Fréttablaðið - 17.07.2006, Blaðsíða 48

17. júlí 2006 MÁNUDAGUR32
– Mest lesið
Þetta gæti tekið tíma
Er fasteignin þín ekki í mest lesna fasteignablaðinu?
Þegar hægist um á fasteignamarkaði er mikilvægara en nokkru sinni að auglýsa
á besta staðnum. Samkvæmt nýjustu könnun Gallup* lesa 40% fleiri Íslendingar á
aldrinum 25–49 ára Allt-fasteignir en Fasteignablað Morgunblaðsins. Vertu viss
um að eignin þín nái athygli sem flestra!
*Samkvæmt könnun Gallup, maí 2006
F
í
t
o
n
/
S
Í
A
„Ég er nýbúin að gera upp húsið mitt en ef ég gæti þá myndi ég selja það og
kaupa Lambhól, sem er húsið sem stendur eitt við Ægisíðuna. Mér finnst það
vera fallegasti staðurinn í Reykjavík,“ segir Kristín Eysteinsdóttir sem er þessa
dagana að leikstýra leikritinu Penetraitor sem frumsýnt verður næstkomandi
þriðjudag. „Það eru svalir sem snúa að sjónum og ósnert náttúra fyrir utan.
Ég held það sé frábært að eiga fullt af börnum og ala þau upp þarna.“
Kristín hefur greinilega hugann við leikhúsið og sér ótal möguleika í hús-
inu. „Þar sem þetta er svo stórt hús myndi ég hafa tilraunaleikhús í kjallaran-
um og vinna með mismunandi leikhópum. Svo myndi ég hafa tónlistarstúdíó
og þar sem það eru engir nágrannar til að kvarta undan hávaða myndi ég
halda tónleika í húsinu líka. Ég myndi að sjálfsögðu gera það upp eftir eigin
höfði. Hafa stóra glugga og stórar svalir til að njóta fallega útsýnisins. Mér
finnst allt of algengt að fólk meti ekki útsýnið sem það hefur. Ég hef náttúru-
lega aldrei komið inn í þetta hús þannig að ég veit ekki hvernig það lítur út
að innan en ég myndi vilja hafa viðargólf, gaseldavél og svo er ég voða hrifin
af svona svefnlofti.“
Kristín hefur miklar hugmyndir um húsið og biður því fyrir skilaboðum til
eigendanna. „Ef þið eruð að lesa þá vitið þið allavega að ég er til í að kaupa
húsið,“ segir Kristín að lokum.
DRAUMAHÚSIÐ MITT: KRISTÍN EYSTEINSDÓTTIR DRAMATÚRG OG LEIKSTJÓRI
Tilraunaleikhús í kjallaranum
Kristín Eysteinsdóttir vill búa við sjóinn með óspillta
náttúru í kringum sig. FRÉTTABLAÐIÐ/HEIÐA
Hallgrímskirkja stendur á Skólavörðu-
holtinu og sést víða að af höfuðborg-
arsvæðinu. Hún er einn vinsælasti
útsýnisstaður ferðamanna og er
áætlað að um 200 þúsund manns
komi í kirkjuna á ári hverju. Turn kirkj-
unnar er 74,5 metra hár og er hann því
hæsta, óstagaða mannvirki landsins.
Hallgrímskirkja var teiknuð af arki-
tektinum Guðjóni Samúelssyni og er
lögun kirkjunnar afar sérstök. Ekki
er vitað til þess að Guðjón hafi sótt
fyrirmynd að henni til annarra landa.
Hallgrímskirkja var 41 ár í byggingu
en framkvæmdir hófust árið 1945 og
var kirkjan vígð árið 1986. Byggingin
er nefnd eftir Hallgrími Péturssyni
sálmaskáldi til minningar um hann.
HALLGRÍMSKIRKJA
Margt bendir til að það dragi úr
framkvæmdum á íbúðabygging-
um á næsta ári. Þetta er niður-
staða byggingaraðila innan Sam-
taka atvinnulífsins og Samtaka
iðnaðarins. Ályktunin er í hróp-
andi mótsögn við spár Seðlabank-
ans að fjárfesting í íbúðarhúsnæði
aukist um 3,8 prósent á næsta ári.
Talsmenn samtakanna rekja þenn-
an samdrátt til þverrandi eftir-
spurnar eftir húsnæði. - rve
Spám Seðla-
banka hafnað
Seðlabanki Íslands
Háskólinn leigir
Morgunblaðshúsið
HÁSKÓLI REYKJAVÍKUR ER NÝJASTI
LEIGJANDINN AÐ MORGUNBLAÐS-
HÚSINU VIÐ KRINGLUNA.
Háskóli Reykjavíkur er nú kominn
með sitt þriðja húsnæði en skólinn
stækkar nú við sig og leigir út
húsnæði Morgunblaðshússins við
Kringluna. Skólinn hefur einnig
aðsetur í Ofanleiti og að Höfða-
bakka. Starfsemi blaðsins var
flutt úr húsinu fyrir skömmu en
Háskólinn hefur gert leigusamning
fram til ársins 2009. Áætlað er að
verkfræði- og tölvunarfræðideildir
skólans verði þar til húsa auk
Nýsköpunarmiðstöðvar atvinnulífs-
ins sem staðsett verður á þriðju og
fjórðu hæð.
Háskólinn í Reykjavík er nýr leigjandi
Morgunblaðshússins við Kringluna.
FRÉTTABLAÐIÐ/HARI
SELDAR EIGNIR Á
HÖFUÐBORGARSVÆÐINU*
*þinglýstir kaupsamningar, heimild Fasteignamat ríkisins.
300
250
200
150
100
50
0
FJÖLDI
26/5-
1/6
175
2/6-
8/6
112
9/6-
15/6
120
16/6-
22/6
202
23/6-
29/6
117
30/6-
6/7
121