Fréttablaðið - 17.07.2006, Blaðsíða 2
2 17. júlí 2006 MÁNUDAGUR
LÖGREGLUMÁL Lögreglan átti ekki í
miklum vandræðum með að ná
manni sem er grunaður um inn-
brot eftir að hún fékk upplýsingar
frá snjallri afgreiðslukonu. Konan
kom að ræningjanum þar sem
hann var að taka peninga úr
afgreiðslukassa í verslun þar sem
hún var að afgreiða við Fiskislóð.
Hún reyndi í fyrstu að hindra
manninn í því að stela peningun-
um en hann ýtti við henni og sló til
hennar með krepptum hnefa.
Afgreiðslukonan gafst þó ekki
upp og elti manninn út þar sem
hún sá hann keyra í burtu á bíl.
Tók hún niður bílnúmerið og
afhenti lögreglu ásamt öðrum
gagnlegum upplýsingum. Lögregl-
an handtók þann grunaða þremur
stundum síðar og færði hann á
lögreglustöð til yfirheyrslu. - at
Afgreiðslukona til aðstoðar:
Skráði bílnúm-
er ræningjans
LÖGREGLUMÁL Snarpar vindhviður
feyktu tveimur bílum út af vegin-
um í nágrenni við Borgarnes um
helgina. Fyrri bílveltan var við
Álftatunguafleggjara á Snæfells-
vegi og var ökumaður ásamt þrem-
ur farþegum í bílnum. Voru
farþegarnir fluttir undir læknis-
hendur eftir slysið en reyndust
ekki vera alvarlega meiddir.
Stuttu síðar valt seinni bíllinn
við Þjófaklöpp undir Hafnarfjalli.
Ein kona var í bílnum en hún slas-
aðist ekki. Konan hafði samband
við Fréttablaðið í gær og bað um
að komið yrði á framfæri þökkum
til þeirra sem aðstoðuðu hana eftir
óhappið. - at
Bílveltur við Borgarnes:
Vindurinn velti
tveimur bílum
LÖGREGLUMÁL Lögreglan hafði
hendur í hári manns sem grunað-
ur er um að hafa rænt verslun
Krónunnar í Mosfellsbæ, einungis
korteri eftir að talið er að maður-
inn hafi framið glæpinn.
Maður kom inn í verslunina
með trefil fyrir andlitinu, ógnaði
afgreiðslustúlku með hnífi og
hafði á brott með sér talsvert fé.
Korteri síðar var sá grunaði hand-
tekinn á gangi ekki langt frá, vopn-
aður hnífi. Tæpri klukkustund
síðar voru fimm meintir vitorðs-
menn hans handteknir í heimahúsi
í nágrenninu.
Yfirheyrslu yfir mönnunum
verður fram haldið í dag. - at
Lögreglan snör í snúningum:
Handtekinn á
15 mínútum
LÖGREGLUMÁL Bílbelti björguðu því
að ekki fór verr þegar bíll valt af
veginum í Mjóafirði í Ísafjarðar-
djúpi. Fernt var í bílnum þegar
óhappið átt sér stað um kvöldmat-
arleytið á laugardaginn. Kom fólk-
ið sér sjálft út úr bílnum og kallaði
á aðstoð eftir að bílinn hafði farið
eina veltu af veginum.
Ökumaður bílsins er nýlega
kominn með bílpróf og missti
stjórn á bílnum á malarkafla sem
er á veginum í Mjóafirði. Farþeg-
arnir voru einnig ungir að árum en
gleymdu ekki að hafa beltin spennt
og sluppi því allir ómeiddir. - at
Bílvelta í Ísafjarðardjúpi:
Ungur öku-
maður veltir bíl
SUÐUR-KÓREA, AP Norður-Kóreu-
menn ætla ekki að hætta tilraun-
um sínum með langdrægar eld-
flaugar, þrátt fyrir ákvörðun
Öryggisráðs Sameinuðu þjóð-
anna um refsiaðgerðir gegn
þeim.
Ekki liðu nema 45 mínútur frá
því að Öryggisráðið samþykkti
ályktun sína á laugardagskvöld,
þar til norðurkóresk stjórnvöld
sendu frá sér opinbera yfirlýs-
ingu sem hafnaði því algerlega
að þau myndu hætta eldflauga-
prófunum sínum. Jafnframt
sögðu þau ályktunina vera und-
anfara endurvakins Kóreustríðs.
Öryggisráðið mun nú setja
takmarkað viðskiptabann á Norð-
ur-Kóreu, en því er ætlað að koma
í veg fyrir að Norður-Kóreumenn
geti keypt þau efni sem notuð eru
til að smíða eldflaugar.
Kínverjar og Rússar komu í
veg fyrir að í ályktunina væri
sett ákvæði um að beita mætti
vopnavaldi til að tryggja að bann-
inu yrði fylgt.
Í byrjun júlí skutu Norður-
Kóreumenn sjö langdrægum eld-
flaugum, en sú öflugasta þeirra
er talin geta náð til Alaska. Til-
raunaskotin ollu miklum áhyggj-
um meðal stjórnvalda annarra
landa, ekki síst í Asíu.
