Fréttablaðið - 10.05.2006, Síða 30

MARKAÐURINN 10. MAÍ 2006 MIÐVIKUDAGUR2
F R É T T I R
G E N G I S Þ R Ó U N
Vika Frá áramótum
Actavis 2% 25%
Alfesca -2% -6%
Atorka Group -3% -9%
Bakkavör 1% -3%
Dagsbrún -7% -12%
FL Group -7% -5%
Flaga 9% -11%
Glitnir -2% -3%
KB banki -3% -1%
Kögun -1% 21%
Landsbankinn -5% -18%
Marel -4% 8%
Mosaic Fashions -2% -6%
Straumur -1% 6%
Össur 2% -2%
Miðað við gengi í Kauphöll á mánudaginn
Jón Aðalsteinn Bergsveinsson
skrifar
Larry Finnson hefur tryggt sér dreifingarrétt á
vatni á flöskum undir merkjum Icelandic Glacial
í Kanada. Fyrsti farmurinn, 20 fjörutíu feta gámar
með sex til sjö hundruð þúsund eins og hálfs lítra
flöskum af vatni, sem fengið er úr gamalli lind í
Ölfusi og tappað á flöskur í verksmiðju Icelandic
Glacial í Þorlákshöfn, er á leið vestur um haf.
Búist er við að flöskurnar fari í hillur Wal-Mart
verslunarkeðjunnar í Manitoba í Kanada í maílok
eða í byrjun júní. Þá er í bígerð að selja vatnið í
búðum Shopper Drug Mart-verslunarkeðjunnar á
landsvísu í Kanada.
Larry Finnson, forstjóri og stofnandi 24K
Water Co. í Kanada, var hér á landi um helgina
ásamt Corey Breul, samstarfsmanni sínum, og
skrifaði undir samkomulag um dreifingarréttinn.
Icelandic Glacial er í meirihlutaeigu feðganna Jóns
Ólafssonar og Kristjáns Jónssonar.
Finnson er af íslensku bergi brotinn en forfaðir
hans flutti til Kanada ásamt fjölskyldu sinni seint á
19. öld. Finnson er þekktur frumkvöðull í Kanada
en hann framleiddi og seldi m.a. súkkulaðihjúp-
aðar kexkökur undir vörumerkinu Clodhoppers.
Sælgætið sló í gegn og fyrirtækið var margverð-
launað. Finnson seldi hlut sinn í fyrirtækinu í
október á síðasta ári og stofnaði 24K Water Co.,
og sérhæfir það sig í sölu á vatni á flöskum. „Ég
fékk áhuga á vatni fyrir tveimur árum. Þetta er
spennandi markaður,“ segir Finnson, sem fann vef
Icelandic Glacial þegar hann leitaði sér upplýsinga
um vatn á netinu. „Fyrirtækið var að markaðssetja
sig á Bandaríkjamarkaði. Ég sendi þeim tölvuskeyti
með upplýsingum um mig ásamt mynd af mér fyrir
framan víkingastyttu í Gimli,“ segir hann.
Finnson sér svo mikla möguleika í vatnssöl-
unni að nafn fyrirtækisins vísar í 24 karata gull.
„Þetta er besta varan sem ég hef séð, gull í vökva-
formi,“ segir hann, hlær og leggur áherslu á að
vatn Icelandic Glacial sé í hágæðaflokki (e. Super
Premium).
Gámarnir sem eru á leið vestur um haf eru
fyrsta sendingin af mörgum en Finnson áætlar
að selja, undir vörumerkjum Icelandic Glacial,
fyrir andvirði 10 milljóna kanadískra dollara,
jafnvirði tæplega 650 milljónir íslenskra króna.
„Vatnsmarkaðurinn í Kanada er stór en velta hans
nemur samtals 400 milljónum kanadískra dollara.
