Fréttablaðið - 11.04.2006, Blaðsíða 2

2 11. apríl 2006 ÞRIÐJUDAGUR
EFNAHAGSMÁL Ólafur Darri Andra-
son, hagfræðingur Alþýðusam-
bandsins, gerir ráð fyrir því að
verðbólgan síðustu tólf mánuði
mælist há, jafnvel yfir fimm pró-
sentum, þegar hún verður kynnt á
morgun. Hann segir að allt bendi til
þess að verðbólgan fari hratt vax-
andi á næstu misserum vegna
þenslu og ójafnvægis í hagkerfinu.
Seinni endurskoðun fjögurra ára
kjarasamninga á vinnumarkaði fer
fram um miðjan nóvember. Ólafur
Darri segir of snemmt að spá um
hvað gerist þá en ljóst sé að kjara-
samningar séu í mikilli óvissu þegar
líður á árið ef verðbólguspár gangi
eftir.
Almennar launahækkanir í
kjarasamningum voru 2,5 prósent í
janúar. Ólafur Darri segir að kaup-
máttur kjarasamninga sé farinn
fyrir lítið ef verðbólga verði
fimm prósent.
„Aðalatriðið er að
tryggja að kjarasamningar
haldi. Í fyrri endurskoðun var
verðbólguforsendan brostin. Með
endurskoðuninni reyndum við að
leggja okkar af mörkum til að
byggja upp stöðugleika. Því
miður virðist það ekki hafa tekist,“
segir hann.
Gengið hefur verið að veikjast á
skömmum tíma og eldsneytishækk-
anir og aðrar verðhækkanir hafa
verið að seytla út í verðlagið. Ólafur
Darri segir að takist að koma með
trúverðuga efnahagsstefnu og efla
þannig trú á efnahagsstjórnina
þá muni það slá á verð-
bólguna.
Gylfi Magnússon, dósent
í hagfræði við Háskóla
Íslands, segir að engan sér-
fræðing þurfi til að sjá að
verðbólguskot sé óhjákvæmi-
legt þegar krónan falli jafn mikið
og raun beri vitni þótt ekki sé nema
vegna þess að innfluttar vörur hækki
og verðbólga verði yfir þeim mörk-
um sem Seðlabankinn stefni að.
Haft var eftir Davíð Oddsson
seðlabankastjóra á Bloomberg
News í gærmorgun að methækkanir
gætu orðið á stýrivöxtum, jafnvel
upp í allt að 16 prósentum til að
koma í veg fyrir verðhækkanir.
Stýrivextir voru hækkaðir í 11,50
prósent í lok mars og á Gylfi ekki
von á öðru en að þeir fari hækkandi
fyrst verðbólgan er á siglingu yfir
þeim mörkum sem bankinn stefnir
að. Ekkert þak sé á það hvað stýri-
vextir geti orðið háir „ef vilji Seðla-
bankans er til þess að beita þessu
vopni á mjög harkalegan hátt. Það
eru ýmis fordæmi þess frá útlönd-
um að stýrivextir verði afar háir en
það hefur yfirleitt verið í tengslum
við að verja gengi gjaldmiðils. Hér
er ekki stefnan að halda gengi krón-
unnar föstu heldur að halda verð-
bólgunni innan ásættanlegra
marka.“ ghs@frettabladid.is
���������������������������������������������������������������������
�������������
������������
�������������������
������������������������������������������������������������������
����
�����
�����
�
LÖGREGLUMÁL Maðurinn sem var
tekinn með tæplega 700 grömm af
kókaíni í fartölvu, er laus úr
gæsluvarðhaldi. Hann hefur hins
vegar verið úrskurðaður í farbann
til 5. maí af Héraðsdómi Reykja-
víkur.
Maðurinn var handtekinn
sunnudaginn 26. mars á Keflavík-
urflugvelli við komuna til landsins
frá Bandaríkjunum. Í fartölvu
sem hann var með fannst ofan-
greint magn af fíkniefninu. Mað-
urinn var úrskurðaður í gæslu-
varðhald til 10. apríl, en sætir nú
farbanni, eins og áður sagði. - jss
Héraðsdómur Reykjavíkur:
Kókaínsmygl-
ari í farbanni
Segja verðbólguna
fara hratt vaxandi
Hagfræðingur ASÍ býst við að verðbólgan verði yfir fimm prósentum þegar
verðbólgumæling Hagstofunnar verður kunngjörð á morgun. Ríkið þarf að
koma með trúverðuga efnahagsstefnu til að slá á verðbólguna.
