Fréttablaðið - 10.04.2006, Blaðsíða 6

6 10. apríl 2006 MÁNUDAGUR
Virðing
Réttlæti
Aðalfundur VR
verður haldinn á Nordica hótel mánudaginn
24. apríl nk. og hefst kl. 19:30.
Dagskrá:
Venjuleg aðalfundarstörf
Laga- og reglugerðabreytingar
• Nýtt nafn
• Stofnun Varasjóðs
• Sameining við Verslunarmannafélag
Hafnarfjarðar
���������������������������
��������������������������������
��������������������������������������
��������������
����������������
���������
�������������������������������
�������������������������������������
������������������������� �����������
���������
�����������������
��������������������
�������������������
����������������
�����������������
����������
�������������������
������������������
����������������������
��������
�����������������
�����������
�����������
�������������
�������������
�����������
��������������
����������������������������������������������������������
���������������������������
F
A
B
R
IK
A
N
2
0
0
6
KJÖRKASSINN
Skilaðir þú skattframtalinu á
réttum tíma?
Já 74%
Nei 26%
SPURNING DAGSINS Í DAG
Þekkirðu einhvern sem þú telur
að eigi við spilafíkn að stríða?
Segðu þína skoðun á visir.is
SAMEINING Sameining sveitarfélag-
anna Þórshafnarhrepps og Skeggja-
staðahrepps var samþykkt í
almennri kosningu sem fram fór
laugardaginn 8. apríl. Í Þórshafnar-
hreppi var sameiningin samþykkt
með afgerandi hætti. Þar greiddu
159 atkvæði og 147 þeirra svöruðu
já en 12 nei. Í Skeggjastaðahreppi
kusu 66 og þar af svöruðu 38 já en 28
nei. Alls bjuggu 542 í sveitarfélög-
unum tveimur í lok síðasta árs, 417 í
Þórshafnarhreppi og 125 í Skeggja-
staðahreppi.
„Við erum mjög ánægðir með
niðurstöðuna. Kjörsóknin var mjög
góð og kosningin afgerandi, sem var
það sem við gerðum okkur vonir
um,“ segir Björn Ingimarsson, sveit-
arstjóri í Þórshafnarhreppi. Hann
gerir ráð fyrir að með sameining-
unni verði hægt að efla þjónustuna á
öllu svæðinu.
Áki Hermann Guðmundsson, odd-
viti í Skeggjastaðahreppi, telur að
með sameiningunni megi snúa vörn í
sókn „Þetta norðaustursvæði mun
ekki lifa nema með samvinnu og við
náum ekki almennilega að vinna
saman nema sem ein heild,“ segir
hann ánægður með niðurstöðuna.
Því er ljóst að við upphaf nýrra
sveitarstjórna í júní næstkomandi
mun sveitarfélögunum fækka niður
í 79 en þau eru nú 98. Sveitarfélög-
unum hefur fækkað um 125 frá
árinu 1990 er þau voru 204 talsins.
- sgi
Sameining samþykkt í Þórshafnarhreppi og Skeggjastaðahreppi:
Sveitarfélögum fækkar enn
EITT SVEITARFÉLAG Þórshafnarhreppur
og Skeggjastaðahreppur sameinast í eitt
sveitarfélag.
ÞÓRSHÖFN
BAKKAFJÖRÐUR
STJÓRNMÁL Framsóknarflokkurinn
vill flugvöllinn úr Vatnsmýrinni og
út á Löngusker. Meðal annarra
stefnumála fyrir borgarstjórnar-
kosningarnar sem flokkurinn
kynnti í gær eru göng undir Öskju-
hlíð til að auðvelda umferð um
Vatnsmýrina, frítt í strætó fyrir
aldraða, öryrkja og námsmenn,
fjörutíu þúsund króna innlegg fyrir
5-18 ára börn til frístundaiðkana á
ári og fimmtíu þúsund króna
greiðsla á mánuði til foreldra smá-
barna sem kjósa að vera heima.