Neytendur eru íhaldssamir og því getur það tekið
tíma að ná þessari sölu. Hún getur líka orðið meiri,“
segir hann en bendir jafnframt á að vörur í hágæða-
flokki á borð við vatnið frá Icelandic Glacial njóti
vaxandi vinsælda ytra.
„Hann er bara rétt að byrja,“ segir Jón Ólafsson,
spurður um brennandi áhuga Finnsons á íslenska
vatninu. „Við erum í raun að halda aftur af honum,“
segir Jón en sala vatnsins hefur verið svo góð fram
til þessa í Bandaríkjunum að fyrirtækið annar ekki
eftirspurn. Fyrirtækið getur selt 90 gáma af flösku-
vatni á mánuði en 38.000 hálfs lítra vatnsflöskur
eru í hverjum gámi, að hans sögn.
FINNSON OG COREY BREUL Finnson hefur að markmiði að selja
vatn á flöskum undir merkjum Icelandic Glacial fyrir 10 milljónir
kanadískra dollara, jafnvirði tæplega 650 milljóna íslenskra króna.
MARKAÐURINN/STEFÁN
Vestur-Íslendingur flytur
íslenskt vatn til Kanada
Sala á íslensku vatni á flöskum undir vörumerki Icelandic
Glacial hefst í Kanada í lok mánaðarins. Selja á vatn fyrir
650 milljónir króna.
Lánasýsla ríkisins mun hefja
reglubundna útgáfu ríkisbréfa
til tveggja ára og ríkisvíxla til
þriggja mánaða til að styðja við
hagstjórn og bæta vaxtamyndun
á skuldabréfamarkaði.
Þórður Jónasson, forstjóri
Lánasýslunnar, segir að ríkissjóð-
ur sé að svara ákalli Seðlabankans
um að styrkja vaxtamyndunina á
styttri enda skuldabréfamarkað-
arins og mynda samfelldan feril
áhættulausra vaxta. „Við teljum
að með þessari aðgerð séum við
að tengja á milli tveggja tíma-
lengda, lengri ríkisbréfaflokka
og millibankavaxta sem mynda
skammtímavextina.“ Jafnframt
ætti aðgerðin að efla verðmynd-
un á markaðnum í heild.
Þórður telur að með þessari
aðgerð geti Seðlabankinn séð
glöggt hverjar væntingarnar eru
varðandi stýrivaxtabreytingar
og verðbólgu í framtíðinni.
Ríkissjóður á um 50 milljarða
króna í Seðlabankanum og þarf
ekki á lánsfé að halda. Nýja
markflokkakerfið mun aðallega
fela það í sér að löngum flokki
verðtryggðra spariskírteina,
sem gjaldfalla árið 2015, verð-
ur keyptur til baka en í staðinn
verða gefin út styttri, óverð-
tryggð bréf.
Lánasýslan áætlar að gefa út rík-
isbréf fyrir samtals 27 milljarða
króna á þessu ári. - eþa
ÞÓRÐUR JÓNASSON Nýtt markflokka-
kerfi ætti að efla skuldabréfamarkaðinn.
Verðmyndun skuldabréfa efld
Eignarhlutur Íslendinga í norska
fjármálafyrirtækinu Storebrand
er kominn í 7,4 prósent sam-
kvæmt nýjasta hluthafalista.
Hafa íslenskir aðilar aukið hlut
sinn jafnt og þétt á undanförnum
vikum en ekki er loku fyrir það
skotið að fleiri hlutir séu í vörslu
annarra aðila.
Glitnir er kominn í hóp 20 stærstu
hluthafa með 1,8 prósenta hlut
sem gerir hann að ellefta stærsta
eigandanum. Arion-verðbréfa-
varsla, sem er dótturfélag KB
banka, er skráð þriðji stærsti
hluthafinn með 4,56 prósenta
hlut en þessir hlutir eru geymd-
ir fyrir viðskiptabanka. Talið er
líklegt að stærstur hluti þessara
bréfa sé í eigu KB banka. Arion
hélt utan um 2,76 prósenta hlut
um áramót.