HEILBRIGÐISMÁL Viðbragðs- og
neyðaráætlun sem er í burðarliðn-
um hjá Heilsugæslu höfuðborgar-
svæðisins mun kosta hundruð
milljóna króna, ef vandað verður
til hennar svo sem kostur er, að
sögn Gunnars Inga Gunnarssonar
yfirlæknis Heilsugæslunnar í
Árbæ. Kostnaðurinn felst meðal
annars í innkaupum á hlífðarfatn-
aði, lyfjum og öðrum búnaði.
Gunnar Ingi kynnti hugmyndir
að áætluninni, sem hópur heilsu-
gæslustarfsfólks hefur unnið, á
fundi nýverið. „Ég hef sjálfur
gengið með það í maganum í nokk-
ur ár að setja þurfi upp almanna-
varnakerfi innan heilbrigðis-
þjónustunnar,“ segir Gunnar Ingi.
„Þegar umræðan um fugla flensuna
fór af stað þá vaknaði sú stað-
reynd til lífsins, að frumheilsu-
gæslan á höfuðborgarsvæðinu á
sér ekkert slíkt heilbrigðiskerfi.“
Hann segir að virkt viðbúnaðar-
og varnarkerfi sé ómetanlegt. „Í
fyrsta lagi er það allt annað fyrir
starfsfólk í heilbrigðisþjónustunni
að vita af því, ef til kastanna
kemur, að búið sé að vinna að við-
bragðsáætlun og ákveða með
hvaða hætti skuli á málum tekið.
Þegar maður les erlend lækna-
tímarit og fjölmiðlaumræðuna, til
að mynda um flóðin í New Orleans,
heyrast gagnrýnisraddir sem
snúa að því að menn hafa verið illa
undirbúnir þegar hamfarirnar
skullu á. Þegar við vinnum með
okkar viðbragðsáætlun, þá stillir
það saman strengina, kennir okkur
að hugsa með svipuðum hætti og
búa okkur undir mjög erfitt hlut-
verk.“
Spurður nánar um kostnað við
áætlunina segir Gunnar Ingi, að
verði staðið að undirbúningi með
sóma þá sé það dýrt. Sá kostnaður
sé hins vegar afstæður.
„Mesti kostnaður varðandi
almannavá er sá kostnaður sem
fylgir óundirbúinni þjóð í slíkum
hörmungum. Eftir því sem fólk er
tilbúið að leggja í varnir og við-
brögð, þeim mun meiri líkur eru á
að hægt sé að verja þjóðina gegn
ómældu tjóni.“ - jss
GUNNAR INGI GUNNARSSON Yfirlæknirinn
kveðst fremur líta á þá fjármuni, er neyðar-
áætlunin kostar, sem fjárfestingu heldur
en kostnað.
Gunnar Ingi Gunnarsson læknir segir innkaup á lyfjum vega þungt í neyðaráætlun gegn almannavá:
Neyðaráætlun kostar hundruð milljóna
LÖGREGLUMÁL Lögreglan í Keflavík
er enn að rannsaka árás á Kristin
Ólafsson, mann á sextugsaldri
sem býr í Garðinum, en fjórir
menn réðust á hann á heimili hans
og höfðu hann á brott með sér,
eftir að hafa gengið í skrokk á
honum. Kristinn lá í farangurs-
geymslu bifreiðar mannanna í sjö
tíma áður en hann komst út úr
bílnum við illan leik við bæinn
Múla í Biskupstungum.
Lögreglan hefur yfirheyrt fyrr-
verandi sambýliskonu mannsins
auk sambýlismanns hennar og
móður.
Karl Hermannsson, yfirlög-
regluþjónn í Keflavík, segir enn
óljóst hvers vegna ráðist var á
Kristin. „Við erum enn að leita upp-
lýsinga sem varpa ljósi á það hvers
vegna ráðist var á Kristin.“ -mh
Mannránið í Garðinum:
Óljós ástæða
mannránsins
PARÍS, AP Jacques Chirac Frakk-
landsforseti lét í gær undan lát-
lausum mótmælum námsmanna
og verkalýðsfélaga gegn vinnu-
löggjöfinni, sem átti að draga úr
atvinnuleysi ungs fólks með því að
gera atvinnurekendum auðveld-
ara að reka ungt fólk úr starfi.
Hann sagði að lögin yrðu felld
niður en í staðinn kæmu önnur lög
þar sem athyglinni yrði einkum
beint að ungmennum sem eiga við
erfiðleika að stríða.
