Fréttablaðið - 26.05.2006, Blaðsíða 70

26. maí 2006 FÖSTUDAGUR38
timamot@frettabladid.is
Tilkynningar um merkis-
atburði, stórafmæli,
andlát og jarðarfarir í
smáletursdálkinn hér að
ofan má senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma
550 5000.
MERKISATBURÐIR
1056 Fyrsti biskup Íslands, Ísleifur
Gissurarson, er vígður.
Hann sat í Skálholti.
1847 Jónas Hallgímsson skáld og
náttúrufræðingur lést.
1889 Fyrsta lyfta Eiffelturnsins er
opnuð almenningi.
1965 Ástralir senda átta hundruð
hermenn til Víetnam
þrátt fyrir hávær mótmæli
almennings.
1983 Ríkisstjórn Steingríms
Hermannssonar tekur við
völdum.
1986 Evrópubandalagið tekur
upp Evrópufánann.
1999 Enska knattspyrnuliðið
Manchester United vinnur
meistaradeild Evrópu og
þar með hina eftirsóttu
„þrennu“.
SAMUEL PEPYS (1633-1703),
LÉST ÞENNAN DAG.
„Furðulegt að sjá
hvernig góður kvöldverð-
ur og veisluhöld jafna
allan ágreining.“
Bretinn Samuel Pepys hélt
ítarlega dagbók sem gefin var út
eftir dauða hans.
Þennan dag árið 1963 mynduðu
32 Afríkuríki bandalag. Tilgangur
þessa var að gefa mannréttinda-
baráttu svartra í Afríku aukið
vægi með sameinuðu átaki
landanna.
Meginmarkmið var að afnema
stjórn hvítra víðs vegar um
álfuna. Aðildarríki bandalagsins
lögðust á eitt um að styðja með
vopnum og fjármunum baráttu
svartra fyrir frelsi og eðlilegum
réttindum í allri álfunni. Haile
Selassie Eþíópíukeisari var helsti
hvatamaður að stofnun samtak-
anna. „Megi þetta bandalag vaxa
og dafna í þúsund ár,“ sagði Selassie við fundar-
menn að loknum árangursríkum umræðum.
Á stofnfundinum var einnig rætt
um stöðu blökkumanna í Banda-
ríkjunum og lýsti bandalagið yfir
vonbrigðum með framgöngu lög-
reglu og stjórnvalda þar í landi.
Stofnun þessara samtaka skapaði
mikla samstöðu meðal almenn-
ings í Afríku, sem síðar leiddi til
gríðarlegra breytinga á stjórn-
skipan í allri álfunni. Angóla,
Suður-Afríka og Mosambík þurftu
sérstaklega á miklum umbót-
um að halda. Höfuðstöðvar
samtakanna voru í Addis Ababa,
höfuðborg Eþíópíu, þar sem
Haile Selassie, sem réttu nafni
hét Ras Tafari Makonnen, sat á valdastóli og stjórnaði
samtökunum.
ÞETTA GERÐIST: 26. MAÍ 1963
Afríkuríki taka sig saman
Á dögunum tók Ómar H. Kristmunds-
son við stjórnartaumum hjá Rauða
krossi Íslands. Ómar er ekki ókunnur
starfi Rauða krossins og var meðal ann-
ars í fjögur ár formaður Reykjavíkur-
deildar Rauða krossins.
„Verkefni Rauða kross Íslands eru
ótrúlega fjölbreytt. Flestir þekkja
alþjóðlegu verkefnin sem við tökum
þátt í en minna ber ef til vill á starfinu
innanlands þó það sé ekki síður mikil-
vægt,“ segir Ómar. Verkefnin eru að
sögn Ómars ekki af skornum skammti
enda að mörgu að huga bæði hér á landi
og annars staðar. „Rauði krossinn þarf
alltaf að huga að tvennu. Hann er mál-
svari þeirra sem höllum fæti standa og
ætlað að vinna að verkefnum til að
leysa úr vanda þess hóps. Auðvitað
getum við ekki alltaf leyst vandann en
þá er þeim mun mikilvægara að við
sinnum vel málsvarahlutverkinu.“
Að sögn Ómars felst í hlutverki for-
manns að leiða starf Rauða kross
Íslands samkvæmt stefnu félagsins,
samþykktum aðalfundar og ákvörðun-
um stjórnar. „Formaður stýrir fundum
stjórnar félagsins en henni er ætlað að
taka á öllum þeim stefnumálum sem
hreyfingin í heild vinnur að. Rauði
kross Íslands starfar í 51 deild en stjórn
og starfsfólk landsfélagsins sinnir sam-
eiginlegum verkefnum félagsins og
alþjóðastarfi.“
Ómar hefur starfað með Rauða
krossinum í nokkur ár og segist sjálfur
hálfpartinn hafa slysast inn í starfið.
