Fréttablaðið - 11.04.2006, Blaðsíða 30

[ ]Legg þú á djúpið, þú, sem enn ert ungur, og æðrast ei, þótt straumur lífs sé þungur (Sálmur 182).
Í fermingarveislum er iðulega höfð
gestabók á borði svo veislugestir geti
kvittað fyrir komu sína. Mikilvægt er
að gestabókin sé á sýnilegum stað
og þannig uppsett að auðvelt sé fyrir
alla að skrifa í hana.
Sumir kjósa að setja eingöngu nafn-
ið sitt í gestabækur fermingarbarna
en það er ekkert sem bannar að
skrifa megi eitthvað annað og meira
en bara nafnið. Hægt er að skrifa
stutta kveðju, blessunar- eða hlý orð.
Einnig er gott að hafa í huga að fjöl-
skyldur skrifi í röð í gestabókina. Það
hjálpar fermingarbarninu að muna
hver er hver og einnig er skemmti-
legra að nöfn allra þeirra sem komu
í veisluna úr viðkomandi fjölskyldu
séu á sömu síðu.
Munið bara að vanda ykkur og ekki
krota eða krassa í bókina.
Gestabókin góða
Í ÖLLUM FERMINGARVEISLUM ERU
GESTABÆKUR SEM GOTT ER AÐ
HAFA AUGUN OPIN FYRIR.
Gestabókin geymir skemmtilegar
minningar fyrir fermingarbarnið.
Hjá Hraðlestrarskólanum er
hægt að fá gjafabréf á nám-
skeið skólans. Margir kjósa að
gefa bréfin í fermingargjöf.
Þegar barnið fermist bíður þess
oft á tíðum framundan löng og
ströng skólaganga. Skólabækurn-
ar eru langar og það tekur sinn
tíma að komast í gegnum þær.
Það er því ekki úr vegi að létta
sér lífið strax og læra að lesa
hratt.
Hraðlestrarskólinn hefur verið
starfræktur í 25 ár. Hann býður
upp á námskeið þar sem nemend-
um er kennd hraðlestrartækni
sem eykur lestrarhraða og bætir
skilning á lesefni. Boðið er upp á
þriggja og sex vikna námskeið og
ábyrgist skólinn að loknum sex
vikum að lestrarhraði hafi að
minnsta kosti tvöfaldast.
Gjafabréfin kosta 29.500 kr. og
er hægt að nálgast þau í Hrað-
lestrarskólanum og gegnum
tölvupóstfangið jovvi@h.is.
Gjafabréf í Hrað-
lestrarskólann
Menntavegurinn er langur og margt sem þarf að lesa. FRÉTTABLAÐIÐ/HARI
Gréta Morthens staðfesti
fermingarheitið sitt síðasta
sunnudag. Hún er ánægð með
daginn en finnst þó að ferming-
arfræðslan mætti taka meira
mið af lífinu sjálfu.
„Ég finn enga stórkostlega breyt-
ingu á sjálfri mér en fermingar-
dagurinn var samt mjög ánægju-
legur,“ segir Gréta þegar hún er
innt eftir því hvernig sé að vera
komin í kristinna manna tölu. Hún
fermdist í Seltjarnarneskirkju og
segir undirbúningstímana oft hafa
verið skemmtilega, ekki síst þegar
farið var í Vatnaskóg í útilegu. Þó
kveðst hún ekki alltaf hafa verið
sammála prestunum í málflutningi
þeirra og stundum hreyft andmæl-
um. „Ég er kristin en hef samt sjálf
ákveðna afstöðu til Biblíunnar og
er ekki tilbúin til að trúa öllu sem
þar stendur. Ég gagnrýndi til dæmis
að það væri verið að kenna okkur
um Adam og Evu því það tel ég
vera skáldskap. Með fermingunni
erum við að komast í fullorðinna
manna tölu og það mætti vera meiri
fræðsla um lífið en ekki bara hin
kristnu fræði. Ég fór til dæmis á
einn undirbúningsfund fyrir borg-
aralega fermingu og þar var meira
talað um það sem mætir fólki í líf-
inu sjálfu. Mér finnst það mætti
blanda því inn í fermingarundir-
búning kirkjunnar.“
Þrátt fyrir allt er Gréta þó afar
ánægð með fermingardaginn sinn.
„Þetta var minn hátíðisdagur og ég
fann mjög vel fyrir því,“ segir hún
og er beðin að lýsa deginum nánar.
„Ég vaknaði klukkan hálf átta til að
mæta í greiðslu og förðun og svo
hófst athöfnin í kirkjunni klukkan
hálf ellefu. Eftir það fór ég með
mömmu upp í Grillið á Hótel Sögu
þar sem veislan var haldin. Þangað
komu gestirnir og við fengum mjög
góðan mat og ístertu á eftir. Svo
komu nokkrir gestir heim með með
mér og þar tók ég upp gjafirnar
sem voru margar og fallegar. Ég
fékk til dæmis utanlandsferð frá
pabba, siglingu um Miðjarðarhafið.
Svo fékk ég allt mögulegt annað,
hringa, armbönd og peninga og er
hæstánægð með það allt. Ég skrif-
aði inn í öll kortin hvað ég fékk frá
hverjum og ætla að geyma þau
vel,“ segir Gréta sem naut þess að
sofa út eftir fermingardaginn þar
sem páskafrí er byrjað í skólanum.
Þó var hún komin á fætur fyrir
hádegi. „Ég þurfti að hjálpa litla
bróður mínum í útifötin því mamma
er í vinnunni,“ segir hún og telur
það ekki eftir sér enda komin í full-
orðinna manna tölu.
gun@frettabladid.is
Mætti vera meiri fræðsla um
það sem mætir fólki í lífinu
„Þetta var hátíðisdagurinn minn og ég fann mjög vel fyrir mér,“ segir Gréta Morthens um
fermingardaginn. FRÉTTABLAÐIÐ/VALLI