Í yfirlýsingu frá Chirac segist
hann hafa tekið þessa ákvörðun að
ráði Dominique de Villepin for-
sætisráðherra, en þessi stefnu-
breyting er engu að síður verulegt
áfall fyrir forsætisráðherrann
sem hafði lagt mikla áherslu á að
koma í gegn þessum breytingum á
vinnulöggjöfinni.
„Takmarkinu er náð,“ sagði
verkalýðsleiðtoginn Jean-Claude
Mailly, sem sagði fyrri áform
stjórnvalda nú vera „dauð og graf-
in“.
Samtök stúdenta og framhalds-
skólanema ætla engu að síður að
halda áfram að efna til mótmæla-
aðgerða til þess að halda stjórn-
völdum við efnið á meðan þau
bræða með sér hvað eigi að koma í
staðinn fyrir þessi lög. Þau hafa
boðað til útifunda í París og víðar í
Frakklandi í dag. - gb
Námsmenn í Frakklandi mótmæla áfram þrátt fyrir „sigur“:
Vinnulöggjöfin afturkölluð
Fresta opnun Tívolíhringekju
Opnun nýrrar hringekju í Tívolí í Kaup-
mannahöfn, sem sögð er sú hæsta í
heimi, hefur verið frestað um hálfan
mánuð vegna seinbúinnar vorkomu.
Til stóð að nýja hringekjan, sem mun
geta þeytt gestum í allt að 70 m hæð á
allt að 70 km hraða á klukkustund, yrði
opnuð um leið og Tívolí á skírdag, en
því hefur nú verið frestað til 24. apríl.
DANMÖRK
Veskisþjófur dæmdur Maður á
þrítugsaldri var í gær dæmdur til eins og
hálfs árs fangelsis óskilorðsbundið fyrir
að hafa stolið seðlaveski. Með brotinu
rauf hann skilorð.
HÉRAÐSDÓMUR
DOMINIQUE DE VILLEPIN Ákvörðun
Chiracs Frakklandsforseta er áfall fyrir
Villepin forsætisráðherra.
FRÉTTABLAÐIÐ/AP
VÍSITALA NEYSLUVERÐA 2004-2006
Janúar Apríl
2004 2006*
2,4%
*Áætlun
5,0%
GYLFI MAGNÚSSON ÓLAFUR DARRI
ANDRASON
STJÓRNMÁL Valgerður Sverrisdótt-
ir iðnaðarráðherra aftók á Alþingi
í gær að til greina hefði komið að
einkavæða Iðn-
tæknistofnun og
Rannsóknastofn-
un iðnaðarins við
smíði frumvarps
um Nýsköpunar-
miðstöð Íslands.
Sigurður Kári
Kristjánsson,
Sjálfstæðis-
flokki, lýsti efasemdum um þá
ráðstöfun að sameina áðurgreind-
ar stofnanir Byggðastofnun þegar
Valgerður fylgdi frumvarpinu úr
hlaði á Alþingi í gær. Hann taldi
heppilegra að einkavæða stofnan-
irnar. Miklar efasemdir eru um
frumvarpið í röðum stjórnarand-
stöðunnar. - jh
Nýsköpunarmiðstöð Íslands:
Sigurður Kári
vill einkavæða
SIGURÐUR KÁRI
KRISTJÁNSSON
SPURNING DAGSINS
Sölvi, er tími til að reykja
friðarpípu?
Nei, ég get ekki séð að málinu sé
lokið. Fjárhagslegt tjón mitt af fimm
ára banni við sýnileika vöru er stjórnar-
skrár brot.
Sölvi Óskarsson, kaupmaður í tóbaksversl-
uninni Björk, vann í liðinni viku mál sem
hann höfðaði fyrir fimm árum gegn ríkinu
eftir að bannað var með lögum að hafa
tóbak sýnilegt í verslunum.
Ljósleiðari bilar Fjarskipti rofnuðu
við öll skip fyrir norðan land er ljós-
leiðari bilaði klukkan tíu í gærmorgun.
Sambandið komst aftur á um hálf sjö-
leytið í gærkvöldi. Hjalti Sæmundsson,
aðalvarðstjóri Landhelgisgæslunnar,
segir fjölmiðlana hafa verið notaða til
að koma á upplýsingum til skipstjórn-
anna. Ekkert hafi hent þann tíma sem
sambandslaust var.
LANDHELGISGÆSLAN
Hraðakstur á stofnbrautum Lög-
reglan heldur áfram hraðamælingum á
stofnbrautum Reykjavíkur og seinustu
helgi voru 62 ökumenn stöðvaðir fyrir of
hraðan akstur. Þar af voru 43 á yfir 100
kílómetra hraða á klukkustund.
LÖGREGLUFRÉTTIR