- smk
Norður-Kórea um ályktun Öryggisráðs Sameinuðu þjóðanna:
Ætla ekki að hætta tilraunum
SPRENGJUEFTIRLÍKINGAR Ferðamaður
skoðar eftirlíkingar af eldflaugum Norður-
Kóreumanna á safni í Suður-Kóreu.
FRÉTTABLAÐIÐ/AP
KJARAMÁL Félag íslenskra flugum-
ferðarstjóra hefur sent frá sér
ályktun þar sem skorað er á Sturlu
Böðvarsson samgönguráðherra að
afnema núverandi vaktakerfi í
flugstjórnarmiðstöðinni. Í álykt-
uninni eru yfirmenn Flugmála-
stjórnar sakaðir um að „ganga
hart fram í að rjúfa friðinn, stjórna
með valdboði og eitra þannig and-
rúmsloft á vinnustaðnum.“ Álykt-
unin var samþykkt á félagsfundi
þann 10. júlí.
Félagið fór í mál við ríkið eftir
að Flugumferðarstjórn breytti
vaktaskipulagi starfsmanna Flug-
stjórnarmiðstöðvarinnar í Reykja-
vík án samráðs við starfsmenn og,
að sögn félagsins, þvert á ákvæði í
kjarasamningum sem sagði að
vaktavinnustarfsmenn ættu rétt á
tveimur samfelldum frídögum í
hverri viku.
Félagsdómur komst að þeirri
niðurstöðu að samfelldur frídag-
ur gæti hafist hvenær sem er sól-
arhringsins, sem félagið segir
aðra túlkun á hugtakinu en var við
lýði þegar samningarnir voru
gerðir.
„Það hefur ekkert breyst í
okkar afstöðu til málsins þó við
höfum tapað því fyrir félagsdómi,
þetta er jafn slæmt kerfi að okkar
mati,“ segir Loftur. „Það sem í
rauninni hefur gerst er að öll
okkar vinnutímamál eru í upp-
námi. Félagsdómur er að gefa
Flugmálastjórn algjörlega frjáls-
ar hendur til að ráðstafa okkar
vinnutíma þar sem eru engin tak-
mörk önnur en þau að menn fái
vikulega 48 stunda frí sem getur
byrjað hvenær sem er sólarhrings-
ins. Við getum ekkert annað gert
en að hlíta lögum en lögfræðingur
okkar eru að skoða aðrar lagaleg-
ar hliðar á málinu.“
Hann segir andrúmsloft á
vinnustaðnum hafa versnað mikið.
„Það er álag á menn að vera beittir
valdi þó það sé löglegt; að okkar
mati er valdbeiting alltaf siðlaus.
Allt líf manna er í uppnámi ef þeir
geta ekki stólað á það hvernig þeir
eigi að skila sínum vinnutíma.“
Hjördís Guðmundsdóttir, upp-
lýsingafulltrúi Flugmálastjórnar,
vildi ekki svara þeim ásökunum
Félags íslenskra flugumferðar-
stjóra á hendur Flugmálastjórn sem
koma fram í ályktuninni. Hún segir
eðlilegra að samgönguráðuneytið
gefi álit sitt á bréfinu þar sem því
sé beint til samgönguráðherra.
Ekki náðist í Sturlu Böðvarsson
samgönguráðherra vegna málsins
þrátt fyrir ítrekaðar tilraunir.
salvar@frettabladid.is
Yfirmenn sagðir
stjórna með valdboði
Flugumferðarstjórar skora á samgönguráðherra að afnema núverandi vakta-
kerfi þeirra. Þeir segja yfirmenn Flugmálastjórnar stjórna með valdboði og
eitra andrúmsloft á vinnustaðnum. Flugmálastjórn svarar ekki ásökununum.
FLUGUMFERÐARSTJÓRAR AÐ STÖRFUM Formaður Félags íslenskra flugumferðarstjóra segir félagsdóm hafa gefið Flugmálastjórn frjálsar
hendur til að ráðstafa vinnutíma þeirra. Andrúmsloft meðal starfsmanna hafi versnað til muna eftir að reglunum var breytt.
BÍLSLYS Stúlkan sem slasaðist lífs-
hættulega í bílslysi við Varmahlíð
í Skagafirði á dögunum er komin
til meðvitundar að sögn læknis á
gjörgæsludeild Landspítala -
háskólasjúkrahúss.
Stúlkan er enn þungt haldin en
ástand hennar er stöðugt að sögn
lækna. Hún er enn í öndunarvél.
- æþe
Bílslysið við Varmahlíð:
Stúlkan komin
til meðvitundar
LÍBANON, AP Átökin héldu áfram í
Líbanon í gær og fórust minnst 23
manns í þeim. Þar af voru átta
kanadískir ríkisborgarar sem voru
í sumarfríi í Líbanon. Loftárásir
Ísraela í Líbanon hafa nú banað
yfir 120 manns á fimm dögum og
sært hundruð manna. Flest fórnar-
lömbin eru óbreyttir borgarar og
meðal þeirra eru fjölmörg börn.
