Fréttablaðið - 27.04.2006, Qupperneq 84

27. apríl 2006 FIMMTUDAGUR48
Tónlistarhátíðin Vorblót hefst í
kvöld á skemmtistaðnum Nasa og
stendur til sunnudags.
Þetta er í fyrsta sinn sem hátíðin
er haldin, en ætlunin er að hún verði
fastur viðburður í tónlistarlífi höfuð-
borgarinnar. Hún ber nafnið Rite of
Spring á alþjóðlegum vettvangi, en
bæði blaðamenn og almennir
hátíðargestir eru væntanlegir
erlendis frá. Meðal annars koma
hingað blaðamenn frá tímaritunum
Mojo og Songlines og breska ríkis-
útvarpinu, BBC.
Á hátíðinni ægir saman ýmsum
tónlistarstefnum og straumum
eins og djassi, fönk, salsa, blús og
heimstónlist. Þar koma fram
tónlistarmenn frá ýmsum heims-
hornum, Salsa Celtica frá Edin-
borg, bossanova listamaðurinn Ife
Tolentino frá Brasilíu og
Mezzoforte ásamt fleirum.
Hið virta plötumerki Soul Jazz
Records mætir á Vorblótið með
klúbbinn sinn 100% Dynamite sem
framreiðir fönkaða reggí-, dub- og
ska-tónlist. Petter úr reggísveitinni
Hjálmum kynnir til leiks nýtt sóló-
verkefni, en hann er þessa dagana
að ljúka við sína fyrstu breiðskífu
sem hlotið hefur nafnið Easily
Tricked.
Flís og Bogomil Font bjóða
einnig upp á nýjungar á Vorblótinu í
formi nýs samstarfsverkefnis sem
þeir eru að sjóða saman og byggist
á calypso-tónlist frá Trinidad og
Tobago og klúrum íslenskum textum
og fréttaskýringum.
KK verður jafnframt á
blúsnótunum á Vorblótinu með
hljómsveit sinni Blue Truck.
Sígaunabandið frá Serbíu og
Svartfjallalandi, Kal, mun spila á
laugardagskvöld ásamt stórsveit
Nix Noltes.
„Við hlökkum mikið til. Þetta er
mjög framandi staður fyrir okkur
því við höfum aldrei komið til
Íslands og vitum ekkert um landið.
Þess vegna erum við mjög spenntir
fyrir því að koma þangað og spila,“
segir Dragan Risitc úr Kal, sem er
á tónleikaferð um Evrópu um
þessar mundir.
Kal var stofnuð árið 2000 en
byrjaði ekki að spila opinberlega
fyrr en þremur árum síðar. Eina
plata sveitarinnar til þessa, sem er
samnefnd henni, hefur fengið mjög
góðar viðtökur síðan hún kom út
fyrr á þessu ári. Fór hún meðal
annars beint í annað sæti á heim-
stónlistarlista Evrópu. Dragan seg-
ist að sjálfsögðu vera hæstánægður
með árangurinn. „Ég er mjög hissa
og ánægður. Loksins eftir 33 ár er
ég orðinn fyrstur í einhverju,“ segir
hann.
Miðasala á hátíðina fer fram í
verslunum Skífunnar og BT og á
midi.is. Einnig verða seldir miðar
á tónleikadag á NASA.
Miðaverð er 2.900 kr, auk 225
kr. miðagjalds, á hverja tónleika.
Einnig verður hægt að kaupa
miða sem gilda á alla hátíðina
sem kostar 5.900 kr, auk 400 kr.
miðagjalds.
� ���������������� ������� ����� ��������� �
�� �������� ��������
�
��
��
��
��
��
�
��
��
��
��
��
��
��
��
��
��
��
��
��
��
��
��
��
���
���
�
��
��
��
��
��
����������������������������
�������
���������������������������������������������������
Birgitta Haukdal talar og syngur
fyrir Rauðhettu í teiknimyndinni
Hoodwinked sem verður frum-
sýnd um land allt bæði með
íslensku og ensku tali á föstudag-
inn.
Hoodwinked er ekki hefðbundin
Rauðhettusaga heldur fjallar hún
á nýstárlegan hátt um það hvernig
ævintýrið er krufið í sakamála-
stíl.
Auk Birgittu syngja í myndinni
Selma Björnsdóttir, sem talar
fyrir ömmuna, Magni Ásgeirsson,
Örn Árnason og Kristinn Sigurpáll
Sturluson.
Birgitta segist hlakka mikið til
að sjá myndina í bíó með frænkum
sínum. „Þessi mynd kom mér
mikið á óvart. Hún er jafnmikið
fyrir fullorðna og fyrir krakkana
og minnir svolítið á Shrek. Það var
virkilega gaman að fá leika Rauð-
hettu og þarna fékk ég líka tæki-
færi til að leika venjulega stelpu,“
segir Birgitta.
