarbankans JP
Morgan um íslensku bankana er
undirstrikað að hvorki OECD né
matsfyrirtæki geri ráð fyrir að í
aðsigi sé djúp efnahagskreppa á
Íslandi. Danske Bank gaf í vikunni
út spá um slíkt.
Dregið er fram að ekki sé raun-
hæft að bera saman tölur úr efna-
hagsreikningum íslensku bankanna
við íslenskar hagstærðir þar sem
starfsemi þeirra sé ekki lengur
bundin við Ísland. Þá bendir JP
Morgan á að nokkuð af þeirri nei-
kvæðu umræðu sem íslensku bank-
arnir hafi fengið komi frá greining-
ardeildum banka sem séu í beinni
samkeppni við þá. - óká
Kreppuástand
ekki í aðsigi
„Íslenskt efnahagslíf virðist vera
að færast yfir í nýtt ferli þar sem
jafnvægi kemur á útrás síðustu
ára. Það verður hollt hvað varðar
vöxtinn til lengri tíma litið,“ segir
í leiðara danska viðskiptaritsins
Børsen í gær.
Í leiðaranum er áréttað að hag-
vöxtur hér hafi síðasta ártug verið
mun meiri en á evrusvæðinu og
efnahagslífið standi styrkum
fótum hvað sem líður neikvæðum
spádómum um ofþenslu og aukna
greiðslubyrði. Rætt er um hrak-
spá Danske Bank um íslenskt
efnahagslíf og varað við að taka
hana of alvarlega, enda sé hún
skrifuð af vanþekkingu sem bank-
inn viðurkenni sjálfur.
Í frétt á vef Børsen í gær var
hins vegar tengd við umfjöllun
Danske Bank gagnrýni OECD á
hagstjórnina hér, þar sem bent er
á að taka þurfi á vaxandi verð-
bólgu og eftirspurn innanlands.
- óká
Børsen gagnrýn-
ir Danske Bank
VÍS hagnaðist um 8.444 milljónir
króna í fyrra sem er 46 prósenta
aukning frá árinu 2004. Arðsemi
eiginfjár var 44 prósent samanbor-
ið við 65 prósent árið 2004.
Hækkun á fjármálamörkuðum
skýrir þennan mikla hagnað félags-
ins og hækkuðu fjárfestinga-
tekjur um sex milljarða á
milli ára. Námu
þær tæpum 14,9
milljörðum króna á
síðasta ári en heild-
artekjur félagsins
voru alls 23,4 milljarðar.
Langstærsti eignarhlutur VÍS er
eftir sem áður í KB banka en mark-
aðsvirði hlutarins var yfir 21 millj-
arður í árslok.
Hins vegar versnaði afkoma
tryggingastarfsemi mikið á milli
ára og varð 143 milljóna króna tap á
skaðatryggingum en 86 milljóna
króna hagnaður af líftryggingum.
Eigið fé VÍS var 27,6 milljarðar
króna í árslok en eignir um 93 millj-
arðar króna. Eigendur VÍS fá
greiddan 100 prósenta arð fyrir árið
2005 en upphæðin nemur alls 650
milljónum króna. - eþa
VÍS hagnast á
hlutabréfum