Fréttablaðið - 10.04.2006, Blaðsíða 2

2 10. apríl 2006 MÁNUDAGUR
www.expressferdir.is
Express Fer›ir, Grímsbæ,
Efstalandi 26, sími 5 900 100
Nánar á www.expressferdir.is
Fer›askrifstofa í eigu Iceland Express
VERÐ
87.900 kr.
79.900 kr.
LÚXUSFERÐ
TIL LONDON OG PARÍSAR
9.–14. JÚNÍ
Ferð sem sameinar menningu,
fróðleik og sögu, enda hafa fáar
borgir upp á jafn mikið að bjóða og
þessar sígildu heimsborgir. Tveir
dagar í London og þrír í París.
Gönguferð, leikhús og heilsdagsferð
til Stonehenge og Bath, „ítölskustu“
borgar Englands. Farið til Parísar
með Eurostar-hraðlestinni og gist á
hóteli í miðborginni. Skoðunarferð,
kvöldsigling á Signu, gönguferðir o.fl.
Fararstjóri: Lilja Hilmars.
INNIFALI‹: Flug með sköttum, gisting
á góðum hótelum í London og París
með morgunverði, akstur til og frá
flugvelli og hóteli í London, heilsdags-
skoðunarferð á Englandi, aðgangseyrir
á söfn, ferð til Parísar með Eurostar-
hraðlestinni og íslensk fararstjórn.
Sérverð fyrir þá sem greiða með MasterCard
KATMANDÚ, AP Mótmæli geisuðu
áfram í höfuðborg Nepal í gær og
lögregla skaut gúmmíkúlum og
beitti táragsi til að reyna að dreifa
fólkinu.
Fulltrúar stjórnarandstöðu-
flokka í Nepal segja að allsherjar-
verkfall og mótmæli gegn ein-
veldi muni halda áfram um
óákveðinn tíma. Sjö stærstu
stjórnmálaflokkar landsins boð-
uðu til fjögurra daga verkfalls og
mótmæla og átti þeim að ljúka í
gær. Fulltrúar flokkana hafa hins
vegar ákveðið að þeim skuli hald-
ið áfram. - bs
Mótmæli í Nepal:
Halda áfram í
óákveðinn tíma
BLÓÐUG ÁTÖK Lögreglan leiðir særðan
mótmælanda á braut. FRÉTTABLAÐIÐ/AP STJÓRNMÁL „Ég ætla ekki hér, frem-
ur en endranær, að halda því fram
að íslenskt efnahagslíf sé að fara
fjandans til en ég ætla eins og oft
áður að vara við þeim váboðum
sem ættu að vera sýnilegir öllum
sem sjá vilja,“ sagði Ingibjörg Sól-
rún Gísladóttir, formaður Samfylk-
ingarinnar, á flokkstjórnarfundi á
laugardaginn.
„Þessir váboðar tengjast allir
miklum viðskiptahalla, miklum
erlendum skuldum þjóðarbúsins og
sterku gengi krónunnar,“ bætti hún
við. Blaðamaður á Fréttablaðinu
vitnaði ranglega í Ingibjörgu Sól-
rúnu í gær. Beðist er velvirðingar
og það leiðréttist hér.
Ingibjörg segir ljóst að þenslan í
íslensku efnahagslífi sé veruleg:
„Við slíkar aðstæður þarf aðhald í
ríkisfjármálum.“ Ríkisstjórnar-
flokkarnir lofi hins vegar skatta-
lækkunum, bæði ætli þeir að lækka
hlutfall tekjuskatts um næstu ára-
mót og formaður Sjálfstæðisflokks-
ins hafi einnig um helgina lofað að
matarskattur verði lækkaður. Það
hafi verið tillaga Samfylkingarinn-
ar sem stjórnarflokkarnir hafi
hafnað. Fráleitt sé við þær aðstæð-
ur sem nú eru að menn geri hvort
tveggja.
„Mér finnst loforðin um skatta-
lækkanirnar bera keim af því að
kosningaskjálfti sé kominn í menn.
Þeir séu farnir að rita undir kosn-
ingavíxlana,“ segir Ingibjörg.
Ríkisstjórnarflokkarnir hafi gefist
upp á að hafa stjórn á ríkisfjármál-
unum: „Þeir eru ekki að nýta þau til
að slá á þensluna. Þeir líta ekki svo
á að ríkisfjármálin hafi nokkru
hlutverki að gegna í hagstjórninni.“
Það sé nánast einsdæmi að ríkis-
stjórn afsali sér hagstjórnarhlut-
verkinu. Því sé komið yfir á Seðla-
bankann, sem gert sé að fást við
verkefnið með því að hækka stýri-
vexti.