„Ég hef alltaf haft mikinn áhuga á þeim
gildum sem Rauði krossinn stendur
fyrir. Þetta byrjaði í rauninni á því að
ég var beðinn um að starfa í nefnd á
vegum Reykjavíkurdeildarinnar og
þaðan varð ekki aftur snúið. Ég veit að
þetta á við um marga sem hafa áhuga á
þeim grundvallarmarkmiðum sem
félagið stendur fyrir að þeir fá eigin-
lega Rauðkrossbakteríuna. Menn losna
ekki við hana þegar þeir eru komnir inn
í hreyfinguna.“ Varla þarf að ítreka að
Ómar er mjög ánægður með að fá að
starfa með Rauða krossinum. „Bæði er
gott fólk sem starfar innan hreyfingar-
innar og svo eru verkefnin brýn og
áhugaverð.“
ÓMAR H. KRISTMUNDSSON: NÝR FORMAÐUR RAUÐA KROSS ÍSLANDS
Gott fólk og brýn verkefni
ÓMAR H. KRISTMUNDSSON Að mati Ómars er hann einn þeirra sem fékk Rauðakrossbakteríuna sem fólk losna ekki við fyrr en það kemst inn í hreyfinguna.
FRÉTTABLAÐIÐ/HÖRÐUR
BER VEL Í VEIÐI Í ARGENTÍNU
Margan Íslendinginn klæjar eflaust
í veiðifingurna og hlakkar til að
dusta rykið af flugustönginni þegar
laxveiðitímabilið hefst á ný þann
fyrsta júní. FRÉTTABLAÐIÐ/AP
Í dag geta Seltirningar og
aðrir velunnarar sundlaug-
arinnar á Seltjarnarnesi
tekið gleði sína á ný. Endur-
bótum er lokið á sundlaug-
inni og getur almenningur
því stungið sér þar til sunds
frá og með deginum í dag en
laugin er búin að vera lokuð
síðan í nóvember á síðasta
ári.
Breytingarnar eru bæði
innan dyra sem úti í laug og
felast meðal annars í nýjum
búningsklefum og endurbót-
um á þeim sem fyrir voru.
Útiklefum var einnig breytt
og nýjar flísar lagðar á sund-
laugarker. Börnin eru heldur
ekki látin afskipt því byggðir
hafa verið nýir barnapottar
auk þess sem ný rennibraut
og leiktæki fyrir börnin
verða tekin í notkun.
Árrisult áhugafólk getur
lagt leið sína í laugina strax
klukkan 6.50 þegar fyrstu
gestunum verður hleypt ofan
í endurbætta laugina. Laugin
er annars opin í dag, eins og
alla virka daga, til klukkan
20.30 og um helgar stendur
hún gestum opin frá klukkan
átta til 17.30.
Endurbætt laug á Nesinu
SUNDLAUG SELTJARNARNESS Myndin er tekin fyrir breytingarnar
JARÐARFARIR
10.30 Pálmi Guðmundsson
kennari, Lerkigrund 3, Akra-
nesi, verður jarðsunginn frá
Akraneskirkju.
14.00 Hallgrímur Guðjón
Sigurðsson, Bárugötu 22,
Akranesi, verður jarðsung-
inn frá Akraneskirkju.
AFMÆLI
Kristinn Björnsson
skíðamaður er 34 ára.
Jóhanna Vigdís
Arnardóttir leikkona
er 38 ára.
Jón Gunnarsson
alþingismaður er
47 ára.
Ragnhildur Helga-
dóttir fyrrverandi
þingmaður er 76 ára.
Alþjóðleg ráðstefna um
vöxt smásöluverslunar í
alþjóðlegu samhengi verð-
ur haldin í dag, föstudag, í
Háskóla Íslands. Ráðstefn-
an er samvinnuverkefni
viðskipta- og hagfræði-
deildar Háskóla Íslands og
breskra háskóla og er styrkt
af Bakkavör.
Fyrirlesarar eru bæði frá
Íslandi og Bretlandi. Ágúst
Einarsson og Örn Daníel
Jónsson prófessorar við við-
skipta- og hagfræðideild
halda fyrirlestra ásamt
þeim Neil Wrigley og Mark
Harvey sem einnig eru próf-
essorar. Frekari upplýsing-
ar um dagskrá má finna á
heimasíðu viðskipta- og hag-
fræðideildar. Ráðstefnan
hefst klukkan 9.00 í Odda,
stofu 101, og lýkur um
klukkan tólf. Hún fer fram á
ensku og er öllum opin.
Ráðstefna um
smávöruverslun
VERSLUN Í dag verður haldin alþjóðleg ráðstefna um vöxt smávöruversl-
unar.
Innilegar þakkir til allra þeirra sem sýndu
okkur samúð og hlýhug við andlát og
útför elskulegrar eiginkonu minnar, móður
okkar, tengdamóður, ömmu og langömmu,
Sædísar Sigurbjargar Karlsdóttur
frá Bóndastöðum, Hjaltastaðarþinghá.
Hörður Rögnvaldsson Katrín Rögn Harðardóttir
Margrét Elísabet Harðardóttir Jón Þór Daníelsson
Andrés Þórarinsson Ólafur Tryggvi Mathiesen
Ingibjörg Harðardóttir
barnabörn og barnabarnabörn.