Fréttablaðið - 02.06.2006, Blaðsíða 88

2. júní 2006 FÖSTUDAGUR56
FÓTBOLTI Laun leikmanna í ensku
úrvalsdeildinni eru nú loksins
farin að lækka hægt og bítandi
eftir stöðuga hækkun í áratug.
Frakkinn Thierry Henry er
kannski ekki farinn að finna fyrir
þessari lækkun en flestir aðrir
leikmenn í deildinni sjá laun sín
lækka lítillega eftir að veski þeirra
var farið að þenjast óhemju mikið
út. Þetta er gleðiefni fyrir fót-
boltaheiminn en fjárhagsstaða
félagsliða fer batnandi.
Nýr samningur Henry við Ars-
enal færir honum um 130.000 pund
í vikulaun og Michael Ballack,
landsliðsfyrirliði Þýskalands,
verður með eitthvað svipað hjá
Chelsea eftir að heimsmeistara-
mótinu lýkur. Samanlagður launa-
kostnaður í deildinni lækkaði um
heil þrjú prósent tímabilið 2004/05
samkvæmt skýrslu sem gefin var
út í gær. Annars staðar í Evrópu
fer launakostnaður einnig lækk-
andi og fór hann niður um tvö pró-
sent á Ítalíu.
Dan Jones, hjá endurskoðunar-
fyrirtækinu Deloitte, segir þetta
mjög jákvæða þróun á viðskipta-
hlið fótboltans. „Síðasta áratug
höfum við séð laun í ensku úrvals-
deildinni fara yfir öll mörk og
hækka um að meðaltali tuttugu
prósent milli ára. Nú er að komast
á meira jafnvægi milli innkomu
og útgjalda, ekki bara í Englandi
heldur í allri Evrópu. Ástandið
virðist vera mun betra en það var
fyrir fimm árum,“ sagði Jones.
Fjárhagur liða á Englandi er
bestur af öllum þjóðum Evrópu þó
ástandið fari ört batnandi á Ítalíu
og Þýskalandi. Tekjur liðanna í
Bundesligunni og Seríu-A hefur
hækkað um sautján og sextán pró-
sent en samkvæmt skýrslunni er
forysta Englands á peningalista
Evrópu afgerandi.
„Tekjumöguleikar enskra liða
virðast vera meiri en í öðrum
deildum í Evrópu. Það má fastlega
reikna með að fjárhagsstaða liða í
úrvalsdeildinni eigi eftir að styrkj-
ast enn frekar á komandi árum.
Sumir héldu að launakostnaður
myndi halda áfram að hækka
endalaust en nú hefur annað komið
í ljós, toppnum hefur verið náð,“
sagði Alan Switzer, einn af sér-
fræðingum Deloitte.
- egm
Launakostnaður minnkar
Samkvæmt nýrri skýrslu fara laun knattspyrnumanna lækkandi á ný. Fjárhags-
staða liða fer batnandi samfara því og á sú þróun eftir að halda áfram.
ÚT OG INN Michael Ballack mun fá góð laun hjá Chelsea sem að sama skapi fær háar
fjárhæðir úr sjónvarpssamningum. NORDICPHOTOS/AFP
FÓTBOLTI Fréttaskýringaþátturinn
„Newsnight“ varpaði sprengju
inn í breskt knattspyrnulíf í gær-
kvöldi með innslagi sínu um
enska félagið Arsenal. Ef innslag
þáttarins á við rök að styðjast er
ljóst að Arsenal hefur brotið lög
alþjóða knattspyrnusambands-
ins, FIFA, og gæti átt yfir höfði
sér harða refsingu. Brottvikning
úr meistaradeildinni er möguleg
refsing.
Þátturinn greindi frá því að
lögreglurannsókn í Belgíu hefði
leitt í ljós að Arsenal hefði lagt
eina milljón punda í belgíska
félagið Beveren. Arsenal neitar
ásökunum og segist ekki hafa
sett krónu í félagið. BBC hefur
aftur á móti undir höndum gögn
frá rannsóknaraðilum sem þeir
segja sanna sitt mál.
Arsenal á að hafa lagt pening-
ana inn hjá Beveren árið 2001 er
liðið var í miklum fjárhagsörðug-
leikum og félagið neitaði ávallt
að greina frá því hvaðan það
hefði fengið pening. Á sama tíma
losaði félagið sig við flesta belg-
íska leikmenn félagsins á kostn-
að leikmanna frá Fílabeinsströnd-
inni. Belgísk yfirvöld töldu í
fyrstu að þarna væri mafían að
verki og var því nokkuð brugðið
er þeir komust að því að pening-
arnir væru ættaðir frá Arsenal.
Beveren og Arsenal hafa verið
í samstarfi á undanförnum árum
um að spila æfingaleiki og lána
leikmenn en Arsenal hefur ávallt
neitað að hafa lagt peninga í
félagið. Belgísk yfirvöld sögðu
enn fremur í skýrslu að ákveðið
hefði verið að fara í viðskiptin
þar sem Arsene Wenger, stjóri
Arsenal, og Jean Marc Guillou,
framkvæmdastjóri Beveren,
ættu í mjög góðum samskiptum.
Sýndir hafa verið samningar sem
David Dein, yfirmaður knatt-
spyrnumála hjá Arsenal, hefur
skrifað undir og eigi að sanna
sekt Arsenal í málinu.
Arsenal sendi frá sér yfirlýs-
ingu í gær þar sem félagið hafnar
því að hafa nokkurn tímann átt
eitthvað í félaginu. Félagið viður-
kennir þó að hafa sett peninga í
Beveren árið 2001 en það hafi
eingöngu verið lán til að hjálpa
félaginu að ná fjárhagslegum
stöðugleika. - hbg
BBC flettir ofan af enska knattspyrnuliðinu Arsenal:
Arsenal gæti misst sæti sitt
í meistaradeild Evrópu
DAVID DEIN Öll spjót standa nú að yfir-
manni knattspyrnumála hjá Arsenal.
FÓTBOLTI Guido Rossi heitir maður-
inn sem fær það vandasama verk
að endurheimta orðspor ítalskrar
knattspyrnu eftir stöðugar fréttir
um svindl, mútur og ólögleg veð-
mál. Hann er nýtekinn við sem
forseti knattspyrnusambandsins
og hann játar að staðan sé verri en
hann hafði ímyndað sér.
„Ég átti ekki von á því að stað-
an væri svona rosalega slæm. Það
er ómögulegt að bæta fyrir þenn-
an skaða og við verðum að byggja
upp orðsporið á nýjan leik,“ sagði
Rossi sem vonar að ítalska lands-
liðið í knattspyrnu fái að vera í
friði á HM vegna málsins.
Rossi hitti Marcello Lippi
landsliðsþjálfara að máli á dögun-
um til að fara yfir stöðu mála í
ítalskri knattspyrnu en fastlega
má reikna með því að Ítalir verði í
mörg ár að hreinsa mannorð fót-
boltaheimsins.
Hinn nýi forseti ítalska knattspyrnusambandsins, Guido Rossi, opnar sig:
Staða knattspyrnumála verri
en ég hafði ímyndað mér
NÓG AÐ GERA Guido Rossi fær að vinna fyrir kaupinu sínu næstu árin.