Ingibjörg benti í ræðu sinni á
flokkstjórnarfundinum á laugar-
dag á að stýrivextirnir væru 11,5
prósent hér á landi. Þeir væru 2,5
prósent á Evrusvæðinu og 4 pró-
sent í Bretlandi: „Jón Sigurðsson
hagfræðingur og fyrrverandi ráð-
herra og Seðlabankastjóri sagði
nýlega eitthvað á þá leið að þetta
væri álíka raunsætt og að ætla sér
einhesta yfir Kjöl.“
Hún sagði að ríkisstjórninni
hefði gjörsamlega mistekist að nota
góðærið til að búa í haginn fyrir
framtíðina, auka stöðugleikann eða
jafna kjörin í íslensku samfélagi:
„Hún gerði margvísleg hagstjórn-
armistök, hún klúðraði ómetanlegu
tækifæri. Og í því óvissuástandi
sem nú ríkir hjala ráðherrarnir enn
um skattalækkanir.“
gag@frettabladid.is
Skjálfti kominn í
stjórnarflokkana
Formaður Samfylkingarinnar segir kosningaskjálfta kominn í ríkisstjórnar-
flokkana. Þeir hafi afsalað sér hagstjórninni yfir til Seðlabankans. Skattalækk-
unum sé lofað í stað þess að reynt sé að slá á þensluna.
FORMAÐUR SAMFYLKINGARINNAR Ingibjörg Sólrún Gísladóttir gagnrýnir efnahags-
stefnu ríkisstjórnarinnar harðlega. Stjórnin axli ekki sína ábyrgð heldur komi henni yfir
á Seðlabankann. FRÉTTABLAÐIÐ/STEFÁN
LÖGREGLUFRÉTTIR
Tveir handteknir Lögreglan í
Keflavík handtók á laugardagskvöld tvo
menn á heimili annars þeirra vegna
ofbeldismáls. Höfðu þeir daginn áður
ruðst inn í skrifstofuhúsnæði í Keflavík
og haft í hótunum við mann sem þar
var. Við leit í íbúðinni fannst nokkurt
magn fíkniefna og þýfis.
Órói á Egilsstöðum Einn gisti
fangageymslur lögreglunnar á Egilsstöð-
um aðfaranótt sunnudags. Var að sögn
lögreglu mikill órói í mannskapnum og
mikil ölvun á skemmtistaðnum Svart
hvítu hetjunni í Fellabæ. Urðu nokkrar
stympingar, sem enduðu með því að
einn var færður ölvaður í fangageymslu.
Gat á hausinn Maður fékk gat á
höfuðið þegar hann datt í götuna fyrir
utan skemmtistað í Vestmannaeyjum.
Eitthvað hafði slest upp á vinskap
hans við annan mann með þessum
afleiðingum.
UMFERÐ Lögreglan á Sauðárkróki
hefur áhyggjur af vegaskemmd-
um sem hún telur orðnar áberandi
á þjóðvegum landsins.
Þó að engin slys hafi orðið
vegna skemmdanna óttast lögregl-
an að þær eigi eftir að valda tjóni
og slysum. Í Fréttablaðinu í gær
var greint frá ökumanni sem ók í
holu uppi á Vatnsskarði með þeim
afleiðingum að það sprakk á
tveimur dekkjum.
„Það má alls staðar reikna með
þessu og þú sérð þetta ekki fyrr en
þú kemur að. Á níutíu kílómetra
hraða er lítið hægt að gera annað
en að loka augunum og vona það
besta,“ segir Kristján Örn Kristj-
ánsson lögreglumaður á Sauðár-
króki. - sgi
Lögreglan á Sauðárkróki:
Hefur áhyggjur
af skemmdum
SLYS Ungur ökumaður á leið frá
Reykjavík til Ólafsvíkur sofnaði
undir stýri við Kolgrafarfjörð,
miðja vegu milli Stykkishólms og
Grundarfjarðar, klukkan þrjú
aðfaranótt sunnudags.
Bíllinn valt og er gjörónýtur og
mildi þykir að ökumaðurinn hafi
sloppið með nokkrar skrámur.
Ökumaðurinn stöðvaði bíl sem átti
leið hjá og fékk far til Grundar-
fjarðar. Lögreglan á Stykkishólmi
var á ferðinni og kom að bílflakinu
áður en tilkynnt var um slysið.
Bíllinn, sem er fólksbíll af gerð-
inni BMW, var fluttur á braut með
kranabíl strax um nóttina. - sgi
Bílvelta á Snæfellsnesi:
Húkkaði far
eftir bílveltu
Sósíalistar sigra Þótt mjótt væri á
mununum virtust sósíalistar standa með
pálmann í höndunum þegar 80 prósent
atkvæða í þingkosningunum í Ungverja-
landi höfðu verið talin. Sósíalistar höfðu
fengið rúmlega 43 prósent atkvæða,
en hægrisinnaðir jafnaðarmenn tæp 43
prósent.
UNGVERJALAND
SPRENGJUTILRÆÐI Al-kaída kom
hvergi nærri sprengjuárásunum í
London 7. júlí í fyrra. Þetta er nið-
ustöður opinberrar rannsóknar á
sprenfjutilræðunum, sem urðu 52
að bana. Niðurstöðurnar verða
birtar á næstu vikum en hefur
verið lekið til fjölmiðla.