Björn Ingi Hrafnsson, efsti
maður á listanum, sagði flokkinn
boða þjóðarsátt um flugvallarmálið
og Óskar Bergsson, sem skipar
annað sætið, sagði hugmyndina vel
raunhæfa. „Landið sem við fáum í
staðinn er mun verðmætara en
kostnaðurinn við byggingu flug-
vallarins á Lönguskerjum,“ sagði
hann og bætti við: „Við höfum
fengið meðbyr fulltrúa okkar í
ríkisstjórninni með hugmyndinni.“
Kostnaðurinn við flutning flug-
vallarins væri um þriðjungur af því
sem fengist fyrir landið undan flug-
vellinum. Hægt væri að nota efni
úr gangagerð um Öskjuhlíðina til
uppfyllingar.
Björn Ingi sagði að flokkurinn
hefði ekki verðmiða á öllum pakk-
anum en hefði metið kostnað við
einstaka þætti hans. Til dæmis
kostaði um 400 milljónir á ári að
bjóða frítt í strætó. 600 þúsund
kostaði að greiða með hverju smá-
barni heima, sem væri þrjú til
fimm hundruð þúsund krónum
minna en borgin greiddi fyrir hvert
barn á smábarnaleikskólum. Björn
Ingi nefnir að ekki sé hægt að vita
fyrir fram hve margir foreldrar
kjósi að vera heima með börnum
sínum, í stað þess að nota sér kerfi
dagforeldra. Það sé þó talsvert hag-
kvæmara en að borgin greiði 900-
1.100 þúsund með hverju barni á
smábarnaleikskólum. Fréttablaðið
hefur auk þess reiknað út að fjöru-
tíu þúsund króna frístundagreiðsla
með börnum á aldrinum 5-18 ára
kosti borgina tæplega 800 milljónir
króna.
Björn Ingi segir að þrátt fyrir
róttækar breytingar í borginni sjái
hann ekki fyrir sér að fórna þurfi
annarri þjónustu á móti: „Ég tel að
hægt sé að auka tekjur borgarinnar
með kröftugu atvinnulífi.“
Björn Ingi talaði um slakt gengi
flokksins í skoðanakönnunum.
Engu væri þó að kvíða. Flokknum
hefði vegnað vel þrátt fyrir hrak-
spár og því ekki óraunsætt að
stefna á að koma tveimur borgar-
fulltrúum að. gag@frettabladid.is
Framsókn vill flug-
völlinn á Löngusker
Fulltrúar Framsóknar í ríkisstjórninni styðja hugmyndir frambjóðenda flokks-
ins í borginni um að flytja innanlandsflugið út á Löngusker. Björn Ingi Hrafns-
son vonast eftir að tveir þeirra komist í borgarstjórn. Fjölskyldan er í fyrirrúmi.
HELSTU STEFNUMÁL
■ 1.200 sérbýlishúsalóðir, 600 í ár og
einnig á næsta ári.
■ Ókeypis í strætó fyrir námsfólk, öryrkja
og aldraða.
■ Fjórar akreinar um Sundabraut og upp á
Kjalarnes.
■ Flugvöllurinn úr Vatnsmýrinni og á
Löngusker.
■ Miklabraut undir Kringlumýrarbraut.
■ Umferð í Vatnsmýrina um Öskjuhlíðar-
göng.
■ Hjúkrunarheimili við Markarholt og
Lýsislóð byggð og Sóltúnsheimilið stækkað.
■ 5 til 18 ára fái 40 þúsund króna
frístundakort á ári.
■ Vinnudagur barna ljúki á sama tíma og
foreldranna.
■ Gjaldfrjáls leikskóli frá 18 mánaða aldri.
■ Foreldrar heima með 9 til 24 mánaða
börn fái 50 þúsund á mánuði.
