Fréttablaðið - 17.07.2006, Blaðsíða 12
17. júlí 2006 MÁNUDAGUR12
nær og fjær
„ORÐRÉTT“
„Við rekum reyklaust kaffihús hér á
Kaffi Hljómalind en mér þætti vænt
um það að eigendur veitingahúsa
gætu ákveðið slíkt sjálfir í stað þess
að fá tilskipanir frá ríkisvaldinu,“ segir
Þórarinn Einarsson, einn rekstrar-
aðila Kaffi Hljómalindar, aðspurður
um hvernig honum lítist á allsherjar
reykingabann á veitinga-, kaffi og öld-
urhúsum, sem á að taka gildi næsta
sumar í Reykjavíkurborg.
„Það þykir að vísu minna arðbært
að hafa kaffihúsið sitt reyklaust og
skiljanlegt að flestir staðir í þessari
atvinnugrein séu nokkuð reykmett-
aðir en mér þykir sú forsjárhyggja að
banna reykingar alfarið vera röng.
Það væri illskárra ef ríkið myndi
verðlauna þá staði sem með ein-
hverjum hætti stuðla að heilbrigðum
lífsháttum.
Best væri þó að fyrirtæki tækju
kaffihús eins og Kaffi Hljómalind sér
til fyrirmyndar með því að einblína
ekki á það að skila sem mestum
gróða, heldur að stuðla að bættu og
heilbrigðara samfélagi.“
ÞÓRARINN EINARSSON EINN
REKSTRARAÐILA KAFFI HLJÓMALINDAR
SJÓNARHÓLL
REYKINGABANN Á VEITINGASTÖÐUM OG ÖLDURHÚSUM
Óþarfa forsjárhyggja
„Ég hef notað tímann undanfarið til að sanka að
mér grösum hér í Borgarfirðinum fyrir veturinn,
til að setja í te og búa til olíur og krem og annað
græðandi og þess háttar,“ segir Jónína K. Berg,
Þórsnesingagoði, lithimnufræðingur og arómaþer-
apisti. „Það er hægt að greina í augum mann-
eskju hvernig ástand líkamans er,“ svarar Jónína
aðspurð um hvað felist í lithimnufræðinni.
Hún segir fjölskrúðugt plöntulíf að finna í Borg-
arfirðinum og að tínslan hafi gengið vel. „Það er
árstíðabundið hvenær sumar jurtir eru í vexti.
Núna er ég aðallega að tína blágresi, elftingu
og blóðberg.“ Jónína er ekki í nokkrum vafa um
áhrifamátt náttúrunnar og segir jurtir margra
meina bót. „Það er alltaf til góðs að geta nýtt sér
fleiri aðferðir til að halda jafnvægi. Eftir því sem
aðferðunum fjölgar er líklegra að maður finni
jafnvægið,“ segir Jónína.
Fyrir nokkrum dögum gerði Jónína sér ferð
út á Snæfellsnes til að skoða svæðið og upplifa
orkuna sem þar er að finna í ríkum mæli á viss-
um stöðum, að sögn Jónínu. „Þar er mjög
sérstök orka og síðan er jarðfræðiflór-
an þarna svo ótrúleg. Þar eru ótal
sýnishorn af bergtegundum,“ segir
Jónína orkubolti.
Á næstu dögum stendur til hjá
Jónínu að fara til Færeyja, þaðan sem
hún á ættir að rekja. „Ég er hálfur
Færeyingur í föðurættina og ég ætla
að heimsækja ættingja mína þangað
og rifja upp gömul kynni,“ segir Jónína.
Ættingjarnir í Færeyjum eru margir
að sögn Jónínu og ber hún
vistinni þar mjög góða sög-
una. „Til Færeyja er alltaf svo
gott að koma. Fólkið þar er
ótrúlega gestrisið og tekur
svo vel á móti öllum,“ segir Jónína. „Svo hlakka ég
mikið til að fara á Ólafsvökuna, en ég hef ekki
verið í Færeyjum áður á sama tíma og hún
er,“ en helst má líkja Ólafsvöku Færeyinga
við verslunarmannahelgina hér á landi.