Norska ríkið er stærsti hluthafinn
með 10,78 prósenta hlut þannig
að eignarhald í Storebrand er
dreift.
Storebrand er eitt stærsta fjár-
málafyrirtæki Noregs og byggir
starfsemi sína á þremur kjörnum,
líftryggingarekstri, fjárfestinga-
bankastarfsemi og hefðbundinni
bankastarfsemi. Félagið hefur
verið á mikilli siglingu og skilaði
sextán milljarða hagnaði á síðasta
ári. Markaðsvirði bankans er um
215 milljarðar króna og stendur
verðmæti hlutabréfa íslenskra
aðila nálægt sextán milljörðum.
- eþa
SKRIFSTOFA STOREBRAND Í OSLÓ
Íslenskir aðilar eru áhugasamir um bankann
og eiga yfir sjö prósent.
Íslendingar kaupa
meira í Storebrand
Glitnir nýr á lista yfir stærstu hluthafa
SPRON hefur eignast meirihluta
í Midt Factoring sem sérhæfir
sig meðal annars í fjármögnun
viðskiptakrafna fyrir atvinnulíf-
ið. Á síðsta ári annaðist félagið
kröfur og fjármögnum krafna
að upphæð níu milljarðar króna.
Nafn félagsins verður framvegis
SPRON Factoring.
Kaupverð er ekki gefið upp en
Midt Factoring í Danmörku verð-
ur áfram hluthafi með fimmt-
ungshlut. Agnar Kofoed-Hansen
er framkvæmdastjóri SPRON
Factoring.
- eþa
Kaupir í
kröfufyrirtæki
Lysing_Sjónauki_5x100mm
Sérð þú tækifæri á vexti?
Fjármögnun í takt við þínar þarfir
Suðurlandsbraut 22
Glerárgötu 24-26
Sími 540 1500 Fax 540 1505
www.lysing.is
H
in
rik
P
ét
ur
ss
on
l
w
w
w
.m
m
ed
ia
.is
/h
ip
Tækifæri leynast allsta›ar!
"fiegar flú hefur komi› auga á atvinnu-
tækifæri sem hentar flínum flörfum,
getum vi› a›sto›a› me› sérsni›inni
rá›gjöf í bland vi› persónulega
fljónustu sem byggir á sérflekkingu
okkar í fjármögnun atvinnutækja."
Sveinn fiórarinsson
Rá›gjafi, fyrirtækjasvi›
Á morgun stendur
Íslensk-indverska við-
skiptaráðið og utanrík-
isráðuneytið fyrir morg-
unverðarfundi á Grand
hóteli. Þema fundarins
er viðskiptatækifæri á
Indlandi. „Ráðstefnan
er haldin nú til að
fylgja á eftir ferð við-
skiptasendinefndar til
Indlands í febrúarlok,
en þangað fóru fulltrúar
23 íslenskra fyrirtækja,“ segir
Sturla Sigurjónsson, sendiherra
Íslands á Indlandi, sem er stadd-
ur hér á landi til að vera við-
staddur ráðstefnuna.
Á ráðstefnunni verða
meðal annars tveir ind-
verskir frummælend-
ur, framkvæmdastjór-
inn Sonjoy Chatterjee
og SA Hasan, fulltrúi
Tata, einnar stærstu
fyrirtækjasamsteypu
Indverja. Þeir Geir
Gunnlaugsson, stjórn-
arformaður Promens,
og Þorvaldur Gylfason,
prófessor við Háskóla Íslands,
munu jafnframt segja frá
reynslu sinni og þekkingu af við-
skiptum við Indland. - hhs
STURLA
SIGURJÓNSSON
Sendiherra Íslands
á Indlandi
Viðskiptatækifæri á Indlandi