Liðsmenn Hizbollah vörpuðu
sprengjum á ísraelsku borgina
Haifa í gær, með þeim afleiðing-
um að átta manns fórust, en nú
hafa tólf óbreyttir ísraelskir borg-
arar farist í árásum Hizbollah og
tólf hermenn. Ísraelar sögðu
sprengjurnar hafa komið frá Sýr-
landi, en stjórnvöld þar hafa hótað
hörðum viðbrögðum, ráðist Ísrael-
ar á landið.
Árásir Ísraela hófust á mið-
vikudag eftir að liðsmenn Hiz-
bollah tóku tvo ísraelska hermenn
höndum og kröfðust fangaskipta
við Ísrael, sem ísraelsk yfirvöld
höfnuðu.
Ekki náðist samkomulag í
Öryggisráði Sameinuðu þjóðanna
um að kalla til vopnahlés milli
Ísraela og Hizbollah, eins og for-
sætisráðherra Líbanons hefur
beðið um, og saka Líbanar Banda-
ríkjamenn um að hindra að tillag-
an verði samþykkt.
Leiðtogar stórvelda heims, sem
funduðu í Pétursborg í Rússlandi í
gær, sendu frá sér ályktun, þar
sem þeir kenna öfgamönnum um
að hefja árásirnar, en hvöttu Ísra-
ela til að hætta öllum hernaðarað-
gerðum í Líbanon og á Gaza-svæð-
inu.
Hundruð Evrópubúa flúðu Líb-
anon í gær, bæði landleiðis og sjó-
leiðis, en landleiðin þykir afar
ótrygg því Ísraelar hafa varpað
sprengjum á vegakerfi landsins.
- smk
Ekki náðist samkomulag í Öryggisráði Sameinuðu þjóðanna um vopnahlé:
Fólk flýr Líbanon í hrönnum
ÍSRAELAR SKJÓTA Ísraelskir hermenn skjóta
eldflaugum á Líbanon. FRÉTTABLAÐIÐ/AP
GAZA-SVÆÐIÐ, AP Ísraelar héldu
áfram árásum sínum á Gaza-
ströndina í gær og réðust meðal
annars aftur inn í norðurhluta
svæðisins. Í eldflaugarárásum
þeirra og skotbardögum við vopn-
aða Palestínumenn fórust sex Pal-
estínubúar, þar af einn óbreyttur
borgari. Meðal hinna sem lágu
sárir eftir voru eitt barn og tveir
blaðamenn, annar palestínskur og
hinn japanskur.
Ísraelsher réðst inn á Gaza-
svæðið eftir að palestínskir víga-
menn tóku ísraelskan hermann
höndum í lok júní og fóru fram á
fangaskipti við Ísrael. Ísraelar
féllust ekki á það og hefur herinn
síðan haldið uppi stöðugum árás-
um á Palestínu. - smk
Árás Ísraela á Palestínu:
Skotárásir
halda áfram
BYGGING SPRENGD Björgunarstarfsemi í
rústum húss sem Ísraelar sprengdu í loft
upp í Gazaborg á laugardag.FRÉTTABLAÐIÐ/AP
SPURNING DAGSINS
Sturla, ert þú guðfaðir FH-
mafíunnar?
„Nei, það held ég ekki. Það er miklu
frekar Árni Karlsson sem er guðfaðir
mafíunnar.“
Sturla Jensson er rekstrarstjóri nýs veitinga-
staðar í Hafnarfirði sem ber nafnið Bada
Bing eftir strippbúllu Tonys Soprano úr The
Sopranos. FH-mafían, stuðningsmannaklúbb-
ur FH, venur komur sínar á staðinn.
LÖGREGLA Lögreglumaður í Grinda-
vík var bitin af ökumanni snemma í
gærmorgun. Var maðurinn stöðvað-
ur vegna gruns um ölvunarakstur
en tók svo illa í afskipti lögreglunn-
ar að hann læsti tönnunum í einn
lögreglumanninn. Ökumaðurinn
var handtekinn í kjölfarið og færð-
ur á lögreglustöðina í Keflavík.
Samkvæmt upplýsingum frá lög-
reglunni í Keflavík var bitið ekki
svo alvarlegt að lögregluþjónninn
þyrfti sérstakrar meðferðar við.
Algengt er að lögreglumenn fái smá
skrámur við handtökur og alls ekki
í fyrsta sinn sem ósáttir einstakl-
ingar bíta lögreglumenn sem hafa
af þeim afskipti. - at
Afskiptum lögreglu tekið illa:
Lögregla bitin
í Grindavík
Líkamsárás við Mótel Venus Flytja
þurfti mann á sjúkrahús í Reykjavík eftir
líkamsárás á Mótel Venus í Borgarfirði.
Ekki er vitað um líðan mannsins en að
sögn lögreglunnar í Borgarnesi blæddi
honum mikið og því var ákveðið að
flytja hann til Reykjavíkur á sjúkrahús.
LÖGREGLUFRÉTTIR