Ásamt því að skemmta sér í Færeyjum
ætlar Jónína að mæla sér mót við fólk
sem er áhugasamt um ásatrúna, en hún
er einmitt goði fyrir Vesturland. „Ég hef
haldið blót árlega á Vesturlandi undanfar-
in tólf ár sennilega og hafa þau ávallt verið
nokkuð vel sótt. En þau hafa verið öllum
opin, ekki bara þeim sem eru skráðir í
Ásatrúarfélagið,“ segir goðinn.
Jónína ætlar að halda
haustblót á haustjafndægrum
23. september næstkomandi
og segir að vel verði tekið á móti
öllum.
HVAÐ ER AÐ FRÉTTA? JÓNÍNA KRISTÍN BERG ÞÓRSNESINGAGOÐI
Hlakkar til að kíkja á Ólafsvökuna
Karlar sauma líka
„Í fyrra komu til dæmis
nokkrir karlmenn til að
læra að sauma sér þjóð-
búninga.“
HEIÐUR VIGFÚSDÓTTIR, FOR-
MAÐUR RITNEFNDAR HEIMIL-
ISIÐNAÐARFÉLAGS ÍSLANDS,
SEGIR FÉLAGIÐ EKKI VERA
KVENNAKLÚBB. FRÉTTABLAÐIÐ,
16. JÚLÍ.
Viðkunnanlegir
popparar
„Þessi heimur finnst mér
hafa verið frekar við-
kunnanlegur en hitt.“
KATRÍNA MOGENSEN, SÖNG-
KONA HLJÓMSVEITARINNAR
MAMMÚT, ER EKKI SAMMÁLA
ÞVÍ AÐ ÍSLENSKI TÓNLISTAR-
HEIMURINN SÉ HARÐUR. BLAÐ-
IÐ, 15. JÚLÍ.
Í ár, líkt og undanfarin ár, birtir
Landssamband Veiðifélaga viku-
legar aflatölur á heimasíðu sinni.
Tölurnar eru úr 25 laxveiðiám og
eru uppfærðar fyrir hádegi alla
fimmtudaga.
„Menn hafa mikinn áhuga á því
hvernig veiðin gengur í þeim ám
sem eru í uppáhaldi hjá þeim eða
sem þeir eru á leiðinni að fara að
veiða í. Þeim þykir gott að vita
hvenær veiðin byrjaði, á hversu
margar stengur verið er að veiða
og svo framvegis,“ segir Þorsteinn
Þorsteinsson, umsjónarmaður síð-
unnar www.angling.is. Þorsteinn
segir að veiðimenn sem og veiði-
réttareigendur geti notað þessar
tölur sér til gagns og gamans.
„Veiðiréttareigendur geta séð
hvernig þróunin er í öðrum ám í
svipuðum flokki og áttað sig á því
hvar þeir standa í samkeppninni,“
segir Þorsteinn.
Tölurnar er að finna til hægri á
forsíðu íslensku útgáfu angling.is.
Hægt er að smella á tengilinn „Meiri
upplýsingar“ þar sem skýrt er frá
veiðitölum eins og þær voru vikuna
á undan og tölur frá sambærilegum
degi sumarið áður. Þá er þar einnig
að finna upplýsingar um upphafs-
dag veiði, stangafjölda í einstökum
ám, lokatölur síðasta árs, sem og
meðalveiði síðustu tíu ára.
„Þetta eru upplýsingar sem
fólk þarf að hafa aðgang að,“ segir
Þorsteinn, sem bætir við að á síð-
unni sé einnig að finna mikið af
öðrum fróðleik um veiðimál.
Laxveiðitölurnar á netinu
VEITT Í GRÍMSÁ Samkvæmt tölum á angling.is var búið að veiða 164 laxa í Grímsá og
Tunguá síðasta fimmtudag.