■ Ókeypis í söfn borgarinnar.
■ Háhraðanettengingar.
■ Vatnsrennibrautagarður.
■ Skautasvell í Perlunni.
DÓMSMÁL EFTA-dómstóllinn ógilti á
föstudag úrskurð ESA, Eftirlits-
stofnunar EFTA, um að hreyfa ekki
við andmælum við ríkisaðstoð til
Íbúðalánasjóðs. Er þetta gert vegna
formgalla þar sem ESA þótti ekki
fara eftir reglum þegar ákvörðunin
var tekin. Dómurinn kemst að þeirri
niðurstöðu að ESA hefði átt að
standa fyrir rannsókn á því hvort
aðstoð íslenska ríkisins væri í raun
veitt til þess að ná fram eða verja
almannaþjónustu og hagsmuni
almennings. Vafi leiki á því hvort
einstakir þættir hins almenna lána-
kerfis samrýmist framkvæmd EES
samningsins. ESA hefur því fengið
málið aftur til meðferðar.
Guðjón Rúnarsson er fram-
kvæmdastjóri Samtaka banka og
verðbréfafyrirtækja, SBV, sem
áfrýjaði málinu til dómstólsins.
„Við fögnum þessari ákvörðun, sem
staðfestir það sem SBV hefur
haldið fram lengi, að starfsemi
Íbúðalánasjóðs í óbreyttri mynd fái
ekki staðist,“ segir Guðjón og telur
ljóst að niðurstaða ESA verði önnur
ef málið verði tekið fyrir á ný.
„Þetta setur þrýsting á íslensk
stjórnvöld um að gera eitthvað í
málinu.“
Jón Kristjánsson félagsmála-
ráðherra segir niðurstöðu dómsins
ekki ógilda að hið opinbera íbúða-
lánakerfi standist almenn viðmið
heldur sé aðeins vísað til formgalla.
Hins vegar verði þessi niðurstaða
höfð til hliðsjónar. „Nú er verið að
kanna hvaða breytingum starfsemi
sjóðsins þarf að taka og við reiknum
með að því verkefni verði lokið í
maílok,“ segir Jón en bætir við að
ávallt verði að hafa það skilyrði að
jafnræði ríki svo allir landsmenn
geti fengið íbúðalán á gjóðum
kjörum. „Við erum að skoða hvern-
ig það verður best framkvæmt í því
umhverfi sem nú er orðið þegar
bankarnir eru komnir inn á markað-
inn.“ - sgi
EFTA-dómstóllinn ógildir úrskurð ESA varðandi Íbúðalánasjóð:
Breytinga að vænta í maílok
JÓN
KRISTJÁNSSON
GUÐJÓN
RÚNARSSON
STJÓRNMÁL George Reid, forseti
skoska þingsins, kemur í opinbera
heimsókn til Íslands í dag í boði
Sólveigar Pétursdóttur, forseta
Alþingis.
Reid mun dvelja hér á landi til
fimmtudags ásamt sjö manna
sendinefnd. Í heimsókninni munu
Reid og sendinefndin eiga fundi
með forseta Alþingis og fulltrúum
þingflokka, utanríkismálanefndar
og fjárlaganefndar. Einnig verður
forseti Íslands heimsóttur á Bessa-
staði.
Á miðvikudag fer þingforsetinn
í þjóðgarðinn á Þingvöllum og
heldur svo í kynnisferð um
Snæfellsnes. - fb
Skosk sendinefnd:
Forseti þingsins
í heimsókn
STEFNUMÁL FRAMSÓKNAR KYNNT Steinar Björnsson, fjórði maður á lista Framsóknar,
Björn Ingi Hrafnsson, sá fyrsti, Óskar Bergsson í öðru sæti og varaborgarfulltrúinn Marsibil
Sæmundardóttir í því þriðja. FRÉTTABLAÐIÐ/STEFÁN