Birgitta hefur verið að lesa inn
fyrir Glómögnuðu í Ríkis-
sjónvarpinu og er því ekki ókunn
lestri inn á teiknimyndir. Hún
hefur aftur á móti aldrei leikið og
sungið í teiknimynd í fullri lengd
og vonast til að gera meira af því í
framtíðinni.
Hljómsveitin Írafár hefur
verið í hléi frá áramótum á meðan
hljómborðsleikarinn Andri hefur
verið í námi. Ekki hefur verið
ákveðið hvort sveitin komi aftur
saman í sumar en Birgitta hefur
engu að síður nóg að gera. „Ég
hef verið að syngja með Stuð-
mönnum og verð með þeim á
Broadway um næstu helgi. Þetta
er rosalega ólík tónlist og Írafár
spilar og böllin eru líka ólík eins
og félagsskapurinn. En það er
gaman að prófa eitthvað nýtt og
Stuðmenn eru yndislegir,“ segir
Birgitta sem spilaði fyrst með
þeim á balli í Danmörku á
dögunum.
Talar fyrir Rauð-
hettu í teiknimynd
BIRGITTA HAUKDAL Söngkonan geðþekka
talar og syngur fyrir Rauðhettu í teikni-
myndinni Hoodwinked.
MYND/DANÍEL RÚNARSSON
Vorblót að hefjastDAGSKRÁ VORBLÓTS
Fimmtudagurinn 27. apríl
20.00 - Húsið opnar
21.00 - Ife Tolentino og Mezzoforte
00.00 - Áætluð dagskrárlok
Föstudagurinn 28. apríl
20.00 - Húsið opnar
21.00 - Petter Winnberg og Flís & Bogomil
Font
00.00 - Soul Jazz Records: 100% Dynamite
04.00 - Áætluð dagskrárlok
Laugardagurinn 29. apríl
20.00 - Húsið opnar
21.00 - Stórsveit Nix Noltes og KAL
00.00 - Áætluð dagskrárlok
Sunnudagurinn 30. apríl
20.00 - Húsið opnar
21.00 - KK og Blue Truck og Salsa Celtica
00.00 - Áætluð dagskrárlok
KAL Sígaunahljómsveitin Kal spilar á laugardagskvöld á Nasa ásamt Stórsveit Nix Noltes.
„Barnlaus helgi í sumarbústað með humar á grillinu
og hvítvínsglas í hendi er hugmynd mín um fullkomna
helgi,“ segir Auðunn Helgason þegar hann er spurður
um uppskrift að fullkominni helgi. Auðunn stendur í
stórframkvæmdum þessa dagana en hann er nýfluttur
í ný húsakynni í Hafnarfirðinum en þau hjónin
keyptu nýverið 300 fermetra einbýlishús með stórum
garði í Norðurbænum. „Við höfum verið að gera
upp húsið síðustu mánuði sem hefur verið gífurleg
vinna en húsið er nokkuð gamalt og innréttingarnar
voru hálfhallærislegar. Við sáum að mestu leyti um
framkvæmdirnar sjálf, lögðum parketið og máluðum
en hvað stærri mál varðar fengum við til þess gerða
iðnaðarmenn“. Þegar Auðunn er spurður um plön
helgarinnar kvaðst hann hafa lýst því yfir við konu
sína að garðyrkjustörf yrðu verkefni þessarar helgar.
„Garðurinn er í algerri órækt enda hefur honum
ekki verið sinnt í fjölda ára. Við ætlum að fá til okkar
garðyrkjusérfræðing sem sér um að hreinsa garðinn,
höggva nokkur ofvaxin tré og leggja nokkur beð
kannski. Þar fyrir utan leggjum við fjölskyldan eflaust
leið okkar til Hveragerðis, það er ef veðurguðirnir gæla
við okkur, og skellum okkur í sund í gömlu lauginni á
staðnum.“ Það er algjör snilld, heldur Auðunn áfram
og brosir út í kampinn. En eru grænar hendur og
svaml í laugum hugmyndin að fullkominni helgi í huga
Auðuns? „Nei, ekki get ég nú alveg sagt það þótt margt
sé auðvitað verra. Ætli sveitasælan með konuna mína
mér við hlið heilli ekki mest, humar á grillinu og hvítvín
og kampavín.“
FULLKOMIN HELGI: AUÐUNN HELGASON KNATTSPYRNUMAÐUR
Barnlaus í sumarbústað með humar á grillinu
AUÐUNN HELGASON
Ætlar að nota helgina í garðyrkjustörf enda
segir hann að fyrir löngu sé kominn tími til
að taka til hendinni þar.
FRÉTTABLAÐIÐ / HEIÐA