Breska dagblaðið The Guardi-
an greindi frá niðurstöðum rann-
sóknarinnar í gær og meðal þess
sem kemur fram er að sjálfs-
morðssprengjumennirnir fjórir
sem frömdu ódæðin skipulögðu
þau líka upp á eigin spýtur og
fengu ekki aðstoð frá alþjóðlegum
hryðjuverkasamtökum. Sprengju-
mennirnir leituðu sér upplýsinga
á netinu til að skipuleggja árásirn-
ar, sem voru bæði einfaldar í fram-
kvæmd og kostuðu lítið fé. Ekki er
talið að fimmti sprengjumaðurinn
hafi verið með í spilinu eins og
grunur lék á í fyrstu.
Búst er við að niðurstöðurnar
muni vekja umræðu um hversu
berskjaldaður almenningur er
fyrir árásum lítilla og lítt skipu-
lagðra hryðjuverkahópa, en einn-
ig spurningar um hves vegna ekk-
ert var aðhafst þó að
leyniþjónustan hefði komist á spor
eins tilræðismannsins nokkrum
mánuðum fyrir árásina. - bs
Opinber rannsókn á sprengjutilræðunum í London:
Al-kaída kom hvergi nærri
SÖNNUNARGÖGNUM SAFNAÐ Alls létust 52 í sprengjuárásunum í júlí í fyrra.
NORDICPHOTOS/GETTY IMAGES
SPURNING DAGSINS
Ólafur, hefðirðu viljað vera
„sjanghæaður“ á laugardag-
inn?
„Að sjálfsögðu hefði ég viljað vera þar
en ég gat ekkert gert í því annað en að
láta mig dreyma.“
Rokksveitin The Rolling Stones hélt sína
fyrstu tónleika í Sjanghæ í Kína á laugardag-
inn. Ólafur Helgi Kjartansson, sýslumaður
á Selfossi, er Stones-aðdáandi númer eitt
á Íslandi.
FUGLAFLENSA Ekki er talið að svan-
urinn sem fannst dauður við Ell-
iðavatn í fyrradag sé smitaður af
mannskæðri veiru fuglaflensunn-
ar, H5N1. Tekin verður ákvörðun
um það í dag hvort sýni úr honum
verði sent tafarlaust til rannsókn-
ar í Svíþjóð eða hvort beðið verði
með það þar til fleiri séu komin í
sarpinn.
Halldór Runólfsson yfirdýra-
læknir segir að nýlega hafi niður-
stöður sautján sýna úr villtum
fuglum borist. Enginn þeirra hafi
verið smitaður af fuglaflensu.
Hann segir fólk rólegt þrátt
fyrir fréttir um fuglaflensu víða í
Evrópulöndum, nú síðast í Skot-
landi. Komi það að fuglahræjum
eigi fólk að tilkynna það til hér-
aðsdýralækna eða annarra yfir-
valda, láta þau liggja en reyna að
koma í veg fyrir að vargfuglar
komist í hræin, hundar eða önnur
dýr.
Halldór segir enn óljóst hvort
fuglaflensa hafi áhrif á skot- og
háfaveiði á villtum fuglum:
„Almennt er talið að gæti veiði-
menn góðs hreinlætis eigi flensan
ekki að valda vanda.“
Stuttan tíma tekur að fá niður-
stöðu úr sýnunum eða um tvo til
þrjá daga. Í flestum tilvikum eru
saursýni tekin úr fuglunum en
einnig stundum blóðsýni. - gag
Ekki talið að svanur sem fannst dauður við Elliðavatn sé smitaður:
Sýni send til Svíþjóðar
SLYS Þyrla Landhelgisgæslunnar,
TF-SIF, var kölluð út um klukkan
hálf fimm í gærdag vegna slasaðs
sjómanns um borð í íslenskum tog-
ara. Skipið var statt níutíu sjómílur
vestur af Látrabjargi þegar slysið
varð. Sjómaðurinn hafði dottið við
störf um borð og hlotið áverka á
baki.
Flugferðin gekk vel þrátt fyrir
leiðinlegt skyggni og lenti þyrlan á
Landspítala - háskólasjúkrahúsi í
Fossvogi klukkan tuttugu mínútur
gengin í níu. Að sögn vakthafandi
læknis var líðan sjómannsins
þokkaleg og meiðslin að öllum lík-
indum ekki eins slæm og í fyrstu
var talið, en rannsókn stóð yfir. - sgi
Þyrla Landhelgisgæslunnar:
Sótti slasaðan
sjómann
DAUÐVONA SVANUR Þessi svanur var
aflífaður í Hafnarfirði og sýni send út. Fleiri
sýni verða rannsökuð, meðal annars úr
svani sem fannst dauður við Elliðavatn.
FRÉTTABLAÐIÐ/HEIÐA